School of Mudanism

Markaad naftaada dhisto, tacliin iyo waqti badan galiso, isku kalsoonaato ayay dad iyo duunyaba ku hoos cararayaan. Si kale u dhig, waa halka ay Soomaalidu ka yiraahdaan "qofkii naftiisa sharfo ayaa shariif ah."

Marka adiga isu cimmaamad awoowe. Cid kale ictiraaf ha ka sugin.

-Mudanist

Aniga oo diyaarinaya koorso ku saabsan isbeddellada lagu sameyn karo hay'adaha dowliga si shacabka loo gaarsiiyo adeegyada bulsho (public services) ayaa waxaan ku dul kufay wareysigan lala yeeshay duqii h**e ee magaalada Medellin ee dalka Colombia 🇨🇴

Waxaa aad ii soo jiitay qaybtan yar ee uu kaga hadlayo qorshihiisii iyo sababihii uu ku xushay kooxdii la shaqeyneysay. Wuxuu yiri "waan aqaanay waxa aan qaban doono maalintii aan xukunka gacanta ku dhigay. Yacni, qorshe cad ayaan watay ka hor xukunka. Arrinta kale ee muhiimka ah waxay tahay waxaan xushay koox ila fulisa qorshahayga, iyaga oo iga caawinaya in aan ka dhabbeeyo riyadayda. Si Kooxdaas aan u helo waxaan tixgeliyey shantan astaamood ee hoos ku xusan:
1. Daacadnimo.
2. In ay yihiin dad aqoon iyo farsamo ahaan dhisan oo yaqaana hawlaha hortebinta inoo leh.
3. In ay fahamsan yihiin deegaanka ama magaalada laga shaqeynayo: shacabka degan, dhaqankooda, heerka nolosha, waxbarashada, dhaqaalaha iwm.
4. In ay ka go'an tahay, ku qanacsan yihiin, una hamuun qabaan fulinta hawlaha ina horyaalla.
5. Akhlaaq wanaagsan, bulshada dhexdeeda miisaan ku leh, moraal ahaan dhisan.

Intaas marka laga soo tego, dhallinyarada ku cusub siyaasadda waxaan kula talinayaa in ay akhriyaan buugga "The first 90 days." Waxa uu ka hadlayaa talaabooyinka aad qaadi karto saddexda bilood ee ugu horreyso marka xil dowladeed laguu magacaabo.

-Mudanist

Waxaa jirta saddex arrimood oo caqabad weyn ku ah in aad guulaysato, horayna u socoto:

1. In aad ku qanacdo meesha aad hadda joogto. Yacni, waxaad arkeysaa qof toban sano ka badan hal meel ka shaqeynayo, haddana wax horumar ahna aan gaareyn. Jug jug meeshaada iska joog.
2. In aad aaminto wax la dhaho "waxba lama qaban karo."
3. In aad wax ku raadiso waddo sahlan oo fudud. Yacni, ma jirto guul bilaash ah oo si fudud isaga imaanaysa. Ugu yaraan, waa in loo maraa jid qardajeex ah, qodax badan leh.

Intaas marka laga soo tego, adiga maxaad ku dari lahayd?

-Mudanist

Buugaagta uu qoray Niccolo Machiavelli waxaa ugu caansan The Prince laakiin waxaa jira buug kale oo la dhaho 'Discourses on Livy.' Cutubkiisa 17aad waxaa ku qoran xikmad oranaysa "Xil ha u magacaabin qof dhaawacan (cuqdadeysan) waayo berri waxa uu awooddiisa u isticmaali doonaa in uu kugu dhibaateeyo." Yacni, qof markiisii h**e la soo qaraabtay kooxdii NN ee laga adkaaday haddii aad xil qaran u dhiibato waxaa suuragal ah in uu karfantaada tolo. Waayo weli waxa uu la nool yahay xusuustiisii h**e.

"Do not empower a person whom have offended or hurted in the past... that one individual shouldn't be offended then that same one sent to an administration and governance of importance."

-Mudanist