Midowga ardayda dugsiga Kuwait

Hambalyada Maalinta Shaqaalaha Aduunka: 1-da May 2026

Maanta oo ay taariikhdu ku beegan tahay 1-da May, maamulka iyo shaqaalaha Iskuulka Ubayi Bin Kacab Primary & Secondary waxay hambalyo diirran u dirayaan dhammaan shaqaalaha Soomaaliyeed iyo kuwa caalamka.

Shaqadu waa laf-dhabarta horumarka, adkeysiga shaqaaluhuna waa waxa suurtageliya mustaqbal ifaya. Waxaan si gaar ah u bogaadinaynaa macalimiinta iyo hawl-wadeennada iskuulkeena ee u hibeeyay waqtigooda iyo aqoontooda barbaarinta jiilka barito.

•Hadafkeena: Inaan dhisno aqoon iyo xirfad horseedda isbeddel dhab ah.

•Farriinteena: "Wadajir ayaynu u dhisaynaa mustaqbalka!".

Waxaan qof kasta oo shaqeeya u rajaynaynaa guul, barwaaqo, iyo horumar joogto ah.

🌙 CIID MUBAARAK 🌙

Maamulka, macallimiinta iyo dhammaan ardayda Dugsiga Hoose, Dhexe iyo Sare ee Ubaya Binu Kacab (Ex Kuwait) waxay hambalyo iyo bogaadin u dirayaan guud ahaan ummadda Soomaaliyeed meel kasta oo ay joogaan munaasabadda barakeysan ee Ciidda.

Ciiddu waa maalin farxad, midnimo iyo is cafis, waa maalin la xoojiyo xiriirka qoyska, deriska iyo bulshada. Sidaas darteed, waxaan idin rajeynaynaa in aad ku qaadataan maalmahan barakeysan farxad, nabad iyo jacayl.

Ciid Wanaagsan, Ciid Barakeysan
Meel kasta aad joogtaan, nabad ku ciida.

🌙 Hambalyo Bisha Barakeysan ee Ramadaan

Maamulka, macallimiinta iyo ardayda Dugsiga Ubaya Bin Kacab waxay hambalyo diirran u dirayaan dhammaan ummadda Muslimiinta munaasabadda bisha barakeysan ee Ramadaan. Waxaan idiin rajaynaynaa cibaado suuban, caafimaad, nabad iyo barwaaqo.

Allaha naga aqbalo soonka, salaadda iyo camalka kheyrka ah, hana ka dhigo bishan mid keenta midnimo, naxariis iyo horumar bulsho. Ramadaan Kariim 🌙

OGEYSIIS MUHIIM AH

OG:Maamulka Dugsiga Ubaya bin kacab ex Kuwait

KU:Dhamaaan bahda Waxbarashada dugsiga

UJEEDO: gaaban

Maamulka Dugsiga Ubaya Bin Kacab wuxuu ogeysiinayaa dhammaan ardayda, macallimiinta iyo waalidiinta in la raacayo amarka ka soo baxay Wasaaradda Waxbarashada, Hiddaha Iyo Tacliinta Sare oo amartay dhammaan howlaha waxbarasho ee dugsiga in la hakiyo muddo gaaban

Fasaxu wuxuu bilaabanayaa beri oo Axad ah taariikhdu tahay 21-12-2025, waxaana dib loo soo laabanayaa 27-12-2025, Insha’Allah.

Fasaxan wuxuu si rasmi ah u quseeyaa:qeebaha Kala duwan ee dugsiga sida 👉
•Qeybta Subax –
•Qeybta Galab –
•Qeybta Bareefadka –
•Qeybta Carruurta Soomaaliyeed ee maalmaha Khamiista iyo Jimcaha –

Go’aankan waxaa loo qaatay in loo hoggaansamo tilmaamaha Wasaaradda, isla markaana loo xaqiijiyo badqabka iyo habsami u socodka howlaha guud ee dalka.

Maamulka Dugsiga Ubaya Bin Kacab wuxuu u mahadcelinayaa dhammaan waalidiinta, ardayda iyo macallimiinta wada-shaqeynta iyo fahamka ay muujiyeen.

Mahadsanidiin.

Nasiib wacan

FURITAANKA TARTANKA KUBADDA CAGTA DUGSIGA UBAYA BINU KACAB

Maanta oo ay taariikhdu tahay, 9-12-2025, waxaa si rasmi ah u furmaya tartanka kubadda cagta ee fasalada dugsiga Ubaya Binu Kacab, qeybtiisa Sports-ka fasalada. Waa maalin ay ardaydu si weyn u sugayeen, maadaama uu yahay tartan dhiirran ah, isla markaana kor u qaada is-dhexgalka iyo ardayda iskuulka.

Kulanka furitaanka waxa foodda is dari doona labada koox ee Form Three iyo Form Two, kuwaas oo ku jira Group A. Labadan kooxood ayaa lagu yaqaannaa awood ciyaareed iyo hammi sare, waxaana la filayaa in ciyaartu noqoto mid xiiso iyo tartan adag leh.

Garoonka Heegan ayaa martigelinaya ciyaarta, iyadoo la bilaabi doono 4:00 galabnimo.
Ardayda, macallimiinta iyo dhammaan taageerayaasha isboortiga ayaa lagu martiqaaday inay kasoo qeyb galaan kana qeyb qaataan furitaanka tartankan muhiimka ah.

Tartanka maanta waa bilowga iftiin cusub oo ciyaareed ah halka ardaydu ku soo bandhigi doonaan kartidooda, xirfadooda iyo ciyaar wanaagga iskuulka lagu yaqaan.

⚠️ OGEYSIIS MUHIIM AH ⚠️

Dhammaan ardayda waxaa la idin ogeysiinaa in BARI uu jiro iskuul, mana aha maalin fasax ah.

Haddii shalay uu ahaa fasax,
haddii maanta uu ahaa fasax,
ha u qaadanina in berri sidoo kale uu fasax yahay,

maxaa yeelay BERRI ISKUULKA WAA JIRAA.

Arday kasta oo is leh:
“Weli fasax ma socdaa?”
Waxaan leenahay:
❌ Maya saaxiib, fasaxu wuu dhammaaday
✅ waxaana la gaaray waqtigii dadaalka iyo soo laabashada

Sidaa darteed:

•Diyaarso boorsadaada
•Caawa xili h**e seexo
•U diyaargarow casharrada
•Noqo kan hormuudka ah ee fasalka yimaada


_____Dhammaad _____

😊 OGEYSIIS MUHIIM AH 😊

Og: maamulka sare ee dugsiga Ubaya bin kacab

Ku: Dhamaan ardayda iyo Macalimiinta

Ujeedo:Fasax dheeri Ah kuna eg Bari oo kaliya

Dugsiga ubaya binu kacab wuxuu ogeysiinaya dhamaan ardayda, macallimiinta,iyo waalidiinta dugsiga in maalinta berri oo ah Axad 23 November 2025 in iskuulka fasax yahay iyadoo lagu maamuusaayo maalinta macallinka soomaaliyeed
Macallimiinta soomaliyeed waxaa urajeyneynaa guul iyo gobanimo

Mudnaan macallin baa leh 🧑‍🏫

Dugsiga waxa uu dib u furmi doonaa maalinta Isniinta 24 November 2025 i.a

Ogeysiis muhiim ah oo ku saabsan { Fasax }

Og: maamulka Dugsiga
Og:Macalimiinta Dugsiga

Ujeedo: Fasax qeebta subax iyo qeebta galab iyo qeebta 8-aadka ee duhur iyo galab

Maamulka Dugsiga wuxuu ogeysiinayaa dhammaan ardayda, macallimiinta iyo waalidiinta in maanta oo Sabti ah taariikhduna tahay 22 November la qabanayo munaasabadda 21 November – Maalinta Macallinka Soomaaliyeed.

Sidaas darteed, maanta dugsigu wuu fasax yahay si loo wayneeyo munaasabaddan qiimaha leh.
Ardayda iyo Macalimiinta dugsiguna waxaa la ogaysiinayaa in waxbarashadu si caadi ah dib ugu bilaaban doonto berri oo Axad ah Insha Allah

Mahadsanidiin dhammaan.

🎓 MACALINKU WAA IFTIINKA JIILKA BERRI ✍️

Hambalyo Maalinta Macallinka Soomaaliyeed – 21 November ✍️✍️✍️

Bari oo ku beegan 21-ka November, waa maalin qiimo iyo maamuus gaar ah u leh macallinka Soomaaliyeed, oo ah halyeyga dhisa maskaxda, barbaariya anshaxa, kana shaqeeya horumarka jiilka mustaqbalka.

Macallinku ma aha oo kaliya qof wax dhiga, balse waa hagaha nolosha, dhiirrigeliyaha riyada iyo tiirka aqoonta. Dadaalkiisa, samirkiisa iyo naxariistiisa awgeed ayay ardaydu u gaadhaan yoolalkooda.

Dugsiga Ubaya Bin Kacab wuxuu hambalyo iyo mahadnaq ballaaran u dirayaa dhammaan macallimiinta sharafta leh ee nafhurnimada ugu adeega waxbarashada iyo kobcinta aqoonta jiilka Soomaaliyeed.

Hambalyo Macallimiin!
Waad ku mahadsan tihiin dadaalkiina aan kala go’a lahayn.

FG: ma xasuusataa Macalinkaada ugu h**eeyay ee wax kusoo dhigay ?

DAAHFURKA RASMIGA AH EE TARTANKA AQOONEEDKA sanad dugsiyeedka 2025-2026

Maanta oo ay tahay Arbaco, 12-ka November 2025, waxaa si rasmi ah u daah-furmi doono tartan Aqooneedka ee Dugsiga Ubaya Bin Kacab.

Tartan aqooneedkaan ayaa ah mid sanad walba lagu qabto dugsiga, kaas oo lagu dhiirrigeliyo ardayda inay muujiyaan kartidooda, fahamkooda iyo hal-abuurkooda aqooneed.

Kulanka furitaanka tartanka maanta waxaa lagu bilaabay fasallada 6-A iyo 7-B, taasoo si xiiso leh loo sugayo natiijadooda

Maamulka dugsiga Ubaya Bin Kacab wuxuu u rajeynayaa kooxaha tartamaya guul iyo horumar, isagoo carabka ku adkeeyay muhiimadda uu tartankani u leeyahay kobcinta aqoonta iyo dhiirrigelinta ardayda.

📺 Tartanka waxaa si toos ah looga daawanayaa UBAYA SCHOOL LIVE

💬 Dugsiga wuxuu leeyahay: Ha la tartamo, ha la barto, ha la hormaro!