30/06/2025
Hambalyo Maalinta Xorriyadda โ 1-da Luulyo
Barayaal, arday, waalidiin iyo dhammaan shacabka Soomaaliyeed ee ku kala sugan gudaha iyo dibadda dalka, maamulka, macalimiinta iyo ardayda Schoolka Raaga Ceelle waxay si kal iyo laab ah idiinku soo gudbinayaan hambalyo farxad leh oo ku saabsan munaasabadda qaran ee 1-da Luulyo, maalinta dib u midoobidda gobollada Waqooyi iyo Koonfur ee Soomaaliya sanadkii 1960.
1-da Luulyo waa maalin ka mid ah maalmaha ugu qiimaha badan taariikhda dalkeenna, waana maalin astaan u ah halgankii, geesinimadii iyo dhiigii qubanayay ee ay dadka Soomaaliyeed u soo mareen sidii ay u heli lahaayeen xorriyadooda.
Dugsiga Raaga Ceelle wuxuu aaminsan yahay in ardayda maanta ay yihiin geesiyaasha berri. Sidaa darteed, munaasabaddan qaran waxay na xusuusinaysaa muhiimada ay leedahay midnimada, waddaninimada, iyo ilaalinta hantida guud ee ummadda. Waxaan ku boorinaynaa dhalinyarada Soomaaliyeed in ay noqdaan kuwii sii wadi lahaa halganka aqoonta, horumarka iyo nabadda.
Waxaan sidoo kale hambalyo u diraynaa dhamaan hay'adaha waxbarashada, waalidiinta, macalimiinta iyo dhammaan qaybaha kala duwan ee bulshada Soomaaliyeed ee ka shaqeynaya sidii jiilka cusub uu u noqon lahaa mid dalkiisa iyo dadkiisa wax u tara. Waa waajib ina saaran in aan dhaxalno, ilaalino, una faano xorriyadda aan maanta haysano.
Maamulka Schoolka Raaga Ceelle wuxuu si gaar ah ugu hambalyeynayaa ardayda dadaalka badan, kuwaas oo ah ubaxa dalka, isla markaana si joogto ah uga shaqeeya horumarka naftooda iyo dalkooda. Waxaad tihiin tiirarka mustaqbalka Soomaaliyeed, waxaana idinku bogaadinaynaa kartidiinna, anshaxiinna, iyo sida aad mar walba ugu heelan tihiin barashada iyo kobcinta aqoonta.
Sidoo kale, macalimiinta dugsiga, waxaan u diraynaa salaan sharaf iyo mahadnaq qoto dheer waad ku mahadsan tihiin juhdiga, sabirka iyo doorka aad ku leedihiin horumarinta waxbarashada degmada Raaga Ceelle iyo guud ahaan Hirshabeelle.
Ugu dambeyntii, Schoolka Raaga Ceelle wuxuu idin leeyahay: 1-da Luulyo waa maalintii qaranimada, waa maalintii dadka Soomaaliyeed garbaha is qabsadeen, waa maalinta midnimada Soomaaliyeed. Ilaaliya, qadariya, oo ku faana dalkiina. Hambalyo 1-da Luulyo!
