Al -Adkaar الادكار Rasmi ah

Waa maxay Fadliga maalinta Caashuura?
Tusmo [Iga qari Qoraalka]

Qeexid kooban.

Maalinta Caashuura oo ah maalinta tobnaad ee bisha Muxarram waxa Ilaahay (S.W.T) badbaadiyey qoomkii nabi Muuse sidoo kalena waxa la halaagay Fircoon iyo ehelkiisii, hadaba maalintan maadaama Rabi u hiiliyey dadkii Muslimiinta ahaa waxa haboon in la soomo.

Qisadii nabi Muse iyo Fircoon oo kooban.

Fircoon oo xukumi jiray Masar waxa Ilaahay usoo diray Nabi Muuse iyo walaalkii Nabi Haaruun kadibna waxay dacwadii gaarsiiyeen Ficoon iyo qoomkiisii balse way diideen inay dacwadan qaataan oo waxay dileen caruurtii reer banu Israa’ill ayagoo gawracaya wiilasha hablahana daynaya,

Dabadeedna Fircoon ayaa bandhig sixireed ku cariyey Nabi Muuse iyo walaalkii Haaruun markaasuu Sixiroolayaashiisii faray inay tuuraan xargihii oo isu badalay masas ama abeesooyin si ay dadka ugu cabsi galiyaan.

Nabi Muuse ushiisii ayuu tuuray waxayna isu badashay Ilaahay idankiis Mas oo cunaya dhamaan masaskii yaryaraa ee Sixiroolayaashu dadka ku sixreen, kadibna Sixiroolayaashii ayaa rumeeyey Rabigii Nabi Muuse iyo Haaruun wayna u sujuudeen Ilaahay hase ahaatee Fircoon ayaa laayey Sixiroolayaasii.

Qoomkii Fircoon Ilaahay wuxuu ku imtixaamay balaayooyin badan, waxa loo soo diray Duufaankii, Ayax, Raho, Injiro, iyo cuntadoodii o dhiig isu badashay, hadana waxaas oo dhan waxba kumaysan qaadanin ee gaalnimo iyo madax adaygnimo ayey kasii qaadeen.

Nabi Muuse wuxuu doonay inuu la baxo reer banu Israa’iil hase ahaatee waxa ogaaday Fircoon iyo qoomkiisii kadibna isaga iyo ciidankiisii waxay soo dabo galeen reer banu Israa’iil illamaayo ay ku kulmeen Badda, balse Allaha wayn ayaa faray Nabi Muuse inuu ushiisa Badda ku dhufto waxayna badii u qaybsantaya laba buurood oo waaweyn markaasuu Nabi Muuse iyo qomkiisii dhaafeen halka Fircoon iyo qoomkiisii Ilaahay ku halaagay meeshaas.

Xilligii Nabi Muxamed (N.N.K.H)

Markuu nabi Muxamed (scw) uu usoo hijrooday magaalada Madiina ayuu arkay in Yahuudu ay soomantahay kolkaasbuu waydiiyey sababta ay la soomanyihiin?
waxayna dhaheen; waa maalin Ilaahay u gargaaray nabi Muuse.

Nabi Muxamedna wuxuu yiri; Anaka ayaa ka mudan Yahuuda Nabi Muuse, wuxuuna faray umadiisa inay sooman maalintan.

Maalintan soomkeedu wuxuu noqday waajib bilowgii h**e balse markii Ilaahay (S.W.T) soo waajibiyey soonka Ramadaan ayey noqotay soonka Caashuura Sunne.

Nabigu wuxuu jeclaa inuu khilaafo Yahuuda iyo Masiixiyiinta sidaas awgeed wuxuu Nabigu faray umadiisa inay soomaan maalinta Caashuura iyo maalinta ka h**eysa ama ka danbaysa ama waa inaad soonta sadexda cashoba 9 aad, 10 aad iyo 11 aadba waana ta ugu wanaagsan.

Fadliga Soonka Caashuura:

Nabigu wuxuu yirii; Soonka maalinta Caashuura waxaan Ilaahay kaga filayaa inuu ku dhaafo danbigii sanadkii h**e, maashaAllah, bal maxaa ka wanaagsan inuu Ilaahay kaa dhaafo danbiyadaadii sanadkii tagay oo dhan gaar ahaan kuwa yaryar sababtoo ah kuwa waaweyn Ilaahay wuxuu ku dhaafa toobad lala yimaado.

Ilaahay waxaan ka baryeynaa inuu ina waafajiyo soonka maalintan iyo inuu inaga yeelo kuwa loogu danbi dhaafo danbiyadooda. Aamiin.

اللهم صلى وسلم على سيدنا وحبيبنا ونبينا محمد وعلى آله وأصحابه أجمعين
صلي الله عليه وسلم

Intaadan seexan 100 Mar ku sali Nabi Muxamed CSW
Fadlan Ku sali

السلام عليكم ورحمة الله وبركاته
WALAAL XUMAANTA WAA LIKE GAREEYSAA FADLAN HALKAAN LIKE DHEH
وبالله التوفيق