Kani waa bogga rasmiga ah ee Dugsiga Hoose, Dhexe & Sare ee Beder, kaasoo ku yaallaa xaafadda Farjanno ee magaalada Kismaayo.
This is the official page of Beder Primary and Secondary School that locates in Farjanno Village, Kismayo, Somalia.
20/06/2026
Hambalyo Hambalyo Hambalyo.
Bahda dugsige hoose, dhexe iyo sare ee Beder waxa ay hambalyo u dirayaan ustaad 𝐀𝐱𝐦𝐞𝐝 𝐗𝐮𝐬𝐞𝐞𝐧 𝐂𝐚𝐥𝐢 oo kamid ah bareyaasha dugsiga kaasoo soo afmeeray waxbarashada heerka 2aad ama Masterka ee jaamacadda.
Bahda Beder waxa ay u rajaynayaan ustaadku in cilmiga uu bartay Alle uga yeelo mid anfaca isaga iyo ummada muslimka ahba.
.
18/06/2026
Waxaan u rajeynaynaa guul iyo nasiib wanaagsan dhammaan ardayda Dugsiga Beder ee sanadkan ka qeybgalaya Imtixaanka Shahaadiga Fasalka 12-aad ee ay qaadeyso Wasaaradda Waxbarashada, hiddaha iyo tacliinta sare ee Soomaaliya.
Ardaydeennu waxay ku kala geli doonaan imtixaanka 6 xarumood oo ku yaalla magaalada Kismaayo, iyadoo wadarta guud ee ardayda ay tahay 79 arday.
Waxaan ku boorrineynaa ardayda inay muujiyaan dadaalkii, akhlaaqdii iyo aqoontii ay soo barteen muddadii waxbarashada.
Sidoo kale waxaan uga mahadcelineynaa waalidiinta iyo macallimiinta dugsiga taageerada joogtada ah ee ay la garab taagan yihiin ardayda.
Alle ha idin fududeeyo imtixaanka, hana idinka dhigo kuwii guusha iyo natiijooyinka wanaagsan gaara.
16/06/2026
Kuwani waa ardeyda baahiyaha gaarka ah qaba ee fasalka 8aad ee dugsiga Beder.
Dusgigu waxa uu bixiyaa waxbarashada ardeyda baahiyaha gaarka ah qaba sida kuwa indhaha la', kuwa dhagaha la' iyo kuwa naafada ahba.
Dugsigu waxa uu diyaar u yahay in uu qaabilo ardeyda baahiyaha gaarka ah qaba, si ay ula jaanqaadaan ardeyda kale ee caadiga ah.
16/06/2026
Waxaa maanta si rasmi ah usoo dhamaaday imtixaankii shahaadiga ahaa ee fasalka 8aad, sanad dugsiyeedka 2025-2026.
Waxaan guul, kaalmo saro iyo horomur balaaranba u rajaynaynaa dhammaan ardeyda fasalka 8aad, gaar ahaan ardeyda dugsiga Beder.
Halkani waa xarunta dugsiga Beder ee uu maanta Wasiirka Wasaaradda Waxbarashada Hidaha & Tacliinta Sare ee Jubbaland Mudane Seeraar ka daahfuray imtixaanka shahaadiga ah ee fasalka 8aad.
Dhammaan ardeyda reer Jubaland waxaan u rajaynaynaa guul, gaar ahaan ardeyda dugsiga Beder.
©️Kilas
11/06/2026
Qeybta 3aad ee sawirradii imtixaanka.
11/06/2026
Qeybta 2aad ee sawirrada imtixaanaadka
11/06/2026
Kismaayo, Khamiis 11 June 2026.
Waxaa si rasmi ah usoo dhamaaday imtixaankii k**a dambaysta ahaa ee sanad dugsiyeedka 2025-2026.
Imtixaankan oo ahaa kii lagu xirayay dugsiga ee fasallada naqliga ah oo soo socday muddo labo asbuuc ah ayaa ugu danbeyn kusoo dhamaaday si nabad iyo guul ah.
Dhammaan ardeyda dugsiga waxaan u rajaynaynaa guul iyo kaalmo sare.
02/06/2026
Qeyb kamid ah guddigii abaabulayay ducada fasalka 12aad.
Ragga kiisa adag.
الحمدلله رب العالمين
Waxaa maalintii shalay ahayd si qurux iyo qiimo badan xarunta dugsiga uga qabsoomay kulan duco iyo sagootin ah oo ay sameysteen ardeyda fasalka 12aad ee dugsiga Beder.
Kulankan ducada ah oo lagu casuumay macallimiin iyo marti sharaf kale oo fara badan.
Ardeyda fasalka 12aad ayaa ku sooray macallimiinta heerka ugu sarreeya ee soo dhaweyn iyo faraxad galin ah, iyaga oo u ku casuumay qado sharaf aad u miisaan culus.
Macallimiintii kasoo qeyb galay qado sharafta ayaa ardeyda u rajeeyay in ay ku guuleystaan imtixaanka qaranka ah ee fasalka 12aad.
Mahadsanidiin fasalka 12aad.
| Monday | 07:00 - 17:20 |
| Tuesday | 07:00 - 17:20 |
| Wednesday | 07:00 - 17:20 |
| Saturday | 07:00 - 17:20 |
| Sunday | 07:00 - 17:20 |