15/11/2025
"Markaan daawashada guud
Dayaxiyo cadceeddiyo
Dildillaanka fadadkiyo
Onkodkiyo dayaankiyo
Danab laba dhacaayiyo
Dardaraa hillaaciyo
Arko hogol darroortaa
Runtu igu duxdaayoon
Derejada Ilaahay
Dib u soo xusuustaa.
Haddaan doogga cawskiyo
Deegaantu saarrayn
Dhulku duug ma yeesheen,
Diihaal ma reebeen,
Qofna kuma danaysteen
Rabbiyow dushiisoo,
Dunidaada Eebbow,
Adigaan cid diran baad
Toddobaad ku dadabtoo,
Iyadoo danbarisoo
Sida doonnan gabadheed
Inta timaha loo dabay
Dunta lagu afmeershaa
Laga furay daboolkoo,
Dalaggaad ku beertaa
Qofba weel darsanayaa."
— Daryeel | 1978.
