Hargeisa Technical Institute

𝗔𝗿𝗱𝗮𝘆𝗱𝗮 𝗛𝗮𝗯𝗹𝗮𝗵𝗮 𝗲𝗲 𝗙𝗮𝘀𝗮𝗹𝗸𝗮 𝟰𝗮𝗮𝗱 𝗲𝗲 𝗤𝗮𝘆𝗯𝘁𝗮 𝗕𝗲𝗲𝗿𝗮𝗵𝗮 𝗼𝗼 𝗫𝗮𝗳𝗹𝗮𝗱 𝗦𝗮𝗴𝗼𝗼𝘁𝗶𝗻 𝗮𝗵 𝘂 𝗤𝗮𝗯𝘁𝗮𝘆 𝗠𝗮𝗰𝗮𝗹𝗶𝗺𝗶𝗶𝗻𝘁𝗮 𝗸𝘂𝗹𝗶𝘆𝗮𝗱𝗮 𝗕𝗲𝗲𝗿𝗮𝗵𝗮

Maanta waxaa Machadka Farsamada Gacanta ee Hargeysa ka qabsoontay xaflad sagootin ah oo ay soo agaasimeen hablaha ardayda fasalka 4aad ee ka qalinjabinaya sanadkan Kuliyada Beeraha.

Xafladdan ayaa ahayd mid ay ardaydu ku muujinayeen mahadnaq iyo sagootin ay u sameynayeen Machadka iyo Macallimiintoodii mudada dheer soo garab istaagay waxbarashadooda. Intii ay xafladdu socotay, waxaa loo jeedaiyay hadallo iyo dardaaranno ku wajahan ardayda ka baxaysa Machadka.

Waxaa halkaas dardaaran iyo talooyin qiimo leh ka jeediyay Madaxa Kuliyadda Beeraha, Abdiqasim Xaashi Wacays, kaas oo ardayda kula dardaarmay inay ka faa’iidaystaan aqoonta ay heleen, isla markaana ay door muuqda ka qaataan horumarinta beeraha iyo bulshada.

Sidoo kale, xubno ka tirsan maamulka Machadka ayaa hadallo dhiirrigelin iyo hambalyo isugu jira u jeediyay ardayda, iyagoo u rajeeyay mustaqbal wanaagsan iyo guulo waxbarasho iyo shaqo.

Machadka Farsamada Gacanta ee Hargeysa wuxuu hambalyo iyo duco u dirayaa dhammaan ardayda sanadkan ka qalinjabinaysa, wuxuuna u rajaynayaa guul iyo horumar mustaqbalka ah.

𝗔𝗿𝗱𝗮𝘆𝗱𝗮 𝗠𝗮𝗰𝗵𝗮𝗱𝗸𝗮 𝗙𝗮𝗿𝘀𝗮𝗺𝗮𝗱𝗮 𝗚𝗮𝗰𝗮𝗻𝘁𝗮 𝗲𝗲 𝗛𝗮𝗿𝗴𝗲𝘆𝘀𝗮 𝗴𝗮𝗮𝗿 𝗮𝗵𝗮𝗮𝗻 𝗤𝗮𝘆𝗯𝘁𝗮 𝗗𝗮𝘄𝗮𝗮𝗿𝗸𝗮 𝗼𝗼 𝗼𝗼 𝗾𝗮𝗮𝗱𝗮𝗻𝗮𝘆𝗮 𝗺𝗶𝗱 𝗸𝗮 𝗺𝗶𝗱 𝗮𝗵 𝘅𝗶𝗶𝘀𝗮𝗱𝗮𝗵𝗮 𝗣𝗿𝗮𝗰𝘁𝗶𝗰𝗮𝗹 𝗸𝗮 𝗲𝗲 𝗺𝗮𝗮𝗹𝗶𝗻 𝗹𝗮𝗵𝗮 𝗮𝗵.

𝗛𝗮𝗺𝗯𝗮𝗹𝘆𝗼 𝗗𝗵𝗮𝗺𝗺𝗮𝗮𝗻 𝗕𝘂𝗹𝘀𝗵𝗮𝗱𝗱𝗮 𝗦𝗼𝗺𝗮𝗹𝗶𝗹𝗮𝗻𝗱.

𝐀𝐫𝐝𝐚𝐲𝐝𝐚 𝐌𝐚𝐜𝐡𝐚𝐝𝐤𝐚 𝐅𝐚𝐫𝐬𝐚𝐦𝐚𝐝𝐚 𝐆𝐚𝐜𝐚𝐧𝐭𝐚 𝐞𝐞 𝐇𝐚𝐫𝐠𝐞𝐲𝐬𝐚 𝐠𝐚𝐚𝐫 𝐚𝐡𝐚𝐚𝐧 𝐚𝐫𝐝𝐚𝐲𝐝𝐚 𝐐𝐚𝐲𝐛𝐭𝐚 𝐈𝐧𝐭𝐞𝐫𝐢𝐨𝐫 𝐃𝐞𝐬𝐢𝐠𝐧-𝐤𝐚 𝐨𝐨 𝐪𝐚𝐚𝐝𝐚𝐧𝐚𝐲𝐚 𝐦𝐢𝐝 𝐤𝐚 𝐦𝐢𝐝 𝐚𝐡 𝐱𝐢𝐢𝐬𝐚𝐝𝐚𝐡𝐚 𝐏𝐫𝐚𝐜𝐭𝐢𝐜𝐚𝐥-𝐤𝐚.

𝗛𝗮𝘆’𝗮𝗱𝗱𝗮 𝗨𝗷𝗮𝗺𝗮𝗮 𝗔𝗳𝗿𝗶𝗰𝗮 𝗼𝗼 𝗕𝗼𝗼𝗾𝗮𝘀𝗵𝗼 𝗸𝘂 𝗧𝗶𝗺𝗶𝗱 𝗠𝗮𝗰𝗵𝗮𝗱𝗸𝗮 𝗙𝗮𝗿𝘀𝗮𝗺𝗮𝗱𝗮 𝗚𝗮𝗰𝗮𝗻𝘁𝗮 𝗲𝗲 𝗛𝗮𝗿𝗴𝗲𝘆𝘀𝗮

Machadka Farsamada Gacanta ee Hargeysa waxa booqasho ku yimid wafti ka socda Hay’adda Ujamaa Africa, hay’addaas oo soo agaasintay tababar ku saabsan Xirfadaha Nolosha (Life Skills) oo la siinayey ardayda machadka.

Booqashadan ayaa qayb ka ahayd xoojinta iskaashiga iyo taageerada horumarinta xirfadaha ardayda, gaar ahaan dhinacyada nolosha iyo shaqo-u-diyaargarowga.

Waftigu waxa ay sidoo kale indho-indhayn ku sameeyeen Hoosooyinka kala duwan ee ardaydu ku qaataan Gacan ka qabashada Farsamada Gacanta.

𝐌𝐚𝐚𝐦𝐮𝐥𝐚𝐡𝐚 𝐌𝐚𝐜𝐡𝐚𝐝𝐤𝐚 𝐅𝐚𝐫𝐬𝐚𝐦𝐚𝐝𝐚 𝐆𝐚𝐜𝐚𝐧𝐭𝐚 𝐞𝐞 𝐇𝐚𝐫𝐠𝐞𝐲𝐬𝐚 𝐨𝐨 𝐦𝐚𝐚𝐧𝐭𝐚 𝐤𝐚 𝐪𝐚𝐲𝐛 𝐠𝐚𝐥𝐚𝐲 𝐊𝐮𝐥𝐚𝐧𝐤𝐚 𝐖𝐚𝐝𝐚𝐚𝐠𝐚𝐡𝐚 𝐀𝐚𝐠𝐚 𝐓𝐚𝐦𝐚𝐫𝐭𝐚 𝐉𝐒𝐋.

Maanta, Maamulaha Machadka Farsamada Gacanta ee Hargeysa Mr Xasan Xuseen Nuux ayaa ka qayb galay Kulanka Wadaagaha Aaga Tamarta JSL.
Kulankan waxa ku wehelinayey Madaxa Qaybta Renewable Energy ee Machadka Farsamada Gacanta Hargeysa.
Kulankan oo ay soo agaasimtay Wasaarada Tamarta iyo Macdanta JSL.

𝐀𝐫𝐝𝐚𝐲𝐝𝐚 𝐌𝐚𝐜𝐡𝐚𝐝𝐤𝐚 𝐅𝐚𝐫𝐬𝐚𝐦𝐚𝐝𝐚 𝐆𝐚𝐜𝐚𝐧𝐭𝐚 𝐞𝐞 𝐇𝐚𝐫𝐠𝐞𝐲𝐬𝐚 𝐨𝐨 𝐌𝐚𝐚𝐧𝐭𝐚 𝐋𝐚 𝐒𝐢𝐢𝐲𝐚𝐲 𝐓𝐚𝐛𝐚𝐛𝐚𝐫 𝐊𝐮 𝐒𝐚𝐚𝐛𝐬𝐚𝐧 𝐗𝐢𝐫𝐟𝐚𝐝𝐚𝐡𝐚 𝐍𝐨𝐥𝐨𝐬𝐡𝐚 (𝐋𝐢𝐟𝐞 𝐒𝐤𝐢𝐥𝐥𝐬)

Maanta waxaa Machadka Farsamada Gacanta ee Hargeysa ka qabsoomay tababar muhiim ah oo ku saabsan xirfadaha nolosha (Life Skills), kaas oo loo qabtay ardayda machadka. Tababarkan waxaa soo agaasintay Hay’adda Ujamaa Africa.

Tababarkan waxaa bixinayay macalimiin kala duwan oo ka kala socday dugsiyada magaalada Hargeysa, kuwaas oo ardayda la wadaagay aqoon iyo waayo-aragnimo ku saabsan xirfadaha nolosha ee muhiimka u ah horumarinta shakhsiyadda, wada-xaajoodka, isgaarsiinta, iyo sida loo wajaho caqabadaha nolosha.

Sidoo kale, tababarka waxaa si rasmi ah u furay madaxda sare ee Hay’adda Ujamaa Africa, kuwaas oo ardayda u jeediyay dardaaran iyo dhiirrigelin ah inay sii xoojiyaan waxbarashadooda, isla markaana ay ka faa’iidaystaan fursadaha tababar ee la siiyo si ay u noqdaan dhalinyaro wax tar leh oo bulshada anfaca.

Gabagabadii, tababarkan ayaa lagu tilmaamay mid kor u qaadaya wacyiga ardayda isla markaana gacan ka geysanaya horumarintooda Xirfadahooda nolosha.

𝐌𝐮𝐧𝐚𝐚𝐬𝐢𝐛𝐚𝐝𝐝𝐚 𝐗𝐢𝐥𝐰𝐚𝐫𝐞𝐞𝐣𝐢𝐧𝐭𝐚 𝐆𝐮𝐝𝐝𝐨𝐨𝐦𝐢𝐲𝐚𝐡𝐚 𝐡𝐨𝐫𝐞 𝐞𝐞 𝐀𝐫𝐝𝐚𝐲𝐝𝐚 𝐈𝐲𝐨 𝐆𝐮𝐝𝐨𝐨𝐦𝐢𝐲𝐚𝐡𝐚 𝐂𝐮𝐬𝐮𝐛

Maanta waxa Machadka Farsamada Gacanta ee Hargeysa ka qabsoontay munaasibad si rasmi ah loogu kala wareejinayay xilka Guddoomiyaha Ardayda ee Machadka, taas oo u dhaxaysay guddoomiyihii h**e iyo guddoomiyaha cusub ee la doortay.

Munaasibaddan ayaa lagu qabtay xarunta Machadka, iyadoo ay ka soo qaybgaleen maamulka Machadka, macalimiinta, iyo ardayda qaybaha kala duwan ee machadka.

Intii ay munaasibaddu socotay, waxa si rasmi ah xilka uGu kala wareejiyay labada Gudoomiye Madaxa Arimaha Ardayda ee Machadka Farsamada Gacanta

Cabdiraxmaan Xasan Aadan — Guddoomiyihii H**e ee Ardayda
Cabdiraxmaan Cabdirisaaq — Guddoomiyaha Cusub ee Ardayda

Guddoomiyihii h**e ayaa u hambalyeeyay guddoomiyaha cusub, isagoo u rajeeyay in uu si hufan oo masuuliyad leh u guto waajibaadka loo igmaday.

Sidoo kale, munaasibadda waxa soo gabagabeeyay Maamulaha Machadka Farsamada Gacanta ee Hargeysa, Mudane Xasan Xuseen Nuux, kaas oo hambalyo u diray guddoomiyaha cusub, isla markaana ku booriyay in uu xilka si daacadnimo iyo masuuliyad leh u guto, isaga oo Alle uga baryay in uu xilka ku asturo.

Ugu dambayn, maamulka Machadka Farsamada Gacanta ee Hargeysa ayaa u mahadceliyay guddoomiyihii h**e dadaalkii iyo shaqadii uu qabtay, iyaga oo sidoo kale soo dhaweeyay guddoomiyaha cusub ee la doortay.

𝐀𝐫𝐝𝐚𝐲𝐝𝐚 𝐌𝐚𝐜𝐡𝐚𝐝𝐤𝐚 𝐅𝐚𝐫𝐬𝐚𝐦𝐚𝐝𝐚 𝐆𝐚𝐜𝐚𝐧𝐭𝐚 𝗲𝗲 𝗛𝗮𝗿𝗴𝗲𝘆𝘀𝗮, gaar ahaan ardayda dhigata xirfadda Barashada Baabuurta (𝗔𝘂𝘁𝗼 𝗠𝗲𝗰𝗵𝗮𝗻𝗶𝗰) oo qaadanaya xiisadaha Practical-ka ee maalinlaha ah. 🔧🚗

Waxbarashada xirfaduhu waa furaha mustaqbalka, ardayduna waxay si toos ah u baranayaan xirfado shaqo abuur leh oo ka caawinaya inay noqdaan farsamayaqaano xirfad leh.