Beder International University

𝐁𝐚𝐫𝐧𝐚𝐚𝐦𝐢𝐣𝐤𝐚 𝐊𝐚𝐚𝐛𝐢𝐬𝐭𝐚 𝐀𝐫𝐝𝐚𝐲𝐝𝐚 𝐅𝐨𝐫𝐦 𝐅𝐨𝐮𝐫-𝐤𝐚 — 𝐓𝐚𝐫𝐭𝐚𝐧 𝐀𝐪𝐨𝐨𝐧𝐧𝐞𝐞𝐝𝐤𝐚 𝐉𝐚𝐚𝐦𝐚𝐜𝐚𝐝𝐝𝐚 𝐁𝐞𝐝𝐞𝐫

Maanta waxa Jaamacadda Beder ka qabsoomay tartan aqooneed u dhexeeyay ardayda dhigata fasallada kala duwan ee 𝐁𝐚𝐫𝐧𝐚𝐚𝐦𝐢𝐣𝐤𝐚 𝐊𝐚𝐚𝐛𝐢𝐬𝐭𝐚 𝐑𝐚𝐦𝐚𝐝𝐚𝐚𝐧𝐭𝐚 𝐞𝐞 𝐉𝐚𝐚𝐦𝐚𝐜𝐚𝐝𝐝𝐚 𝐁𝐞𝐝𝐞𝐫.

Tartankan oo ay ka qayb galeen 35 arday oo kala matalayay 7 fasal, ayaa ardaydu ku muujiyeen dadaal, aqoon iyo iskaashi. Tartanku waxa uu dhiirrigelinayaa u tartamida si caafimaad qabta, wada-shaqaynta, isdhexgalka ardayda iyo kobcinta aqoonta ardayda.

Ugu dambayn, guushu waxa ay raacday ardaydii matalaysay 𝐟𝐚𝐬𝐚𝐥𝐤𝐚 𝐁𝐞𝐝𝐞𝐫 𝟒𝐃, waxaana la abaal-mariyey dhammaan ardaydii fasalkaas ka tirsanays ee guushu raacday

Alla Mahad Leh.

Hambalyo iyo Bogaadin.

Guddoomiyaha Jaamacadda Beder International University waxa uu hambalyo iyo bogaadin u dirayaa ardayda Jaamacadda Beder oo guul weyn ka soo hooyay Tartan Aqoonneedka DALJIR ee Fahamka Dastuurka iyo Barashada Waddaniyadda.

Guddoomiyuhu waxa uu ku ammaanay ardayda dadaalka, kartida iyo aqoonta ay muujiyeen, kuwaas oo horseeday in Jaamacadda Beder ay ka mid noqoto jaamacadaha guusha ka gaadhay tartankan.

Allah Mahad Leh

📊 𝐊𝐮𝐥𝐢𝐲𝐚𝐝𝐝𝐚 𝐃𝐡𝐚𝐪𝐚𝐚𝐥𝐚𝐡𝐚 𝐢𝐲𝐨 𝐆𝐚𝐧𝐚𝐜𝐬𝐢𝐠𝐚 – 𝐁𝐞𝐝𝐞𝐫 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐔𝐧𝐢𝐯𝐞𝐫𝐬𝐢𝐭𝐲

Kuliyadda Dhaqaalaha iyo Ganacsiga ee Beder International University ayaa soo gabo-gabaysay tababar ku saabsan Excel Accounting, kaas oo lagu baranayay xirfadaha muhiimka ah ee Excel-ka iyo sida loogu adeegsado xisaabaadka iyo ganacsiga.

Tababarkan ayaa ardayda iyo ka qaybgalayaashu ku barteen aqoonta aasaasiga ah ee Excel, xisaabinta ganacsiga, isticmaalka formulas-ka horumarsan, iyo sida loogu diyaariyo warbixinaha Xisaabeed (Financial statements) si xirfad leh.

Qaybta 1aad: Tartanka Aqooneedka Jaamacadda Beder

Jaamacadda Beder ayaa u qabatay tartan aqooneed ardayda dugsiyada sare ee Form Four-ka, kuwaas oo sanadkan ka qayb galay barnaamijka Kaabista Ramadaanta.

Ardaydii kaalmaha h**e ka gashay tartanka ayaa la guddoonsiiyay abaal-marinno iyo shahaado sharaf.”

Hambalyo!

Ardayda Jaamacadda Beder ayaa guul weyn ka soo hooyay Tartanka Wadaniyadda iyo Dastuurka ee Jaamacadaha Dalka, taas oo muujinaysa dadaalkooda, aqoontooda iyo wacyigooda qaran.

Maamulka Jaamacadda Beder ayaa Afur sharafeed u sameeyay ardaydii ka qayb gashay Tartanka Dastuurka iyo Waddaniyadda. Kulankan oo ahaa mid dhiirrigelin ah, ayaa maamulka jaamacaddu ardayda ugu hambalyeeyay guulihii isdaba-joogga ahaa ee ay ka soo hooyeen saddexdii wareeg ee h**e, isla markaana ugu duceeyay in ay guul ka gaadhaan wareegga k**a dambaysta ah.

Alle Mahad leh.

𝐇𝐚𝐦𝐛𝐚𝐥𝐲𝐨 — 𝐀𝐫𝐝𝐚𝐲𝐝𝐚 𝐉𝐚𝐚𝐦𝐚𝐜𝐚𝐝𝐝𝐚 𝐁𝐞𝐝𝐞𝐫 𝐨𝐨 𝐤𝐚 𝐠𝐮𝐮𝐥𝐚𝐲𝐬𝐭𝐚𝐲 𝐉𝐚𝐚𝐦𝐚𝐜𝐚𝐝𝐝𝐚 𝐡𝐚𝐫𝐠𝐚𝐲𝐬𝐚.

Ardayda Jaamacadda Beder International University ayaa mar kale, wareegii 3aad guul sharaf leh ka soo hooysay Tartanka Jaamacadaha ee Dastuurka iyo Waddaniyadda, iyaga oo ka adkaaday dhiggooda Jaamacadda Hargaysa, isla markaana muujiyay aqoon, karti iyo diyaar-garow heer sare ah.

Ardayda Jaamacadda Beder waxa ay u gudbeen wareega k**a danbaysta ah ( Final).

🎉 Hambalyo Mar Labaad Ardayda Jaamacadda Beder! 🎉

Wareega 2aad ee Tartanka Dastuurka iyo Waddaniyadda.

Ardayda Jaamacadda Beder International University ayaa mar kale guul sharaf leh ka soo hooysay Tartanka Jaamacadaha ee Dastuurka iyo Waddaniyadda, iyaga oo ka adkaaday dhiggooda Jaamacadda Shaafi, isla markaana muujiyay aqoon, karti iyo diyaar-garow heer sare ah.

Guushan waxay ka tarjumaysaa dadaalka joogtada ah ee ardayda, hagidda iyo garab istaagga maamulka, iyo himilada jaamacadda ee ku dhisan tayada waxbarasho iyo kobcinta aqoonta.

Waxaan si gaar ah ugu hambalyeynaynaa dhammaan ardaydii ka qayb qaadatay tartankan, kuwaas oo si sharaf leh oo masuuliyad leh u matalay jaamacaddooda.

🎓 Guul iyo horumar joogto ah ayaan idiin rajaynaynaa! 👏📚

𝐁𝐚𝐫𝐧𝐚𝐚𝐦𝐢𝐣𝐤𝐚 𝐊𝐚𝐚𝐛𝐢𝐬𝐭𝐚 𝐀𝐫𝐝𝐚𝐲𝐝𝐚 𝐅𝐚𝐬𝐚𝐥𝐤𝐚 𝐀𝐟𝐫𝐚𝐚𝐝 𝐞𝐞 𝐃𝐮𝐠𝐬𝐢𝐲𝐚𝐝𝐚 𝐒𝐚𝐫𝐞 (𝐅𝐨𝐫𝐦 𝐅𝐨𝐮𝐫)

Waxa Xarunta Jaamacadda Beder International University si habsami leh uga socda toddobaadkii labaad Barnaamijka Kaabista Ramadaanta, kaas oo jaamacaddu sanad kasta ugu talagasho ardayda Fasalka Afraad ee dugsiyada sare ee sanadkan dhamaynaya.

Barnaamijkani waxa uu ardayda siinayaa fursad ay ku xoojiyaan aqoontooda, ku bartaan mawduucyo muhiim u ah Imtixaannada Qaranka, isla markaana ku helaan hagitaan ku saabsan sidii ay guul uga gaadhi lahaayeen imtixaannadaas.

Jaamacadda Beder International University waxay guul, aqoon iyo natiijooyin wanaagsan u rajaynaysaa dhammaan ardayda sanadkan dhamaynaysa dugsiyada sare. Sidoo kale, jaamacaddu waxay ardayda u diyaarisay fursado waxbarasho oo qiimo leh iyo jawi aqooneed oo dhiirrigeliya horumarka waxbarasho.

🎉 Hambalyo Ardayda Jaamacadda Beder! 🎉

Wareega 1aad ee Tartanka Dastuurka iyo Wadaniyadda.

Ardayda Jaamacadda Beder International University ayaa guul sharaf leh ka soo hooyay tartanka Jaamacadaha ee Dastuurka iyo Waddaniyadda, iyaga oo ka guulaystay dhiggooda Jaamacadda Edna Adan University, isla markaana muujiyay aqoon, karti iyo diyaar-garow heer sare ah.

Guushan waxay ka tarjumaysaa dadaalka joogtada ah ee ardayda, hagidda iyo garab istaagga macallimiinta, iyo himilada jaamacadda ee ku dhisan tayada iyo kobcinta aqoonta.

Waxaan si gaar ah ugu hambalyeynaynaa dhammaan ardaydii ka qayb qaadatay tartanka, kuwaas oo si sharaf leh oo masuuliyad leh u matalay jaamacaddooda.

Guul iyo horumar joogto ah ayaan idiin rajaynaynaa! 👏📚

Iskaashiga Jaamacadda Beder & Cisbitaalka Al Ihsaan

Maamulka Cisbitaalka Al Ihsaan ayaa imtixaan ka qaaday dadkii soo codsaday shaqooyinka kala duwan ee Cisbitaalka weyn ee Al Ihsaan, kaas oo dhawaan laga furi doono magaalada Hargeysa.

Qaybta koowaad ee umulisooyinka ayaa Xarunta Jaamacadda Beder ee magaalada Hargeysa ugu fadhiistay Imtixaanka kala saarista, iyadoo si daah-furan oo caddaalad ah loo kala saarayo codsadayaasha, isla markaana qof walba waxaa lagu qiimeynayaa aqoontiisa iyo xirfaddiisa si loo hubiyo in la helo shaqaale caafimaad oo tayo leh.

Jaamacadda Beder iyo Cisbitaalka Al Ihsaan waxa ay leeyihiin xidhiidh wada-shaqayn oo rasmi ah, kaas oo xoojinaya isku xidhka tacliinta iyo adeegga caafimaadka, isla markaana kor u qaadaya tayada adeegyada Caafimad.