Aqoonsoor

31/10/2025

Sidee lagu ogaaday da'da Dhulka ?

" Dunida Yurub, tusaale ahaan, waxaa laga aamminsanaa in aanu dhulku jirin lix kun oo sano wax ka badan, waxaana ay fekraddaasi salka ku haysay iskudayadii Jeemis Aashar (James Ussher) iyo hortii Joon Laytfuut (John Lightfoot) ee da’da dhulka. Aashar, oo ahaa wadaad kiristan ah, ayaa 1650-kii da’da dhulka xisaabiyay, isagoo siduu sheegay ka dhimbiilqaadanaya Baybalka, waxaana uu ku soo gebagabooday in Ilaahay uu dhulka abuuray maalin Axad ah, Oktoobar 23keedii, sannaddii 4004 ee miilaadiga kahor, xilli saacaddu ay ahayd 6: 00pm! Taas oo macnaheedu yahay in dhulku uu lix kun oo sano hadda jiro, iyo dheeraad yar. Warkaas ayaa faafay oo xitaa caalamka Islaamka qaybo badan oo ka mid ah u gudbay, iyo dunida kalaba, heer uu noqday wax la wada aamminay "

~ Cabdikarim Sh. Bashiir.

Halkan hoose ka akhriso qormada oo dhammaystiran.

https://aqoonsoor.com/sidee-dada-dhulka-lagu-ogaaday

27/09/2024

Qormadan oo ka kooban laba qaybood oo is ku xiga, waxa qaybtan koowaadi ay qaadaadhigaysaa taariikhnimada Nebi Daawuud iyo Nebi Suleymaan (CS), iyada oo soo gudbinaysa raadadka la helay ee ka markhaatikacaya jiritaankooda ka sokow nusuusta diiniga ah; halka qaybta labaad ee ku xigtaa ay si faahfaahsan uga warrami doonto taariikhnimada boqortooyadii Nebi Suleymaan iyo waxa la xidhiidha.

Akhris wanaagsan.

Horraantii qarnigii 19aad, magaalada Ur (Ur; أور) ee Baaybalku ugu taalla in ay tahay meeshii Nebi Ibraahin uu ku dhashay ee dhici jirtay deegaanka loo

20/09/2024

Qormadan oo ah qaybtii labaad ee qormadii "Waa kuma Dulqarnayn?", waxa ay si faahfaahsan u qaadaadhigaysaa safarkii saddexaad ee Dulqarnayn, iyada oo xogo cilmiyaysan oo aad u qotodheer innaga siinaysa Yuug iyo Yamaayuug iyo waxa ay ahaayeen, halka ay ku noolaayeen, sooyaalkooda, meeshii Dulqarnayn uu ku xidhay iyo soo bixitaankooda intaba.

Akhris wanaagsan.

https://aqoonsoor.com/waa-kuma-dulqarnayn Halkan ka soo akhri qaybtii h**e ee qormada. Waxa aynnu qormadii h**e kaga soo hadalnay shakhsiyadda Dulqarnayn

17/09/2024

Akhristayaal, waxa aannu dib idin ku la wadaagaynnaa qormadii u dambaysay ee website-ka lagu daabaco, taas oo ku saabsanayd xukunka xuska dhalashada Nebiga (NNKH) iyo meelmarinta bannaanaanshihiisa. Intaa wixii ka dambeeyana, qormooyinka cusub baa aynnu wadaagi doonnaa haddii Alle oggolaado. Haatanna waxaa website-ka idiin ku diyaar ah oo aad ka heli kartaan wax ka badan 55 qormo oo la xidhiidha laamaha kala duwan ee aqoonta: iimaan & ilxaad, saynis & diin, sooyaal & feker, feleg & fiisigis, bayoolaji & jiyoolaji, iwm.

Soo dhowaada, idilkiin!

Sannad walba xilligan oo kale waxa caalamka Islaamiga ah ka dhasha doodo kala duwan oo la xidhiidha xukunka xuska dhalashada Nebiga (NNKH), dadkuna waxa