Abdulaziz Hassan Farah

*Saddex arrimood oo yaab leh*!!
===========================
‼️ Nebi Nuux CS, mar keliya ayuu u dhawaaqay xayawaankii doonta la raaci lahaa waana ajiibeen yeedhmadiisa dhammaantood iyaga oo fuulay doontii sidaana ku badbaaday.
Nasiib darro, 950 sano ayuu u yeedhayey dadka, tiro kooban baa aqbashay yeedhmadiisa, intii badnaydna waxa ay doorteen inay qarqoomaan.

‼️ Xaaskii Fircoon Alle raali ha ka ahaadee, way ku adkaysatay go'aankeeda rumaynta Alle iyada oo ku sugan guriga Daalimkii ugu waynaa, halka Xaaskii Nebi Nuuxna(CS)
ay darjiidhay iyada oo ku sugan gurigii Daacigii ugu waynaa...

‼️Nebi Ibraahin waxa uu ka dalbaday wiilkiisa in uu gowraco, markaas buu u hogaansamay, halka Nebi Nuux uu ka codsaday wiilkiisa in aanu ku qarqoomin biyaha oo noolaado, balse wuu ka diiday, waana haligmay.

Allaha awoodda badan ayaa xumaan oo dhan ka nasahan.

🌹🌹

Saacaddu waxa ay tilmaamaysaa 7:30 kii aroornimo,maalin Axad ah 18 May, sanadka 2036 ka. 45 sano ayaa laga joogaa markii Somaliland xornimadeeda dib ula soo laabatay. Waxa aan ku suganahay fagaaraha Xorriyadda oo h**e loo odhan jiray Khayriyada.
Dhalinyaro rag iyo dumarba leh oo ku lebbisan calanka Jamhuuriyadda Somaliland ayaa hareerahayga tuban iyaga oo ku luuqaynaya heesta Calanka Jamhuuriyadda Somaliland.
Waxa Madxafka Qaranka aan sidaa iiga durugsanayn agtiisa ciyaar dhaqameed Botor ah ka boodaya tiro haween ah oo toban ku dhow, kuwaas oon jiibta iyo jaanta isla helay .
Sawirka madaxweynaha qaranka Jamhuuriyadda Somaliland mudane Abdikarim Ahmed Mooge ayaa meel walba sudhan. Cutubyo ciidanka booliska ah ayaa amniga goobta sugaya. Waa niman dhalinyaro u badan oo hubqaad leh tababarka ay qabaanna ka muuqdo dhaqan ahaan iyo jidh ahaanba.
Saddexdii sano ee uu talada dalaka hayey Madaxweyne Mooge, wax badan oo horu-mar ah ayuu ku tallaabsaday. Guusha ugu weyn ee uu dalka gaadhsiiyey waa mid dhammaan madaxdii talada dalka uga horraysay oo dhammi ay ku taamayeen balse aanay nasiib u helin dedaal kasta oo ay bixiyeen. Kal h**e bishii 3aad ayey ahayd markii ay waddamada reer galbeedka oo ay hor kacayaan Ingiriis iyo Maraykan ku dhawaaqeen madaxbannaanida Jamhuuriyadda Somaliland. Illaa hadda 89 safaaradood oo ay leeyihiin waddamo ku kala yaal shanta qaaradood ayaa ka furan caasimadda dalka ee Hargeysa.
Sannad gudihii waxa dalka yimi in ka badan 1700 oo shirkadood oo caalamai ah, kuwaas oo maalgashiyo kala duwan geliyey dhinacyada wax-soo-saarka beeraha, kalluumaysiga, macdan-qodista iyo shidaalka.
Durba in ka badan 5000 oo warshadood oo waaweyn iyo yar-yar ba isugu jira ayaa laga hir-geliyey dhammaan gobolada dalka. Tiraba 25 ceel oo isugu jira shidaal iyo gaaska dabiiciga ah ayaa laga qoday gobolada bariga iyo galbeed ka dalka.
Waxa muddo kooban gudaheed hoos u dhacay heerka shaqo la'aanta dalka, taas oo laba sano ka hor ahayd 70% halka uu hadda yahay wax ka hooseeya9%. Ceceliska dakhliga guud ee qaranka qofkiiba waxa uu h**e u ahaa 780 Dollar, halka sannadkan 2036 ka, la saadaalinayo in uu kor u dhaafo 8720 Dollar. Anigu shakhsi ahaan, marnaba maan sawiran in harumar xawaaraha intaa leeg jara, muddadan kooban lagu gaadhi karo, waase Alle mahaddii waa la gaadhay. Waa hubaal in haddii helo hogaamiye daacad ah oo leh karti hogaamineed, halkan iyo meel ka sarraysaba la hiigsan karo, taas oo shacabka gobta ah ee Dalkani muddo badan soo naawilayey in maanta oo kale ay mar uun indhahoodu arkaan.
Kaabayaasha bulshada ee caafimaadka, wax-barashada, biyaha iyo korontada ayaa ah kuwa sida weyn wax looga beddelay.

Waxuun baan maqli jiray" Wixii rag u kaco. Rabbina aqbalo, way rumoobaan."

Iga raali ahaada, waxa aan dhaqaaqayaa dhankaa iyo Beerta Xorriyadda, halkaas oo madaxweynuhu shacabkiisa jecel kala hadli doono.

Sannad-guuro wacan dhammaantiin reer Somaliland.

Macallin (maan ku qancin waxa aan akhriyay)
==============================
Macallin ayaa dhirbaaxo culus ku dhuftay mid ka mid ah ardayda, isagoo ku yidhi: "Maxaa aad u qori weyday casharka?

Ardaygii ayaa si deggan ugu jawaabay: Macallinkaygiiyow!! Kuma aan qancin waxa aan akhriyay!!
Macallin ayaa yidhi: "Maxaa aad ugu qanci weyday?!
Ardaygii ayaa ku jawaabay: "Sababta oo ah maan taaban mana arag waxa buugga ku qoran.
Macallinkii ayaa yidhi: "Oo waa sidee taasi?
Ardaygii ayaa ku jawaabay: Macallinkaygiiyow,
✅Buuggu waxa uu leeyahay -- Dalkaygu waa waddan qani ah, laakiin gurigayagu waxa uu ka samaysanyahay dhoobo, dharkayga, boorsadayda, iyo dhammaan agabkayga dugsiga iyo xataa buugaagtayduba ​​waa kuwo ay isiiyeen ururka samafalayaashu.

✅Buuggu wuxuu leeyahay: Dalkaygu waa waddan shidaal iyo gaas leh. Laakiin ma haysanno gaas aan ku wax ku karsanno ama gaasta shooladda, hooyadayna weli waxa ay wax ku karisaa qoryo xaabo ah.

✅Buuggu waxa uu leeyahay dalkaygu waa waddan leh khayraad badan , laakiin maan arag khayraad lagu hodmay, aan ka ahayn daymo lagu leeyahay.

✅Buuggu waxa uu leeyahay “Dalkaygu waa curdin waana xuddunta geesinimada iyo ilbaxnimada.”

Su’aal baa maskaxdaydu isweydiisaa kuna soo noq-noqta markasta?!
Waa maxay sababta dalkaygu uu weli curdinka u yahay una kori waayayey, halka qayrkii koray ee harumarka sameeyeen?

✅Sidoo kale, buuggu waxa uu leeyahay: Dadka waddankaygu waxay ka siman yihiin xuquuqda iyo waajibaadka --

Laakiin anigu xuquuqdii aan ku lahaa qofnimo iyo ka muwaadin ahaan dalkan maan helin.
Mudanahaygiiyow!!! Ma jecli inaan naftayda been u sheego, sidaas oo ay tahay ma aanan qorin deriska.

Macallin (maan ku qancin waxa aan akhriyay)

Waan soo tarjumay sheekadan.

عن أبي هريرة -رضي الله عنه-، أن رسول الله -صلى الله عليه وسلم- قال: «الإيمانُ بِضْعٌ وَسَبْعُونَ أو بِضْعٌ وسِتُونَ شُعْبَةً: فَأَفْضَلُهَا قَوْلُ: لا إله إلا الله، وَأَدْنَاهَا إِمَاطَةُ الأَذَى عَنِ الطَّرِيقِ، وَالحَيَاءُ شُعْبَةٌ مِنَ الإِيمَانِ»
Rasuulkeenni suubbanaa صلى الله عليه وسلم, ayaa laga weriyey, Iimaanku waa dhawr iyo toddobaatan qaybood ama waa dhowr iyo lixdan qaybood, waxa ugu mudan ama ugu fadli badan odhaahda لا إله إلا الله, Ilaah ma jiro, Allaha xaqa ah mooyee, waxana ugu hooseeya iimaanka, dariiqa oo wixii dhiba laga leexiyo, xishoodkuna waa qayb ka mid ah iimaanka.

Sheekh اهل السنة والجماعة ah baan ka faa'iday in halka u sarraysa iimaanka iyo halka u hoosaysa aad kulmin karto hal mar.
Waxa uu yidhi sheekhu: Marka aad shay dhibaato ku ah diiqa sida: dhagax, Qodax iyo wixii la mid ah aad ka leexinayso dariiqa, waxa aad tidhaa odhaada ah:
" لا إله إلا الله"
"Ilaah ma jiro, Allaha xaqa ah mooyee"

Xadiiskani waxa uu koobsaday, saddex arrimood oo muhiin ah:
Rumayn, Camal(hawl-qabad) iyo akhlaaq ama dhaqan wanaagsan.

Ibraahiim bin Ad-ham oo noolaa 100-162 sannadka Hijriga, kana mid ahaa culimada waaweyn ee Islaamka, isaga oo cunaya midh roodhi ah oo uu biyo ku qooyay, waxa uu yidhi:

Haddii boqorrada iyo wiilasha ay dhaleen, ay garan lahaayeen nimcada iyo farxadda aanu ku jirno, seefo ayay nagu dagaallami lahaayeen.

Maxaa farxad qalbigiisa ku degtay!?

Nimcadaas iyo farxaddaasi uu majeeranayey may ahayn baabuur cad-cad, guryo qurxoon iyo cuntooyin kala jaad ah midnaba.
Nimcadaasi Waa iyo .
Waa labada shay ee uu Rasuulkeennii suubbanaa naxariis iyo nabadgelyo korkiisa ha ahaatee, Alle weydiisan jiray bil kasta oo curata ama dhalata.

Alle amniga iyo iimaankaba ha inoo sugo.

Shantii sanno ee u danbaysay Dalka UK magaca loogu magac-bixinta badnaa dhanka wiilasha waxa uu noqday magaca oo ah magaca Suubanaheen (SCW).
Xogtan waxa baahisay xarunta dhallaanka ee Boqortooyada Ingiriiska sannadkii h**e.

Magaca Muxammed saamayntiisa ayuu leeyahay.

Waxa aan ku keenay Orodyahanka Muxammed Faarax oo wakhti aan munaasabba ku ahayn sheegay in magaciisu aanu ahayn kii saxda ahaa, wax jiraba se waxbaa jira.

Muhammad top baby name for fifth year running in UK Parents picked baby names that symbolised new beginnings and travel for 2021, a year marked by lockdowns and Covid-19 restrictions, according to the UK parenting website BabyCentre.