AL- Rayaan primary , Intermediate and KG School

AL- Rayaan primary , Intermediate and KG School page kan waxa loogu talogalay in lagu soo ban dhigo xogta dugsiga Al- Rayan ee bulshada loo gudbinayo

OGAYSIISMaanta oo ay taariikhdu tahay 16/06/2026, Dugsiga Hoose/Dhexe ee Al-Rayaan waxa uu qabanayaa Barnaamij Wacyigeli...
16/06/2026

OGAYSIIS

Maanta oo ay taariikhdu tahay 16/06/2026, Dugsiga Hoose/Dhexe ee Al-Rayaan waxa uu qabanayaa Barnaamij Wacyigelin ah oo loogu talagalay Ardayda Fasallada 8-aad.

Barnaamijkan oo uu soo jeedin doono Ustaad Cabdiraxmaan Sameeco, waxa uu diiradda saari doonaa dhiirrigelinta waxbarashada, diyaar-garowga imtixaannada, iyo kobcinta himilada ardayda.

🕑 Waqtiga: 2:00 PM
📍 Goobta: Dugsiga Al-Rayaan

Waxaan ku boorrinaynaa dhammaan ardayda fasallada 8-aad inay ka soo qayb galaan barnaamijkan qiimaha badan.

“Learn | Ask | Earn”
“Empowering Minds, Building Futures” 📚✨

Waxaanu hadda ka soo dareernay xabaalaha Halleeya oo aanu ku soo aasnay marxuun Maxamed Ismaaciil Maxamed Huriye, xabaal...
01/06/2026

Waxaanu hadda ka soo dareernay xabaalaha Halleeya oo aanu ku soo aasnay marxuun Maxamed Ismaaciil Maxamed Huriye, xabaalahan oo laba cisho ka hor aanu marxuumka hooyadii ku soo aasnay. Alla ha u naxariistee labadooduba waxay sababsadeen xummadan magaalada ku jirta.

Maxamed yare Wuxuu ka mid ahaa ardaydi ka baxday dugsiga . Ilaahay naxariistii Janno haka waraabiyo dhammaan qoyska Ilma Huriye na samir iyo iimaan saadiqa haka siiyo.
Sidoo kale waxaan ka tacsiyadaynayaa geerida Maxamed yare dhammaan ardaydii, macallimiintii iyo hawl-waddeennada dugsiyada AL- Rayaan primary , Intermediate and KG School iyo Al-Huda Secondary Schools

Shalay barxadda Dugsiga Hoose/Dhexe ee Al-Rayaan, waxaa ka dhacday munaasibad ballaadhan oo lagu weynaynayo maalinta qar...
18/05/2026

Shalay barxadda Dugsiga Hoose/Dhexe ee Al-Rayaan, waxaa ka dhacday munaasibad ballaadhan oo lagu weynaynayo maalinta qaranimada ee 18-ka May. Farxadda iyo bilicda wejiyada ardayda ka muuqata waxay marag u tahay jacaylka ay u qabaan dalkooda.
Guul iyo gobanimo!"

17/05/2026

Xuska munaasibadda maalinta qaran ee 18-ka May ayaa si ballaadhan loogu qabtay Dugsiga Al-Rayaan .
Xafladda waxa si weyn uga dhex muuqaday barbaarta dugsiga oo farxad iyo rayn-rayn ugu dabbaaldegay calankooda.
Maamulka iyo macallimiinta ayaa weedho waddaniyadeed ka jeediyay madasha iyaga oo ardayda si qotodheer ula wadaagay waddan jacaylka iyo midhaha laga dhaxo.

Happy 18 May All Somalilander

13/05/2026

Dugsiga Al-Rayaan Primary School ayaa xaflad sagootin iyo abaalmarin ah u qabtay ardayda fasalka 8-aad ee sannad-dugsiyeedka 2025–2026, kuwaas oo kaalmaha h**e ka galay imtixaanka carbiska ah ee ay qaaddo Al-Huda ee dugsiyada hoos yimaada lehna fasallada 8-aad.

Maamulka dugsiga ayaa ardayda ku maamuusay hadyado kala duwan oo qiimo badan, si loo dhiirrigeliyo dadaalkooda iyo guulahooda waxbarasho. Sidoo kale, xafladdu waxay ku soo dhammaatay jawi deggan, farxad iyo raynrayn leh.

Ugu dambayn, Alle waxaan uga baryaynaa dhammaan ardayda guul, horumar iyo mustaqbal wanaagsan.

Contact us:
63-6588011
63-6588012
63-6588042
63-8000137

06/05/2026

DUGSIGA AL-RAYAAN: HARMUUDKA DUGSIYADA IYO
HOYGA ARDAYDA HIBADA LEH! 🏆⭐

Asc Wa-raxmatullaahi Wa-barakaatuhu,

Waxaan halkan farxadda iyo guusha kula wadaagayaa dhammaan maamulka,
macallimiinta, waalidiinta, iyo ardayda Dugsiga H/Dhexe ee Al-Rayaan. Waxaan
guul weyn ka soo hooynay imtixaankii baaxadda lahaa ee uu qaaday Xafiiska
Imtixaanadka ee Al-Huda.

Dugsiga Al-Rayaan waxa uu mar kale xaqiijiyay inuu yahay gadh-wadeenka aqoonta,
isagoo muujiyay natiijooyin ka dhex muuqda dhammaan dugsiyada kale:

🥇 Guusha Ardayda (Top 10): Waxaa sharaf weyn noo ah in 10-ka arday ee ugu
dhibcaha sarreeyey guud ahaan imtixaankii ay soo saareen xafiiska Al-Huda, ay 6
arday ka mid ahi yihiin ardayda Dugsiga Al-Rayaan. Waxaana xusid mudan inaan
hantinnay Kaalinta 1-aad iyo Kaalinta 2-aad ee dhibcaha ugu sarreeya.

📊 Tartanka Dugsiyada (Grade A Categories): Xafiiska imtixaanadka Al-Huda waxa uu
dugsiyada u qaybiyay saddex heer (Grade A, B, iyo C). Dugsiga Al-Rayaan isaga oo
ku jira heerka ugu sarreeya ee Grade A, waxa uu noqday dugsiga ugu celceliska
sarreeya (Best Average), isaga oo kaalinta koowaad ka galay celceliska dhibcaha
ee 7 maaddo oo ka mid ah maaddooyinkii lagu tartamayay.

Guushani waxay marag u tahay tayada waxbarasho, dadaalka macallimiintayada
aqoonta u saaxiibka ah, iyo dhabar-adayga ardaydayada qaaliga ah. Waxaan sidoo
kale u mahad-celinayaa waalidiinta markasta nagu garab taagan inaan ubadka u
diyaarinno mustaqbal ifaya.

Dugsiga Al-Rayaan waa hoyga lagu taro guusha, waxaana naga go’an inaan mar walba
halkaas ka sii wadno.

Hambalyo Ardayda, Macallimiinta iyo Waalidiinta Al-Rayaan! 🎊📖🥇

Maamulaha Dugsiga H/Dhexe ee Al-Rayaan


05/05/2026

Saaka oo ay taariikhdu ahayd 05-05-2026, waxa kalmad qiimo badan ardayda la wadaagay Sheekh Mahad Cadaad, taas oo cinwaankeedu ahaa (Saaxiibka Wanaagsan).

Waxaan Ilaahay uga baryaynaa Sheekha in kalmaddaas qiimaha badan uu miisaanka xasanaadka ugu daro, ardaydana uu ka yeelo kuwo ka faa’iidaysta.

05/05/2026

Dugsiga Hoose Dhexe Al-Rayaan waxa si habsami leh uga socda tartanka luuqadaha iyo maaddada xisaabta, kaas oo ay ka qayb galeen dhammaan fasallada dugsiga.

Maanta waxa tartamay fasallada kala ah 5A, 4A, iyo 3A, waxaana ku guulaystay fasalka 5A.

Tartanku waxa uu ku soo dhammaaday jawi deggan iyo guul.

25/04/2026

Al-Rayaan Primary School

Maanta oo ay taariikhdu tahay 25-04-2026, waxa si rasmi ah u bilaabmay imtixaanka dallada Al-Huda ee fasallada 8aad, kaas oo ardayda loogu sii diyaarinayo Imtixaanka Qaranka ee Jamhuuriyadda Somaliland.

Dhammaan ardayda waxaan u rajaynaynaa guul, dadaal miro-dhal ah, iyo inay gaadhaan darajooyin sare idanka Alle.

22/04/2026

Labadii toddobaad ee u dambeeyay, Dugsiga Al Rayaan waxaa ka socday tartan aqooneed gaar ah oo loo qabtay fasallada 8aad, kaas oo loogu diyaarinayay imtixaanka Hay’adda Al Huda.

Tartankan oo ay si firfircoon uga qayb galeen dhammaan ardaydu, wuxuu ahaa mid kor u qaaday tartanka, dadaalka, iyo is-dhexgalka ardayda.

Ugu dambayn, tartanku wuxuu kusoo dhammaaday jawi aad u qurux badan oo ay ka muuqatay farxad, guul, iyo is-ixtiraam.

Waxaan u rajaynaynaa dhammaan ardayda guul iyo horumar mustaqbalka. 🌟

Address

Hargeisa
00252

Telephone

+252636588042

Website

Alerts

Be the first to know and let us send you an email when AL- Rayaan primary , Intermediate and KG School posts news and promotions. Your email address will not be used for any other purpose, and you can unsubscribe at any time.

Contact The School

Send a message to AL- Rayaan primary , Intermediate and KG School:

Shortcuts

Share

Category