Saalim Abdirahman

Imtixaankaan qofkii awooda ha galo, dhibcihiisana ha arko, haddii uu jecleystana dhibcaha isla hadda ha nala wadaago, qofkii aanan rabinna kuma qasbana inuu dhibcihiisa nala wadaago.

300 oo dhibic guud ahaan haddii aad keentid abaalmarin adduun iyo mid aakhiro ayaad mudan tahay, 240 dhibic ka yar haddii aad keentidna adduunka dhexdiisa isla adigaba isku xisaabi, oo wax ka sax wixii kaa qaldan inta aad awooddo.

1- Weligaa qof Soomaali ah ma dishay?
Maya = 50 dhibic

2- Qof Soomaali ah dilkiisa maka qeyb qaadatay?
Maya = 50 dhibic

3- Weligaa qof Soomaali ah ma dhaawacday?
Maya = 40 dhibic

4- Weligaa qof Soomaali ah ma boobtay, ma baadday, ma dhacday ama ma xoogtay?
Maya = 30 dhibic

5- Weligaa hanti qof, mid shacab, mid ehel iwm ma musuqmaasuday? Ma xadday?
Maya = 20 dhibic

6- Weligaa dagaal Soomaaliya ka socda wax maka hurisay, lacag maku dartay, buunbuunis ma u sameysay, dad ma u dirtay ama fikir maku darsatay?
Maya = 50 dhibic

7- Weligaa qof Soomaali ah oo kaa taag darran (kaa daciifsan) heybtiisa (qabiilkiisa) dartiis maku dulmisay, dulmi noocii uu rabo ha ahaadee?
Maya = 20 dhibic

8- Weligaa caqabad maku noqotay ama si un ma u hor istaagtay wax maslaxo ama dan guud ah oo dalka ama dad Soomaali ah tirada ay rabaanba ahaadaanee ay ka faa'iideysan lahaayeen?
Maya = 20 dhibic

9- Ma aaminsan tahay qabiil ahaan inaad ka sareysid Soomaalida kale, in wixii aad rabtaanna aad ka sameysan kartaan Soomaalida, iyo sidoo kale in maslaxada qabiilkaaga ay ka muhiimsan tahay tan Soomaalida iyo dalka dhan?
Maya = 10 dhibic

10- Ma jirtaa cuqdad aad qabiil ama qabiillo dhan u qabtid, qof ama qof kale wuxuu geytsay awgeed, ama qabiillo aad iska neceb tahay ma jiraan?
Maya = 5 dhibic

11= Su'aalahaan ka jawaabidoodda ma kugu adkeyd, culeys maku dareentay, inaad dhibcahaaga nala wadaagtidna dhib miyay kugu tahay?
Maya = 5 dhibic

Mahadsanid inbadan, inta jawaab ee aad maya dhahday dhibcaha ku horyaalla dhan isku darso, wadartoodana noo sheeg comment ahaan.

Dhanka kale xaq waad u leedahay inaadan waxaaga nala wadaagin, ku qasbi meyno, lkn haddii aad ku faraxsan tahay natiijadaada nala wadaag.

Mahadsanid inbadan
Galab wanaagsan

﴿بل الإنسان على نفسه بصيرة٤٤﴾ ]القيامة: 41[

"Insaanku isaga ayaa u xogogaalsan naftiisa"


Waxba ku tari mayso amaanta kuwa wax amaana marka ay kugu sheegaan wax aanad ahayn sidoo kalena waxba kaa dhimi mayso eedda kuwa wax eedeeyaa haddii ay kugu tuhmaan wax aanad ahayn.Si kasta oo uu u wanaag san yahay insaanku waa hubaal in uu jiro mid necebi, xataa Nebiyadii Ilaahay ma wada jeclayn dadku.

Si walba oo uu u xun yahay qofku, waxa la soo helayaa kuwo jecel, xataa Fircoon iyo Namruud dad ayaa u sacabba tumi jiray.Mudraf binu Cabdillaahi ayaa yidhi: imaamu Maalik binu Anas ayaa igu yidhi:"dadku maxaa aay iga lahaayeen?"Waxa aan ku idhi:
"saaxiibka dhabta ahi waa uu ku ammaanayay,cadouguna wax
buu kaa sheegayay.

"Imaamka ayaa yidhi:"dadku wali waa sidaas laakiin Ilaahay waxa aannu ka magan galnay in ay midoobaan carrabadoodu."Imaamku, Ilaahay (swt) waxa uu ka magan galay dadku in ay wada ammaanaan oo uu kadsoomo, ama in ay wada caayaan oo laga helo wax ka mid ah xumaanaha ay ku sheegayaan.

Mohamet Naaji

Haddii aad haysatid lammaane qurux badan, caruur, hanti ama wax walba oo naftaada farxad galiya; ha dhigin Baraha Bulshada (Social Media).

Waxaad soo jiidanaysaa indha bin aadamka, Nabigu wuxuu yiri "ishu waa mid xaq ah, hadday jiraan waxa qadarta Allah kahor mara, isha ayaa ahaan laheed.

ogow waxaa jira dad badan oo aanan haysan nimcada aad adigu haysatid, sidokale dadka kuu soo qoraya faallada quruxda badan intooda badan kuma faraxsana waxa uu Allah ku siiyay ee aysan iyagu markaas haysan.