Puntland State University

Kulliyada Culumata Computerka oo qado sharaf ku maamustay qaban qabiyaashi PSU Techweek 2.0

PSU Home of Innovation

Arday wax ka baratay Jaamacada Puntland State University ee Garowe ayaa Carwada Tignoolojiyada Puntland kusoo bandhigay agab ay iyagu sameeyen kuwaas oo wax weyn u taraya bulsahda. Waxaa ka mida agabka mid loogu talagalay beeraha oo qofku isaga oo xaafadiisa jooga uu la socon karo temperature ka ciida beertiisa iyo haday biyo u baahanytahay isagaa halkiisa ka waraabin kara, sidoo kale waxa kamida mid guryahay loogu talagalay oo aad mobile kaaga ku maamuli karto adoo layrarka ka shidaya kana daminaya sidoo kale albaabada ku furaya kuna xirayaa. Waxaa iyaguna ka mida mid waardiye ah sheegayana hadii gurgaaga cid soo gashay ama usoo dhacday ama xitaa agaa xaruntaada aad u isticmaali kartid midka ugu danbeeya ayaa ahaa mid loogu talagay ciidamada ilaalada bada oo ay kula socon karaan doomaha iyo maraakiibta sharcidarada ah ee xuduuda bada soo gaala.

Gaalkacyo: Munaasabadda Qalin-jebinta dufcadda 9aad ee ka dhacday xarunteena Jaamacadda PSU Gaalkacyo.

Sawirrada wajiyada farxadeed ardaydeenna qalin-jebineysa.

Jaamacadda PSU oo Ka Qayb Qaadatay Carwada Teknoolojiyadda Puntland.

Kulliyadda Computing ee Jaamacadda ayaa si mug leh uga soo muuqatay Carwada Teknoolojiyadda Puntland, iyada oo soo bandhigtay barnaamijyo casri ah oo kala duwan, kuwaas oo intooda badan ku dhisan garaadka macmalka ah (Artificial Intelligence – AI).

Barnaamijyada ay Kulliyaddu soo bandhigtay waxaa kamid ahaa:

Wargeliye (Surveillance) System

Smart Plant Monitoring System

AI Powered Smart Home

Maritime Radar System

Sidoo kale, Jaamacaddu waxay si firfircoon uga qayb qaadatay dood-cilmiyeedyo diiradda lagu saarayay sidii loo horumarin lahaa waxbarashada, iyadoo si wax ku ool ah looga faa’iidaysanayo teknoolojiyadda casriga ah.

Ka qaybgalka Jaamacaddu wuxuu muujinayaa doorkeeda muhiimka ah ee horumarinta aqoonta, hal-abuurka, iyo adeegsiga teknoolojiyadda casriga ah ee waxbarashada iyo bulshada guud ahaan.

Waxaa guud ahaan Jaamacadda PSU ka bilaabmay imtixaanka koowaad ee kama-dambaysta ah (Final Exam) ee kal-jaamacadeedka koowaad ee sannad-Jaamacaddeedka 2025–2026.

Maamulka iyo macallimiinta Jaamacaddu waxay si guul ugu rajeynayaan dhammaan ardayda maanta u bilaabmay imtixaanaadka kala duwan ee Jaamacadda .

Guul iyo nasiib wacan.

Ardayda sannadka labaad ee Qaybta Civil Engineering ayaa booqasho aqooneed ku tagay site shaqo, taas oo qayb ka ahayd dadaallada lagu kobcinayo aqoonta ardayda ee ay ka barteen jaamacadda, isla markaana loogu beddelayo aqoon practical ah.

Booqashadan aqooneed waxay ardayda siisay faham wax ku ool ah oo ku saabsan arrimo dhowr ah, kuwaas oo ay ka mid yihiin:

Fahamka iyo barashada kala sareynta dhulka (leveling)

Xisaabtinta Topographic Surveying

Toosinta waddooyinka iyo cabbiridda farqiga u dhexeeya heerarka waddooyinka .

Waxaan u rajaynaynaa ardaydeena guul iyo nasiib wacan, inta aad ku guda jirtaan imtixaanka.
Ilaahay ha idin sahlo dadaalkiinna, hana idinka dhigo kuwo miro-dhal ah.

Ardayda sannadka saddexaad ee Qaybta Civil Engineering ayaa booqasho aqooneed ku tagay shirkada biyaha ee Nugal Water Company (NUWACO), taas oo qayb ka ahayd in ardaygu lagu kobciyo aqoontii jamacada ay ku qaateen oo practical ah.

Booqashadan waxa iska kaashaday Jamacad PSU iyo Shirkada NUWACO. Booqashadani waxay ardayda siisay faham wax ku ool ah oo ku saabsan:

1. Fahanka kaydadka biyaha ee magalada (Reservoir tanks)
2. Nidamka sifaynta biyaha (water treatment plant)
3. Nidamka baahinta biyaha (water distribution system)
4. Nidaamka kantrolida biyaha (Control System)
5. Ilaalinta tayada biyaha (Water Quality) Iyo
6. ilaalinta deegaanka (Environmental Sustainability)

Jaamacaddu waxa ay u mahad celinaysaa shirkadda NUWACO, soo dhawaynta diiran iyo fursadda qiimaha leh ee ay ardaydeena u siisay fursadaas.