University of Bosaso Students Union Garowe

Isniin, 27/7/2026.

Magacaabis Rasmiya.

Madaxweynaha Midawga Ardayda Jaamacadda Boosaaso Garoowe, Mudane Mohamed-deeq Abdirashid Abdiqadir (M.Deak) Mohamad A. Deak isaga oo gudanaya waajibaadka iyo awoodaha uu siinayo dastuurka Midawga Ardayda, isla markaana tixraacaya baahida loo qabo horumarinta, tayeynta iyo xoojinta howlaha mediaha ee Midawga Ardayda, markii uu latashi lasameeyay madaxwayne kuxigeenka midowga ardayda jaamacadda Bosaaso Garowe, waxa uu garwaqsaday inuu si rasmi ah ugu magacaabo agaasimaha mediaha, Mudane Maxamed Cabdikariim Cali (Jimcaale).

Magacaabistan ayaa dhaqan-galaysa laga bilaabo maanta, iyadoo Agaasimaha mediahu uu yeelan doono, masuuliyadda qorshaynta, maamulka iyo horumarinta dhammaan howlaha mediaha ee Midawga Ardayda, diyaarinta iyo wararka iyo muuqaalada rasmiga ah, maamulka baraha bulshada, kobcinta sumcadda Midawga, iyo taageeridda dadaallada lagu gaarsiinayo Ardayda xog sax ah oo waafaqsan siyaasadaha iyo himilooyinka Midawga Ardayda.

Madaxweynaha ayaa ugu hambalyeeyay Agaasimaha cusub xilka loo igmaday, wuxuuna ku boorriyay inuu si hufan, hal-abuur leh, xilkasnimo iyo daacadnimo ku dheehan tahay u guto waajibaadkiisa, isagoo ka shaqaynaya horumarinta agaasimka iyo kor u qaadidda maqaalka Midawga Ardayda.

Sidoo kale, Madaxweynaha Midawga Ardayda Jaamacadda Boosaaso Garoowe ayaa ugu baaqay dhammaan ardayda iyo bahda jaamacadda inay la shaqeeyaan Agaasimaha cusub si loo xoojiyo wada-shaqaynta, isfahamka iyo horumarinta howlaha warbaahinta ee Midawga Ardayda.

Af:hayeenka Xukuumadda Dan Arday: Mudane Abdinaasir Abdikhaliif Ahmed Abdinasir Elmi .

of Bosaso - Garowe #
University of Bosaso Students Union Garowe

𝐌𝐢𝐝𝐨𝐰𝐠𝐚 𝐀𝐫𝐝𝐚𝐲𝐝𝐚 𝐉𝐚𝐚𝐦𝐚𝐜𝐚𝐝𝐝𝐚 𝐁𝐨𝐨𝐬𝐚𝐚𝐬𝐨 𝐆𝐚𝐫𝐨𝐰𝐞 𝐌𝐀𝐉𝐁-𝐆, 𝐰𝐚𝐱𝐚 𝐮𝐮 𝐬𝐢 𝐝𝐢𝐢𝐫𝐫𝐚𝐧 𝐮 𝐬𝐨𝐨 𝐝𝐡𝐚𝐰𝐞𝐞𝐲𝐚𝐲 𝐰𝐚𝐟𝐝𝐢𝐠𝐚 𝐉𝐚𝐚𝐦𝐚𝐜𝐚𝐝𝐝𝐚 𝐁𝐨𝐨𝐬𝐚𝐚𝐬𝐨 𝐆𝐚𝐫𝐨𝐰𝐞 𝐞𝐞 𝐤𝐚 𝐬𝐨𝐨 𝐥𝐚𝐚𝐛𝐭𝐚𝐲 𝐬𝐚𝐟𝐚𝐫𝐤𝐢𝐢 𝐬𝐡𝐚𝐪𝐨 𝐞𝐞 𝐝𝐚𝐥𝐤𝐚 𝐌𝐚𝐥𝐚𝐲𝐬𝐢𝐚.

Safarkan muhiimka ah wuxuu astaan u yahay himilada Jaamacadda ee ku wajahan horumarinta tayada waxbarashada, ballaarinta iskaashiga caalamiga ah, iyo u abuuridda ardayda fursado waxbarasho iyo cilmi-baaris oo heer caalami ah.

Waxaan si gaar ah ugu hambalyeynaynaa maamulka Jaamacadda guusha laga gaaray saxiixa Heshiiska Is-afgaradka (MoU) ee lala galay International Islamic University Malaysia (IIUM), kaas oo albaab cusub u furaya iskaashi wax-ku-ool ah oo faa'iido u leh ardayda, macallimiinta, iyo guud ahaan Jaamacadda.

Anagoo ah Midowga Ardayda, waxaan aaminsanahay in iskaashiyadan caalamiga ahi ay sare u qaadi doonaan tayada tacliinta, kobcin doonaan cilmi-baarista, isla markaana ay ardayda u horseedi doonaan fursado cusub oo ay kula tartamaan heerarka caalamiga ah.

Waxaan maamulka iyo wafdiga Jaamacadda uga mahadcelinaynaa dadaalka ay u galeen matalaadda Jaamacaddeenna iyo horumarinta mustaqbalka ardayda.

Waxaan Alle uga baryeynaa inuu ku guuleeyo himilooyinka iyo qorshayaasha horumarineed ee Jaamacadda.

𝐀𝐟-𝐡𝐚𝐲𝐞𝐞𝐧𝐤𝐚 𝐌𝐀𝐉𝐁-𝐆
𝐌,𝐧𝐞 𝐀𝐛𝐝𝐢𝐧𝐚𝐚𝐬𝐢𝐫 𝐚𝐛𝐝𝐢𝐤𝐡𝐚𝐥𝐢𝐟 𝐚𝐡𝐦𝐞𝐝

𝐁𝐨𝐨𝐪𝐚𝐬𝐡𝐚𝐝𝐢𝐢 𝐑𝐚𝐬𝐦𝐢𝐠𝐚 𝐚𝐡𝐚𝐲𝐝 𝐞𝐞 𝐌𝐚𝐚𝐦𝐮𝐥𝐤𝐚 𝐉𝐚𝐚𝐦𝐚𝐜𝐚𝐝𝐝𝐚 𝐁𝐨𝐨𝐬𝐚𝐚𝐬𝐨 - 𝐆𝐚𝐫𝐨𝐨𝐰𝐞 𝐞𝐞 𝐃𝐚𝐥𝐤𝐚 𝐌𝐚𝐥𝐚𝐲𝐬𝐢𝐚 𝐨𝐨 𝐬𝐢 𝐆𝐮𝐮𝐥 𝐥𝐞𝐡 𝐮 𝐬𝐨𝐨 𝐆𝐚𝐛𝐚-𝐠𝐚𝐛𝐨𝐰𝐝𝐚𝐲

Waxaa si guul leh u soo idlaatay booqashadii shaqo ee rasmiga ahayd ee madaxda sare ee Jaamacadda Boosaaso – Garoowe ay ku joogeen dalka Malaysia.

Maamulka Jaamacaddu waxay booqashadooda ku soo xireen indho-indhayn iyo wada-hadallo iskaashi oo ay la yeesheen qaybaha caafimaadka ee Jaamacadda caalamiga ah ee IIUM (International Islamic University Malaysia). Booqashadu waxay si gaar ah u taabatay xarumaha soo socda:

- 𝐅𝐚𝐜𝐮𝐥𝐭𝐲 𝐨𝐟 𝐌𝐞𝐝𝐢𝐜𝐢𝐧𝐞
- 𝐅𝐚𝐜𝐮𝐥𝐭𝐲 𝐨𝐟 𝐍𝐮𝐫𝐬𝐢𝐧𝐠
- 𝐅𝐚𝐜𝐮𝐥𝐭𝐲 𝐨𝐟 𝐀𝐥𝐥𝐢𝐞𝐝 𝐇𝐞𝐚𝐥𝐭𝐡 𝐒𝐜𝐢𝐞𝐧𝐜𝐞𝐬
- 𝐂𝐢𝐬𝐛𝐢𝐭𝐚𝐚𝐥𝐤𝐚 𝐖𝐞𝐲𝐧 𝐞𝐞 𝐉𝐚𝐚𝐦𝐚𝐜𝐚𝐝𝐝𝐚 𝐈𝐈𝐔𝐌
(𝐒𝐮𝐥𝐭𝐚𝐧 𝐀𝐡𝐦𝐚𝐝 𝐒𝐡𝐚𝐡 𝐌𝐞𝐝𝐢𝐜𝐚𝐥 𝐂𝐞𝐧𝐭𝐫𝐞 – 𝐒𝐀𝐒𝐌𝐄𝐂)

Ujeeddada guud ee booqashadan waxay ahayd xoojinta xiriirka tacliimeed ee ka dhexeeya labada jaamacadood, is-weydaarsiga khibradaha iyo aqoonta cilmiyeed, iyo u kuur-galka hab-dhaqanka casriga ah ee wax-barashada iyo tababarka cilmiga caafimaadka. Tallaabadani waxay qayb ka tahay dadaallada Jaamacadda Boosaaso ee lagu hirgelinayo nidaam waxbarasho oo tayo sare leh, kulana jaan-qaadi kara heerarka caalamiga

"Af-Hayeenka Xukuumadda Midowga Ardayda Jamacada Bosaso-Garowe,"
M.ne Abdinasir Abdikhalif Ahmed Elmi

𝐖𝐚𝐟𝐭𝐢 𝐤𝐚 𝐬𝐨𝐜𝐝𝐚 𝐉𝐚𝐚𝐦𝐚𝐜𝐚𝐝𝐝𝐚 𝐁𝐨𝐨𝐬𝐚𝐚𝐬𝐨 𝐆𝐚𝐫𝐨𝐨𝐰𝐞 𝐨𝐨 𝐛𝐨𝐨𝐪𝐚𝐬𝐡𝐨 𝐤𝐮 𝐭𝐚𝐠𝐚𝐲 𝐉𝐚𝐚𝐦𝐚𝐜𝐚𝐝𝐝𝐚 𝐔𝐢𝐓𝐌 𝐞𝐞 𝐝𝐚𝐥𝐤𝐚 𝐌𝐚𝐥𝐚𝐲𝐬𝐢𝐚.

Wafti uu hoggaaminayo Guddoomiyaha Jaamacadda Boosaaso (UOBG) oo maalmahan ku sugnaa dalka Malaysia, ayaa booqasho ku tagay Jaamacadda Teknolojiyadda ee Malaysia (UiTM).

Booqashadan ayaa timid ka dib markii maamulka sare ee Jaamacadda Boosaaso ay casumaad rasmi ah ka heleen dhiggooda Jaamacadda UiTM. Kulankan ayaa ka dhacay xarunta jaamacadda UiTM MARA oo ku taal gobolka Selangor, duleedka caasimadda Malaysia ee Kuala Lumpur.

Kulanka ayaa waxaa looga falanqeeyay sidii loo xoojin lahaa iskaashiga dhanka tacliinta sare, gaar ahaan arrimaha cilmi-baarista iyo is-dhaafsiga ardayda (Student exchange iyo Student Mobility). Waxaa la isla gartay in iskaashigan lagu billaabo Kulliyadda Caafimaadka iyo ardayda heerka labaad (Master-ka).

University of Bosaso - Garowe
“Building better community”

Af-Hayeenka Xukuumadda Midowga Ardayda Jamacada Bosaso-Garowe,
M.ne Abdinasir Abdikhaliif Ahmed Elmi .

𝐉𝐚𝐚𝐦𝐚𝐜𝐚𝐝𝐝𝐚 𝐁𝐨𝐨𝐬𝐚𝐚𝐬𝐨 𝐆𝐚𝐫𝐨𝐨𝐰𝐞 (𝐔𝐎𝐁-𝐆) 𝐢𝐲𝐨 𝐉𝐚𝐚𝐦𝐚𝐜𝐚𝐝𝐝𝐚 𝐈𝐈𝐔𝐌 𝐞𝐞 𝐝𝐚𝐥𝐤𝐚 𝐦𝐚𝐥𝐚𝐲𝐬𝐢𝐲𝐚 𝐨𝐨 𝐒𝐢 𝐑𝐚𝐬𝐦𝐢 𝐚𝐡 𝐔 𝐰𝐚𝐝𝐚 𝐒𝐚𝐱𝐢𝐢𝐱𝐝𝐚𝐲 𝐇𝐞𝐬𝐡𝐢𝐢𝐬 𝐈𝐬𝐤𝐚𝐚𝐬𝐡𝐢 𝐖𝐚𝐝𝐚𝐣𝐢𝐫 (𝐌𝐨𝐔)

Waftigii ka socday University of Bosaso - Garowe ee maalmahan ku sugnaa dalka Malaysia ayaa si rasmi ah u saxiixay Heshiis Is afgarad iyo Iskaashi Wadajir (Memorandum of Understanding) oo ay la galeen International Islamic University Malaysia IIUM

Heshiiskan taariikhiga ah ayaa dhabbaha u xaaraya iskaashi qoto dheer oo dhex mara labada jaamacadood, kaas oo diiradda lagu saarayo:
• Kor u qaadista tayada waxbarashada,
• Horumarinta cilmi baarista,
• Is-dhaafsiga khibradaha tacliimeed,
• Kobcinta barnaamijyada wada-shaqaynta ee mustaqbalka fog.

Xafladda saxiixa ayaa ka dhacday xarunta dhexe ee International Islamic University Malaysia (IIUM Gombak Campus), Kuala Lumpur, Malaysia iyadoo ay goob joog ka ahaayeen masuuliyiin sare oo ka kala socday labada dhinac.

Dhanka Jaamacadda Boosaaso - Garoowe University of Bosaso - Garowe, saxiixa waxaa ku matalayay Guddoomiyaha Jaamacadda Dr. Mohamed Ali Mohamoud, oo ay wehelinayeen Guddoomiye Ku xigeenka iyo Hormuudka Daraasaadka Sare.

Dhanka IIUM. waxaa heshiiska ku matalayay Rectorka Jaamacadda IIUM Prof. Emeritus Datuk Dr. Osman Baker, oo ay weheliyaan xubno sare oo ka socda Kulliyadda Caafimaadka ee IIUM.
Heshiiskan cusub ayaa waddada u xaaraya mashaariic ballaaran oo iskaashi oo mustaqbalka dhow la hirgelin doono

University of Bosaso - Garowe
"Building Better Community"

Af-Hayeenka Xukuumadda Midowga Ardayda Jamacada Bosaso-Garowe,
M.ne Abdinasir Abdikhaliif Ahmed Elmi.

OGEYSIIS

Waxaa si xushmad leh loogu wargelinayaa dhammaan ardayda iyo bahda Jaamacadda Bosaso–Garowe in habeenimada Sabtidu soo galayso Jimcuhuna Baxayo lagu qaban doono munaasabadda daah-furka Buugga CILMI-BAARE, oo uu soo bandhigayo Ustaad Abdiqani Mouse Abdi (Galaydh).

Munaasabaddan qiimaha leh waxaa marti ku ah bahda Family U.O.B-G iyo Bulshada Casimada ku nool, waxaana la filayaa inay noqoto kulan aqooneed muhiim u ah cidkasta oo rabta inay hormariso aqoonteda cilmi-barista, laguna xoojinayo akhriska, cilmi-baarista, iyo is-dhaafsiga aqoonta.

Sidaas darteed, waxaa si xushmad leh loogu casuumayaa dhammaan ardayda iyo daneeyayaasha inay ka soo qaybgalaan munaasabaddan, kana faa’iidaystaan aqoonta iyo waayo-aragnimada halkaas lagu soo bandhigi doono.

Fadlan ha moogaanina fursaddan qiimaha badan.

Goobta : waa Jamacada Bosaso-Garowe Qaybteeda Daraasadka sare ama Post-graduationka

Wakhtiga📅: 10/7/2026

Mahadsanidiin🙏🏾.

Af-Hayeenka Xukuumadda Midowga Ardayda Jamacada Bosaso-Garowe,
M.ne Abdinasir Abdikhaliif Ahmed Elmi.

🇸🇴𝐇𝐚𝐦𝐛𝐚𝐥𝐲𝐨 𝟏-𝐝𝐚 𝐋𝐮𝐮𝐥𝐲𝐨 🇸🇴

Maanta waa 1-da Luulyo, maalin taariikhi ah oo astaan u ah midnimada, gobannimada iyo qarannimada Soomaaliyeed, Waa maalin aynu ku xusuusanno halgankii geesiyaasha Soomaaliyeed ee naftooda u huray xorriyadda iyo mideynta ummadda soomaaliyeed.

Anagoo ah Midowga Ardayda Jaamacadda Bosaso – Garowe (MAJB-G), waxaan hambalyo iyo bogaadin u diraynaa dhammaan shacabka Soomaaliyeed meel kasta oo ay joogaan.

1-da Luulyo waxay ina xasuusinaysaa in horumarka dalkeenna lagu gaari karo aqoon, wadajir, nabad iyo isku duubni. Ardaydu waa laf-dhabarta bulshada, waana jiilka laga filayo inay hoggaamiyaan mustaqbal ifaya oo Soomaaliya yeelato.

Waxaan ugu baaqaynaa dhallinyarada Soomaaliyeed inay sii xoojiyaan waxbarashada, waddaniyadda iyo ka shaqeynta horumarka dalkooda.

Hambalyo markale Maalinta Xorriyadda iyo Midnimada Soomaaliyeed.

Alle ha dhowro Soomaaliya. 🇸🇴

Af-hayeenka Midowga Ardayda Jaamacadda Bosaso – Garowe (MAJB-G)
M.ne Abdinasir Abdikhalif Ahmed Elmi.