Mire International School

Waxaa si habsami leh uga bilowday Iskuulka Mire Imtixaanka Naqliga ee Sannad-dugsiyeedka 2025–2026, iyadoo ardaydu muujiyeen diyaar-garow, dadaal iyo kalsooni wanaagsan.

Maamulka, macallimiinta iyo waalidiinta Iskuulka waxay ardayda u rajaynayaan guul iyo natiijooyin wanaagsan, iyagoo ku boorrinaya inay muujiyaan anshax, dadaal iyo kartidooda aqooneed.

Iskuulka Mire wuxuu mar walba u taagan yahay kobcinta aqoonta, akhlaaqda iyo tayaynta mustaqbalka ardayda.

Mire School — Hoyga Aqoonta iyo Barbaarinta Ubadka.

🎉 Hambalyo Hambalyo 🎉

Waxaan hambalyo iyo bogaadin u diraynaa ardayda dhammaysay Qur’aanka Kariimka ah: 𝒀𝒂𝒔𝒊𝒓 𝑨𝒃𝒅𝒊𝒌𝒉𝒂𝒍𝒊𝒒 𝑴𝒐𝒉𝒂𝒎𝒆𝒅 𝒊𝒚𝒐 𝑨𝒇𝒊𝒇𝒐 𝑨𝒉𝒎𝒆𝒅 𝑬𝒍𝒎𝒊. Waa guul weyn oo muujinaysa dadaalkiinna, samirka iyo jacaylka aad u qabtaan Kitaabka Alle.

Ilaahay ha idinka dhigo kuwii Qur’aanka ku camal fala, kana dhigo iftiin idin hanuuniya noloshiinna oo dhan. Hambalyo mar kale, waana guul lagu farxo.

Iskuulka Mire International School waxa uu u taagan yahay soo saarista jiil ku hubaysan akhlaaq suuban iyo aqoon tayo leh, si ay uga qayb qaataan horumarka bulshada iyo mustaqbal dalka.

🏆 Tartan Aqooneedka Kedis

Waxaa soo idlaaday tartan aqooneedkii fasallada iskuulka Mire oo socday sanad-dugsiyeedka 2025/2026, kaas oo ardaydu muujiyeen dadaal, iyo karti.

Iskuulka Mire International School wuxuu u hambalyaynayaa fasalka 7aad oo ku guulaystay tartan aqooneedka dugsiga dhexe sidoo kale wuxuu dhiirigalin u muujinayaa fasalka 5aad oo soo gaaray heer dhammaadka tartanka.

Sidoo kale iskuulku wuxuu u hambalyaynayaa fasalka 4aad oo ku guulaystay tartanka aqooneedka dugsiga hoose.

📚 Tartankaan wuxuu qayb ka yahay horumarinta aqoonta, kalsoonida iyo wada shaqaynta ardayda.

📚✨ Kulanka Sanadlaha ee Mire International School

Waxaa si guul leh u qabsoomay Kulankii Sanadlaha ahaa ee u dhexeeyey maamulka iskuulka iyo waalidiinta.

Kulankan ayaa diiradda lagu saaray horumarka ardayda iyo xoojinta iskaashiga u dhexeeya waalidka iyo iskuulka, si loo gaaro waxbarasho tayo leh.

Maamulka iskuulka ayaa uga mahadceliyey waalidiinta doorkooda muhiimka ah ee taageerada waxbarashada carruurtooda.

🙏 Mahadsanidiin dhammaan ka soo qaybgalayaasha

Wasaaradda Waxbarashada Iyo Tacliinta sare ee Puntland oo si ramsi ah u shaacisay jadwalka imtixaanka shahaadiga ah 2025-2026.

Maamulka dugsiga Mire International School waxay guul u rajeynayaan ardayda fasalka 8aad.

🌙✨ Ciid Wanaagsan ✨🌙

Maamulka, macallimiinta iyo ardayda Mire International School waxay hambalyo diirran u dirayaan dhammaan waalidiinta, ardayda, iyo guud ahaan ummadda Muslimiinta ah gaar ahaan ummadda Soomaaliyeed munaasabadda barakaysan ee Ciidul Fitriga.

Ilaahay ha naga aqbalo soonkii, salaaddii, sadaqadii iyo dhammaan cibaadooyinkii aan soo gudannay bisha barakaysan ee Ramadaan.

Ciiddaan Ciiddeeda kale Allah ha inagu gaarsiiyo caafimaad, nabad iyo barwaaqo.
Waxaan rajaynaynaa in Ciiddu ay noqoto mid farxad, jacayl iyo iscafis ku dheehan yahay.