University of Bosaso - Garowe

Centre For Postgraduate Studies-CPS

𝐎𝐠𝐚𝐲𝐬𝐢𝐢𝐬 𝐌𝐮𝐡𝐢𝐢𝐦 𝐚𝐡 𝐈𝐬-𝐝𝐢𝐢𝐰𝐚𝐚𝐧𝐠𝐞𝐥𝐢𝐧𝐭𝐚 𝐁𝐚𝐫𝐧𝐚𝐚𝐦𝐢𝐣𝐲𝐚𝐝𝐚 𝐌𝐚𝐬𝐭𝐞𝐫’𝐬 𝐃𝐞𝐠𝐫𝐞𝐞

Xarunta Daraasaadka Sare ee Jaamacadda Boosaaso – Garoowe waxay ku wargelinaysaa dhammaan daneeyayaasha in ay furan tahay is-diiwaangelinta barnaamijyada Master’s Degree-ga
is-diiwaangelintu hadda way furan tahay

Waxaad iska diiwaangelin kartaa adigoo booqanaya Xarunta Daraasaadka Sare (CPS) ama la xiriiraya lambarradan:

📞 0904 554411
📞 0905 227733

𝐓𝐚𝐛𝐚𝐛𝐚𝐫 𝐌𝐮𝐡𝐢𝐢𝐦 𝐚𝐡 𝐨𝐨 𝐥𝐨𝐨 𝐪𝐚𝐛𝐭𝐚𝐲 𝐀𝐫𝐝𝐚𝐲𝐝𝐚 𝐒𝐚𝐧𝐧𝐚𝐝𝐤𝐚 𝟏𝐚𝐚𝐝 𝐄𝐞 𝐊𝐮𝐥𝐥𝐢𝐲𝐚𝐝𝐝𝐚 𝐂𝐮𝐥𝐮𝐮𝐦𝐭𝐚 𝐊𝐨𝐦𝐛𝐢𝐲𝐮𝐮𝐭𝐚𝐫𝐤𝐚 (Data Science)

Ardayda sannadka 1aad ee Kulliyadda Culuumta Kombiyuutarka, gaar ahaan waaxda Data Science, ayaa ka qayb qaatay tababar aqoon-kororsi ah oo ku saabsan cillad-bixinta (Troubleshooting) iyo aasaaska kombiyuutarada.

Intii uu socday tababarku, ardayda waxaa lagu baray:
• Sida loo sameeyo Bootable USB (Duubidda cajiladda Operating System-ka)
• Ku shubidda nidaamyada sida Windows 10 iyo Windows 11
• Isticmaalka barnaamijka Rufus
• Xallinta cilladaha hardware iyo software

Ujeeddada tababarkan ayaa ahayd in ardaydu yeeshaan xirfado aasaasi ah oo ay ku rakibi karaan, ku hagaajin karaan, kuna maamuli karaan kombiyuutarada si hufan.

Tababarka waxaa bixinayay Eng. Harun Cabdirashiid, oo ka mid ah ardaydii h**e uga qalin-jabisay jaamacadda, kana qayb qaadanaya horumarinta jiilka cusub ee ardayda.

University of Bosaso – Garowe
“Building Better Community”

Ardayda dhigata Caafimaadka Bulshada (Public Health) ee sannadka u dambeeya ayaa ka faa’iidaystay tababar muhiim ah oo ay ku qaateen Wasaaradda Caafimaadka, kaas oo diiradda lagu saaray xakamaynta dulinka sababa cudurrada.

Tababarkan qiimaha badan waxaa bixiyay Dr. Cabdixaafid Yaasiin Xuseen oo ka tirsan saraakiisha Wasaaradda Caafimaadka, isagoo ardayda la wadaagay aqoon iyo khibrad wax ku ool ah.

Jaamacadda Boosaaso – Garoowe waxay si gaar ah ugu mahadcelinaysaa Wasaaradda Caafimaadka Puntland iyo Dr. Cabdixaafid dadaalkooda iyo doorka muuqda ee ay ku leeyihiin horumarinta aqoonta ardayda.

University of Bosaso - Garowe

Jaamacadda Boosaaso - Garoowe ayaa si guul leh u qabatay tababar muhiim ah oo diiradda lagu saarayey Falanqaynta Siyaasadda iyo doorka ay ku leedahay Maamul Wanaagga.

Tababarkan ayaa loo qabtay ardayda barata Waaxda Maamulka Dadweynaha (Public Administration) ee Jaamacadda Boosaaso - Garoowe, waxaana lagu qabtay Xarunta Daraasaadka Sare ee jaamacadda.

Tababarkan ayaa waxa bixinayey Dr. Maxamed Axmed Aadan, oo ah Wakiilka dalka Soomaaliya u qaabilsan hay’adda Centre for Humanitarian Dialogue. Dr. Maxamed waxa uu shahaadada sare ee PhD-da ka qaatay Jaamacadda Ankara ee dalka Turkiga, isaga oo ku takhasusay Cilmiga Siyaasadda (Political Science).

𝐓𝐚𝐛𝐚𝐛𝐚𝐫 𝐌𝐮𝐡𝐢𝐢𝐦 𝐚𝐡 𝐨𝐨 𝐥𝐨𝐨 𝐪𝐚𝐛𝐭𝐚𝐲 𝐀𝐫𝐝𝐚𝐲𝐝𝐚 𝐒𝐚𝐧𝐧𝐚𝐝𝐤𝐚 𝟏𝐚𝐚𝐝 𝐄𝐞 𝐊𝐮𝐥𝐥𝐢𝐲𝐚𝐝𝐝𝐚 𝐂𝐮𝐥𝐮𝐮𝐦𝐭𝐚 𝐤𝐨𝐦𝐛𝐢𝐲𝐮𝐮𝐭𝐚𝐫𝐤𝐚

Ardayda Sannadka 1aad Ee Kulliyadda Culuumta Computerka
ayaa ka qayb qaatay tababar ku saabsan cillad bixinta (Troubleshooting) iyo asaasiyaadka kombiyuutarada

Tababarka waxa lagu bartay:
Duubidda cajiladda Operating System-ka (Bootable USB)
ku shubidda nidaamka sida Windows 10 iyo Windows 11
Isticmaalka Rufus
Xallinta cilladaha hardware & software

Ujeedadu waa in ardaydu yeeshaan xirfado aasaasi ah oo ay ku rakibi karaan, ku hagaajin karaan, kuna maamuli karaan kombiyuutarada.

tababarka waxaa bixinayey Eng. Harun Abdirashiid oo ka mid ahaa ardaydii h**e uga baxday jaamacadda.

University of Bosaso - Garowe
"Building Better Community"

𝐀𝐫𝐝𝐚𝐲𝐝𝐚 𝐊𝐮𝐥𝐥𝐢𝐲𝐚𝐝𝐝𝐚 𝐃𝐚𝐚𝐰𝐞𝐲𝐧𝐭𝐚 𝐢𝐲𝐨 𝐐𝐚𝐥𝐥𝐢𝐢𝐦𝐚𝐝𝐚 𝐨𝐨 𝐁𝐨𝐨𝐪𝐚𝐬𝐡𝐨 𝐊𝐮 𝐓𝐚𝐠𝐚𝐲 𝐗𝐚𝐫𝐮𝐧𝐭𝐚 𝐋𝐚𝐠𝐮 𝐗𝐚𝐧𝐧𝐚𝐚𝐧𝐞𝐞𝐲𝐨 𝐂𝐚𝐫𝐮𝐮𝐫𝐭𝐚 𝐀𝐮𝐭𝐢𝐬𝐦-𝐤𝐚 𝐥𝐚 𝐧𝐨𝐨𝐥

Ardayda dhigata Kulliyadda Daaweynta iyo Qalliimada (Medicine & Surgery) ayaa booqasho waxbarasho ku tagay xarun lagu xanaaneeyo carruurta la nool Autism-ka. Ardaydan oo Hadda Dhiganaya Qaybta Xannuunada Carruurta (Pediatrics) ayaa ujeeddadoodu ahayd inay si toos ah uga bartaan hababka daryeelka iyo baaritaanka carruurta qaba Autism-ka.

Intii ay booqashadu socotay, dhakhaatiirta wax u dhigta ayaa ardayda tusay farsamooyinka saxda ah ee loo wajaho carruurtaas, iyagoo siinaya khibrad dhab ah oo kaabaya aqoontooda fasalka.

Jaamacadda Boosaaso – Garoowe waxay si gaar ah ugu mahadcelinaysaa maamulka xarunta, gaar ahaan Dr. Saynab, oo si heer sare ah u soo dhawaysay ardayda isla markaana gacan ka geysatay hirgelinta booqashadan waxbarasho.

University of Bosaso - Garowe
"Building Better community"

𝐎𝐆𝐄𝐘𝐒𝐈𝐈𝐒 𝐌𝐔𝐇𝐈𝐈𝐌 𝐀𝐇

Jaamacaddu waxay ku wargelinaysaa dhammaan ardayda barata Maamulka Dadweynaha (Public Administration) in la qabanayo tababar aqoon-kororsi ah oo muhiim u ah horumarinta xirfadda aqooneed iyo fahamka maamul wanaagga.
Tababarkan waxa soo qaban qaabisay Xarunta Horumarinta, Hal-abuurka iyo Cilmi-baadhista Jaamacadda Boosaaso - Garoowe

𝐌𝐚𝐰𝐝𝐮𝐮𝐜𝐚 𝐓𝐚𝐛𝐚𝐛𝐚𝐫𝐤𝐚

Falanqaynta Siyaasadda iyo Doorka ay ku leedahay Maamul Wanaagga

Tababarkan waxaa diiradda lagu saari doonaa hababka casriga ah ee falanqaynta siyaasadaha dowladeed, kuwaas oo door weyn ka ciyaara horumarinta hufnaanta iyo tayeynta adeegyada bulshada.


𝐅𝐚𝐚𝐡𝐟𝐚𝐚𝐡𝐢𝐧𝐭𝐚 𝐓𝐚𝐛𝐚𝐛𝐚𝐫𝐤𝐚
Tababaraha: Dr. Mohamed Ahmed Adan

📍Goobta: CPS, Garoowe
📅Taariikhda: Sabti, 25-ka Abriil
⏱️Waqtiga: 4:00 PM – 8:00 PM

𝐉𝐚𝐚𝐦𝐚𝐜𝐚𝐝𝐝𝐚 𝐨𝐨 𝐐𝐚𝐛𝐚𝐭𝐚𝐲 𝐓𝐚𝐛𝐚𝐛𝐚𝐫 𝐋𝐚𝐠𝐮 𝐊𝐨𝐛𝐜𝐢𝐧𝐚𝐲𝐨 𝐗𝐢𝐫𝐟𝐚𝐝𝐚𝐡𝐚 𝐂𝐢𝐥𝐦𝐢-𝐛𝐚𝐚𝐫𝐢𝐬𝐭𝐚 𝐀𝐫𝐝𝐚𝐲𝐝𝐚

Xarunta Horumarinta, Hal-abuurka iyo Cilmi-baarista ee Jaamacadda Boosaaso – Garoowe ayaa soo qabanqaabisay tababar muhiim ah oo lagu kobcinayey aqoonta iyo xirfadaha cilmi-baarista ardayda, gaar ahaan ardayda Kuliyadda Culuumta Bulshada.

Intii uu socday tababarku, ardayda waxaa lagu baray hababka ururinta iyo falanqaynta xogta, ilaalinta anshaxa cilmi-baarista, habraacyada saxda ah ee xigashada, soo koobidda maqaalada cilmiyeed, iyo arrimo kale oo la xiriira hufnaanta iyo casriyeynta cilmi-baarista.

Tababarka waxaa bixinayey Mr. Ahmed Hussein Suleiman oo ah cilmi-baare ka tirsan bahda Jaamacadda.

Tababarkan ayaa lagu qabtay Xarunta Daraasaadka sare ee jaamacadda Boosaaso Garoowe

𝐊𝐨𝐛𝐜𝐢𝐧𝐭𝐚 𝐗𝐢𝐫𝐟𝐚𝐝𝐚𝐡𝐚 𝐂𝐢𝐥𝐦𝐢-𝐛𝐚𝐚𝐫𝐢𝐬𝐭𝐚 𝐂𝐚𝐬𝐫𝐢𝐠𝐚 𝐚𝐡

Ardayda kuliyadda Ganacsiga iyo Maamulka Casriga ah ee jaamacadda Boosaaso - Garoowe ayaa ka faa’iidaystay tababar ku saabsan “Xirfadaha Cilmi-baarista Dijitaalka ah (Digital Research Skills)”, kaas oo lagu xoojiyey awooddooda cilmi-baariseed ee casriga ah.

Tababarku wuxuu diiradda saarayey:
• Hababka xog ururinta
• Helitaanka ilo xog oo lagu kalsoonaan karo
• Adeegsiga kaydadka aqoonta
• Tixraaca saxda ah (referencing)
• Ka fogaanshaha xatooyada (plagiarism)

Tababarkan qiimaha leh waxaa bixiyey Ustaad Ahmed Hussein, oo ah cilmi-baare ka tirsan bahda jaamacadda Boosaaso - Garoowe.

𝐓𝐚𝐛𝐚𝐛𝐚𝐫 𝐀𝐪𝐨𝐨𝐧 𝐊𝐨𝐫𝐨𝐫𝐬𝐢 𝐚𝐡

Jaamacadda Boosaaso – Garoowe, gaar ahaan Kulliyadda Computer Science and Technology, ayaa maanta tababar aqoon-kororsi ah u geysay qaar ka mid ah ardayda dhigata Waaxda Data Science ee Jaamacadda, Xarunta Maareynta Xogaha Khayraadka Biyaha iyo Dhulka Dowladda Puntland (Puntland Information Management Centre for Water & Land Resources).

Tababarkan ayaa diiradda lagu saaray sidii ay ardaydu si toos ah ugu arki lahaayeen hababka casriga ah ee xog ururinta, tiknoolajiyada la adeegsado, iyo agabka (tools) muhiimka u ah ururinta iyo falanqaynta xogta.
Intii uu socday tababarku, ardaydu waxay fursad u heleen inay la kulmaan madaxda hay’adda, iyagoo ka faa’iidaystay khibrado iyo talooyin wax ku ool ah.

Jaamacaddu waxay uga mahadcelinaysaa hay’adda doorkeeda muhiimka ah ee ay ka qaadatay kobcinta aqoonta ardayda iyo fududeynta fursaddan tababarka ah.

University of Bosaso - Garowe
Building Better Community

𝐇𝐚𝐦𝐛𝐚𝐥𝐲𝐨 𝐢𝐲𝐨 𝐁𝐨𝐠𝐚𝐚𝐝𝐢𝐧

Jaamacadda Boosaaso – Garoowe waxay hambalyo diirran u diraysaa dhammaan xubnaha Guddiga Tacliinta Sare ee Dowladda Puntland, kuwaas oo maanta uu magacaabay Madaxweynaha Dowladda Puntland.
Jaamacaddu waxay bogaadinaysaa kalsoonida iyo masuuliyadda culus ee loo igmaday guddigan cusub, iyadoo rajaynaysa in ay kaalin muuqata ka qaadan doonaan horumarinta, hagidda iyo tayeynta waxbarashada sare ee Puntland.

Hambalyo