Guddoonka Waxbarashada Gobolka Nugaal

Buurtinle: Waxaa ka qabsoomay Degmada Buurtinle Tabobar ku saabsan diiwaangelinta iyo tayeynta xogta dugsiyada EMIS kaas oo loo qabtay maamuleyaasha Dugsiga ku yaala Degmada Buurtinle ee Gobolka Nugaal.

Tababarka waxaa furay Madaxa u qaabilsan EMIS Wasaaradda Waxbarashada iyo Tacliinta Sare Mudane Maxamuud Cabdiwali Muuse iyo Gudoomiyaha Waxbarashada Degmada Buurtinle Mudane Cabdul Cabdi Budeeye.

Mas'uuliyiinta ayaa si faahfaahsan ugu sheegay maamulayaasha dugsiyada muhiimadda ay leedahay diiwaangelinta xogta dugsiyada, iyaga oo xusay in xogta saxda ah ay muhiim u tahay horumarinta waxbarashada, qorshaynta adeegyada, iyo maareynta dugsiyada si hufan.

Kulan ayaa qeyb ka ah ololaha daadajinta iyo tirakoobka xogaha dugsiyada, kaas oo si nidaamsan looga fulin doono dhamaan dugsiyada Gobolka Nugaal, si loo helo xog sax ah oo lagu horumarinayo waxbarashada Gobolka Nugaal.

Dhammaad.

BILAABASHADA OLOLAHA SOO URUURINTA XOGTA DUGSIYADA GOBOLKA NUGAAL.

Garoowe: Agaasimaha Qorshaynta ee Wasaaradda Waxbarashada Maxamed Cabdicasiis Qaalib oo uu weheliyo Gudoomiyaha Waxbarashada Gobolka Nugaal mudane Daahir Khaliif ayaa si rasmi ah uga daah furay magaalada Garoowe tababarka maamulayasha xarumaha waxbarashada ee soo aruurinta xogta waxbarashada, maamulayasha ayaa lagu tababaray dhamaan foomamka ay kuso xarayn doonaan xogaha laga rabo.

kulanka waxa kasoo qayb galay qayb kamid ah gudoomiyasha waxbarashada degmooyinka Gobolka Nugaal, maamulayasha dugsiyada Degmafa Garoowe, saraakiisha xafiiska waaxda qorshaynta ee wasaaradda waxbarashada iyo shaqaalaha Xafiiska Gudoonka Waxbarashada Gobolka Nugaal.

Agaasime Qaalib iyo gudoomiye Daahir ayaa maamulayasha dugsiyada kula balamay inay sida ugu wanaagsan uga qayb qaataan so aruurinta xogta.

-Dhammaad-

BAAHIN FURSADO SHAQO OO BANNAAN.

Waxaa ka bannaan fursado shaqo dugsiyada kala ah:

1. Budunbuto Secondary School
2. Iftiin Integrated & Boarding School.

Faahfaahinta ka daalaco hoos.

Waxaa Kormeer shaqo ku tagay Dugsiga Sare ee Al-Xikma Garoowe Gudoomiyaha Xafiiska Imtixaannaadka iyo Shahaadooyinka ee Wasaaradda Waxbarashada & Tacliinta Sare iyo Gudoomiyaha Xafiiska Waxbarashada Gobolka Nugaal.

Maamulka Dugsiga Sare er Al-Xikma ayaa ku dhaweeyey mas'uuliyinta dugsiga halkaas oo ay ka socotay xeraynta xogta iyo sawirrada ardayda dugsiga sare ee Al-Xikma.

Masuuliyinta ayaa kormeeray shaqada xeraynta xogta iyo sawirrida ardayda oo maanta ka qabsoontay dugsiga sare Al-Xikma.

Xeraynta xogta ardayda fasalka 8aad ee Dugsiyada Dhexe iyo fasalka 12aad ee Dugsiyada Sare ayaa laga bilaabay guud ahaan Gobolka Nugaal.

Dhammaad.

Gudoomiyaha Xafiiska
Imtixaannaadka iyo Shahaadooyinka ee Wasaaradda Waxbarashada iyo Tacliinta Sare Mudane Maxamuud Maxames Siciid iyo Gudoomiyaha Xafiiska Waxbarashada Gobolka Nugaal Mudane Daahir Khaliif Siciid ayaa Kormeer shaqo ku tagay Dugsiga Imaamu Nawaawi Garoowe oo ay ka socotay xeraynta xogta iyo sawirrada ardayda dugsiga Dhexe iyo Sare.

Maamulaha Dugsiga Imaamu Nawaawi Mudane Cabdidaahir ayaa ku soo dhaweeyey mas'uuliyinta dugsiga waxayna goob joog ka ahaayeen soo gabo gabeynta imixaankat teeramka koowaad ee sanad dugsiyadkan oo maanta u soo dhammaaday ardayda Dugsiga Imaamu Nawaawi.

Shaqada xeraynta xogta iyo sawirrida ardayda fasallada 8aad iyo 12aad ayaa guud ahaan laga bilaabay degmooyinka Gobolka.

Masuuliyiinta ayaa ku amaanay shaqaallaha xerayna xogta ardayda sida wanaagsan ee ay u wadaan sawirrida iyo xeraynta xogta ardayda u fariisan doonta imtixaanka shahaadiga ah ee innagu soo food leh sanad soo socda hadduu Alle Idmo.

Dhammaad.

Gudoomiyaha Waxbarashada Gobolka Nugaal Mudane Daahir Khaliif Siciid iyo Kormeeraha Koowaad ee Gudoonka Waxbarashada Gobolka Nugaal Mudane Cabdi daahir Xirsi Cali (Ciiro) ayaa ku tagay safar shaqo Degmada Dangoroyo ee Gobolka Nugaal.

Safarka shaqo ayaa ujeedadiisu ahayd in ay kormeeraan una kuur galaan xaaladda waxbarashada ee Dugsiyada ku yaal Degmada Dangoroyo.

Waxaa ku soo dhaweeyey Degmada Dangoroyo Gudoonka Waxbarashsada Degmada Dangoroyo Mudane Cabdullaahi Xaaji Ciise, Maamulka Degmada oo ugu horeeyo Gudoomiyaha Degmada Dangoroyo, Gudoomiye ku xigeenka iyo Xoghaya Degmada iyo qeybaha kala duwan ee bulshada.

Gudoonka Waxbarashada Degmada iyo Maamulka Degmada Dangoroyo ayaa ka warbixiyey xaaladda Waxbarashada Dugsiya ku yaal Degmada Dangoroyo iyo Abaaraha ka jira Deegaanka Dangoroyo ee saameynta ku yeeshay dugsiyada ku yaala tuulooyinka miyiga ah.

Intaas kadib, Saraakiisha Waxbarashada iyo Maamulka Degmada ayaa si wadajir ah u kormeeray dugsiyada kala ah ah Dugsiga Sare ee Dangorayo, kaliyaxeed, Xaaji Aadan, Xaaji-kheyr iyo Dalsan. Mas’uuliyiinta ayaa kula dardaarmay maamulada dugsiyada in ay adkeeyaan tayeynta waxbarashada dugsiyada iyo in dugsiyada ay noqdaan kuwo xoojiya aqoonta waxbarashada ardayda.

Gudoomiyaha Waxbarashada ayaa kulan la qaatay maamulayaasha dugsiyada la booqday isaga oo kula dardaarmay in ay shaqada ay hayaan sii labo jibaaraan.

Dhanka kale, Gudoonka Waxbarashada Degmada Dangoroyo Cabdullaahi Xaaji Ciise ayaa gudoonsiiyey Maamulaha Dugsiga Sare ee Dangoroyo Yuusuf Maxamed Yuusuf shahaado sharaf uu ku mutaystay shaqada wanaagsan ee uu ka qabtay Dugsiga Sare ee Dangoroyo.

Ugu dambayn, Safarka shaqo ee kormeerka Dugsiyada Degmada Dangoroyo ayaa ku soo dhammaaday guul iyada oo Mas’uliyiinta Waxbarashada Gobolka ay ku bogaadiyeen Gudoonka Waxbarashada Degmada Dangoroyo Mudane Cabdullaahi Xaaji Ciise shaqada iyo hoggaaminta waxbarashada Degmada Dangoroyo.

Dhammaad.

HAMBALYO HAMBALYO HAMBALYO

Xafiiska Gudoonka Waxbarashada Gobolka Nugaal wuxuu ugu hambalyeynayaa dhammaan ardaydii ka gudubtay Imtixaanka Shahaadiga ah Fasalka 12aad ee sanad Dugsiyeedkii 2024-2025.

Gaar ahaan, Xafiiska Guddoonka Waxbarashada Gobolka Nugaal wuxuu u hambalyada iyo farxadda la qeybsanayaa ardayda gashay kaalimaha ugu Sareeya ee 10 ka ah ( Top 10 ) ee wax ka baranayay Dugsiyada Sare ee Gobolka Nugaal.

Sanadkan Gobolka Nugaal wuxuu helay kaalinta Labaad Puntland oo ah ardayga labaad ugu sareeyay ardaydii ku gudubtay imtixaanka Fasalka 12aad.

Hambalyo Dugsiyada Sare ee Gobolka Nugaal oo ardaydii u fariistay imtixaankii ay gaaleen kaalimaha tobanka u sareeya.
1. Imaamu Nawaawi ( 2 arday: kaalinta 2aad & kaalinta 9aad )
2. Shiikh Xaamud ( 1 Arday: kaalinta 5aad )
3. Al-Xikma ( 1 Arday: kaalinta 8aad )
4. Nugaal (1 Arday: Kaalinta 10aad)

Ugu dambayn, Hambalyo shanta (5) arday ee ka mid noqday 10 arday ee ugu sareysay Imtixaanka shahaadiga ahaa ee Dugsiyada Sare ee Puntland.

-Dhammaad-

WARGELIN

WASAARADDA WAXBARASHADA & TACLIINTA SARE EE PUNTLAND WAXA AY MAANTA OO ISNIIN AH SHAACINAYSAA NATIIJADA IMTIXAANKA FASALKA 12 -AAD EE SANNAD-DUGSIYEEDKA 2024/2025.

Booqo; https://peco.moeplstate.so/

Xafiiska Gudoonka Waxbarashada Gobolka Nugaal wuxuu baahinayaa fursad shaqo maamulanimo oo ka bannaaan Dugsiga Hoose Dhexe Badey ee Degmada Eyl.

Faah faahinta ka daalaco hoos.