Plasma University Student Association - Mudug

Hambalyo iyo Bogaadin Hoggaanka Cusub ee Ardayda Jaamacadda GU🎉

Guddoomiyaha Midowga Ardayda Jaamacadda Plasma, Mudane Shariif Abdi Salan Cali , ayaa hambalyo iyo bogaadin u diray hoggaanka cusub ee loo doortay matalaadda ardayda Jaamacadda Galkacyo University

Waxaan si gaar ah ugu hambalyeynayaa:

Guddoomiyaha: Mudane Xasan Axmed Maxamed
Guddoomiye Ku-xigeenka: Ridwaan Xuseen Axmed
Xoghayaha: Cabdiraxmaan Cisman Daahir

Gudoomiyaha oo munaasabada qudbad kajeediyey wuxuu ku bogaadiyay ardayda Jaamacadda gu nidaamka dimuqraadiyadeed ee ay sanad walba ugu doortaan hoggaan cusub, isagoo sheegay in doorashadu tahay astaan muujineysa midnimo, masuuliyad iyo horumar.

Sidoo kale gudoomiyuhu wuxuu ugu baaqay dhammaan ardayda inay si dhow ula shaqeeyaan hoggaanka ay doorteen, si wadajir loogu gaaro horumar iyo adeeg wanaagsan oo ay wada helaan dhammaan ardayda.
Dhanka kale, wuxuu kula dardaarmay hoggaanka cusub inay gutaan waajibaadka loo igmaday, kuna shaqeeyaan daacadnimo, hufnaan iyo cadaalad

Hambalyo mar kale hoggaanka cusub, waxaan idiin rajeynaynaa guul iyo waxqabad wanaagsan. 👏

.....𝗣𝗟𝗔𝗦𝗠𝗔 𝗨𝗡𝗜𝗩𝗘𝗥𝗦𝗜𝗧𝗬 𝗠𝗨𝗗𝗨𝗚 𝗖𝗔𝗠𝗣𝗨𝗦.......

𝗬𝗼𝘂𝘁𝗵 𝗣𝗲𝗿𝘀𝗼𝗻𝗮𝗹 & 𝗣𝗿𝗼𝗳𝗲𝘀𝘀𝗶𝗼𝗻𝗮𝗹 𝗚𝗿𝗼𝘄𝘁𝗵 𝗣𝗿𝗼𝗴𝗿𝗮𝗺
𝗛𝗼𝗿𝘂𝗺𝗮𝗿𝗶𝗻𝘁𝗮 𝗱𝗵𝗮𝗹𝗶𝗻𝘆𝗮𝗿𝗮𝗱𝗮 – 𝗡𝗼𝗹𝗼𝗹 & 𝗫𝗶𝗿𝗳𝗮𝗱𝗯𝗮

👉 Ogaal Forum waxay Ku qaban doontaa Jaamacada Plasma Xarunta Mudug tababar gaar ah oo loogu talagalay dhalinyarada doonaysa inay horumariyaan naftooda, xirfaddooda iyo hoggaamintooda.

📌 Waxaad ku baran doontaa:

🌱 Personal Development (Horumarka Shaqsiga)
✅ Kalsooni dhisid & is-aaminaad
✅ Maareynta shucuurta (Emotional Intelligence)
✅ Isbarasho & ogaanshaha awoodahaaga
✅ Ka gudbidda cabsida iyo walbahaarka
✅ Hadaf dejin & dhiirrigelin nafeed
✅ Waqti maamul & isku dheellitir nolol iyo shaqo

💼 Professional Development (Horumarka Xirfadeed)
✅ Hadal & soo bandhigid xirfad leh (Public Speaking & Presentation Skills)
✅ Xirfadaha isgaarsiinta (Communication Skills)
✅ Hogaamin & go’aan qaadasho
✅ CV Writing & Interview Skills
✅ Shaqo anshaxeed & xirfad shaqo
✅ Qorsheynta horumarka xirfadda (Career Planning)

✨ Tababarkani wuxuu kaa caawinayaa inaad noqoto dhalinyaro kalsooni leh, xirfad sare leh, kana muuqata bulshadeeda iyo shaqadeeda.

𝐃𝐚𝐭𝐞 : 𝟏𝟖 - 𝟏𝟗 / 𝟎𝟔 / 𝟐𝟎𝟐𝟔
𝐓𝐢𝐦𝐞 : 𝟑:𝟎𝟎𝐩𝐦 - 𝟏𝟏:𝟑𝟎𝐩𝐦
𝐕𝐞𝐧𝐮𝐞: 𝐏𝐥𝐚𝐬𝐦𝐚 𝐔𝐧𝐢𝐯𝐞𝐫𝐬𝐢𝐭𝐚𝐲 𝐌𝐮𝐝𝐮𝐠 𝐂𝐚𝐦𝐩𝐮𝐬

Si aad Uga qaybgashid Fadlan kusoo biir Watsapp group ka loo diyaariyay Ardayda doonaysa in ay Ka qaybgalaan oo Ku dhufo linkga hoos yaala

https://chat.whatsapp.com/LJDem6jHUk9DC4ytaETWFN?s=cl&p=a&ilr=0

Xukuumadda Midowga ardayda Jaamacadda Plasma oo uu hogaminayo Mudane Shariif Abdi Salan Cali oo ay wehliyaan G ku xigeenka iyo Xoghayaha Midowga Ardayda Jaamacadda Plasma 𝐚𝐲𝐚𝐚 𝐦𝐚𝐚𝐧𝐭𝐞𝐲 𝐡𝐞𝐬𝐡𝐢𝐢𝐬 𝐥𝐚 𝐬𝐚𝐱𝐢𝐢𝐱𝐝𝐞𝐲 𝐝𝐡𝐢𝐠𝐢𝐢𝐬𝐚 Xukuumadda Midowga Ardayda jamacada Bariga Africa University oo Hogaaminayo Gudoomiyaha Midowga Ardayda Jaamacadda Bariga Africa University Abdiwali Ali Baceeye
‎
‎Gaalkacyo, Maanta oo ay taariikhdu tahay 13/6/2026. Waxaa Heshiis iskaashi ah kala saxiixday labada Xukuumaddood kadib markii kulan ka dhacay xafiiska midowga ardayda jaamacada Bariga Africa University

Heshiiskaan iskaashiga ah, ayaa muujinaya wada shaqeynta iyo iskaashiga ka dhaxeeya ururada ardayda ee labada jaamacadood, asagoo keeni kara fursado cusub oo ku saabsan hormarinta arrimaha ardayda, is-dhaafsiga aqoonta iyo xoojinta xiriirka labada jaamacadood.
‎
‎Heshiisyada noocan oo kale ah ayaa ah kuwo lagu xoojinayo wada shaqeynta ardayda, abuurista barnaamijyo wadajir ah iyo taageero wadaag ah oo ku aaddan arrimaha muhiimka ah ee ardayda.
‎
‎𝗟𝗮𝗯𝗮𝗱𝗮 𝗱𝗵𝗶𝗻𝗮𝗰 𝗵𝗲𝘀𝗵𝗶𝗶𝘀𝗸𝗮𝗮𝗻 𝘄𝗮𝘅𝗮 𝘂 𝗸𝗮𝗹𝗮 𝘀𝗮𝘅𝗶𝗶𝘅𝗮𝘆 :-
‎
‎Gudoomiyaha Midowga ardayda Jaamacadda Plasma Mudane Shariif Cabdisalaam Cali
''""
Gudoomiyaha Midowga ardayda Jaamacadda Bariga Africa Mudane Cabdiwali Cali Baceeye.

................🌱 𝐀𝐐𝐎𝐎𝐍 𝐊𝐎𝐑𝐎𝐑𝐒𝐈 🌱....................

Waxaan si sharaf leh idiin kugu martiqaadaynaa Aqoon kororsi cinwaankiisu yahay:

𝐀𝐠𝐫𝐢𝐜𝐮𝐥𝐭𝐮𝐫𝐞 𝐓𝐡𝐞 𝐁𝐚𝐜𝐤𝐛𝐨𝐧𝐞 𝐨𝐟 𝐋𝐢𝐟𝐞, 𝐄𝐜𝐨𝐧𝐨𝐦𝐢𝐜 𝐆𝐫𝐨𝐰𝐭𝐡, 𝐚𝐧𝐝 𝐒𝐨𝐜𝐢𝐚𝐥 𝐃𝐞𝐯𝐞𝐥𝐨𝐩𝐦𝐞𝐧𝐭

🎙️ 𝐒𝐨𝐨 𝐉𝐞𝐞𝐝𝐢𝐲𝐞: 𝐏𝐫𝐨𝐟. 𝐀𝐛𝐝𝐮𝐥𝐤𝐚𝐝𝐢𝐫 𝐀𝐥𝐢 𝐄𝐠𝐚𝐥

📅 Taariikhda: 11/06/2026
🕕 Waqtiga: 6:00 PM (Maqribnimo)
📍 Goobta: Jaamacadda Plasma – Xarunta Mudug.

Aqoon kororsigaan wuxuu diiradda saari doonaa muhiimadda beeraha iyo doorkooda ku aaddan nolosha bulshada, koboca dhaqaalaha , iyo horumarka bulshada.

Waxaan si gaar ah Aqoon-Kororsigaan ugu martiqaadaynaa ardayda, macallimiinta, aqoonyahannada, iskaashatada beeraleyda, iyo dhammaan daneeyayaasha horumarka bulshada Ee ku nool Gobolka Mudug .

Soo dhowaada dhammaantiin.

𝗗𝗔𝗔𝗛𝗙𝗨𝗥𝗞𝗔 𝗧𝗔𝗥𝗧𝗔𝗡𝗞𝗔 𝗞𝗨𝗕𝗔𝗗𝗗𝗔 𝗖𝗔𝗚𝗧𝗔 𝗔𝗥𝗗𝗔𝗬𝗗𝗔 𝗝𝗔𝗔𝗠𝗔𝗖𝗔𝗗𝗗𝗔 𝗣𝗟𝗔𝗦𝗠𝗔 𝗫𝗔𝗥𝗨𝗡𝗧𝗔 𝗠𝗨𝗗𝗨𝗚

Waxaa maanta Garoonka Galkayo Center si rasmi ah uga furmay tartanka kubadda cagta ee ardayda Jaamacadda Plasma Xarunta Mudug.

Kulanka furitaanka tartankan ayaa dhex maray Waaxaha Information Technology iyo Computer Science, iyadoo ciyaartu ahayd mid xiiso badan oo ay ka muuqatay tartan iyo isdhexgal wanaagsan.

Tartankan wuxuu qeyb ka yahay dhiirrigelinta ciyaaraha, horumarinta tayada ardayda, iyo xoojinta wadajirka ardayda Jaamacadda Plasma.

“Educating the Whole Nation”

Hambalyo Maalinta Gobonnimada iyo halgankii dhalinyaradii geesiyaasha ahayd ee SYL

Xukumada midowga Ardayda Jaamacadda Plasma Mudug
Campus oo u hogaminayo gudomiyaha ardayda Mudane Shariif Abdi Salaam iyo dhammaan qeybaha kala duwan ee ardeyda waxey hambalyo u dirayaa shacabka Soomaaliyeed ugu hambalyeynaynaa maalmaha qiimaha badan ee halgamayaashii naftooda iyo waqtigooda u huray xorriyadda iyo midnimada ummadda Soomaaliyeed.

Dhalinyaradii SYL waxay ahaayeen astaan geesinimo, waddaniyad iyo himilo fog oo horseeday xorriyadda dalkeenna.

Annago waxan sii wadi doona ilaalinta midnimada, nabadda iyo horumarka dhakeena 🇸🇴

“Dhalinyaro waa laf dhabarta ummadda.”





Soomaaliyeed

Ka Qeybgalka Xaflada Caleema Saarka Guddoomiyaha Cusub Ardeyda jamacada GSU

Gudoomiyaha Midowga Ardeyda Jaamacadda Plasma mudug Campus Mudane Shariif Cabdisalaam Cali ayaa maantay ka qayb galay xaflada xil-wareejinta iyo caleemo saarka Gudoomiyaha Midowga ardayda Jaamacadda Global Science University
Mudane Yuusuf Abdirahmaan Muumin

Gudoomiye shariif oo goobta hadal ka jeediyey ayaa tilmaamay in ay muhiim tahay xil wareejinta nuucaan oo kale ah taas oo ardayda soo doortaan Hogaankooda ay si niyad wanaag ah ay xil ula wareegaan.

Gudoomiyaha ayaa sidoo kale bogaadiyey xiriirka wanaagsan ee ka dhexeeya labada Xukuumaddood ee jaamacada Plasma University iyo Global science University

Horumarin bulsho iyo qorshe midnimo ku dhisan.

𝗝𝗔𝗔𝗠𝗔𝗖𝗔𝗗𝗗𝗔 𝗣𝗟𝗔𝗦𝗠𝗔 – 𝗫𝗔𝗥𝗨𝗡𝗧𝗔 𝗠𝗨𝗗𝗨𝗚

Waxaa Maanta Markale Jaamacadda Plasma – Xarunta Mudug lagu qabatay tababar (practical) muhiim ah oo loogu talagalay ardayda culuumaadka caafimaadka, gaar ahaan Kalkaaliyanimada
Tababarka Maanta ayaa si gaar loo samayey Blood Group Ardayduna waxay ka faa’iideysteen tababarkan oo sare u qaaday aqoontooda iyo xirfaddooda, isla markaana u diyaarinaya inay si hufan ugu adeegaan bulshada mustaqbalka dhow.

🎓🧪 **Ardayda Caafimaadka oo Practical Sameeyay!**

Maanta, ardayda barata culuumaadka caafimaadka gaar ahaan **Kalkaaliyanimada** ayaa si guul leh ugu sameeyay *practical* muhiim ah gudaha Shaybaarka Jaamacadda Plasma – Xarunta Mudug.

👩‍⚕️👨‍⚕️ Ardaydu waxay muujiyeen xirfad, dadaal iyo faham qoto dheer oo ku saabsan habraacyada caafimaadka, taasoo kaalin weyn ka qaadanaysa diyaarintooda mustaqbalka.

🔬 Tababarkan gacanta ah (hands-on practical) wuxuu muhiim u yahay horumarinta aqoonta iyo kartida ardayda, si ay ugu adeegaan bulshada si hufan oo xirfad leh.

👏 Hambalyo dhammaan ardayda iyo macallimiinta dadaalka badan!