Business and managment Student's union EAU Galkacyo

Munaasabad casho-sharaf ah oo lagu maamuusay xulka kubadda cagta ee Kulliyadda Business and managment ee Jaamacadda Bariga Afrika-Galkacyo

Munaasabaddan waxaa soo qaban qaabiyay gudoonka kulliyadda, oo uu hogaaminayo gudoomiye AHMED ABDULAHI FAARAH iyo ku-xigeentiisa Takar , kuwaas oo ku bogaadiyay xulka dadaalkooda, kartidooda, iyo guulaha ay gaareen, iyagoo sidoo kale u balan qaaday taageero joogto ah si loo sii xoojiyo horumarka kooxda ee kubada cagta.

Munaasabaddu waxay ahayd mid muujinaysay dhiirrigelinta iyo garab istaagga maamulka kulliyadda ee horumarinta ciyaaraha iyo tayeynta iskaashiga iyo is dhex galka ardayda.

𝐌𝐚𝐝𝐚𝐱 𝐰𝐚𝐫𝐟𝐚𝐚𝐟𝐢𝐧𝐭𝐚
𝐅𝐚𝐲𝐬𝐚𝐥 𝐅𝐚𝐫𝐱𝐚𝐚𝐧 𝐗𝐚𝐫𝐛𝐢 𝐊𝐚𝐲𝐧𝐚𝐚𝐧 (𝑆𝐴𝐴𝑅-𝑆𝐴𝐴𝑅𝐸)

Guddoonka Kulliyadda oo uu hoggaaminayo Deen ka Kulliyadda Ustaad Omer Abdihakim iyo Guddoomiyaha Kulliyadda AHMED ABDULAHI FAARAH ayaa soo qaban qabiyey tababar muhiim ah oo ku saabsan ka hadalka, kaas oo loo qabtay ardayda kulliyadda .

Tababarkan waxaa soo jeediyay Ustaad Saed M. Hassan oo ah qabiir khibrad dheer u leh horumarinta xirfadaha hadalka, hoggaaminta, iyo isgaarsiinta wax-ku-oolka ah.
Sidoo kale maamulka jamacada East Africa University - Galkacyo Campus ayaa kaalin mug leh ka qaatay qabashada tababarkan.

Ujeeddada tababarka ayaa ahayd in ardayda lagu xoojiyo awoodda ay si hufan, kalsooni leh, uguna hadlaan fagaarayaasha kala duwan, taasoo muhiim u ah horumarkooda waxbarasho iyo mustaqbalkooda shaqo.

Guddoonka Kulliyadda waxaa mar walba ka go’an horumarinta aqoonta iyo xirfadaha ardayda, iyagoo si joogto ah u qabanaya barnaamijyo wax-ku-ool ah oo kor u qaadaya tayada waxbarashada ardayda

𝑴𝒂𝒅𝒂𝒙𝒂 𝑾𝒂𝒓𝒇𝒂𝒂𝒇𝒊𝒏𝒕𝒂
𝐅𝐚𝐲𝐬𝐚𝐥 𝐅𝐚𝐫𝐱𝐚𝐚𝐧 𝐗𝐚𝐫𝐛𝐢 𝐊𝐚𝐲𝐧𝐚𝐚𝐧 (SAAR-SAARE)

Guddoomiyaha Naadiga Cilmi-baarista ENG Kheyre Ahmed Abdulkadir ayaa si rasmi ah u magacaabay xubnaha cusub ee naadiga kadib markii uu qiimeeyay khibradooda, kartidooda, iyo waaya-aragnimada ay u leeyihiin hoggaaminta ardayda.
Xubnahan cusub ayaa door muhiim ah ka qaadan doona horumarinta cilmi-baarista, dhiirrigelinta hal-abuurka, iyo kor u qaadidda aqoonta ardayda. Sidoo kale waxay gacan ka geysan doonaan abaabulka barnaamijyo waxbarasho iyo cilmiyeed oo kor u qaadaya tayada aqoonta ee ardayda.
Guddoomiye Kheyre Ahmed ayaa xubnahan u rajeeyay guul iyo waxqabad muuqda, isaga oo ku booriyay inay si daacadnimo, wadajir, iyo dadaal leh u gutaan waajibaadkooda.
Waxaa la filayaa in hoggaankan cusub uu keeno isbeddel muuqda oo horseeda horumar iyo firfircooni cusub oo ku saabsan howlaha Naadiga Cilmi-baarista.

Jaamacadda Bariga Afrika – faraceeda Gaalkacyo ayaa qabatay xaflad si heer sare ah loo soo agaasimay, laguna maamuusay xulka kubadda cagta kulliyadda Business and managment Student's union EAU Galkacyo oo ku guulaystay koobka isdhexgalka ardayda.

Munaasabadda oo ay ka soo qayb galeen maamulka jaamacadda, xukumada ardayda business and managment iyo marti sharaf kale, ayaa si weyn loogu bogaadiyey guusha xulka business and managment , iyadoo la xusay midnimada, dadaalka joogtada ah, iyo anshaxa wanaagsan ee ay muujiyeen ciyaartoydu.

Guddoomiyaha kulliyadda Business and Management, AHMED ABDULAHI FAARAH ayaa si gaar ah ugu mahadceliyey xulka kulliyaddiisa, isagoo bogaadiyey dadaalka, kartida, iyo heerka ciyaareed ee sare ay soo bandhigeen.
- Wuxuu sidoo kale xusay in saddexdii sano ee uu tartanku socday ay kulliyaddu laba jeer ku guulaysatay koobka, halka hal marna ay gaareen final-ka, taasoo muujinaysa joogteynta guusha iyo dadaalka xulka.

Ugu dambayn, ciyaartoyda waxaa la guddoonsiiyey abaalmarino iyo shahaadooyin, iyadoo guushan ay noqotay mid dhiirrigelin u ah ardayda lagana abaaal mariyey dadaalkooda .

🏆 🏆

𝐌𝐚𝐝𝐚𝐱𝐚 𝐖𝐚𝐫𝐟𝐚𝐚𝐟𝐢𝐧𝐭𝐚
𝗙𝗮𝘆𝘀𝗮𝗹 𝗙𝗮𝗿𝘅𝗮𝗮𝗻 𝗫𝗮𝗿𝗯𝗶 𝗞𝗮𝘆𝗻𝗮𝗮𝗻 (𝐒𝐀𝐀𝐑-𝐒𝐀𝐀𝐑𝐄 )

𝐆𝐮𝐝𝐨𝐨𝐦𝐢𝐲𝐞: 𝐀𝐡𝐦𝐞𝐝 𝐀𝐛𝐝𝐮𝐥𝐚𝐡𝐢 𝐅𝐚𝐫𝐚𝐡 (𝐖𝐚𝐬𝐢𝐢𝐫𝐤𝐚)
​𝐢𝐲𝐨
𝐆𝐮𝐝𝐝𝐨𝐨𝐦𝐢𝐬𝐨 𝐤𝐮-𝐱𝐢𝐠𝐞𝐞𝐧: 𝐍𝐚𝐣𝐚𝐱 𝐌𝐚𝐱𝐚𝐦𝐞𝐝 𝐒𝐚𝐥𝐚𝐚𝐝 ( 𝐓𝐚𝐤𝐚𝐫 )
waxay hambalyo iyo bogaadin u dirayaan dhammaan bulshada, gaar ahaan bahda ay hoggaamiyaan, munaasabadda barakaysan ee Ciidul Fidriga 🎉
Ilaahay ha inaga aqbalo cibaadadii bisha barakaysan ee Ramadaan, hana inagu galado farxad, caafimaad, nabad iyo barwaaqo💫
تقبل الله منا ومنكم صالح الأعمال، وكل عام وأنتم بخير بمناسبة عيد الفطر المبارك. dhammaantiin.💫

𝐌𝐚𝐝𝐚𝐱𝐚 𝐖𝐚𝐫𝐟𝐚𝐚𝐟𝐢𝐧𝐭𝐚 :𝐅𝐚𝐲𝐬𝐚𝐥 𝐅𝐚𝐫𝐱𝐚𝐚𝐧 𝐗𝐚𝐫𝐛𝐢 𝐊𝐚𝐲𝐧𝐚𝐚𝐧(𝗦𝗔𝗔𝗥-𝗦𝗔𝗔𝗥𝗘)

Guul inshallah Business and managment , Guushu waa dhankeena ilaahay idankiis 🔥
❤️

FINALKA KOOBKA IS‑DHEXGALKA KULLIYADAHA JBA!
Caawa waa habeenka go’aanka.
𝐁𝐮𝐬𝐢𝐧𝐞𝐬𝐬 & 𝐌𝐚𝐧𝐚𝐠𝐞𝐦𝐞𝐧𝐭 𝐢𝐲𝐨 𝐒𝐡𝐚𝐫𝐞𝐚 & 𝐋𝐚𝐰
ayaa ku dagaallamaya sharaf, karti iyo koobka sanadka.

📅 19 March 2026 — ⏰ 7:30 PM
📍 Place To Be
Ka soo qaybgal oo taageer kuliyaddaada!

Guddoomiyaha Kulliyadda Business and Management, Axmed Cabdulahi Farax (𝐖𝐚𝐬𝐢𝐢𝐫𝐤𝐚) , ayaa macalin Yuusuf Shariif Maxamed (𝐒𝐡𝐢𝐝𝐨) u magacaabay tababaraha xulka kubadda cagta ee kuliyadda Business and managment

Magacaabistan ayaa looga gol leeyahay in lagu horumariyo ciyaaraha kulliyadda iyo in ardaydu helaan hoggaan iyo tababar wanaagsan.

𝐌𝐚𝐝𝐚𝐱𝐚 𝐖𝐚𝐫𝐟𝐚𝐚𝐟𝐢𝐧𝐭𝐚 :𝐅𝐚𝐲𝐬𝐚𝐥 𝐅𝐚𝐫𝐱𝐚𝐚𝐧 𝐗𝐚𝐫𝐛𝐢 𝐊𝐚𝐲𝐧𝐚𝐚𝐧 (𝐒𝐀𝐀𝐑-𝐒𝐀𝐀𝐑𝐄)

Guddoonka Ardayda ee Kuliyadda Business & Management .

​Bismillaahi Raxmaani Raxiim,
​Anigoo ku hadlaya magacayga, kan guddiga ardayda, iyo dhammaan bahda Kuliyadda Business and Management ee Jaamacadda East Africa GALKACYO .

waxaan hambalyo diiran u dirayaa:
• ​Maamulka iyo macalimiinta sare ee Jaamacadda East Africa.
• ​dhamaan Ardayda jamacada bariga africa
• ​Dhammaan umadda Soomaaliyeed iyo muslimiinta caalamka.

.رمضان مبارك عليكم الشهر الكريم، وتقبل الله منا ومنكم صالح الأعمال."

​Ramadaanku maaha oo kaliya bil cibaado, balse waa bil ina baraysa Maamulka Nafta (Self-Management), samirka, iyo naxariista. Waa fursad aan dib u eegis ugu sameyn lahayn hadaf yadeena nolosha iyo kuwa aakhiraba.

​Waxaan Eebbe nooga baryayaa inuu naga aqbalo soomka iyo salaadda, uuna na waafajiyo khayraadka bishan dhexdeeda ku jira. Aamiin yaa rabi .
​Ramadaan Kariim, Dhammaantiin.

​