Imam Shafi’i University -Galkacyo Compus

🎓 🎓

Waxaa si diirran loo soo dhaweynayaa dhammaan ardayda Dugsiga Sare ee ka qalin-badashay Machadka Al-Misbaax sanad dugsiyeedka 2026–2027.

Hambalyo gaar ah ayaan u diraynaa ardayda dadaalka, samirka iyo guusha ku dhammeystay marxaladdooda waxbarasho. Waxaan idiin rajaynaynaa mustaqbal ifaya iyo guulo waaweyn oo dhinaca tacliinta iyo nolosha ah.

🌟 Machadka Al-Misbaax wuxuu mar walba ku faanaa ardaydiisa guulaha gaarta.

Waxaa si heer sare ah oo rasmi ah loo soo gabagabeeyey tartankii ciyaareed ee u dhexeeyey Jaamacadda Imaamu Shaafi’i Faraceeda Galkacyo iyo Al-Misbaax Al-Azhary, kaas oo maalmahan ka socday magaalada Galkacyo.

Munaasabadda xiritaanka tartanka ayaa waxaa si rasmi ah uga qayb galay Guddoomiyaha Jaamacadda Imaamu Shaafi’i Faraceeda Galkacyo, Bashiir Macalin Cali Saciid, iyo Guddoomiyaha Sports-ka Degmada Galkacyo, Ahmed Cabdi Cilmi, kuwaas oo bogaadiyey kaalinta weyn ee ay ciyaaruhu ku leeyihiin horumarinta dhalinyarada, xoojinta wadajirka iyo kobcinta xiriirka hay’adaha waxbarashada.

Tartankan ayaa ahaa mid si heer sare ah loo abaabulay, waxaana uu muujiyey kartida, anshaxa iyo hibada ardayda labada dhinac. Sidoo kale, wuxuu noqday madal lagu dhiirrigeliyey isdhexgalka bulshada, tartan wanaagga iyo kor u qaadista isboortiga ardayda.

Ugu dambayn, maamulka labada dhinac ayaa u mahadceliyey dhammaan ciyaartoyda, qabanqaabiyeyaasha iyo bulshada ka qayb qaadatay guusha iyo bilicda tartankan muhiimka ah.

Hambalyo reer misbaax jamacadda ayaan idin ku sugaynaa insha allah

📢 OGAYSIIS MUHIIM AH | Jaamacadda Al-Imaam Al-Shaafici – Galkacyo

Jaamacadda Al-Imaam Al-Shaafici waxay bulshada ku casuumeeysaa ka qeybgalka:

🎓 Tababar muhiim ah oo cinwaankiisu yahay:
“Barbaarinta Carruurta ka hor dhalashada iyo kadib”

🎙 Waxaa soo jeedinaya:
Sheekh Cali Sheekh Yuusuf Maxamed (Guutaale)

📅 Taariikhda:
22 May 2026

⏰ Waqtiga:
4:00 Galabnimo

📍 Goobta:
Xarunta Jaamacadda Al-Imaam Al-Shaafici – Galkacyo

✨ Casuumaaddu waa mid u furan ardayda, waalidiinta, iyo dhammaan bulshada daneeysa tarbiyadda iyo horumarka qoyska.

Ku soo dhowaada ka faa’iideysiga tababarkan muhiimka ah.

📝 Warbixin Kooban 📝

Waxaa maanta si heer sare ah loo soo jeediyay muxaadaro muhiim ah oo cinwaankeedu ahaa:

“Habka Dacwada iyo Maxkamadaha Awoodahooda”

Waxaa muxaadarada soo jeediyay:
🎙️ Garsoore: Sadaq Maxamuud Tahliil

Muxaadaradu waxay si qoto dheer uga hadashay habraacyada dacwadaha, nidaamka ay maxkamaduhu u shaqeeyaan, iyo awoodaha kala duwan ee garsoorka. Ardayda Kuliyadda Sharciga iyo Qaanuunka ayaa ka faa’iidaystay aqoon iyo faham dheeraad ah oo la xiriira dhinacyada sharciga iyo caddaaladda.

Ugu dambayn, maamulka iyo ardayduba waxay uga mahadceliyeen Garsooraha waqtigiisa, aqoontiisa, iyo talooyinka qiimaha leh ee uu la wadaagay ardayda. ⚖️