Guddoonka Waxbarashada Gobolka Mudug

7 Maalmood oo kali ah ayaa ka harsan Imtixaanka Shahaadiga ah ee Puntland.

Haddaba Ardayoow, Maalin kasta oo ka horreysa Imtixaanka waa fursadda guushaada ee ka faa'iideyso.

Gudoomiyaha Waxbarashada Degmada Gaalkacyo Mudane Cali Cabdi Sahal ayaa ka qaybgalay xaflad si heer sare ah loo soo agaasimay oo lagu abaalmarinayay ardayda kaalimaha h**e ka galay Dugsiga Hoose/Dhexe ee Daljir sanad dugsiyeedka 2025–2026.

Xafladdan ayaa waxaa kasoo qayb galay maamulka dugsiga, macallimiin, waalidiin, iyo marti sharaf kale, iyadoo lagu dhiirrigelinayay ardayda dadaalka dheeraadka ah sameeyay si kor loogu qaado tayada waxbarashada iyo tartanka wanaagsan ee ardayda.

Gudoomiyaha Waxbarashada Degmada Gaalkacyo Mudane Cali Cabdi Sahal ayaa bogaadiyay dadaalka ay sameeyeen maamulka, macallimiinta iyo waalidiinta, isagoo ardaydana ku dhiirrigeliyay inay sii laba jibaaraan dadaalkooda waxbarasho si ay u gaaraan mustaqbal ifaya.

Sidoo kale maamulka Dugsiga Daljir ayaa sheegay in munaasabaddani ay tahay mid lagu kobcinayo tartanka aqoonta iyo dhiirrigelinta ardayda hibada leh.

kormeeraha Waxbarashada Gobalka Mudug Maxamed Cabdi Faarax Garweyne ayaa maanta ka qayb-galey xaflada qalin jabinta ardayda fasalka 8aad dugsiga dugsiga H/Dhexe ee barkhadle gaalkacyo.

Dhamaan Maamulayaasha Dugsiyada Gobalka Mudug

Waxaa la idin xasuusibayaa in Imtixaanka Shahaadiga ah ee Puntland ee Fasalada 8aad iyo Form Four uu si rasmi ah u bilaaban doono taariikhdu markay tahay 30-May-2026.

Sidoo kale, waxaa hadda ka socda Xafiiska Gudoonka Waxbarashada Gobalka Mudug qaybinta ID Card-yada ardayda galaysa imtixaanka. Sidaas darteed, dugsi walba waxaa laga farayaa inuu si degdeg ah uga soo qaato ID Card-yada ardaydiisa, si loogu sii gudbiyo ardayda kahor bilaabashada imtixaanka.

Waxaa muhiim ah:

* In maamulka dugsigu hubiyo saxnaanta xogta iyo sawirrada ku yaal ID Card-yada.
* In arday kasta loo gaarsiiyo card-kiisa wakhti h**e.
* In wixii khalad ah si degdeg ah loogu soo wargeliyo xafiiska.
* In ardayda lagu wargeliyo muhiimadda ay leedahay inay ID Card-ka wataan maalmaha imtixaanka.

Waxaan dhammaan maamulka dugsiyada iyo ardayda u rajaynaynaa guul iyo dadaal wanaagsan.

Gaalkacyo:-Dugsiga Sare ee Maxamed Cawaale ayaa maanta Gaalkacyo Xaflad ay ku abaalminayeen u qabtay ardayda kaalmaha ka galay imtixaanka kalka dhexe sanad dugsiyeedka 2025/2026.

1. Kaalinta koobaad waxaa galay xaawo cabdihadon faarax 98%(1aad)

2. Waxaa galay saynab Adam Yusuf oo keentay 90%.(kaalinta 2aad)

3. Adna cabdirisaak salaad oo keentay 84%(3aad).