Dugsiga Farsamada Gacanta Ee Galkacyo

XAFLAD QALIN BADALASHO 26.JUN.2025

Xafladda Qalinjabinta Ardayda Mashruuca JRP ee Farsamada Gacanta

Maanta waxaa si weyn looga xusay magaalada Galkacyo xaflad qalinjabinta ardayda ka faa’iidaystay Barnaamijka Joint Resilience Program (JRP), iyadoo in ka badan 140 arday ay dhammaystireen tababarkooda farsamo gacanta oo socday muddo saddex bilood ah. Ardayda qalinjabisay ayaa ka kala qayb galay laba xarumood oo tababar—Galkacyo Vocational Training Centre iyo Galkacyo International University.

Xafladda ayaa waxaa kasoo qayb galay mas’uuliyiin sare oo ka kala socday Wasaaradda Shaqada iyo Arrimaha Bulshada, Wasaaradda Waxbarashada Gobalka Mudug, Maamulka Gobalka. Mamulka Degmada Galkacyo, hay’adda World Vision Soomaaliya, iyo madax ka socday ururada bulshada rayidka iyo ganacsatada maxalliga ah.

Waxqabadka Ardayda
Ardayda ayaa xafladda dhexdeeda soo bandhigay mashaariic yar-yar oo ay ka fuliyeen goobaha tababarka, kuwaas oo muujinaya xirfadaha ay barteen—sida farsamada korontada, beeraha,cunto karinta, qurxinta, iyo xirfadaha ICT-ga. Mashruuca JRP ayaa siisay ardayda agab, qalab casri ah, iyo macalimiin khibrad leh, taas oo u suurtagelisay inay xirfadahooda si hufan u horumariyaan.

“Waxaan aad ugu faraxsanahay taageerada joogtada ah ee Wasaaradda Shaqada iyo Arrimaha Bulshada iyo World Vision, taas oo noo suurta gelisay inaan helno xirfado suuq u furan,” ayey tiri Najax Maxamud Aaden, mid ka mid ah ardayda qalinjabisay.

Waftigii World Vision ee Xarunta Farsamada Gacanta Galkacyo

Wafti sare oo ka socday Hay’adda World Vision, oo uu hogaaminayo Madaxa Hay’adda ee Soomaaliya, booqashadii ay ku tageen xarunta Farsamada Gacanta Galkacyo. Booqashadan waxa ay muujineysaa iskaashiga qotodheer ee u dhexeeya Hay’adda Vision iyo Xarunta Farsamada Gacanta, taas oo kaalin muhiim ah ka ciyaaray hirgelinta mashaariic waxbarasho farsamo gacan gaar ahaan (Joint Resilient Program) oo ay hay’ado badan wada fuliyaan.

Intii uu waftiga booqday, waxay si qoto dheer uga fiirsadeen tayada sare ee tababarka ay siiyeen dhalinyarada ka faa'iideystay tababarka farsamada gacanta. Waftiga waxay ku qanceen in xaruntu ay tahay mid si fiican u diyaar garowday, oo haysa qalab tayo leh iyo macalimiin khibrad leh. Dadaalka adag ee ay maamulku iyo macallimiintoodu gelinayaan si loo horumariyo dhalinyarada ayaa si gaar ah loo amaanay.

Waxaa xusid mudan in hay’adda World Vision ay si qalbi furan uga mahad celisay kooxda xarunta, iyagoo ku tilmaamay inay yihiin dardar gelin aan caadi ahayn oo ay la socdaan waayo-aragnimo iyo aqoon wax ku ool ah. Waxay muujisay in xaruntu ay awood u leedahay inay fuliso mashaariic waaweyn oo horseedi kara horumar bulsho.

Gabagabadii, booqashadan waxay dhiirrigelisay iskaashiga socda ee ka dhexeeya Hay’adda World Vision iyo Xarunta Farsamada Gacanta Galkacyo, waxaana ay dib u xaqiijisay go’aanka ah in la taageero dhalinyarada si loo soo saaro xirfadlayaal taas oo hoos udhigaysa shaqo la'aanta iyo tahriibka dhalinyarada.

Taariikh: 20 April 2025
GALKACYO: Dufcaddii Ugu Horraysay Ee Dugsiga Sare Farsamada Gacanta Oo U Fadhiisatay Imtixaanka Shahaadiga Ah – Tallaabo Taariikhi Ah!
Waxaa farxad iyo raynrayn weyn noo ah in aan ku dhawaaqno in maalintii shalay ahayd ee 19-ka April 2025 si rasmi ah loo furay imtixaanka shahaadiga ah ee ardayda Dugsiga Sare ee Farsamada Gacanta Galkacyo, dufcaddii ugu horraysay tan iyo burburkii dowladdii dhexe ee Soomaaliya.
Ardaydan, oo ah kuwa nasiibka u yeeshay in ay noqdaan tiir-dhexaadka dib-u-dhiska aqoonta farsamada ee dalka, waxay muddo 3 sano ah si xirfad iyo aqoon leh wax uga baranayeen dugsiga. Waxay ku takhasuseen saddex laamood oo muhiim ah:
Beeraha iyo Warshadaynta Cuntada

Faarada (Qalabka culus & Biraha)

Korontada iyo Elektromagnetiga

Waxa xusid gaar ah mudan in manhajka waxbarashada, macalimiinta iyo shahaadooyinkaba ay si rasmi ah u bixinayso Wasaaradda Waxbarashada ee dalka Masar, taas oo sii xoojinaysa kalsoonida iyo tayada waxbarashada ardaydan.
Guushan waa mid uu hormuud u ahaa Mashruuca Dugsiga Sare ee Farsamada Gacanta oo ay horkacaysay Wasaaradda Waxbarashada, Hidaha iyo Tacliinta Sare ee Punland, iyada oo ay ka qayb qaateen xarumaha farsamada gacanta ee gobalada Puntland.
Waxaan rumeysanahay in dufcaddan cusub ee farsamayaqaannada Soomaaliyeed ay door muuqda ka qaadan doonaan horumarinta dhaqaalaha, ka qaybgalka suuqyada shaqada, iyo dhiirrigelinta hal-abuurka dhallinyarada Soomaaliyeed, gaar ahaan gabdhaha iyo wiilasha reer Puntland iyo guud ahaan dalka.
Waxaan ku boorineynaa dhallinyarada Soomaaliyeed meel kasta oo ay joogaan in ay ka faa’iidaystaan fursaddan qaali ah, kuna soo biiraan Dugsiga Sare ee Farsamada Gacanta Galkacyo si ay u helaan xirfad dhab ah iyo mustaqbal ifaya.
Guul iyo Gobannimo!
Mohamud Abdi Farah (Eng. Kilwe)
Maamulaha Dugsiga Sare Farsamada Gacanta – Galkacyo

Warfti Sare oo kasocda Wasaarada Waxbarashada dalka Masar ayaa kormeer shaqo kutagay Xarunta Dugsiga Sare Ee Farsamada Gacanta 18 April 2025 kalkaas oo 19 April 2025 uu imtixaankii finaalka ee dufcadii uhoraysay kuqalin jabin doonta uga furmay. Gudiga ayaa ukuurgalayey agabka iyo tayada iskuulka sare ee Farsamada gacanta Galkacyo.
Gudiga ayaa masuulka ah imtixaanka shahaadigaa kana keenay dalka masar.

Ku Soo Dhawoow Xarunta Farsamada Gacanta ee Galkacyo (Galkacyo Vocational and Technical Secondary School)

Xarunta Farsamada Gacanta ee Galkacyo waa goob waxbarasho oo casri ah oo u heellan horumarinta xirfadaha dhalinyarada iyo dadka waaweyn. Waa xarun isku dhafan oo ka kooban:

Qaybta Dugsiga Sare ee Farsamada – Halkaas oo ardayda lagu baro maadooyin farsamo iyo saynis ku dhisan, iyada oo la isku darayo waxbarashada dhaqanka iyo midda gacanta.

Qaybta Tababarada Gaagaaban – Waxaa lagu barta xirfado muhiim u ah suuqa shaqada sida: korontada (Electricity), mishiinada (Auto Mechanics), tolista (Tailoring), qurxinta (Beauty Salon), tiknolojiyadda (ICT) iyo qaarkale.

Fursaddaadu Way Furan Tahay!
Ma jirto xadeyn da’ ama heer waxbarasho – qof walba wuu baran karaa xirfad u sahlaysa inuu mustaqbalkiisa dhisto.

Waxaan haynaa

Tababaro tayo leh oo isugu jira waxbarasho iyo shaqo-gacmeed.

Macallimiin khibrad leh, oo ay ku jiraan kuwo ajaanib ah.

Deegaan waxbarasho oo ammaan ah, qalabaysan, isla markaana dhiirrigelinaya hal-abuurka.

Ku soo biir maanta si aad u noqoto qof xirfad leh oo leh mustaqbal ifaya!
Xarunta Farsamada Gacanta ee Galkacyo – Xirfaddu Waa Furaha Nolol Wanaagsan!

CILMI BAARIS
baaris muhiim u ah dhalinyarada soomaaliyed ayaa waxaa qabtay Macadka tobabarada Farsamada gacanta Galkacyo VTC ee magaalada galkacyo.
ayaa ka koobnayd laba qaab oo kala ah, qaab guud oo ah dood wadaag iyo qaab gaar gaar ah ee lawaraysanayo dadka xirfadaha gacanta waxbadan ka og ama kushaqaysta intaba.
Waxaan rajaynaynaa in xogta kasoobixi doonta ay anfici doonto dhalinta soomaaliyeed iyo fursadaha suuqa ku-cusub ee ubaahan in lasoo kordhiyo.
kale waxaan baaris kuhaynay caqabadaha hortaagan dhalin yaro badan oo xirfado bartay isla markaana aan ka muuqan suuqa shadaqada.
oo ka akooban laba qaybood oo kala ah Qayb xirfado gaagaban iyo qayb dugsi sare farsamo gacan ayaa wada dadaalo wax loogabadalayo shaqo la’aanta baahsan ee dhalinyarada soomaliyeed.