GECPD xarfo

Ogeysiis, Ogeysiis, Ogeysiis.

Ujeeddo: shaacinta imtixaanaadka shahaadiga ah ee fasalka 8aad ee dugsiyada dhexe ee dawladda Puntland 2021-2022.

Wasaaradda Waxbarashada iyo Tacliinta Sare ee Puntland waxay la socodsiineysaa Guddoomiyeyaasha Waxbarashada ee heer gobol iyo heer degmo, maamuleyaasha dugsiyada dhexe ee Puntland iyo waaliddiintaba in berri oo Talaado ah, taariikduna tahay 19ka bisha Luulyo 2022, la soo bandhigi doono natiijada imtixaanaadka dugsiyada dhexe ee fasalka 8aad ee Puntland saacaddu marka ay tahay 12:00 PM ee duhurnimo.

Dhammaan waxaa lala socodsiinayaa in ay isdajiyaan ardaydu, oo ay si deggan ula socdaan natiijada imtixaankooda, iyagoo adeegsanaya roll-numberkooda imtixaanka, galinayana nambarkan 299 ee shirkadda Golis.

Fasalka 8aad ee dugsiyada dhexe ee Puntland ayaa ah ardaydii ugu badnayd oo imtixaan u fariisata sannadkan 2021-2022, tiro ahaanna ka badan sannadkii h**e.

Waxaan guul iyo nasiib wacan u rajaynaynaa ardayda reer Puntland dhammaantood, meel walba oo ay joogaan.

Iid mubaarik dhamaan ardayda iyo waalidiinta GECPD xarfo.

الحمد لله.

Waxaa maanta oo taariikhdu tahay 02-jun-20222 ardayda dugsiyada hoose dhexe iyo dugsiga sare ee Suldaan hurre u soo idlaaday imtixaanka shahaadigaa ee sanad dugsiyedka 2021-2022.

Waxaan u rajaynayaa dhamaan ardayda in ay guul kala kulmaan imtixaanka.

Waxaan aad u mahad celinaynaa hadaan nahay shacabka, bahda wax barashada, waalidiinta iyo IWM ee degmada xarfo dhamaan intii ku hawlaneed qaadida imtixaanka oo masuuliyad iyo dulqaad muujiyay.

Waxaan sigaara ugu mahad cinaynaa kormeere Axmed Cali Axmed (kiimiko) oo muujiyay masuuliyad iyo khibrad xeeldheer.

Waxaan kaloo u mahad celinyaan wasaraada waxbarashada Puntland oo u haysa reer puntland kaalin muhiim ah.

Waxaan kaloo bogaadin iyo mahadcelin u diraynaa Gudoomiyaha wax barashada degmada xarfo, oo dadaal iyo hawkarnimo geliyay waxbarashada degmada xarfo.

Maalitii 3aad imtixaanka Kormeerka Xarfo

Wasiir ku Xigeenka Wasaarada Waxbarashada iyo Tacliinta Sare Puntland, oo uu wehliyo Gudoomiyaha Waxbarashada Gobalka Mudug ayaa kormeeray xaruunta imtixaanka ee Dagmada Xarfo.

Wacyigalin iyo Talooyin ku socda ardayda imtixaanka u fariisan doonta.

Waxaad soo dhigatay 12 sano, waxa aad imtixaan aad ku soo galaysay 12 sano, waxa aad soo arkaysay 12 sano, waxaa aad maalmo, toddobaadyo, bilo iyo sanado aad soo arkaysay ayaa lagu waydiinayaa, ha cabsan marka.

Hadda waa maalintii imtixaanka. Adigoo raacaya dhawr xeelado maskaxeed, jireed iyo nafsiyeed waxaad heli kartaa dhibco sare. Sida cad, waxa aad samayso maalmahaas imtixaanku socdo ayaa saamayn kara darajo sare oo aad heshid.

Waa kuwan qaar ka mid ah talooyinka aasaasiga ah ee muhiimka ah:

1. Hurdada: seexo hurdo kugu filan habeenka ka horreeya imtixaanka. Haddii aad madax wareersantahay hurdo la'aan darteed, ma awoodid inaad si fiican wax u qabato. Seexo dhawr saacadood oo dheeraad ah.

2. Cuntada: cun cunto dhexdhexaad ah ka hor imtixaanka, iska ilaali cunto culus. Haddii aad wax badan cunto, maskaxdaadu waxay ku qasbanaan doontaa inay tamar u bixiso habka dheefshiidka. Dhanka kale, haddii aad ka booddo cuntada gabi ahaanba, maskaxdaadu waxay yeelan doontaa shidaal aan ku filnayn.

3. Cabbitaannada: iska ilaali cabbitaanka daawooyinka lagu shubo ee ay ku jiraan sida kafeega, shaaha ama cabitaanka dhalooyinka, taas oo kaa dhigi karta mid aan firfiroonayn markay ka baxdo jirkaaga.

4. Biyaha: jidhkaaga iyo maskaxdaadu waxay u baahan yihiin biyo. Maskaxda ayaa si hufan u shaqaysa marka aadan wax oon ah dareemayn.

5. Neefsashada: markasta oo aad cabsi dareentid ama su'aal aad garanaysid si fudud ay maskaxdu u soo qaban waydo, qaado neef kadibna si tartiib ah bilow inaad ka neefsato sankaaga.

6. Goor h**e u imow imtixaanka: tani waxay kaa caawin doontaa inaad iska ilaaliso walbahaarka aan loo baahnayn muddada imtixaanku socdo .

7. Akhri su'aal kasta: runtii akhri waxa lagu weydiiyey, marka aad ka jawaabtid haddana dib u akhri si aad u xaqiijiso waxa aad qortay.

8. Naftaada diiradda saar: ha eegin agagaarka marka aad ka soo baxdo imtixaanka, waayo arday walba waxa uu kugu qancinayaa waxa isaga uu kaga soo jawaabay in ay sax tahay, taasina niyadjab ayey kugu keeni kartaa.

Xigasho: page ka wasaarada waxbarashada.

Hoos ka dalaco: Jadwalka Imtixaanka Fasaladda 8aad ee Dugsiyada dhexe ee Puntland 2021-22.

Wakhtiga rasmiga ah ee Imtixaanka Dowlada Puntland waxa uu bilbanayaa 28 May, 2022.

Maanta oo taariikhdu tahay 04-april-2022 waxaa imtixaankii billeha ahaa u soo dhamaaday Ardayda dugsiga hoose/dhexe ee GECPD-xarfo.

Dhamaan ardada waxaa u rajaynayaa guul.