Galmudug Teachers Training College

Wasaaradda Waxbarashada, Hiddaha iyo Tacliinta Sare, waxa ay ogeysiineysaa dhammaan gabdhaha soo codsaday Deeqda Waxbarashada Gabdhaha ee heerka 2aad ee Mashruuca Rajokaaba, gaar ahaan kuwa usoo gudbay imtixaanka in imtixaanku ka dhici doono xarumaha hoos ku xusan:

🔹 Jubaland
📍 Jaamacadda Kismaayo (Kismayo University)

🔹 Koonfur Galbeed (SWS)
📍 Jaamacadda Koonfurta Soomaaliya (USS)

🔹 Hirshabelle

📍 Plasma University – Jowhar

📍 Central University – Beledweyne

🔹 Galmudug
📍 Macadka Macallimiinta Galmudug,
kuna yaalla Dugsiga Sare ee Galgaduud – Dhuusamareeb

🔹 Gobolka Banaadir
📍 Jaamacadda Ummadda Soomaaliyeed – Qeybta KM4

🗓 Maalinta: Sabti, 3 Janaayo 2026
⏰ Waqtiga: 2:00 PM (Duhur kadib)
✍️ Nooca Imtixaanka: Qoraal
🌐 Luqadda: English

Waxa laga codsanayaa dhammaan gabdhaha imtixaanka galaya in ay soo xaadiraan waqtigooda, isla markaana wataan aqoonsigooda.

Si aad u hubiso in aad usoo gudubtay imtixaanka Fadlan booqo mareegta hoose, gali Ciwaankaaga iyo fure-siraadkaaga.
https://scholarship.moe.gov.so/auth/signin

Wixii faahfaahin ah fadlan kala xiriir
Xafiiska warfaafinta iyo xiriirka bulshada
Abdiaziz Wali
Email: [email protected]

Taariikh: 23/12/2025
Goobta: Degmada Cadaado

Masuuliyiin ka tirsan Wasaaradda Waxbarashada Galmudug iyo Tababare Xasan Yarrow, oo ka mid ah tababarayaasha Machadka Tababarada Macallimiinta Galmudug, ayaa booqasho kormeer ah ku tagay Iskuulka Hoose/Dhexe ee Cumar Al-Faaruuq, oo ka mid ah dugsiyada dowliga ah ee Degmada Cadaado.

Masuuliyiintaasi waxay kormeereen macallimiinta, iyagoo fasal-fasal u galay si ay u hubiyaan habsami u socodka casharrada iyo sida macallimiintu u gudbinayaan manhajka waxbarasho.

Kormeerka kaddib, Tababare Xasan ayaa kulan la yeeshay maamulka iskuulka, wuxuuna kala hadlay arrimo la xiriira horumarinta tayada waxbarashada iyo dhiirigelinta macallimiinta.

Machadka Tababarada Macallimiinta Galmudug wuxuu sii wadi doonaa kormeerka joogtada ah iyo tababarada macallimiinta.

DHAMMAAD

Waad mahadsan tihiin.

Wasaaradda Waxbarashada, Hiddaha iyo Tacliinta Sare waxay ku wargelinaysaa Gabdhaha Soomaaliyeed Deeq Waxbarasho jaamacadeed Heerka oo 2aad ah. Deeqdaan oo qeybka ah Mashruuca Rajo Kaaba oo ay iska kaashanayaanWWH&TS iyo Bangiga Adduunka, waa fursad waxbarasho sare, oo kor loogu qaadayo karaanka iyo kartida gabdhaha Soomaaliyeed gaar ahaan dhanka helidda shaqada iyo ka qaybgalka hoggaanka dalka.

Deeqdan waxbarasho oo ay ka faa’ideysandoonaan 250 gabdhood, waxaana lagu baran doonaa 15 Takhasus oo si toos ah uga jawaabaya baahiyaha Tacliinta sare ee dalkeenna, gaar ahaan xagga Waxbarashada, Cluumta Deegaanka, Hoggaaminta iyo hal-abuurka kobcinta karaanka bulshada, Tiknoloojiyadda, Sayniska, iyo Culuumta Bulshada. Waxbarashada waxaa fulindoona Jaamacadda Kenyatta oo kaashaneysa Jaamacadda Ummadda Soomaaliyeed.

Shuruudaha Xulashada iyo Aqbalaadda:

1) Codsaduhu waa inuu noqdaa gabar Muwaadinad Soomaaliyeed oo haysata aqoonsi qaran (Warqad dhalasho, Passport ama NIRA ID).

2) Inay haysato shahaadada heerka kowaad ee jaamacadeed (bachelor’s degree) iyo shahaadada Dugsiga Sare oo ay aqoonsan tahay Wasaaradda Waxbarashada, Hiddaha iyo Tacliinta Sare DFS.

3) Codsaduhu waa inuu ka gudbo imtixaanka/qiimaynta Afka Ingiriisiga ee ay qaadayso Jaamacadda Ummadda Soomaaliyeed.

4) Codsaduhu waa inuu doorto Takhasus la xariira shahaadadiisa heerka koowaad taas oo celceliska darajada shahaadada aysan ka hoosayn 2.7.

5) Deeqda waxbarasho waxaa la bixin doonaa kaliya marka codsaduhu helo aqbalaadda oggolaanshaha Jaamacadda ee Takhasus ka uu doortay.

6) Codsaduhu waa inuu soo gudbiyo warqad uu ku qeexayo sababta uu u doonayo in la siiyo deeqda waxbarasho, baahida dhaqaale ee codsadaha, yoolalka tacliimeed iyo xirfadeed, iyo saameynta la filayo ee deeqda waxbarasho, ha noqoto horumarka shaqsiyadeed iyo horumarka guud ee Soomaaliya.

7) Deeqdaan waxbarasho waxay u furantahay haweenka ka shaqeeya qaybaha dowladda (Public Sector) iyo kuwa gaarka loo leeyahay (Private Sector).

8 ) Codsade-yaasha ka howlgala qaybaha dowladda, waa inay soo gudbiyaan warqad kasoo baxday xafiiskooda oo taageeraysa codsigooda (recommendation letter) taasoo damaanad qaadaysa islamarkaasna caddeynaysa sida ay uga bixi karaan ugana faa’iidaysan karaa deeqda waxbarasho.

9) Codsade-yaasha ka socda qaybaha gaarka loo leeyahay, waa inay soo gudbiyaan warqad kasoo baxday xafiiskooda oo taageeraysa codsigooda taasoo damaanad qaadaysa islamarkaasna caddeynaysa inay ka bixi karaan kana faa’iidaysan karaa deeqda waxbarasho.

10) Dhamaan warqadaha codsiyadu (Recommendation and intent letters) waa in ay ku qoranyihiin Afka Ingiriisiga.

Codsi gudbintu waxay ku egtahay 6-ka December 2025.

Haddii aad shuruudahan buuxin karto fadlan mareegta kusoo dir codsiga iyo dhamaan documents-ka
https://scholarship.moe.gov.so/auth/signin

DHAMMAAD.
Wixii faahfaahin ah fadlan kala xiriir
Agaasimaha Warfaafinta iyo Xiriirka Guud
Abdiaziz Wali
Email:[email protected]
WhatsApp Raja kaaba +252613869714

Maalinta macallinka Soomaaliyeed.

𝗫𝗔𝗦𝗨𝗨𝗦𝗜𝗡

Macallin, waalid, bulsho iyo madaxba ma ku baraarugsanahay in ay hal maalin naga xigto Maalinta weyn ee Macallinka Soomaaliyeed ee ku astaysan 21 Nofeembar, 2025.

Muhiim!!

OGEYSIIS MUHIIM AH – FURSAD WAXBARASHO OO BILAASH AH

Wasaaradda Waxbarashada, Hiddaha iyo Tacliinta Sare ee Dowladda Federaalka Soomaaliya, iyada oo kaashaneysa Wasaaradaha Waxbarashada ee Dowlad-Goboleedyada iyo Gobolka Banaadir, waxay ogeysiinaysaa dhammaan waalidiinta iyo dhallinyarada Soomaaliyeed in la billaabay fursad waxbarasho oo lacag-la’aan ah oo lagu baranayo xirfadaha farsamada gacanta iyo mihnadaha muhiimka ah ee dugsiyada sare.

Barnaamijkan waxaa loo qorsheeyay:
• Ardayda ka baxay dugsiga dhexe, ama
• Kuwa dhexda kaga tagay dugsiga sare,

si ay u helaan xirfad dhammaystiran oo ay ugu diyaar garoobaan suuqa shaqada. Ujeedkiisu waa in la soo saaro xirfadlayaal tayo leh oo kaalin muuqata ka qaata horumarinta dhaqaalaha iyo adeegyada dalka.

DHAMMAAD.
Faafaahinta kala xiriir
Agaasinta warbaahinta iyo xiriirka Bulshada
Abdiaziz Wali
Email: [email protected]

Ra’iisul Wasaaraha XFS Mudane Xamza Cabdibarre ayaa maanta daah-furay Deeq waxbarasho oo heerka 2aad ee Jaamacadda ah, taasoo loogu tala galay in ay ka faa’ideystaan gabdhaha Soomaaliyeed.

Wixii faahfaahin fadlan kala xiriir
Agaasinka warfaafinta iyo Xiriirka Bulshada
Abdiaziz Wali
[email protected]
Facebook.com/moechesomalia
Twitter.com/moechesomalia

Sida macalinku u isticmaalayo appka TMIS

𝐌𝐚𝐜𝐡𝐚𝐝𝐤𝐚 𝐓𝐚𝐛𝐚𝐛𝐚𝐫𝐤𝐚 𝐌𝐚𝐜𝐚𝐥𝐥𝐢𝐦𝐢𝐢𝐧𝐭𝐚 𝐆𝐚𝐥𝐦𝐮𝐝𝐮𝐠 𝐚𝐲𝐚𝐚 𝐦𝐚𝐚𝐧𝐭𝐚 𝐱𝐚𝐫𝐮𝐧𝐭𝐢𝐢𝐬𝐚 𝐃𝐡𝐮𝐬𝐚𝐦𝐚𝐫𝐞𝐛 𝐤𝐮 𝐬𝐨𝐨 𝐠𝐚𝐛𝐚𝐠𝐚𝐛𝐞𝐞𝐲𝐚𝐲 𝐢𝐦𝐭𝐢𝐱𝐚𝐚𝐧𝐤𝐢𝐢 𝐦𝐚𝐜𝐚𝐥𝐥𝐢𝐦𝐢𝐢𝐧𝐭𝐚 𝐐𝐚𝐫𝐚𝐧𝐤𝐚 𝐞𝐞 𝐥𝐚𝐛𝐚𝐝𝐚 𝐫𝐚𝐚𝐜 𝐞𝐞 𝟐𝟎𝟐𝟑 𝐢𝐲𝐨 𝟐𝟎𝟐𝟒.

✅ Dufcaddii 1aad ee 2023 waxay imtixaankan kusoo xirteen tababarkii labada sano ee ay qaadanayeen.
✅ Dufcaddii 2aad ee 2024 waxay dhammaysteen sannadkii koowaad, waxayna u gudbi doonaan sannadka labaad.

Imtixaanka waxaa qaaday Jaamacadda Ummadda Soomaaliyeed, iyadoo sidoo kale bixin doonta shahaadooyinka rasmiga ah ee macallimiinta dhammeeya tababarka.

Ku dhowaad 800 macallin oo ka kala yimid degmooyinka iyo deegaannada Galmudug ayaa ka qayb qaatay imtixaankan, taas oo muujinaysa dadaalka Wasaaradda Waxbarashada ee tayeynta waxbarashada dalka iyo dhismaha macallimiin aqoon iyo xirfad leh.

Machadka Tababarka Macallimiinta Galmudug, oo kaashanaya Wasaaradda Waxbarashada, Hiddaha & Tacliinta Sare Ee Galmudug, ayaa qabtay tababar socday muddo bil ah, kaasoo diiradda lagu saaray xoojinta xirfadaha baridda ee macallimiinta.

Tababarkan ayaa ka dhacay xarunta machadka ee magaalada Dhusamareb, iyadoo ay ka faa’iideysteen 150 macallin oo ka kala yimid dhammaan deegaannada Galmudug, miyiga iyo magaalooyinkaba.

Ujeedada tababarka ayaa ahayd in kor loo qaado tayada iyo aqoonta macallimiinta hadda ka howlgala goobaha waxbarashada, si loo helo jawi waxbarasho tayo leh oo u adeegaya mustaqbalka ardayda Galmudug.

𝐌𝐚𝐝𝐚𝐱𝐰𝐞𝐲𝐧𝐚𝐡𝐚 𝐃𝐨𝐰𝐥𝐚𝐝𝐝𝐚 𝐆𝐚𝐥𝐦𝐮𝐝𝐮𝐠, 𝐌𝐮𝐝𝐚𝐧𝐞 𝐀𝐱𝐦𝐞𝐝 𝐂𝐚𝐛𝐝𝐢 𝐊𝐚𝐚𝐫𝐢𝐲𝐞, 𝐚𝐲𝐚𝐚 𝐱𝐚𝐥𝐚𝐲 𝐦𝐮𝐧𝐚𝐚𝐬𝐚𝐛𝐚𝐝 𝐜𝐚𝐬𝐡𝐨-𝐬𝐡𝐚𝐫𝐚𝐟 𝐢𝐲𝐨 𝐬𝐨𝐨 𝐝𝐡𝐨𝐰𝐞𝐲𝐧 𝐚𝐡 𝐤𝐮 𝐜𝐚𝐬𝐮𝐮𝐦𝐚𝐲 𝐛𝐚𝐫𝐞𝐲𝐚𝐚𝐬𝐡𝐚 𝐝𝐮𝐠𝐬𝐢𝐲𝐚𝐝𝐚 𝐡𝐨𝐨𝐬𝐞, 𝐝𝐡𝐞𝐱𝐞, 𝐢𝐲𝐨 𝐬𝐚𝐫𝐞 𝐞𝐞 𝐆𝐚𝐥𝐦𝐮𝐝𝐮𝐠.

Munaasabaddan oo si heer sare ah loo soo agaasimay kana dhacday Aqalka Madaxtooyada Galmudug, ayaa waxaa ka soo qeyb galay ku dhowaad 600 oo macallin oo iskugu jira bareyaal wax ka dhiga dhammaan dugsiyada hoose, dhexe, iyo sare ee Galmudug, maamulka iyo tababarayaasha Machadka Tababarka Macalimiinta Galmudug, madax ka tirsan labada gole ee Dowladda Galmudug, senatarro ka tirsan Baarlamaanka Federaalka Soomaaliya (BFS), iyo Madaxweyne ku-xigeenka Dowladda Galmudug.

Madaxweynaha ayaa u mahadceliyay dhammaan macallimiinta kasoo qeyb galay munaasabadda, isagoo ku amaanay dadaalka iyo duruufaha adag ee ay ku shaqeeyaan.