Sheikh Aweis Primary & Secondary School-Baidoa

Fariin Duco iyo Dardaaran

Maamulka iyo macallimiinta Dugsiga Sheekh Aweys waxay dhammaan ardayda Fasalka 8aad ee berri u fariisanaya Imtixaanka Dowladda u rajeynayaan guul iyo horumar.

Waxaan Alle uga baryeynaa inuu idiin fududeeyo imtixaanka, idiinna waafajiyo dadaalkii iyo diyaar-garowgii aad sameyseen. Ku kalsoonaada naftiinna, kuna dadaala inaad soo bandhigtaan aqoonta aad barateen.

🤲 Ilaahay ha idiinka dhigo kuwo guul iyo sharaf ku soo hoya dugsigooda, waalidkood, iyo dalkoodaba.

Guul Wacan Ardaydeena Qaaliga ah!

إِنَّا لِلَّٰهِ وَإِنَّا إِلَيْهِ رَاجِعُونَ
Maamulka, macallimiinta, ardayda iyo dhammaan bahda Iskuulka Sheekh Aweys P.S.S waxay si murugo iyo tiiraanyo leh uga tacsiyeynayaan geerida naxdinta leh ee ku timid Alle ha u naxariistee Ustaad Bashiir Adan abdi, oo ka mid ahaan jirey macallimiintii qiimaha badnayd ee Iskuulka Sheekh Aweys.

Ustaad Bashiir wuxuu bulshada iyo ardayda uga tegay xusuus wanaagsan, dadaal, akhlaaq iyo waxbarid hufan oo uu sannado badan ku soo adeegayey.

Waxaan Alle SWT uga baryeynaa inuu marxuumka ku mannaysto Janatul Fardowsa, qabrigiisana u waasiciyo, dambigiisana dhaafo. Sidoo kale waxaan samir iyo iimaan ka rajaynaynaa qoyskiisa, eheladiisa, asxaabtiisa, ardaydiisii iyo dhammaan bahda waxbarashada ee uu ka baxay.
Ilaahay ha u naxariisto Ustaad Bashiir, Janadiisana ha geeyo. Aamiin.