MITRE - Miini Institute For Training and Research

19/10/2026

Machadka Miini Institute for Training & Research (MITRE) ayaa booqasho ku tagay Dugsiga Hoose Dhexe iyo Sare ee Qaasim Barawi, halkaas oo maamulka iyo ardayda dugsiga ay kula yeesheen kulan muhiim ah oo ku saabsan horumarinta aqoonta iyo xirfadaha dhalinyarada.

waxaa ardayda loo soo bandhigay koorsooyinka kala duwan ee uu bixiyo Machadka MITRE, kuwaas oo diiradda saaraya horumarinta xirfadaha casriga ah, tiknoolajiyadda iyo diyaarinta dhalinyarada si ay uga faa’iideystaan fursadaha waxbarasho iyo shaqo.

Ujeeddada booqashada waxay ahayd in ardayda lagu dhiirrigeliyo barashada xirfadaha dheeraadka ah, lana fahamsiiyo muhiimadda ay xirfaduhu u leeyihiin mustaqbalkooda, kobcinta hal-abuurkooda iyo ka qayb qaadashada horumarka bulshada.

MITRE waxaa ka go’an horumarinta aqoonta iyo xirfadaha dhalinyarada, si ay u noqdaan jiil karti leh oo diyaar u ah baahiyaha suuqa shaqada iyo horumarka bulshada.

Machadka MITRE wuxuu uga mahadcelinayaa maamulka iyo macallimiinta Dugsiga Qasim Barawi soo dhoweynta iyo wada shaqeynta wanaagsan.

07/10/2026

Machadka MITRE ayaa bilaawaya diiwaan gelinta Diploma of Basic Health oo ay hada diiwaan gelintiisa ay socoto.

Inta ay diplomadu socoto, waxay ardaydu baran doonaan:
📘 First Aid
📗 Anatomy & Physiology
📙 Pharmacology
📕 Nursing
Waxayna Ardayda helidoonaan practical joogto ah

Haddii aad diyaar u tahay inaad kobciso aqoontaada, fursaddan ha ka harin.

Goobta: Barawe – Dabaqa Kore ee Shirkadda Dahabshiil
WhatsApp: 0619002859

17/07/2026

🎓 Qeybta 2-aad ee Sawirrada Xafladda Qalinjebinta Dufcaddii 5-aad ee Machadka MITRE.

16/07/2026

🎓 Qeybta 1-aad ee Sawirrada Xafladda Qalinjebinta Dufcaddii 5-aad ee Machadka MITRE.

16/07/2026

Machadka MITRE ayaa maanta qabtay Xafladda Qalin-jabinta Dufcaddii 5-aad ee ardayda ka aflaxday Diplomooyinka kala duwan ee machadka.

Ardaydan oo tiradoodu dhan tahay 66 arday ayaa si guul leh u dhammaystay Diploma of Basic Computer iyo Diploma of Graphic Design, kuwaas oo lagu baray aqoon iyo xirfado muhiim u ah suuqa shaqada casriga ah.

Munaasabadda qalin-jabinta waxaa ka soo qaybgalay marti sharaf kala duwan oo ay ka mid ahaayeen Lataliyaha Sare ee Machadka MITRE, Calawi Aways Sheekh, Aas-aasaha Machadka Mohamed Abdulkadir Bakar, Guddoomiyaha Waxbarashada Degmada Barawe Nur Abubakar Nur, iyo Xoghayaha Dowladda Hoose ee Degmada Barawe ahna Kusimaha Guddoomiyaha Degmada Eng. Hamza Ali Siidow.

Maamulka Machadka MITRE ayaa hambalyo u diray dhammaan ardayda qalin-jabisay, isaga oo ku bogaadiyey dadaalkooda, adkaysigooda iyo guusha ay gaareen. Sidoo kale, maamulka ayaa xaqiijiyay in machadku sii wadi doono dadaallada lagu horumarinayo aqoonta iyo xirfadaha dhalinyarada si ay uga qeyb qaataan horumarka bulshada.

Ugu dambeyn, maamulka Machadka MITRE waxa uu u mahadcelinayaa dhammaan marti-sharaftii, waalidiintii, macallimiintii iyo bahda waxbarashada ee ka soo qaybgalay munaasabaddan qiimaha badan.

Hambalyo Dufcaddii 5-aad ee Machadka MITRE.

16/07/2026

Waxaa si toos u bilowday xaflada qalanjebinta Dufcaddii 5aad machadka MITRE

11/07/2026

MITRE waxay ku faraxsan tahay inay soo bandhigto Basic Computer Bootcamp oo BILAASH AH (FREE).

Haddii aad rabto inaad barato aasaaska kumbuyuutarka, xirfadaha muhiimka ah ee casriga ah, iyo sida loo isticmaalo barnaamijyada aasaasiga ah ee kombiyuutarka, tani waa fursaddaada.

⚠️ Ogow: Koorsooyinkan waxaa ka faa’iidaysan doona oo keliya 50-ka arday ee ugu horreeya ee is-diiwaangeliya.

📌 Ha sugin inta boosasku buuxsamayaan. Isdiiwaangeli maanta si aad uga mid noqoto ardayda nasiibka u yeelan doonta.

📍 Goobta: Barawe - Dabaqa kore shirkada Dahabshiil
📞 Wixii Faahfaahin Dheeraad ah Kala Xiriir 0619002859

22/06/2026

Machadka MITRE ayaa wuxuu kugu bishaaraynayaa inuu bilaabanayo barashada xirfadda Crochet-ka.

Crochet waa xirfad casri ah oo aad loogu baahan yahay maanta, laguna sameeyo boorsooyin, dhar, koofiyado iyo agabyo kale oo badan Waa xirfad kuu sahleysa inaad hal-abuurkaaga u beddesho fursad dhaqaale.

Xirfadaan ayaa waxaad ka heli doontaa aqoon iyo xirfad dhammaystiran oo kaa caawin doonta inaad tallaabada ugu horreysa u qaaddo dhismaha mustaqbalkaaga.

Hadabo Haddii aad tahay qof doonaya inuu xirfad cusub barto, kobciyo hal-abuurkiisa, ama abuuro fursad dhaqaale oo mustaqbal leh, tani waa fursaddaada.

Diiwaangelintu way socotaa, oo soo booqo xarunteena oo ku taala magaalada Barawe gaar ahaan dabaqa kore shirkada dahabshiil ama nagala soo xiriir nambarka shaashada ku qoran.

“Machadka mitre waa Halka ay xirfadduhu iyo fursaduhu ka bilowdaan”

20/06/2026

20/06/2026

𝑴𝑨𝑪𝑯𝑨𝑫𝑲𝑨 𝑴𝑰𝑻𝑹𝑬 𝑰𝒀𝑶 𝑮𝑶𝑳𝑨𝑯𝑨 𝑫𝑯𝑨𝑳𝑰𝑵𝒀𝑨𝑹𝑨𝑫𝑨 𝑫𝑬𝑮𝑴𝑨𝑫𝑨 𝑩𝑨𝑹𝑨𝑾𝑬 𝑶𝑶 𝑲𝑨 𝑾𝑨𝑫𝑨 𝑯𝑨𝑫𝑳𝑨𝒀 𝑰𝑺𝑲𝑨𝑨𝑺𝑯𝑰 𝑾𝑨𝑫𝑨𝑱𝑰𝑹 𝑨𝑯

𝗕𝗮𝗿𝗮𝗮𝘄𝗲, 𝟮𝟬 𝗝𝘂𝘂𝗻 𝟮𝟬𝟮𝟲: waxaa kulan yeeshay Machadka MITRE iyo Golaha Dhalinyarada Degmada Barawe, kaas oo looga hadlay xoojinta iskaashiga iyo wada shaqeynta ka dhexeysa labada dhinac.

Kulanka waxaa hoggaaminayay CEO Machadka MITRE, Mudane Mohamed Abdulkadir Bakar, iyo Guddoomiyaha Golaha Dhalinyarada Degmada Barawe, Mudane Zakaria Mohamud Mohamed.

Intii uu kulanku socday, waxaa la isku dhaafsaday fikrado ku saabsan doorka ay waxbarashada iyo horumarinta xirfaduhu ku leeyihiin kobcinta dhalinyarada, iyadoo sidoo kale laga wada hadlay fursado cusub oo iskaashi oo lagu taageerayo dhalinyarada degmada.

Kulanka ayaa kusoo dhammaaday isfaham iyo ballanqaad ku aaddan in la xoojiyo wada shaqeynta, si loo taageero horumarka dhalinyarada iyo kobcinta fursadaha waxbarasho ee Degmada Barawe.