The EduLand Global Learning Centre

မိဘပြည်သူ အပေါင်း မင်္ဂလာပါ။

ဖေဖော်ဝါရီလ ၁ ရက် ၂၀၂၁ ခုနှစ်တွင် Internet လိုင်းများ နှင့် ဖုန်းလိုင်းများ ပြတ်တောက် လျက်ရှိသောကြောင့် The EduLand Global Learning Centre ​၏ Online Classes များအား ယနေ့ ပိတ်ထားမည် ဖြစ်ပါသည်။

ပြန်လည် အစပြု မည့် နေ့အား ဤ Page မှ တဆင့် (သို့) ကျောင်းသား ကျောင်းသူ များ​၏ Email များထံသို့ ပြန်လည် အကြောင်းကြား သွားမည် ဖြစ်ပါသည်။

စိတ်​၏ ချမ်းသားခြင်း၊ ကိုယ်​၏ ကျန်းမားခြင်း နှင့် မိသားစု ဝင်များအားလုံး ငြိမ်းချမ်း ကြပါစေလို့ ဆုတောင်း မေတ္တာ ပို့သ အပ်ပါသည်။

Admin Team
The EduLand
Global Learning Centre

Happy New Year To Everyone

မိဘပြည်သူအပေါင်း လာမဲ့ 2021 မှာ စိတ်​၏ချမ်းသာခြင်း၊ ကိုယ်​၏ ကျန်းမာခြင်း နှင့် လိုရာဆန္ဒ အပေါင်း ပြည့်စုံလျက်၊ မျှော်လင့်ထားသော ရည်မှန်းချက် ပန်းတိုင်းများကို ဆွတ်ခူး နိုင်ကြပါစေ လို့ ဆုမွန်ကောင်းတောင်းရင်း နှုတ်ခွန်းဆက်လိုက်ပါတယ်။

အားလုံးပဲ Happy New Year ပါ။

မင်္ဂလာအပေါင်းနှင့် ပြည့်စုံကြပါစေလို့ ဆုမွန်ကောင်းတောင်းရင်း နှုတ်ခွန်းဆက်လိုက်ပါတယ်။

The EduLand Global Learning Centre ကို 2020 ခုနှစ် ဖေဖေါ်ဝါရီလ 12 ရက်နေ့တွင် လုပ်ငန်းခွင်သုံး English စာ သင်ယူလိုသူများ အတွက် ဈေးနှုန်းသင့်တင့်စွာဖြစ် သင်ယူနိုင်ဖို့ရန် ရည်ရွယ်ချက်ဖြင့် စတင် ဖွင့်လှစ် သင်ကြားပေး ခဲ့ပါတယ်။

ယခု အခါ The Eduland သည် နိုင်ငံတကာနှင့် ချိတ်ဆက်ကာ ပိုမိုကောင်းမွန်၍ နိုင်ငံတကာ အဆင့်မှီ ပညာရေး ဝန်ဆောင်မူ့များအား ထိထိရောက်ရောက်ပေးနိုင်ရန် ရည်ရွယ်၍ “The EduLand Global Learning Centre Company Limited” အား ၂၀၂၀ ခုနှစ် ဒီဇင်ဘာလ ၂ ရက်နေ့တွင် အောင်မြင်စွာ ဖွဲ့စည်း မှတ်ပုံတင် ပြီးဖြစ်ပါတယ်။

စတင်စဉ်က သင်တန်း (၃) မျိုးဖြင့်သာ စတင်ခဲ့သော်လည်း လက်ရှိတွင် ကမ္ဘာ့အဆင့်မှီ နိုင်ငံတကာ Qualifications များ နှင့် ပူးပေါင်းပြီး ကလေးငယ်များအတွက် Primary & Secondary Tuition Classes များမှ စ၍ လုပ်ငန်းခွင်သုံး Professional ပညာရပ်များ အထိ လုပ်ငန်းအတွေ့အကြုံ ရှိသော ဆရာ၊ ဆရာမ ကြီးများမှ အထူးကြပ်မတ် သင်ပြပို့ချ ပေးလျက် ရှိပါတယ်။

ယခုလို The EduLand Global Learning Centre ကို အကြံပေး လမ်းပြပေးခဲ့သော Board of Directors များ၊ အင်တိုက်အားတိုက် ပါဝင်ကူညီ လုပ်ကိုင်ပေးခဲ့ ကြသော Executive Management Committee နှင့် လုပ်ဖော်ဆောင်ဖက် များ၊ အထူး သင်ကြားပို့ချပေးခဲ့သော ဆရာ၊ဆရာမ များ၊ သင်တန်းများတွင် ပါဝင် သင်ယူခဲ့ ကြသော သင်တန်းသားများ နှင့် နောက်ကွယ် မှ ပါဝင်ကူညီ ခဲ့ကြသော အစုရှယ်ယာရှင်များအား အထူးပင် ကျေးဇူးတင်ရှိပါကြောင်း ဤ နေရာမှ လှိုက်လှဲစွာ ကျေးဇူးတင်အပ်ပါသည်။

Covid-19 ကပ်ဘေးကာလ နှင့် တိုတောင်းလှသော အချိန် များကို အောင်မြင်စွာကျော်လွှားဖြတ်သန်းရင်း ယခုထက် ပိုမိုအောင်မြင်သော၊ ပညာရေး ထံသို့ ဆက်လက်ကြိုးစားကြပါစို့ လို့ ခွန်အားပေး တိုက်တွန်း လိုက်ပါတယ်။

Semper Prorsum - Always Forward

Ye Thu Ra Soe
Founder, Director & CEO
The EduLand Global Learning Centre

ှာ ဝါသနာတစ်ခုကို ပျိုးထောင်ကြရအောင်။

Stay homeကာလဟာ အခုဆိုရင်
အချိန်တစ်ခုထိ ရှိနေခဲ့ပြီ။

ဒီကာလဟာ ကိုယ့်ဘဝအတွက် လိုအပ်တဲ့ ပညာရပ်တွေ လေ့လာဖို့ သင့်တော်သလို
ကိုယ်ဝါသနာပါတဲ့ အရာလေးတွေ
လေ့လာဖို့လည်း အသင့်တော်ဆုံး
အချိန်ပါပဲ။

တစ်ချို့က အားလပ်ချိန်တွေမှာ သီချင်းနားထောင်ရတာ၊ သီချင်းဆိုရတာမျိုး
နှစ်သက်သလို တစ်ချို့ကျတော့လည်း လက်မှုပညာလေးတွေလုပ်ရင်း
အချိန်ကုန်ဆုံးရတာ နှစ်သက်ကြတယ်။

ကိုယ်စိတ်ဝင်စားတဲ့ အကြောင်းအရာလေးတွေနဲ့ အချိန်ကုန်ဆုံးရတဲ့အခါ
ကျေနပ်ဖို့ကောင်းတယ်လေ။

အကယ်၍ သင်က အားလပ်ချိန်တွေမှာ
စာဖတ်တာ၊ စာရေးတာကို နှစ်သက်တဲ့သူ
ဆိုရင်တော့ ဒီနေ့မှာ applicationလေး
တစ်ခုနဲ့ မိတ်ဆက်ပေးချင်ပါတယ်။

ဒီApplicationလေးကို ၂၀၀၆ခုနှစ်မှာ
Allen Lauနဲ့ Ivan Yuenဆိုတဲ့ founder
နှစ်ဦးက စတင်တည်ထောင်ခဲ့တာဖြစ်ပြီး အခုဆိုရင် သုံးစွဲသူပေါင်း 80Million ထိ
ရှိနေပြီ ဖြစ်ပါတယ်။

အဲ့ဒီ Applicationလေးကတော့
Wattpadဆိုတဲ့ Applicationလေးပဲ
ဖြစ်ပါတယ်။

👉🏻wattpad ဆိုတာ ဘာလဲ။

Wattpadဆိုတာက onlineကနေ စာပေအမျိုးမျိုးကို ဘာသာပေါင်း ၃၀ ကျော်နဲ့
အခမဲ့ ဖတ်ရှုနိုင်တဲ့ reading applicationတစ်ခု ဖြစ်သလို ကိုယ့်ရဲ့ စိတ်ကူးစိတ်သန်း၊ အတွေးအခေါ်တွေကို စာအုပ်လေးတစ်အုပ်အဖြစ် ဖန်တီးနိုင်တဲ့ applicationလေးတစ်ခုလည်း ဖြစ်ပါတယ်။

ဒါ့အပြင် ဒီapplicationလေးမှာ
ကိုယ်နှစ်သက်တဲ့ စာအုပ်တွေကို votingပေးနိုင်သလို commentလေးတွေပါပေးနိုင်တာမို့ စာဖတ်သူနဲ့စာရေးသူတွေကြား နွေးထွေးလွတ်လပ်စွာ ဆက်သွယ်ပြောဆိုနိုင်တဲ့ နေရာလေးတစ်ခုလည်း
ဖြစ်နေပြန်ပါသေးတယ်။

👉🏻 Wattpadကို ဘယ်လို အသုံးပြုနိုင်သလဲ။

Gmail (သို့) Facebook accountတစ်ခု
ရှိယုံနဲ့ websiteကနေပဲ ဖြစ်ဖြစ်၊ applicationကနေပဲ ဖြစ်ဖြစ်
အသုံးပြုနိုင်ပါတယ်။

Wattpad account တစ်ခုကို
shareသုံးနိုင်တဲ့အပြင် ကိုယ့်ရဲ့ ID အတိအကျကို ဖော်ပြစရာမလိုတာမို့
လွတ်လပ်တဲ့ သီးခြားကမ္ဘာလေး
တစ်ခုလိုပါပဲ ။

👉🏻

တကယ်လို့ wattpadကို စပြီးအသုံးပြုမယ်ဆိုရင် ဒီိုတဲ့ accountမှာ လမ်းညွှန်ချက်တွေဖတ်ဖို့ အကြံပြုလိုပါတယ်။

ဒီteamလေးက wattpadကိုအသုံးပြုမယ့် userတွေအတွက် ရှင်းလင်းတဲ့ လမ်းညွှန်ချက်တွေ ဖော်ပြထားသလို စာရေးသူတွေအတွက်လည်း copyright နဲ့ပတ်သက်တဲ့ အချက်အလက်တွေကစလို့ သေချာရှင်းပြထားပါတယ်။

Wattpadကို အသုံးပြုမယ်ဆိုရင်
အောက်မှာ ဖော်ပြထားတဲ့ linkတွေက
တစ်ဆင့် ဝင်ရောက်အသုံးပြုနိုင်ပါတယ်။

👉🏻 Websiteနှင် အသုံးပြုလိုသူများအတွက်
https://www.wattpad.com/

👉🏻 Applicationမှ အသုံးပြုလိုသူများအတွက်
https://apkpure.com/p/wp.wattpad

ကိုယ့်ရဲ့ အရည်အချင်းပေါ်မူတည်ပြီး အပျော်တမ်း အဆင့်ကနေ ထုတ်ဝေတဲ့
အဆင့်ထိရှိနိုင်တာမို့ ကိုယ့်ရဲ့ဝါသနာတွေကို အကောင်အထည်ဖော်ကြရအောင်။

အားလုံးပဲ stay homeမှာ ပျော်ရွှင်ကြပါစေ။

အားလုံး မင်္ဂလာပါလို့ The EduLand မိသားစု မှ ကြိုဆိုလိုက်ပါတယ်။

ကျွန်မ လည်း မိသားစု ကိစ္စတွေ နဲ့ အလုပ်ရှုပ်နေတာကြောင့် The EduLand မိသားစု ကိုယ်စား စာမတင်ဖြစ်တာ နည်းနည်းတော့ ကြာသွားပြီ။ ဟိုတစ်ခေါက်က ရေးထားတဲ့ စာလေးကတော့ ဖေဖေ မေမေတို့ အတွက် အကူညီ ဖြစ်မယ်လို့ မျှော်လင့်ပါတယ်။

Covid-19 ရဲ့ ဒုတိယ လှိုင်းလုံးကြီး ကို မြန်မာပြည် အနှံ့ရှိ မိဘပြည်သူများ အားလုံး ရင်ဆိုင် ကျော်လွှား နေရပါတယ်။ အခုလို အချိန်မျိုးမှာ လက်ဆေးခြင်း၊ နှာခေါင်းစည်းများ တပ်ဆင်ခြင်း နဲ့ အထူးသဖြင့် မိမိတို့အိမ်မှာ နေထိုင်ဖို့ရန် အလွန်ပင် အရေးကြီးသော အချိန်ဖြစ်ပါတယ်။ ဒီလို အပြင်မထွက်ဘဲ အိမ်မှာ အကြာကြီးနေရတဲ့အခါ စိတ်ဖိစီးမှု​တွေ ဖြစ်ပေါ်လာနိုင်ပါတယ်။

ဒါကြောင့် The EduLand မိသားစုမှ မြန်မာ ပြည်ရှိ မိဘ၊ ပြည်သူများ အားလုံး အတွက် အိမ်မှာ နေထိုင်ရင်း လုပ်ဆောင်နိုင်တဲ့ အချက် (၅) ချက် ကို အောက်မှာ ပြောပြ ပေးသွားပါ့မယ်။

ဆက်ဖတ်ရအောင် နော်။

၁) လှုပ်လှုပ် ရှားရှား နေပါ။

လေ့ကျင့်ခန်း လုပ်ခြင်းက ကျွန်မတို့ရဲ့ ရုပ်ပိုင်းဆိုင်ရာ ကျန်းမာရေး သာမက၊ စိတ်ပိုင်းဆိုင်ရာ ကျန်းမားရေး အတွက်လည်း အလွန်ကောင်းမွန်ပါတယ်။ YouTube နဲ့ Facebook အစရှိတဲ့ လူမှုကွန်ယက် application များတွင်လည်း အိမ်မှာပဲ လွယ်ကူစွာလုပ်ဆောင်နိုင်တဲ့ လေ့ကျင့်ခန်း အမျိုးမျိုးကို ရှာဖွေပြီးလုပ်နိုင်ပါတယ်။ အောက်မှာ​
အချိန် အနည်းငယ် ပေးရုံနဲ့ လုပ်ဆောင် နိုင်တဲ့ Video လေးတွေကိုလည်း ဖော်ပြ ပေးထားပါတယ်။ အချိန်ရှိရင် မိသားစု လိုက် လုပ်ကြည့်လို့ ရတယ် နော်။

၂) သင့်ရဲ့ သူငယ်ချင်းများ နှင့် စကားပြောပါ။

ယခုလို Information Technology (IT) ​ခေတ်ကြီးမှာ အရင်လို အပြင်မှာ မျက်နှာချင်းဆိုင် စကားပြောစရာမလိုပဲ (Video Conferencing)လုပ်ပြီး သူငယ်ချင်းတွေနဲ့ ပြောဆိုလို့ ရပါတယ်။
Messenger, Viber, WhatsApp, နဲ့ FaceTime
အစရှိတဲ့ Application များကို အသုံးပြုပြီး သူငယ်ချင်းတွေနဲ့ ဆက်သွယ်ကြမယ်။

ကိုယ့်ခံစားချက်၊ သူ့ခံစားချက်​တွေကို ဆွေးနွေး ဖလှယ်ရင်း အချင်းချင်း ပံ့ပိုး ကူညီ ကြရအောင်လေ။

၃) စိတ်ကြည်နူးစေမယ့် ရုပ်ရှင်ဇာတ်လမ်းများ၊ ဝတ္ထု စာအုပ် စာပေ များ ဖတ်ရှုပါ။

ဒီလို လုပ်ပေးခြင်းက မိမိရဲ့ စိတ်အာရုံများကို ပြောင်းလဲ စေပါတယ်။ ဒီလို စိတ်အာရုံ ပြောင်းလဲ ခြင်းဖြင့်၊ မိမိမှာ ရှိတဲ့ စိတ်ဖိစီးမှု များ၊ ဝမ်းနည်း စိုးရိမ် ကြောက်လန့်မှု များ အား လျော့နည်းစေပါတယ်။

ကျွန်မ ကတော့ အခု Netflix မှာ ရှိတဲ့ Michelle Obama (အမေရိကန် သမ္မတဟောင်း Barack Obama ရဲ့ မိန်းမ) မှတ်တမ်းရုပ်ရှင် ဖြစ်တဲ့ “Becoming" လို့ ခေါ်တဲ့ ရုပ်ရှင်ကို ကြည့်နေပါတယ်။ အရမ်း ခွန်အားရပြီး ပညာလည်း ရတော့
အကျိုးရှိတာပေါ့။

နောက် ရုပ်ရှင် တစ်ခု က တော့ Netflix က "Self-Made -Inspired by the life of Madam CJ.Walker" ဖြစ်ပါတယ်။ သူလည်း အရမ်း စိတ်ဝင်စားစရာ ကောင်းပြီး ဘယ်အခြေအနေ ပဲ ရောက်ရောက် အရှုံးမပေးဖို့ ခွန်အားယူရပါတယ်။

စာအုပ် အနေနဲ့ တော့ စီးပွားရေးကို စိတ်ဝင်စားတာကြောင့် "Business Secrets from the Bible", "The $100 Startup" နဲ့ "Compound Effect” ဆိုတဲ့ စာအုပ်လေးတွေ ကို Kindle ကနေ တစ်ဆင့် ဖတ်ဖြစ်ပါတယ်။

Review လေးတွေ လိုချင်ရင် ပြောပေးပါနော်။ စိတ်ဝင်စားတယ်ဆိုရင် ထပ်တင်ပေးပါ့မယ်ရှင့်။

၄) မိသားစု အတူတူ ဟင်းချက်/ မုန့်ဖုတ် ကြပါ။

ဒီဟာလေးကတော့ ကျွန်မတို့ မိသားစု တစ်ပတ် တစ်ခါလောက် လုပ်ဖြစ်ပါတယ်။ သားသားမီးမီး တွေ လည်း အိမ်မှာ ကျောင်းတက်၊ ကျွန်မတို့ လင်မယား နှစ်ယောက်လည်း အိမ်မှာ အလုပ်လုပ် ကြရတာဆိုတော့၊ မိသားစုတွေ အားတဲ့ စနေနေ့မျိုးဆိုရင် စားချင်/ဖုတ်ချင် တဲ့ ဟင်း/မုန့်တွေကို Recipe လေးတွေ ရှာပြီး အတူတူ လုပ်ကြတယ်။ စားလို့ သိပ်မကောင်းရင်တော့ မိသားစု အတူတူ လုပ်ရတဲ့ အမှတ်တရ Memories လေးတွေ ဖြစ်တာပေါ့။ အိမ်က ကလေးတွေကတော့ အဲ့ဒီအချိန်ဆို အပျော်ဆုံးပဲ။

၅) Online သင်တန်း တွေ တက်ပါ။

ပညာရွှေအိုး လူမခိုး ဆိုတာ အားလုံး လည်း သိကြမှာ ဖြစ်ပါတယ်။ အခုလို ကပ်ရောဂါ အခြေအနေ ကြောင့် ကုမ္ပဏီ တော်တော်များများလည်း အလုပ်တွေ လျှော့ကြရပါတယ်။ ဒါကြောင့် မိမိကိုယ်ကိုယ် တိုးတက်ဖို့ရန် လိုအပ်တဲ့ ပညာရပ်များကို Online ကနေ တစ်ဆင့် ရှာဖွေပြီး တက်ရောက် သင်ယူပါ။

The EduLand မှာ ဆိုရင်လည်း စျေးနှုန်း ချိုသာစွာနဲ့ Microsoft Excel Beginner and Advanced classes တွေ၊ Professional Business Writing Classes တွေ၊ UK certification English Classes တွေကို သင်ကြားပို့ချပေးသွားမှာ ဖြစ်ပါတယ်။
တစ်ခြား တစ်ခြားသော သင်တန်းတွေလည်း အများကြီး ရှိပါသေးတယ်။

ဒီစာလေး ရေးရင်း ဆရာသမား၊ မိဘ၊ ညီအစ်ကို မောင်နှမ များ အားလုံး စိတ်​၏ချမ်းသာခြင်း၊ ကိုယ်​၏ကျန်းမားခြင်းနှင့် အတူတူ မင်္ဂလာ အပေါင်း ပိုင်ဆိုင်ရင်း နေကောင်းကျန်းမာပြီး ပျော်ပျော်ရွှင်ရွှင် မိသားစုများ နဲ့ အတူတူ ဖြတ်သန်းနိုင်ပါစေလို့ ဆုမွန်ကောင်းတောင်းရင်း နှုတ်ခွန်းဆက်လိုက်ပါတယ်။

With Love,
The EduLand

မေမေ ဖေဖေ တို့ရေ....

သားသားမီးမီ တွေ နဲ့ အိမ်မှာ Work-From-Home /Stay-At-Home/ Home Based Learning (HBL) (TIL) တွေ နဲ့ ခေါင်းကိုက် စိတ်ရှုပ်နေပြီလား?

Covid-19 ကပ်ရောဂါဆိုတာ မြန်မာနိုင်ငံမှာတွင်မက ကမ္ဘာအနှံ့ မှာရှိတဲ့ မေမေ ဖေဖေ တို့ အတွက် မကြုံစဖူး ကြုံနေရတဲ့ ရောဂါဖြစ်ပါတယ်။ အစိုးရအသီးသီးက အချိန်နဲ့ တပြေးညီ ချမှတ်နေတဲ့ စီမံ ညွှန်ကြား ချက်များ ကြားထဲမှာ ဖေဖေ မေမေ တို့လည်း အိမ်မှာ အလုပ်လုပ်ကြရင်း၊ သားသားမီးမီးတွေလည်း အိမ်မှာ စာသင်ရင်း အတူတကွ နေထိုင်နေရတယ့် အချိန်လေးပဲ ဖြစ်ပါတယ်။ဒီလို အချိန်အခါ မျိုးက မိသားစု တော်တော်များများအတွက် နောင်ချိန်တီးပြီး ရုန်းကန်နေရတဲ့ အချိန်လေးလည်း ဖြစ်နိုင်ပါတယ်။ ဒါပေမယ့်၊ စိတ်ဓါတ် မကျပါနဲ့။ Home-Based Learning လို့ခေါ်တဲ့ အိမ်ကျောင်းပညာရေး ဆိုတာ အသစ်အဆန်းမဟုတ်ပါဘူး။ စင်္ကာပူ နိုင်ငံ အပါအဝင် နိုင်ငံ ပေါင်း မြောက်များစွာ က ၂၀၀၀ ပြည့်နှစ် လောက်မှ စပြီး Covid-19 နဲ့ တူညီတဲ့ SARS , MERS, EBOLA, H1N1, အစရှိတဲ့ ရောဂါ များ ဖြစ်ပွါးချိန်တွင်လည်း အသုံးပြုခဲ့ ရတယ့် စနစ်တစ်ခုပဲ ဖြစ်ပါတယ်။

ဒါကြောင့် ဒီနေ့ ဖေဖေမေမေ တို့ရဲ့ Work-From-Home နဲ့ သားသားမီးမီးတို့ ရဲ့ Home-Based-Learning အတွက် အထောက်အကူ ဖြစ်စေမယ့် အကြံပြုချက် (3) ချက် ကို အောက်မှာ တက်ကျွမ်းသလောက် ရေးသားပေးထားပါတယ်။ အားလုံး အတွက် အထောက်အကူ ဖြစ်စေမယ်လို့ ယုံကြည်ပါတယ်။

1. အခြေအနေသစ်မှာ နေသားကြဖို့ရန် အချိန် အနည်းငယ်ပေးပါ။

ဘဝမှာ ရုတ်တရက် အခြေအနေ ပြောင်းလဲမှု များ ဖြစ်ပေါ်လာတဲ့ အချိန်တိုင်းမှာ ပုံမှန်အားဖြင့် ကျွန်မတို့ ချက်ချင်းဆိုသလို အလျင်အမြန် လိုက်လျောညီထွေ စွာ ပြောင်းလဲ နေထိုင်နိုင်ဖို့ ခက်ခဲပါလိမ့်မယ်။ ဒါကြောင့် မိမိကိုယ်ကိုယ် ပြောင်းလဲမှု့ တစ်ခုတွင် နေသားကြအောင် အချိန်ပေးရန် လိုအပ်ပါတယ်။

ဒီလို ပြောလိုက်တဲ့ အရာက မေမေဖေဖေ တို့ အတွက် လွယ်ကူတဲ့အရာလို့ ထင်နိုင်ပါတယ် ။ ဒါပေမဲ့ ဒီပြောင်းလဲမှု့တွေနဲ့ လိုက်လျော်ညီထွေဖြစ်ဖို့ အချိန်ကာလ တခုလိုအပ်တယ်ဆိုတဲ့ အရာကိုတော့ မိမိ ကိုယ်ကိုအမြဲတမ်း သတိပေးနေဖို့ရန်လိုအပ်ပါတယ်။ ဘာကြောင့်လည်းဆိုရင် ကလေးငယ်များရဲ့ သင်ယူမှု့ လိုအပ်ချက်များကို ကြည့်ရှု့ကြပ်မှတ် နေစဉ် မိမိရဲ့ အလုပ်အကိုင်အတွက် သော်၎င်း၊ အိမ်မှု ကိစ္စ အဝဝလုပ်ကိုင်ဖို့ရန် သော်၎င်း၊ အချိန်ပေးရန် မလုံလောက်တော့ ဟု ခံစားလာရနိုင်ပါတယ်။ ဒီခံစားချက်တွေ နှင့်အတူ စိတ်ဖိစီးမှုတွေ၊ စိတ်မရှည် နိုင်ခြင်းတွေနဲ့ မိသားစု တစ်ဦးနဲ့ တစ်ဦး အဆင်မပြေမှု့တွေ ဖြစ်လာနိုင်ပါတယ်။

ဒါကြောင့် ကလေးငယ်များ အပါအဝင် ​မေမေဖေဖေ တို့လည်း ကိုယ့်ကိုယ်ကို ပြောင်းလဲမှုများနှင့် နေသားကြဖို့ရန် အချိန် ပေးပါ။

2. နေ့ တဒူဝ ပုံမှန်လုပ်နေကျ အရာများကို လုပ်ဆောင်တဲ့အခါမှာ အပိုင်းခွဲပြီး သတ်သတ်မှတ်မှတ်လုပ်ဆောင်ပါ။

မေမေဖေဖေ တို့လည်း အိမ် က နေ အလုပ်လုပ်၊ သားသားမီးမီးတို့ ကလည်း အိမ် ကနေ စာသင်ရတယ့်အချိန်မှာ အချိန်ဇယား လေးတစ်ခုဖန်တီးပြီး အပိုင်းခွဲပြီး လုပ်ဆောင်ကြည့်ပါ။

ဥပမာ အားဖြင့် သားသားမီးမီး တွေ မနိုးခင်မှာ စောစော ထပြီး အိမ်မှု ကိစ္စများ ဆောင်ရွက်ခြင်း၊ မိသားစု အတူတကွ မနက်စာ သုံးဆောင်ခြင်း၊ အစရှိတဲ့ အိမ်မှု့ ကိစ္စများကို အလုပ်မလုပ်မှီ (သို့) ကျောင်းမတက်မှီ စတင် လုပ်ကိုင် ထားနိုင်ပါတယ်။ ဒါ့အပြင် သားသားမီးမီးများ စာသင် ချိန်မှာ ဖြစ်လာနိုင်တဲ့ စိတ်ရှုပ်စရာ များကိုလည်း ကျောင်းသင်တန်းများ နှင့် အလုပ်အကိုင်များ မစမှီ ကြိုတင်စဉ်းစားပြီး ကြိုတင် စီစဉ် လုပ်ကိုင်ထားပါ။ ကလေးတွေ ကျောင်းပြီးလို့ ကစားချိန်မှာတော့ အရေးကြီးတဲ့ အရာတွေကို လုပ်ကိုင်မယ်ဆိုရင် သေချာ အာရုံစိုက်လုပ်ဆောင်နိုင်ပြီဖြစ်လို့ လွယ်လွယ်ကူကူနဲ့ ကျော်ဖြတ်နိုင်ပါလိမ့်မယ်။

ဒါကြောင့် အချိန်ဇယားလေး ဆွဲ ကြရအောင်နော်။

​3. အပြောင်းအလဲ များ အတွက် အဆင်သင့် ကြိုတင် ပြင်ဆင်ပါ။

အချိန်ဇယားလို့ ပြောလိုက်တဲ့ အခါမှာ တိတိကျကျ တင်းတင်းကျပ်ကျပ် ပြုလုပ်ထားတဲ့ အချိန်ဇယားကို မဆိုလိုပါ။ ဘာကြောင့်လည်းဆိုရင် အိမ်တွင်းမှာ မျှော်လင့်မထားတဲ့ အရေးပေါ် အခြေအနေများ၊ ပြင်ဆင်ထားသော်ငြားလည်း အချိန်မှီ အဆင်သင့် မဖြစ်လာသော အရာများကို ဖြေရှင်းနေရင်း အချိန်ကုန် သွားတာမျိုးဖြစ်လာ နိုင်ပါတယ်။ (ဥပမာ မီးပျက်ခြင်း၊ Internet လိုင်း မကောင်းခြင်း၊ etc.)

ဒါ့ကြောင့် တစ်နေ့တာ သွားလာ လုပ်ကိုင်တဲ့ အချိန်မှာ အရေးကြီး တဲ့အရာများကို ဦးစားပေးလုပ်ဆောင်နေရင်း ထင်မှတ်မထားတဲ့ အပြောင်းအလဲများကိုလည်း အဆင်သင့် လက်ခံနိုင်ဖို့ အရေးကြီးပါတယ်။ ဒါကြောင်​့ ကြိုတင် စဉ်းစားပြီး ပြင်ဆင်ထားဖို့ရန် အရေးကြီးပါတယ်။

ဒီစာလေးကို ဖတ်ပြီး ကျွန်မလို မေမေဖေဖေ တို့အားလုံး ခွန်အားယူ၊ အားရပြီး သားသားမီးမီးများနဲ့ အတူ ပျော်ပျော်ရွှင်ရွှင် နေထိုင် လုပ်ကိုင် နိုင်ကြပါစေလို့ ဆုမွန်ကောင်းတောင်းပေးလိုက်ပါတယ်။ နောက်နေ့ တွေမှာ လည်း ဒီလိုမျိုး အထောက်အကူ ပြုစေမည့် အရာလေးတွေ ရေးပေးသွားပါ့မယ် နော်။ စိတ်ဝင်စားရင် Like and Share လုပ်သွားပေးဦးနော်။ အားတက်စေတာပေါ့ 😅

ဒီစာလေးကို ဖတ်တဲ့ ဖေဖေ၊ မေမေ၊ ဖိုးဖိုး၊ ဖွားဖွား များနဲ့ သားသားမီးမီးတွေ အားလုံးလည်း မင်္ဂလာ ရှိသော နေ့လေး ဖြစ်ပါစေ လို့ The EduLand မိသားစု ကိုယ်စား နှုတ်ခွန်းဆက် ဆုမွန်ကောင်း တောင်းလိုက်ပါတယ်။

မေတ္တာဖြင့်
The EduLand

#ဝါခေါင်လပြည့်_မေတ္တာအခါတော်နေ့

02 September 2020

ဒီ​နေ့ဟာ မြန်မာလူမျိုးတို့ရဲ့
နေ့ထူးနေ့မြတ်များထဲက
တစ်ရက်အပါအဝင်ဖြစ်တဲ့
ဝါ​ခေါင်လပြည့်နေ့ပဲ ဖြစ်ပါတယ်။

မေတ္တာအခါတော်နေ့
လို့လည်း ထင်ရှားပါသေးတယ်။

ဒီနေ့မှာတော့ မြန်မာလူမျိုးများဟာ
ဘာသာရေး ယဥ်ကျေးမှု အစဥ်အလာတစ်ခုဖြစ်တဲ့ စာရေးတံမဲပွဲ (မဟာဒုက်ပွဲ) တော်ကို
ကျင်းပလေ့ရှိကြပါတယ်။

အားလုံးပဲ မေတ္တာအခါတော်နေ့မှာ
ဘေးဘယာ ကင်းကွာ၍
ရွှင်လန်းချမ်းမြေ့ကြပါစေကြောင်း
The EduLandမှ ဆုမွန်ကောင်း
တောင်းလိုက်ရပါတယ်။

ါ

ကျွန်မတို့ဟာ နေ့စဥ်ဘဝမှာ
ကြိုးစားနေထိုင်ရင်း၊ သူစိမ်းတွေနဲ့
အချိန်​တွေ ကုန်ဆုံးတတ်ကြပေမယ့်
ကျွန်​မတို့ရဲ့ အရင်းနှီးဆုံးသူတွေအပေါ်
ဂရုစိုက်ပေးဖို့ကိုတော့
မေ့နေတတ်ကြပါတယ်။

အချိန်ပေးပါ
ဂရုစိုက်ပါ
ပျော်ရွှင်မှုကို အတူဝေမျှပါ

“When you feel like stopping, think about why you started”

ရောဂါ ကြောင့် မြောက်များစွာသော လူတွေ / မိသားစုတွေ နေ့စဉ်နေ့တိုင်းမှာ အခက်အခဲ များ တွေ့ကြုံ ​
ဖြတ်သန်း နေရပါတယ်။ သင် နဲ့ ကျွန်ုပ်တို့လည်း ဒီလို အခက်အခဲများကို အနည်းနဲ့အများ ဖြတ်သန်း နေရမယ် လို့ ထင်ပါတယ်။

သို့သော် မိတ်ဆွေ အားမလျော့ စိတ်မပျက် ပါနှင့် လို့ သတိပေးပါရစေ။ အရာရာ တိုင်းမှာ အစရှိသလို အဆုံးလည်း ရှိပါတယ်။ ဒီအခက်အခဲတွေ ကို လည်း ကျွန်ပ်တို့ အားလုံး တစ်နေ့ ကျော်လွှား သွားနိုင်မှာပါ။

ဒါကြောင့် ဒီ ဓာတ်ပုံလေး ပြောထားတဲ့ အတိုင်း ကျွန်ုပ်တို့ အားလျော့ စိတ်ပျက်ပြီး အရှုံးပေးခါနီး တိုင်းမှာ ဘာကြောင့် စတင်လုပ်ကိုင်ခဲ့တယ် ဆိုတဲ့ ရည်ရွယ်ချက် ပန်းတိုင်ကြီး ကို ပြန်လည် စဉ်းစားရင် အားတင်းလျှက် ဘဝခရီး လမ်းကို ရှေ့သို့ ဆက်လှမ်းကြပါစို့။

အားလုံးကို မင်္ဂလာ ရှိသော နေ့လေး ဖြစ်ပါစေ လို့ The EduLand မိသားစု မှ ဆုမွန်ကောင်းတောင်းရင်း နှုတ်ဆက်လိုက်ပါတယ်။

Cheers,
Admin Team
The EduLand