Tamil Primary Worksheets

TLLPC - Social Media Competition 2026

TLLPC - Social Media Competition 2026
3 mins estimated time to complete

Instructions
போட்டிக்குரிய குறிப்பு: பதிவுகள் யாவும் அன்பு என்னும் கருப்பொருளை மையப்படுத்தி அமைந்திருக்க வேண்டும்.

படைப்புத் தெளிவாகவும் ஆர்வமூட்டுவதாகவும் இருக்கவேண்டும்.

பிள்ளைகள்/மாணவர்கள் புத்தாக்கத்துடன் படைப்பைப் படைத்தல் சிறப்பு.


பாலர் பள்ளிப் பிள்ளைகளுக்குரிய குழந்தைப் பாடல் பாடும் போட்டி
போட்டியின் தலைப்பு - பாட்டுப் பாட வா!
•பங்கேற்பாளர்கள் - 4முதல் 6 வயது நிரம்பிய பிள்ளைகள்
•பிள்ளைகள் பாடலை ஓர் ஒளிக்காட்சியாகப் பதிவு செய்யவேண்டும்.
•பிள்ளைகள் ஒளிக்காட்சியின் தொடக்கத்தில் தங்கள் பெயர்களைக் குறிப்பிட வேண்டும்.
•ஒளிக்காட்சி 2 நிமிடங்களுக்குள் இருக்க வேண்டும்.

தொடக்கப்பள்ளி மாணவர்களுக்குரிய கதை சொல்லும் போட்டி
போட்டியின் தலைப்பு - ஒரு கதை சொல்லட்டுமா?
•பங்கேற்பாளர்கள் – தொடக்கப்பள்ளி 1முதல் 6வரையிலான மாணவர்கள்
•மாணவர்கள் கதையை ஓர் ஒளிக்காட்சியாகப் பதிவு செய்யவேண்டும்.
•மாணவர்கள் ஒளிக்காட்சியின் தொடக்கத்தில் தங்கள் பெயர்களைக் குறிப்பிட வேண்டும்.
•ஒளிக்காட்சி 5-6 நிமிடங்களுக்குள் இருக்க வேண்டும்.

உயர்நிலைப்பள்ளி & பல்கலைக்கழகப் பகுமுகநிலை மாணவர்களுக்குரிய கவிதை எழுதும் போட்டி

போட்டியின் தலைப்பு – கவிதைப் பூங்கா

•பங்கேற்பாளர்கள் – உயர்நிலைப்பள்ளி 1முதல் 4வரையிலான மாணவர்கள் & பல்கலைக்கழப் புகுமுகநிலை மாணவர்கள்
•கவிதை 10 வரிகளுக்கு மிகாமல் இருக்க வேண்டும்.
• மாணவர்கள் தாங்கள் எழுதிய கவிதையை வாசித்து ஒளிக்காட்சியாகப் பதிவு செய்யவேண்டும். தட்டச்சு செய்யப்பட்ட கவிதையையும் இணைத்துப் பதிவேற்றம் செய்யவேண்டும்.
• ஒளிக்காட்சி இரண்டு நிமிடங்களுக்குள் இருக்க வேண்டும்

வெல்லுவோம்! பரிசுகளை அள்ளுவோம்! மீண்டும் வந்துவிட்டது!

அன்பார்ந்த பெற்றோர்களுக்கு,

தமிழ் வளர்ச்சிக்குழு, தொடக்கப்பள்ளி மாணவர்களுக்காக ‘ஒரு கதை சொல்லட்டுமா?’ என்னும் தலைப்பில் மெய்ந்நிகர்வழிக் கதை சொல்லும் போட்டிக்கு ஏற்பாடு செய்யவுள்ளது. அதில் உங்கள் பிள்ளைகள் கலந்துகொள்ள வேண்டும் என்று விரும்புகிறீர்களா?

இப்போட்டி குறித்த விவரங்கள் பின்வருமாறு:

தொடக்கப்பள்ளி மாணவர்களுக்குரிய
கதை சொல்லும் போட்டி

போட்டியின் தலைப்பு - ஒரு கதை சொல்லட்டுமா?

படைப்புத் தெளிவாகவும் ஆர்வமூட்டுவதாகவும் இருக்கவேண்டும்.
பிள்ளைகள் புத்தாக்கத்துடன் படைப்பைப் படைத்தல் சிறப்பு.
பங்கேற்பாளர்கள் – தொடக்கநிலை 1முதல் 6வரை பயிலும் மாணவர்கள்
மாணவர்கள் கதையை ஓர் ஒளிக்காட்சியாகப் பதிவு செய்யவேண்டும்.
மாணவர்கள் ஒளிக்காட்சியின் தொடக்கத்தில் தங்கள் பெயர்களைக் குறிப்பிட வேண்டும்.
ஒளிக்காட்சி 5-6 நிமிடங்களுக்குள் இருக்க வேண்டும்.
போட்டியில் பங்குபெறுவோர் அதற்குரிய ஒளிக்காட்சிப் பதிவைக் கீழ்க்காணும் இணைய முகவரிக்கு அனுப்பிவைக்கவும்.
https://go.gov.sg/tpc-sm-competition2026

* பதிவுகள் யாவும் அன்பு என்னும் கருப்பொருள் அடிப்படையில் அமைந்திருக்க வேண்டும்.

பதிவை அனுப்பிவைக்க வேண்டிய இறுதி நாள்
17 ஜூலை 2026!


#நாவில்தமிழ்நாளும்தமிழ்


#வெல்லுவோம்பரிசுகளைஅள்ளுவோம்

மொழிக்குப் பாலமாக இருங்கள்! ஒவ்வொரு மாணவருக்கும் வழிகாட்டியாகத் திகழுங்கள்! இப்போதே விண்ணப்பியுங்கள்!

தொடக்கநிலை 3 வாசித்துப் பழகு - 1 தமிழில் பிழையின்றி எழுதுவோம்.
தமிழில் பேசுவோம். தமிழில் வாசிப்போம்.

தேசிய நூலக வாரியம் வழங்கும்
தமிழில் வாசிப்போம்.

ஏப்ரல் மாதம் 7ஆம் தேதியிலிருந்து ஜூன் 27ஆம் தேதி வரை 5 தமிழ்ப் புத்தகங்களை இரவல் வாங்கி படித்து மகிழுங்கள்.

தமிழில் பேசுவோம்.!!
தமிழில் வாசிப்போம்.!!
தமிழை நேசிப்போம்.!!

https://www.facebook.com/share/p/1B2B9eqPJo/

Tamil Reading Promotion Poster -Apr to Jun 2026.pdf

தமிழில் பிழையின்றி எழுதுவோம்

தொடக்கநிலை 3

அடைமொழி

1. மாணவர்கள் _____ பென்சிலைக் கொண்டு எழுதுங்கள்.

(கூர்மையான, கூர்மையாக)

2. ரகு பந்தயத்தில் _____ ஓடி முதல் பரிசு பெற்றான்.

(விரைவாக, விரைவான)

3. மாணவர்கள் உடற்பயிற்சி செய்த பின் _____ இருந்தார்கள்.

(சோர்வாக, சோர்வான)

4. மேசையில் ______ ஜாடி இருக்கிறது.

(அழகாக, அழகான)

5. அம்மா சமைத்த உணவு _____ இருக்கிறது.

( ருசியாக, ருசியான)

6. குரங்குக்கு ______ வால் உண்டு.

(நீளமான, நீளமாக)

7.கடிகாரம்_____ வடிவத்தில் உள்ளது.

(வட்டமான, வட்டமாக)

8. ஹேமாராணி _____ கதையைக் கூறி முதல் பரிசை பெற்றாள்

(திறமையாக, திறமையான)

9. மாணவர்கள் தேர்வின் கேள்விகளைக் _______ படித்தார்கள்.
(கவனமாக, கவனமான)

10. என் வீட்டின் பக்கத்தில் ஓர் ______ தென்னை மரம் உள்ளது.

(உயரமாக, உயரமான)