Wisdom Path

"Identification and Judgemental Mind"

www.wisdompath.com.sg

ဘဝ တစ်ခု ထုဆစ်ခြင်း......You are your own brand

Wisdom Path က 1st July 2023 မှာ ဖွင့်မယ့် BPB (Build your Personality and your Brand) course လေးနဲ့ ပတ်သက်ပြီး ဒီ course လေးက စီးပွားရေး လုပ်ငန်း လုပ်မယ့်သူတွေ အတွက် ပဲ အကျိုးရှိမယ့် course လားလို့ မေးမြန်းတာတွေ ရှိလို့ ဒီ post လေးကို ‌ရေးလိုက်ရတာပါ။

“You are your own brand”

ဘဝ ဆိုတဲ့ အရာဟာ ကိုယ်တိုင် ထုဆစ်ပြီး ပုံဖော် ရတဲ့ အရာ တစ်ခု ဖြစ်တယ်။ ကိုယ့်ရဲ့ အတတ်ပညာ အသိပညာတွေအပေါ် မူတည်ပြီး ဘဝဟာ ရုပ်လုံးကြွလာလေ့ရှိတယ်။ အရေးကြီးတာက ကိုယ့်ဘဝ ကို ဘယ်လို ပုံစံမျိုးဖြစ်အောင် ထုဆစ်မှာလဲ ဆိုတာပဲ ဖြစ်တယ်။ ကိုယ်လိုချင်တဲ့ ပုံစံဆိုတာ ကိုယ်ဘာကို တန်ဖိုးထားသလဲ ဆိုတဲ့ အပေါ်မှာပဲ မူတည်တယ်။ တချို့က ပိုက်ဆံ ရှိတာကို တန်ဖိုးထားတယ်။ ဒါ့ကြောင့် ပိုက်ဆံရှိတဲ့ ဘဝဟာ သူတို့ရဲ့ ပန်းတိုင်ပဲ။ ဒါပေမယ့် သူတို့ဟာ ဖြည့်ဆည်းလို့ မပြီးနိုင်တဲ့ အိုးတွေလို ဒီ ပိုက်ဆံအတွက်ပဲ သူတို့ဘဝရဲ့ အချိန်တွေကို အိန္ဒြေမရ ကုန်လွန်တတ်ကြပြန်တယ်။

တချို့ကျတော့ အောင်မြင်ကျော်ကြားတာကို မက်မောကြတယ်။ လူတွေအများကြီးက အထင်ကြီး ချီးကျူးတာ၊ လူပုံအလယ်မှာ ချီးမြှောက်ခံရမယ့် လမ်းနောက်ကို တန်းတန်းစွဲ လိုက်ကြပြန်တယ်။ ဒီလို ကျော်ကြားမှု ရဖို့အတွက် သူ့ရဲ့ ပိုတန်ဖိုးရှိတဲ့ အရာတွေ အဆုံးရှုံးခံလိုက်ရတာကို သတိမထားမိတတ်ကြပြန်ဘူး။

နောက်ဆုံးတော့ လူတိုင်းလူတိုင်းဟာ (စီးပွားရေး လုပ်ငန်း တစ်ခုလို) သူတို့ဘာ ဆိုတဲ့ brand တစ်ခုကို ကိုယ် တိုင်တည်ဆောက်မိလျက်သား ဖြစ်သွားကြတယ်။ အဲဒီ ကိုယ်တိုင်တည်ဆောက်ထားတဲ့ ကိုယ်ပိုင် brand တစ်ခုဟာ....ပိုက်ဆံချမ်းသာသူ သူဌေးတစ်ယောက် ဆိုတာမျိုးလဲ ဖြစ်ချင် ဖြစ်နိုင်တယ်၊ လက်ရှိ အခြေနေမှာ လူသိများ ကျော်ကြားတဲ့ သူလဲ ဖြစ်ချင်ဖြစ်နိုင်တယ်၊ ခေတ်ပညာတွေ တပုံတပင်ကြီး တတ်ထားသူ ဆိုတဲ့ ဘွဲ့တွေ တပွေ့တပိုက် နဲ့ သူလဲ ဖြစ်ချင် ဖြစ်နိုင်တယ်။ အရက်သမား..ဆေးသမားတစ်ယောက်လဲ ဖြစ်ချင်ဖြစ်နိုင်တယ်။ ရှေ့ဆက်ဘာလုပ်ရမှန်းမသိတဲ့ လမ်းပျောက်နေတဲ့ သူတစ်ယောက် လဲ ဖြစ်ချင်ဖြစ်နိုင်တယ်။

လက်ရှိအချိန်မှာ ကိုယ်ကိုယ်တိုင်က ဘယ်လို brand မျိုး တည်ဆောက်လျက်မိသားဖြစ်နေပြီ ဆိုတာထက် အဲဒီ brand ဟာ ကိုယ် တကယ် လိုလိုလားလား ဘဝ တစ်လျောက် တည်ဆောက်ထုဆစ်ခဲ့ တဲ့ brand လား၊ လက်ရှိ ဖြစ်တည်နေတဲ့ brand ဟာ ကိုယ် တကယ် ဖြစ်ချင်ခဲ့ တဲ့ brand အစစ်အမှန် ဟုတ်ရဲ့ လား ၊ ကိုယ့်ရဲ့ လက်ရှိ brand ကို ကိုယ်တကယ် တန်ဖိုး ထားရဲ့လား၊ ကိုယ်လိုချင်တဲ့ (ဒါမှမဟုတ်) ကိုယ့်ရဲ့ အိပ်မက်တစ်ခု ဖြစ်တဲ့ brand ကို အခုအချိန်က စပြီး ဘယ်လို တည်ဆောက်ထုဆစ် မလဲ ဆိုတာတွေက ပိုပြီး အရေးကြီးပါတယ်။

တစ်ခါတလေ..ဖြစ်တတ်တာက၊ ကိုယ်က ချမ်းသာချင်ခဲ့တယ်၊ အခုအချိန်မှာလဲ ချမ်းသာသင့်သလောက် ချမ်းသာနေပြီ၊ ဒါပေမယ့် တစ်ခုခု လိုအပ်နေသေးတယ် လို့ စိတ်ထဲ အလိုလို သိနေတယ်။ တစ်ချို့လဲ ချမ်းသာတယ်၊ အေင်မြင်တယ်၊ ကျော်ကြားတယ်၊ ဒါပေမယ့် ဒီအပေါ်ယံ တွေ ကြောင့်ပဲ ဘဲ ကိုယ့်အနားမှာ ရှိတဲ့ သူတွေက ကိုယ့်ကို အရေးတယူလုပ်နေကြတာကို ခံစားရတယ်။ သူတို့ ငါ့ကို တကယ် နှစ်နှစ်ကာကာ လေးစား ကြည်ညိုခြင်းမရှိကြဘူးဆိုတာ မပြောလဲ စိတ်ထဲ အလိုလို သိနေတတ်တာမျိုး ရှိတတ်တယ်။ တချို့ကျပြန်တော့လဲ ဒီ ချမ်းသာမှုတွေ၊ အောင်မြင်မှုတွေကို တန်ဖိုးထားလွန်းအားကြီးပြီး ဒါတွေရဖို့ ဘဝတစ်ခုလုံးကို ရင်းပြီး လုပ်လာလိုက်တာ ရတဲ့ အခါလဲကျရော ဒါတွေဟာ ဘဝမှာ အဓိက မဟုတ်ပြန်ဘူးဆိုတာ သိလိုက်ရတဲ့ အခါကျတော့ ဘဝရဲ့ ပျိုမြစ်ပြီး လုပ်နိုင်ကိုင်နိုင်စွမ်း ရှိတဲ့ အချိန်တွေက ကုန်ဆုံးသွားခဲ့ရပြီ ဖြစ်တယ်။

ဘာပဲ ဖြစ်ဖြစ် အရေးကြီးတာ တစ်ခုကတော့ အခု “ငါ” ဆိုတဲ့ ငါ့ရဲ့ Brand ဟာ ဘာလဲ။ Brand ရဲ့ image က ဘာလဲ၊ ငါ့ brand ဘေးနားမှာ ဝန်းရံနေတဲ့ သူတွေရဲ့ နိုင်ငံရေး၊ လူမှုရေး သိက္ခာတွေက ဘာလဲ။ သူတို့ရဲ့ VBNC ဆိုတဲ့ Value တွေ Belief တွေ Norm တွေ Culture တွေ၊ တန်ဖိုးထားမှုတွေက ဘာတွေလဲ။ ငါ့ brand ကို ငါ့ပတ်ဝန်းကျင်က လူတွေအပြင် locally and internationally ဘယ်လောက် ‌သိကြ၊ appreciate လုပ်ကြသလဲ။ ရှေ့ဆက်ပြီး ငါ့ brand ကိုဘယ်လို ပုံဖော် တည်ဆောက် ထုဆစ် မလဲ။ ငါ့ brand အတွက် တကယ် အရေးကြီးတဲ့ အရာက က ဘာလဲ။ တကယ် အရေး မကြီးတဲ့ အရာတွေက ဘာတွေလဲ။ ငါ့ brand အပေါ် တခြားသူတွေကို အပထား..ငါကိုယ်တိုင်ကကော တကယ် တန်ဖိုးထား appreciate လုပ်ရဲ့လား။

အခု အပေါ်မှာ ဖော်ပြခဲ့တဲ့ အရာတွေက စီးပွားရေး လုပ်ငန်းကြီး တစ်ခု အတွက် မှ မဟုတ်ပါဘူး။ ဘာစီးပွားရေး လုပ်ငန်းမှ မရှိလဲ ကိုယ် ဖြတ်သန်းနေရတာ သေချာတဲ့ “ဘဝ brand” တစ်ခုပါပဲ။ လူတိုင်းအတွက် နေ့စဥ် ပြောဆို ဆက်ဆံ လုပ်ကိုင် နေတဲ့ အခိုက်အတန့်တိုင်းဟာ ကိုယ်ရဲ့ Brand ကို တည်ဆောက်နေခြင်းပါပဲ။ ဘဝ brand ကောင်း တစ်ခုဖြစ်ဖို့ ဘာတွေ လိုအပ်သလဲ။ ကိုယ့်ရဲ့ brand ကကော လောကကို ဘယ်လောက်အထိ အကျိုး ပြုပြီး၊ပြုခဲ့၊ ပြုနိုင် မှာလဲ။ ကိုယ်ဘဝ ရဲ့ brand ရဲ့ image ကို အဆင့်ဆင့် သယ်ဆောင်သွားမယ့် အရာကတော့ ကိုယ့်ရဲ့ စိတ် အစဥ်ပါပဲ။ ဒီ brand ဟာ တစ်ဘဝ ထဲနဲ့ ပြီးမယ့် brand aတာ့ မဟုတ်ဘူး။ ဘဝ အဆက်ဆက် သံသရာ ခရီးမှာလဲ ဘယ်သူတွေ ဘယ်လို brand တွေ တည်ဆောက်သွားခဲ့ကြသလဲ။ ဘယ်သူတွေ အောင်မြင် ပြီး ဘယ်သူတွေ ကျရှုံးသွားခဲ့ကြသလဲ။ ဘာ့ကြောင့်လဲ။ သိဒ္ဓတ္ထ ရဲ့ brand က ဘာလဲ။ အဇာတသတ် ရဲ့ brand က ဘာလဲ။ ငါရဲ့ Brand ကကော....?

"Nature and Wisdom"

www.wisdompath.com.sg

ဘဝသည် Startup

Startup နဲ့ ပတ်သက်လို့ course တစ်ခု ဖွင့်ဖို့ စဥ်စားတော့ startup ဆိုတဲ့ စကားလုံးနဲ့ ကိုယ်တို့ မြန်မာတွေ သိပ် မရင်းနှီးသေးတာ သတိထားမိတယ်။
တစ်ချို့က ငါ့မှာ ဘာ စီးပွားရေးလုပ်ငန်း မရှိသေးဘဲ စီးပွားရေး လုပ်ငန်းသင်တန်း တက်တယ် ဆိုတာ အဓိပ္ပါယ် ရှိရဲ့လားလို့ ပြန် မေးခွန်းထုတ်ချင် ထုတ်မိကြလိမ့်မယ်။

အမှန်တော့ BPB (Build your Personality and your Brand) course လေးဟာ စီးပွားရေး လုပ်ငန်းကြီး တစ်ခု ဘယ်လို လုပ်ရသလဲ ဆိုတာကို သင်တဲ့ သင်တန်းတစ်ခု မဟုတ်ပါဘူး။ စီးပွားရေး လုပ်ငန်းကြီး တစ်ခုကို ဘယ်လို တိုးတက်အောင် လုပ်ရတယ် ဆိုတာကို သင်ပေးတဲ့ သင်တန်းမျိုးလဲ လက်တွေ့မှာ မရှိနိုင်ပါဘူး။ BPB (Build your Personality and your Brand) course ဟာ ကိုယ့်စိတ်ကူး ကိုယ်အိပ်မက်ထဲမှာ အလုပ်သစ်တစ်ခု (စီးပွားရေး လုပ်ငန်းမှ မဟုတ်ဘူး) စတင်ဖို့ အိပ်မက် စိတ်ကူး ရှိခဲ့ရင် ဘယ်လို အကောင်အထည် ဖော်မလဲ ဆိုတာကို အဓိက သင်ပေးမှာပါ။

အလုပ်သစ် တစ်ခုဆိုတာ....side income ရတဲ့ အလုပ်လေး တစ်ခုလဲ ဖြစ်ချင် ဖြစ်မယ်။ လူတွေကိုယ့်အပေါ် အမြဲ point out လုပ်တတ်တဲ့ ကိုယ့် အားနည်းချက် တစ်ခုကို အချိန်အတိုင်းအတာ တစ်ခု အတွင်း ဘယ်လို ပြောင်းလဲ ပစ်လိုက်မယ် ဆိုတဲ့ စိတ်ကူးကို အကောင်အထည် ဖော်တာမျိုးလဲ ဖြစ်ချင် ဖြစ်မယ်။ အလုပ်တစ်ခု စဖို့ အခြေအနေတွေက ပေးနေပြီ......ဒါပေမယ့် ပထမ ခြေတစ်လှမ်း လှမ်းဖို့ အင်အားလိုနေမျိုး၊ အစခက်နေတာမျိုးလဲ ဖြစ်ချင် ဖြစ်မယ်။ စကတည်းက ယဥ်သကိုး ဆိုပြီး ကိုယ့်အိပ်မက်ကို စပြီး အကောင်အထည် ဖော်လိုက်မှ မမျှော်လင့်တဲ့ အခက်အခဲတွေ တန်းစီး တွေ့လို့ ဘာဆက်လုပ်ရမှန်း မသိတာမျိုးဖြစ်ပြီး get stuck ဖြစ်နေတာမျိုးလဲ ဖြစ်ချင် ဖြစ်နိုင်တယ်။ ‌

နောက်တစ်ခုက ဒီ BPB သင်တန်းလေးမှာ Build your Personality ဆိုတဲ့ leadership personality from Buddha point of view ဆိုတာလေး ထည့်ထားတာ သတိပြုမိပါလိမ့်မယ်။ Leadership အရည်အချင်းဟာ စီးပွားရေး လုပ်ငန်းတစ်ခုမှာသာ ရှိရမယ့် အရည်အချင်း တစ်ရပ် မဟုတ်ပါဘူး။ အိမ်ထောင်ရေး၊ ပညာရေး၊ လူမှု ဆက်ဆံရေး စတဲ့ နယ်ပယ်တွေမှာ လည်း အ‌ရေးတကြီး လိုအပ်တာ ဖြစ်ပါတယ်။ တစ်ခါတရံ လင်မယား နှစ်ယောက် မှာ တစ်ယောက်ယောက်က သိသိသာသာ လွှမ်းမိုး ဦးဆောင် နေတတ်တာမျိုး၊ ညီအကို ‌မောင်နှမတွေထဲမှာ (အကြီးဆုံး မဟုတ်ပေမယ့်) တစ်ယောက်ယောက်က အမြဲ ဦးဆောင် အကြံပေးတတ်တာမျိုးတွေ ကြုံဖူးကြမှာပါ။

ဒါ့ကြောင့် နေ့စဥ် ပြောဆိုဆက်ဆံ တဲ့ အခါမှာ ၊ ဘယ်လို အမြင် ဘယ်လို စိတ်ထားမျိုးနဲ့ ကိုယ်နဲ့ ဆက်ဆံတဲ့ လောကကို ရှုမြင် ဆက်ဆံမလဲ ဆိုတာ အရေးကြီးပါတယ်။ အမြင်မှန်မှ ကိုယ့်ရဲ့ အပြုအမူတွေ မှန်မှာပါ။ အမှန်က leadership ဆိုတာ အများအပေါ် ဦးဆောင်နိုင်မှ မဟုတ်ပါဘူး။ ကိုယ့်ရဲ့ ဆန္ဒတွေ အိပ်မက်တွေကို အကောင်အထည်ဖော်ဖို့ အတွက် ကိုယ့်ကိုယ်ကိုယ် မှန်ကန်စွာ drive လုပ်နိုင်ခြင်း၊ ‌assess လုပ်နိုင်ခြင်း ဟာလဲ leadership skill ပါပဲ။
တကယ်တော့ ဘဝ ဆိုတာဟာလဲ.... startup တစ်ခုပါပဲ။

ရှေ့ ဘာဖြစ်မယ် ဆိုတာ ဘယ်သူမှ သေသေချာချာ သိတာမှ မဟုတ်တာ။ အဲဒီလို မသိခြင်းများစွာကို ရင်ဆိုင်ဖို့ အောင်မြင်အောင် ကျော်လွှားနိုင်ဖို့ အားထုတ်ရတဲ့ သဘောဟာ ကိုယ့်ရဲ့ နေ့စဥ် ဘဝ မှာ ဖြစ်ဖြစ် ၊ startup မှာ ဖြစ်ဖြစ် သဘောသဘာဝ ကတော့ အတူတူပါပဲ။ မင်းရဲ့ ဘဝမှာ အိပ်မက်တွေ၊ ရည်မှန်းချက်တွေ၊ လက်ရှိ အခြေအနေကနေ ဖောက်ထွက်ချင်စိတ်တွေ ရှိသလား။ startup ဆိုတာလဲ ဒီလိုပါပဲ။ အိပ်မက်တွေ၊ မျှော်လင့်ချက်တွေ တသီကြီးနဲ့ ကိုယ်လိုချင်တဲ့ ပန်းတိုင်ကို စနစ်တကျ ချီတက်ခြင်းဟာ startup တစ်ခုရဲ့ theme ပါပဲ။

ဒီခရီး အတွက် အင်အားတွေ လိုမယ်၊ အသိမှန် အမြင်မှန်တွေ လိုမယ်၊ technique တွေ tools တွေ လိုမယ်။ အကြံဥာဏ်ကောင်းတွေ အတွေ့အကြုံဖလှယ်မှုတွေ လိုမယ်။ လမ်းခုလတ်မှာ အခက်အခဲတွေ အတားအဆီးတွေကြောင့် burnout ဖြစ်သွားခဲ့ရင် ပြန်ပြီး energize ဖြစ်စေမယ့် အသိဥာဏ်တွေ လိုမယ်။ ခေတ်နဲ့ ရင်ဘောင်တန်းနိုင်မယ့် technical knowledge တွေ လိုသလို........ ကိလေသာ ဆိုတဲ့ အရာ၊ စိတ်ဆိုတဲ့ အရာအကြောင်းတွေကို ကောင်းကောင်းသိတဲ့ ၊ သဘာဝရဲ့ သဘောတရားတွေ နိယာမတွေကို ကောင်းကောင်း သဘောပေါက်တဲ့ spiritual knowledge လည်း လိုမှာ ဖြစ်ပါတယ်။

ဒါတွေဟာ ဘဝ အတွက် လိုအပ်ချက်တွေ ဖြစ်သလို startup တစ်ခု အတွက်လဲ လိုအပ်ချက်တွေ ဖြစ်နေပြန်တယ်။

ဘာကြောင့်လဲ ဆိုတော့ ရည်မှန်းချက် ရှိတဲ့ ဘဝ တစ်ခု တိုင်းဟာ startup တစ်ခု ဖြစ်နေလို့ပါပဲ။

ဇင်မြင့်
(၃၀-၅-၂၀၂၃)

www.wisdompath.com.sg

BPB (Build your Personality and your Brand) course လေးရဲ့ Discounts တွေ အကြောင်းကို မေးကြတာရယ် Early Bird 20% (it worth 50000 kyats) က May လကုန် အထိပဲရယ် တို့ကြောင့် သင်တန်းကို စိတ်ဝင်စားသူများ စောစော register (with payment) လုပ်ထားကြဖို့ အကြံပေး ချင်ပါတယ်။

နောက် တစ်ခု highlight လုပ်ချင်တာက Discount entitlement တွေကို ပေါင်း ပြီး ခံစားခွင့်ရှိ တယ် ဆိုတဲ့ အကြောင်းပါ။

ဥပမာ - သင်တန်းသား တစ်ဦးဟာ (အရင်သင်တန်းတွေက မသုံးရသးတဲ့ ပထမ ဆု ရခဲ့ရင် - ၅၀၀၀၀ ကျပ်) + (early bird discount 20% = 50000 kyats) + (Wisdom Path Bronze member ဆိုရင် 10% = ၂၅၀၀၀ ကျပ်) + (Bronze member က first time သင်တန်းသား အသစ် တစ်ယောက်ကို recommend လုပ်ရင် 5% = ၁၂၅၀၀ ကျပ်) = ၁၃၇၅၀၀ ကျပ် (55%) တိတိ သက်သာခွင့် ရရှိ နိုင်မှာ ဖြစ်ပါတယ်။ ဒါဆိုရင် Wisdom Path ရဲ့ “Biggest class so far” နဲ့ ၂ လ တိတိ (နာရီ ၄၀ လောက်) သင်မယ့် သင်တန်းကို ၁၁၂၅၀၀ ကျပ် လောက်နဲ့ တက်နိုင်မှာ ဖြစ်ပါတယ်။

Wisdom Path ရဲ့ Bronze member ဝင်ချင်ရင် နည်းလမ်း ၂ ခု ရှိပါတယ်။

ပထမ နည်းလမ်း ကတော့ WP ရဲ့ class (not including free classes) တွေကို အနည်းဆုံး ၃ ခု တက်ထားပြီးသား သူတွေဆိုရင် ပထမ ၂ နှစ် အတွက် member fees ပေးစရာ မလိုပဲ Bronze member ဖြစ်ခွင့် ရှိပါတယ်။

ဒုတိယ နည်းလမ်ကတော့ မည်သူ မဆို Annual Bronze member fees ၁၀၀၀၀၀ ကျပ် နဲ့ member ဝင်လို့ရပါတယ်။

WP Bronze Member တွေရဲ့ privileges တွေကတော့.......

§ Wisdom Path ရဲ့ ဘယ် course မဆို 10% discount ရမှာ ဖြစ်တယ်။

§ ကိုယ့်ရဲ့ recommendation နဲ့ first time join တဲ့ WP အတွက် သင်တန်းသားသစ် တစ်ယောက်စီတိုင်းအတွက် သင်တန်းသားသစ် တက်တဲ့ သင်တန်းကြေးရဲ့ 5% စီကို recommend လုပ်ပေးတဲ့ Bronze member ကော သင်တန်းသားသစ်ကော ရရှိမှာ ဖြစ်တယ်။

§ အခါ အားလျော်စွာ ပြုလုပ်တဲ့ WP Member only meeting ကို တက်ခွင့်ရမှာ ဖြစ်တယ်။

§ Public အနေနဲ့ share မလုပ်တဲ့ တချို့ video/audio file တွေ Talk တွေ၊ သင်ခန်းစာ တွေကို လည်း WP Members Only Group မှာ တင်ပေးမှာ ဖြစ်တယ်။

§ WP အတွက် အကြံပြုလိုတာများကိုလည်း လွတ်လပ်စွာ group messenger မှ ဖြစ်ဖြစ်၊ WP ကို တိုက်ရိုက် ဆက်သွယ်ပြီးတော့ ဖြစ်ဖြစ် ဆွေးနွေး အကြံပြုနိုင်ပါတယ်။

§ နောက်ပိုင်းမှာ WP ရဲ့ သင်ကြားရေးနဲ့ ‌admin staff တွေကိုလည်း ဒီ WP Members Only Group ထဲက သူတွေကိုပဲ ပြန်လည် ခန့်အပ်သွားမှာ ဖြစ်ပါတယ်။

*** Wisdom Path.....To a Better Life ***

ကဲ.....မျှော်နေတုန်း..........ပျိုဖုန်းတော့ လှမ်းလာခဲ့ပါပြီ..................

“Build your Personality and Brand” (online) course will start from 1st July 2023.

It is a big one and it will have 19 sessions in two months (38 hours) and It was crafted with 5 main portions, which are:

 Starting an international startup in Overseas
 Starting a local startup in Myanmar.
 Building a leader’s Personality with Buddha's Way
 Digital Marketing Strategies for your Business
 Generative AI

You can register now (with payment)……. not to miss early bird discounts and many more…..

Early Bird Discount (20%) ကို ရယူနိုင်ဖို့ အခုပဲ အမြန်ဆုံး စာရင်းပေးလိုက်ပါ။

You can register below (အောက်က link မှာ သင်တန်းတက်ဖို့ စာရင်းပေးလို့ရပါပြီ)

https://bit.ly/WP_BPB_July_2023

*** Wisdom Path.....To a Better Life ***

ဒီ ၂ ပတ် အတွင်းလောက်မှာ အရေးကြီးတဲ့ စာမေးပွဲ ၂ ခု တိုက်ဆိုင်နေပြီး ဖြေရမှာမို့ Daily Podcasts တွေကို ရပ်ထားပါဦးမယ်။ June လ လယ်လောက်မှာ ပြန်လည် စတင်ပါ့ မယ်။

အဲဒီ အချိန်ကျရင် Wisdom Path ရဲ့ Podcasts တွေ Reels တွေ နဲ့ အစီအစဥ် အသစ်တွေ အစီအရီ ထွက်လာပါလိမ့်မယ်။

www.wisdompath.com.sg

Generative AI နဲ့ပတ်သက်လို့ နည်းနည်း ထပ်ပြောချင်တာလေးက Generative AI နဲ့ AI မတူကွဲပြားတယ် ဆိုတာလေးပါ။

ကျွန်တော် အရင်က ပြောခဲ့ သလို ကျွန်တော်တို့ဟာ AI ဆိုတာနဲ့ ရင်းနှီးမှန်း မသိဘဲ အသုံးပြုလာခဲ့ကြတာ နှစ်ပေါင်း ၁၀ နှစ် ကျော် ကြာခဲ့ပါပြီ။ Online မှာ ပစ္စည်း တစ်ခုခု ဝယ်လိုက်တဲ့အခါ (ဥပမာ- စာအုပ်) - ဒီစာအုပ်ကို ဝယ်တဲ့ အခြားသူတွေက အောက်ပါ စာအုပ်တွေကိုလည်း ဝယ်ကြပါတယ် ဆိုပြီး တခြား သင်စိတ်ဝင်စားမယ့် စာအုပ်လေးတွေကို ပြတတ်တာမျိုး ကြုံဖူးကြပါလိမ့်မယ်။ ခရီးတစ်ခုသွားဖို့ online မှာ destination တစ်ခု အကြောင်းရှာနေရင်း ဆင်တူရိုးမှား destination တွေ Hotel information ကြော်ငြာ တွေ ပါ ကိုယ့် social media page ထဲ ရောက်လာတတ်တာ မျိုး စတာတွေဟာ AI အသုံးပြုမှု တွေပါပဲ။

Generative AI ဆိုတာကတော့ user လိုချင်တဲ့ information ကို user request လုပ်တဲ့ language နဲ့ ပြန်ပြီး respond လုပ်ပေး generate လုပ်ပေးနိုင်စွမ်း ရှိတဲ့ AI ကို ဆိုလိုတာပါ။ လူသားတွေမှာ ရှိတဲ့ brain တွေ neurons တွေ nerves တွေ ကနေ information တွေကို စုယူ ထုတ်သုံးသလို ပုံစံကို တုပပြီး.....လူသားတစ်ယောက် သိမှတ်နိုင်စွမ်းတဲ့ information ရဲ့ အဆ သိန်သန်း မက များပြားတဲ့ information တွေကို အသုံးပြုပြီး အဖြေကို စက္ကန့်ပိုင်းအတွင်းထုတ်ပေးတာပါ။

နောက်တစ်ခုကတော့ Generative AI တွေ နေရာ‌တိုင်းမှာ ပေါ်လာရင် လူတွေ အလုပ်လက်မဲ့ ဖြစ်ကြမလား ဆိုတဲ့ မေးခွန်းပါ။ ဒါကတော့ မေးစရာ တောင် မလိုတဲ့ မေးခွန်းပါ။ အဖြေက Yes ပါ။ ဒါနဲ့ပတ်သက်လို့ ခေါင်းစဥ်ကြီး တစ်ခု တပ်ပြီး ဘက်ပေါင်းစုံ ရှုထောင့် ပေါင်းစုံက ဆွေးနွေးလို့ ရပါတယ်။ ဒါဆို လူ့အသိုင်းအဝိုင်းအတွက် အန္တရာယ် တစ်ခု ဖြစ်လာမှာ လား ဆိုတာကတော့ စောင့်ကြည့်ရ ဦးမှာပါ။ ကျွန်တော့် တစ်ဦးထဲ အမြင်နဲ့ ပြောရရင် AI က အခု လူတွေ လုပ်နေတဲ့ အလုပ်တွေ လုပ်ရင် လူတွေအတွက် အဲဒီ အရှုပ်ထုတ်တွေကို AI ကို လုပ်ခိုင်းပြီး လူတွေ (လုပ်သင့်ရဲ့ သားနဲ့) လုပ်ဖို့ မေ့နေကြတဲ့ spiritual wellbeing ဘက်ကို ပိုလို့တောင် အားစိုက် နိုင်သေးတယ်လို့ ထင်ပါတယ်။ AI က လူသားတွေထက် Technically smart ဖြစ်လာမယ် ဆိုတာ ဘယ်လိုမှ မငြင်းနိုင်တော့မယ့် အခြေအနေ ဖြစ်လာပေမယ့် လူသားတွေရဲ့ spiritually smart ဖြစ်မှုကို ကျွန်တော်တို့ လူသားတွေ ပိုပြီး အာရုံစိုက်နိုင် လိမ့်မယ်လို့ ထင်ပါတယ်။

နောက် တစ်ခုကတော့ Generative AI ကြောင့် personal information, IP, Security, စတဲ့ ဘက်တွေမှာ risk ဖြစ်လာနိုင်မလား ဆိုတာပါ။ ဒါကတော့ သဘာဝ ရဲ့ နိယမ အရ အစွမ်းထက်တဲ့ tool တစ်ခု လူယုတ်မာတွေ လက်ထဲရောက်ရင် အန္တရာယ် ရှိတတ်တာ သဘာဝပါပဲ။ ဒီ risk အမြဲ ရှိနေမှာ ဖြစ်တဲ့အ တွက် သတိကြီးကြီးတော့ ထားသင့်ပါတယ်။ Generative AI ဟာ hacker စတဲ့ သူတွေကို ပိုပြီး capable ဖြစ်စေမှာ သေချာပါတယ်။

နောက်ဆုံး တစ်ခုကတော့ Generative AI နဲ့ ပတ်သက်ပြီး သင်တန်းလေးတွေ ပေါ်လာတာ ဖြစ်ပါတယ်။ အခြေခံ information လေးတွေကို မျှဝေတဲ့ webinars aလးတွေက အစ..marketing မှာ Generative AI ကို ဘယ်လို သုံးမလဲ....သင်တန်းတွေ ကျောင်းတွေ ဖွင့်နေတဲ့သူဆို မင်းရဲ့ လုပ်ငန်းမှာ Generative AI ကိုဘယ်လို သုံးမလဲ.....စသည်ဖြင့် specific field မှာ apply လုပ်ပုံတွေကို သင်တန်းကြေးယူပြီး သင်နေကြတဲ့ online course ‌တွေလဲ မြောက်မြားစွာ ပေါ်လာကြတာ တွေ့ရပါတယ်။ ကျွန်တော့် အနေနဲ့ကတော့ အားလုံးကို ကြိုဆိုရမှာပါပဲ။ အချိန်ရရင် free class လေးတွေ free webinars aလးတွေ တက်ပြီး ကိုယ် absorb လုပ်နိုင်သလောက် လုပ်ဖို့ အကြံပေးချင်ပါတယ်။

ဒါနဲ့ပတ်သက်ပြီး ကျွန်တော်ရဲ့ ကျောင်း Wisdom Path ( www.wisdompath.com.sg ) က ဖွင့်လှစ် သင်ကြားနေတဲ့ course တစ်ချို့လဲ ရှိပါတယ်။ ကျွန်တော့် course ကိုမှ အခကြေးငွေ ပေးပြီး တက်ရမယ်လို့ မဆိုလိုပါဘူး။ ကိုယ်လိုအပ်တာ ဘယ် အဆင့်လဲ ဆိုတာပေါ်မူတည်ပြီး company CEO က အစ သန့်ရှင်းရေး ဝန်ထမ်းအဆုံး Generative AI ကို မဖြစ်မနေ လေ့လာဖို့ အချိန် ကျပြီ လို့တော့ ပြောချင်ပါတယ်။ Generative AI ကို လေ့လာဖို့ အခုအချိန်မှာ အင်္ဂလိပ်စာ ကို level တစ်ခုလောက်အထိ သိထားဖို့ လိုအပ်တယ်လို့လဲ အကြံပေးချင်ပါတယ်။ ပိုပြီး အရေးကြီးတာက Generative AI နဲ့ ဘယ်လို effectively communicate လုပ်မလဲ ဆိုတဲ့ skill က အရေး အကြီးဆုံးဖြစ်ပါတယ်။

အောက်က ပုံလေးကတော့ personal information တွေကို Generative AI ဘယ်လောက်အထိ control လုပ်ထားသလဲဆိုတာကို ကျွန်တော့် information အကြောင်းကို ပြန်မေးကြည့်ထားတာပါ။

နိဗ္ဗာန်

လောက ဟာ ဆန့်ကျင်ဖက် တရား တွေနဲ့ တည်ဆောက်ထားခြင်း ဖြစ်တယ်။

ဆန့်ကျင်ဖက်တွေ ရှိလို့ လောက ဆိုတာ ဖြစ်လာရခြင်း ဖြစ်တယ်။

တခြားအရာ တွေ ခဏထား...။ အကြောင်းနဲ့ အကျိုး ဆိုတာလဲ နယ်ပယ် သတ်မှတ်ချက် တစ်ခု ထဲ က ဆန့်ကျင်ဖက် နှစ်ခုပဲ။ သူတို့ နှစ်ခုကို ပတ်သက် ယှက်နွယ် စေတဲ့ အရာက ဒီနေရာ မှာ “ဖြစ်စဥ်” တစ်ခုပဲ။ အဲဒီ “ဖြစ်စဥ်” ဆိုတဲ့ အရာနဲ့သာ မပတ်သက်ရင် သူတို့၂ ခုဟာ အကြောင်း လို့ ခေါ်ဆိုနိုင်စရာ အကြောင်း မရှိသလို အကျိုးလို့ နံမည် တပ်နိုင်စရာ အကြောင်းလဲ မရှိတော့ဘူး။

အဲဒီ ဖြစ်စဥ် ဆိုတဲ့ အရာကို ပိုပြီး နားလည်အောင် ရေးရရင် “တစ်စုံတစ်ခုသော ဆက်နွယ် ပတ်သက်မှု” လို့ ဆိုချင်တယ်။ ဒါထက် ပိုပြီး လူအများ နားလည်အောင် ရေးနိုင်စွမ်းတော့ အခု အချိန်မှာ ကျွန်တော့် မှာ မရှိပါဘူး။ အဲဒီလို ဆက်နွယ် ပတ်သက်မှု ရှိလာအောင် အလွန် အရေးပါသော အရာ တစ်ခု ရှိနယ်။ အဲဒါက သဘာဝ သတ္တိတူသော တူသော အရာတွေကို ပေါင်းစည်းပြီး အမည်ပေး နယ်ပယ် သတ်မှတ်ချက်ပဲ။ Color ဆိုတဲ့ နယ် ပယ် သတ်မှတ် ချက်ထဲက အဖြူနဲ့ အမဲ ဆိုတဲ့ အစွန်း ၂ဖက်။ လောက ဖြစ်စဥ် ဆိုတဲ့ နယ်ပယ် သတ်မှတ်ချက်ထဲက အကြောင်းနဲ့ အကျိုး ဆိုတဲ့ အစွန်း ၂ဖက်။ အရှိတရား ဆိုတဲ့ နယ် ပယ် သတ်မှတ်ချက် ထဲက ရုပ်နဲ့ နာမ် ဆိုတဲ့ အစွန်း ၂ဖက်.......စသည် ဖြင့်ပေါ့။

ခက်တာက ကျွန်တာ်တို့က လောကကို တည်မြဲချင်တယ်.... လောကမှာ survive လုပ်ချင်တယ် ဆိုရင် အဲဒီ အမည်ပေး သတ်မှတ်ချက်တွေ မရှိလို့ မရဘူး။ ဒါနဲ့ပဲ ဆန့်ကျင်ဖက် တရားတွေကို တည်‌ဆောက်ထားကြရတာ ဖြစ်တယ်။ ဆန့်ကျင်ဖက် တရားရှိမှလဲ လောကဟာ တည်တန့် မှာ ဖြစ်တယ်။

လောက သဘာဝ အရ အဆိုး ရှိရင် အကောင်းလဲ အမြဲဒွန်တွဲ ပြီး ရှိနေမှာပဲ။
အဲဒီ နေရာမှာ အဆိုးအားလုံးကို ပယ်ပြီး အကောင်းတွေချည်းပဲ ဖြစ်ချင် နေလို့ မရဘူး။ ဒါကို သိရင် နိဗ္ဗာန် ဆိုတာကို စတင် သဘောပေါက် နိုင်ပါတယ်။

ကျွန်တော်တို့ သာမန် လူသားတွေမှာ မပြောလဲပဲ အန္တိမ ရည်မှန်းချက် တစ်ခု ရှိတယ်။ အဲဒါ က အဆိုးတွေ အားလုံးပယ်ပြီး အကောင်းတွေ အားလုံး ဖြစ်ဖို့ပဲ။ ငွေတွေ အများကြီး ရှာ နေတဲ့ သူဌေးကြီး တွေလဲ ဒီ ရည်မှန်းချက်နဲ့ အသက်ရှင် လုပ်ကိုင်နေကြတာပဲ။ သားသမီး ဇောနဲ့ အကောင်းဆုံးတွေ ဖြစ်ချင် နေကြတဲ့ မိဘတွေလဲ အတူတူပဲ။ နောက်ဆုံး ကုန်ကုန် ပြောရရင် ဘာသာရေး သမားတွေလဲ နောက်ဆုံးမှာ အကောင်းဆုံး ဖြစ်တဲ့ ဘုရားသခင် ပို့မယ့် ကောင်းကင်ဘုံ (ဒါမှမဟုတ်) အလွန် အေးချမ်းပြီး စိတ်ဆင်းရဲ စရာတွေ ဒုက္ခ လုံးဝတွေ မရှိတော့မဲ့ နိဗ္ဗာန်ဘုံ၊ စသည်ဖြင့် အဲဒီ အစွန်း၂ ဖက် ရဲ့ တစ်ဖက်စွန်း ဖြစ်တဲ့ အကောင်း ဆုံး ဆိုတဲ့ အရာ က မလွတ်မြောက် နိုင်ကြသေးတာ တွေ့ရတယ်။

လောက နိယာမ အရ...... အကောင်းတစ်ခုကို ပိုင်ဆိုင် လိုက်ရရင် အဲဒီ အကောင်းကို ဆုံးရှုံးရင် ရရှိမယ့် အဆိုးဆိုတာကိုပါ တခါထဲ ရယူလိုက်ပြီးသား ဆိုတာကို အဓိက နားမလည် နိုင်ကြတာ ဖြစ်တယ်။

ဒါ့ကြောင့် လူပြိန်း နာလည်အောင် ပြောရရင် အကောင်းဆုံးဆိုတာ ဘယ်တော့မှ ရှိလာမှာ မဟုတ်ဘူး ဆိုတာပါပဲ။ ကိုယ့်ရဲ့ အန္တိမ ရည်မှန်းချက် ဖြစ်တဲ့ အဲဒီ အကောင်းဆုံးဆိုတဲ့ အခြေအနေတစ်ခုကို ရအောင် ဖန်တီးရင်း ရုန်းကန်ရင်းနဲ့ပဲ အဲဒီ အကောင်းဆုံး တစ်ခု ဆိုတာ မဖြစ်ခင် သေကြရတာပဲ မဟုတ်လား။လူတစ်ယောက် မသေခင် သေခါနီးမှာ “အခုအခြေအနေဟာ ငါ့အတွက် အကေင်းဆုံးပဲ..၊ ဒါထက်ကောင်းတာ မရှိနိုင်တော့ဘူး” လို့ ဘယ်သူ ကြွေးကြော်ရဲသလဲ။ အားလုံးဟာ ဒါထက် ကောင်းတာလေး တော့ ရှိနေနိုင်သေးတယ်လို့ ထင်ပြီး ယူဆပြီး သေသွားကြတာပဲ မဟုတ်လား။ “ငါသာ နောက်ထပ် အနှစ် ၂၀ လောက် ကျန်းကျန်းမာမာနဲ့ ထပ်နေလို့ ရရင် ဒါ့ထက်ကောင်းတာ ရှိနိုင် ခံစားနိုင်သေးတယ်” လို့ ထင်ကြမယ့် သူတွေ ချည်းပါပဲ။ သေတာကိုတောင် မကောင်းဘူးလို့ ထင်တတ်ကြတာလေ။ ဘယ်လာပြီး အကောင်းဆုံးကို တွေ့ပြီလို့ ကြွေးကြော်ရဲပါ့မလဲ။

ဒါ့ကြောင့် အကောင်းအဆိုးတွေ တစ်ပြိုက်နက် ဒွန်တွဲ နေတဲ့ လောကကြီးထဲမှာ ကျွန်တော်တို့ အကောင်းချည်းပဲ ရဖို့ အားထုတ်နေမိ ကြသလား။ ဒါဆိုရင်တော့.....အချိန်ကုန် လူပန်းရုံပဲ ရှိပါလိမ့်မယ်။ လောက ထဲမှာ နေနေ သမျှတော့....အကောင်းရှိရင် ...အဆိုးရှိမယ်။ ဘာလို့လဲ ဆိုတော့ အရာတစ်ခုကို အကောင်းလို့ ယူဆထားတဲ့ အချိန်မှာ ပဲ အဲဒီ အရာကပဲ နောက် perspective တစ်ခု အရ အဆိုးဖြစ်နေတတ်လို့ ပါပဲ။ အရင် ကောင်းပြီး နောက်မှ အဆိုး ဖြစ်တာ မဟုတ်ဘူးနော်။ တစ်ပြိုင်နက် လို့ ဆိုလိုပါတယ်။ ဒါ့ကြောင်း အဆိုးကို မလိုချင်ရင် အကောင်းဆိုတာလဲ မရှိမှ ဖြစ်မယ်။ ဒါ့ကြောင့် ကျွန်တော်တို့ ပြောပြော နေကြတဲ့ ဒုက္ခ ခပ်သိမ်းက လွတ်ငြိမ်းချင်ရင် အဲဒီ အဆိုးအကောင်း ဆိုတဲ့ Two extremes သတ်မှတ်ချက်က လွတ်မြောက်မှ ဖြစ်တော့မယ်။

ဒီလိုပဲ....။ အကြောင်းရှိရင် အကျိုးရှိမယ်။ အဲဒီ အကျိုးဆိုတာကပဲ နောက်ထပ် အကျိုး တစ်ခု အတွက် အကြောင်းတစ်ခု ဖြစ်စေတတ်တာကို သိရင် ကျွန်တော်တို့ ဘာလို့ ဒီ သံသရာ ထဲက ထွက်ရတာ ခက်နေရတာလဲ ဆိုတာ ရိပ်မိလောက်ပါပြီ။

ဒါ့ကြောင့် ဆန့်ကျင်ဖက် တရားတွေ မရှိမှ (even the cause and effect)၊ တစ်နည်းအားဖြင့်…. တူရာ သတ္တိတွေကို ဘောင်ခတ် ပြီး နယ်ပယ် အမည်ပေး သတ်မှတ်ချက်တွေ မရှိမှ၊ (နောက် တစ်နည်း) လောက မရှိမှ..... အဆိုးဆိုတာ လုံးဝ မရှိတဲ့ အရာ ဆိုတာ ဖြစ်လာနိုင်စရာ ရှိမှာ ဖြစ်ပါတယ်။

ဒါဟာ နိဗ္ဗာန် ပါပဲ။

ဇင်မြင့် (၂၃-၅-၂၀၂၃)

www.wisdompath.com.sg

Wisdom Path က 1st July မှာ ဖွင့်မယ့် "BPB -Build your Personality and your Brand" course အကြောင်းသိချင်မေးချင်ရင် 09 944133728 (Myanmar) နဲ့ +65 98394327 (Singapore) တို့ကို တိုက်ရိုက် ဖုန်းဆက်ပြီး မေးမြန်းနိုင်ပါတယ် ခင်ဗျာ။

www.wisdompath.com.sg

မိန်းမ ကလဲ အနားမှာ မရှိ။ အိမ်မှာနေရင်လဲ အလွန်ပူတာကြောင့် အခုလို ကာရာအိုကေ ခန်းထဲရောက်မှပဲ ဘဝက အေးချမ်းသာယာ စိုပြေလှပ တင့်တယ် သွားတော့တယ်။ မအေးချမ်း မသာယာ မစိုပြေ မလှပ မတင့်တယ်ဘဲ နေမလား။ ဘေးမှာ သီကျူးဖော် လေးကလဲ အမိုက်စား။အဲ......လဲ့။ ကာရာအိုကေမှာ ဘာလိုနေသေးလဲ အချစ်ရယ် ဆိုပြီး ဟဲဖို့ပဲ လိုတော့တယ်။

ကာရာအိုကေမှာ အဓိက က ဘာလဲ သိလား..... ပြောကြည့်ကြည့်....။

သီချင်း စုံဖို့လား......NO

အသံ စနစ်တွေကောင်းဖို့လား.........N0

သန့်ရှင်း လုံခြုံဖို့လား.........NO

Location ကောင်းဖို့လား.........NO

Location ကောင်းဖို့ ဆိုတာ မြို့လည်ခေါင်မှာ ရှိဖို့ ဘာဖို့ ကို ပြောတာ မဟုတ်ဘူး။ အိမ်နဲ့ နီးပြီး အိမ်က မိန်းမ မသိတဲ့ နေရာကို location ကောင်းတယ်လို့ ခေါ်တယ်။ မိန်းမ က ရှင်ဘယ်တွေ ရောက်နေလို့ ဒီလောက် နောက်ကျ နေတာလဲ လို့ ဖုန်းဆက်မေးရင် ခပ်ဝေးဝေး တစ်နေရာရာ ပြောပြီး “လာနေပါပြီ ဟ မိန်းမရ” လို့ ပြောပြီး အနည်းဆုံး သုံးလေး ငါးပုဒ် လောက် တော့ ထပ်ဟဲပြီးမှ ကားကို ဖင်နဲ့ ခေါင်း လှည့်လိုက်တာနဲ့ အိမ်ပြန်ရောက်နိုင်တဲ့ နေရာမျိုးကို ပြောတာ။ ဒါမျိုးက သမ္ဘာတော့ လိုတာပေါ့။

ခင်ဗျားတို့ စိတ်ဝင်စားတဲ့ အပေါ်မှာ ပြောခဲ့တဲ့ “သီကျူးဖော်” ကလေးတွေ ရုပ်ချောဖို့လား........NO

နောက်နေ့မနက် အိပ်ယာနိုးနိုးချင်း မိတ်ကပ်မပါဘဲ ကြောင်ချေးရုပ်နဲ့ သူတို့လေးတွေ မနက်စာ ထွက်ဝယ်တဲ့ ရုပ်ကို တွေ့ဖူးလား။ လမ်းထိပ်က ဘယာကြော် ရောင်းတဲ့ ကုလားမ ကမှ ပို ချောသေးတယ် လို့ ပြောရမလို။ ဒါပေမယ့် ညရောက်လို့ မိတ်ကပ်လိမ်းပြီး ဝတ်တတ်စားတတ်တော့လည်း အမြင် တစ်မျိုး ပြောင်းသွားလေသတည်းပေါ့။

ထားပါတော့.....။
ပြောချင်တာက.....ဘာ အဓိကလဲ ဆိုတာ ပြောချင်တာပါ။

ကျုပ်အတွက် ကတော့ စကပ်တိုတိုလေးတွေက အဓိက ဗျ။ ဒါ့ကြောင့်
“စကပ် မတို....
ငါ မဆို....
ဘယ် ကာရာအိုကေ သွားသွား..”
ဆိုပြီး ကဗျာတောင် စပ်ထားသေးတာ။

အဓိက ကို ခဏထား.....။

အခု FB မှာ “သမီးတို့ရဲ့ ဦး” တွေက ခေတ်စားနေတော့...

“သမီး.....lighting လေး နည်းနည်း လျော့ပေးပါလား....။ ဦးမှာ light phobia ရောဂါ ရှိလို့ပါ။ တခြား နေရာမှာ တော့ မဟုတ်ဘူး။ ကာရာအိုကေ ခန်းထဲရောက်ရင် အလင်းရောင် မြင်တာနဲ့ ကြောက်တာ...”

“ဟုတ်....ဦး၊ အဲဒီရောဂါတော့ သမီး မကြားဖူးသေးဘူး.........”

“ဟုတ်တယ်....စင်ကာပူမှာ Covid ပြီးမှ ‌ပေါ်လာတာ...”

“အော်.....ဒီလောက်ဆို....ရပြီလား”

“အဲ......နည်းနည်း ထပ်လျော့ပါ ဦး...”

“ဒါ...ဂိတ်ဆုံးပဲ....ဒါထပ်မှောင်ချင်ရင်တော့ မီးပိတ်ထားမှပဲ ရတော့မယ်..”

“အင်း...ကောင်းသားပဲ..”

“ရှင်....ဒါတော့ မရဘူး...ရှင့်”

“အလကား...စတာပါ သမီးရယ်....ဂိတ်ဆုံးတော့ လျော့ထားပေးနော်.....”
(dimmer light ထွင်တဲ့ ကောင်တွေကလဲ ဒီထက်မှောင်အောင် လျော့လို့ ရအောင် လုပ်တော့ မိုးကြိုးပစ်မှာ ကျနေတာပဲ..)

“နေရာတကာ မီးဖျက်နေ ...အဲလေ...မီးပျက်နေတဲ့ EPC ကလည်း ဒီနေရာတော့ မဖျက်..အဲ..မပျက်ဘူး....” ဆိုပြီး တိုးတိုးလေး ငြီးမိတာ ...မချောက......”သမီးတို့က မီးစက်ရှိတယ်..ဦး” တဲ့။

ပြောလိုက်တယ်......သမီးတို့ ကာရာအိုကေ ပိုင်ရှင်ကို Wisdom Path က ဖွင့်တဲ့ Business လုပ်နည်းကိုင်နည်း သင်တန်းလေးတွေ တက်ခိုင်းလိုက်အုန်း..လို့။
ဘယ့်နဲ့....ကာရာအိုကေ ကိုများ မီးမပျက် အောင် မီးစက် ထားရတယ်လို့။ ဒီပုဂ္ဂိုလ်တော့ စီးပွားပျက်ဦးတော့မယ်။

Wisdom Path ဆိုတာ ဘာလဲ......ဦး”...တဲ့။

သိချင်ရင် အခု Wisdom Path စာလုံးလေးကို click လုပ်လို့လဲ ရတယ်။

www.wisdompath.com.sg ကို သွားကြည့်လို့လဲ ရတယ် ပေါ့...။ အဲ.......လဲ့

ကဲ....ကြော်ငြာ ဝင်တာ ခဏထား.......အချိန်ရှိခိုက်..လုံ့လစိုက်ရမှာ မို့....... အဓိက...က...အဓိကပဲ...လာထား ဆိုပြီး အပီကိုင် (microphone ကို ပြောပါတယ်) ပြီး ဆိုမယ် အလုပ်...

"ဂဒေါက်...........ဂဒက်...”
“ဂဒေါက်..........ဂဒက်...”
“ဂဒေါက်..........ဂဒက်...”

ဆိုတဲ့ အသံကြီးက အခန်းဘေးကနေ ကိုယ့်တံခါးဝ နား ပိုပို နီးလာသလို ကြားလိုက်ရတယ်။ ဒီအသံ တော်တော်လဲ ရင်းနှီး နေသလိုပဲ..ပေါ့။

ပြီးလဲ ပြီးရော အခန်းမီး “တောက်” ကနဲ ပွင့်သွားပြီး အခန်း အဝမှာ လေးချောင်းထောက် တောင်ဝှေးလေးကိုင်လို့ ကိုယ့် အမေ.......။

“သားကြီး ........မေမေ သေးပေါက်ချင်လို့........”

“အော်...ဟုတ်ကဲ့ပါ မေမေ”..ဆိုပြီး...အိပ်ယာပေါ်က လူးလဲ ထပြီး....အမေ့ကို သေးတည် ရတယ်။

သူ့ခမျာလဲ ...ညဖက် အိမ်သာ ဘာညာသွားရင် ချော်လဲမှာ စိုးလို့..ကိုယ့်ကို နှိုးလို့ မှာ ထားတာကိုး...။

........................................................................................

ဘယ့်နှဲ....သူများတွေ ဆောင်းတွင်းအိပ်မက် ဂယောက် ဂယက် ပဲ ကြားဖူးပါတယ်။

ငါ့ကျမှ..နွေ ခေါင်ခေါင် အိပ်မက်.....မက်လို့ ကောင်းနေတုန်း....ဂဒေါက်...ဂဒက်..နဲ့ နိုးရတယ်လို့.....။

(ပေါက်ကရတွေ..ရေးတယ်လို့ မထင်နဲ့ဦး....ဒါက..ခေတ်သစ် Brand awareness technique တစ်ခု။ အဲ.....လဲ့။ ဖတ်ပြီးသူတိုင်း share ပေး ကြပါလို့စ်...)