Umar Pulavar Tamil Language Centre

🇸🇬❤️🤍 Happy 61st National Day, Singapore!

Celebrating our shared journey of unity, diversity and harmony with pride and gratitude. ✨

Warmest wishes from Umar Pulavar Tamil Language Centre (UPTLC) to all Singaporeans and residents. May our little red dot continue to thrive and shine! 🇸🇬

Our Singapore, Our Pride. ❤️🤍
Majulah Singapura!

OurSingaporeOurPride TamilLanguage Singapore 🇸🇬

✨ தகவல் மற்றும் மின்னிலக்க மேம்பாட்டு அமைச்சு (MDDI) வேலைப் பயிற்சித் திட்டத்தில் பங்கேற்ற உமறுப்புலவர் தமிழ்மொழி நிலைய மாணவர்கள், தங்கள் பயிற்சிக் காலத்தில் பெற்ற அனுபவங்கள், கற்றறிந்த திறன்கள் மற்றும் மறக்கமுடியாத தருணங்களை தன்னம்பிக்கையுடனும் தெளிவுடனும் பகிர்ந்து கொண்டனர். 🎤📚

அவர்களின் சிந்தனைகள், அனுபவங்கள் மற்றும் உற்சாகமான படைப்புகள் அனைவருக்கும் ஊக்கமளித்தன. இத்தகைய வாய்ப்புகள் மாணவர்களின் அறிவையும் ஆளுமைத் திறனையும் மேலும் வளப்படுத்தின என்பதில் ஐயமில்லை! 🌟

#வேலைப்பயிற்சி #மாணவர்விளக்கவுரை #தமிழ்மொழி

தாய்மொழிகளின் கருத்தரங்கு 2026

இவ்வாண்டு நடைபெற்ற தாய்மொழிகளின் கருத்தரங்கில், பானை ஓவியம், வண்ணம் தீட்டுதல், சொல் உருவாக்கம், புள்ளிக் கோலம், தோரணம் பின்னுதல், பல்லாங்குழி, தாயம், ஆடுபுலி உள்ளிட்ட நம் தமிழர் பண்பாட்டு நடவடிக்கைகளில் பல்வேறு இனங்களைச் சேர்ந்த மாணவர்கள் ஆர்வத்துடனும் உற்சாகத்துடனும் பங்கேற்றுச் சிறப்பித்தனர்.

பண்பாட்டின் வழி ஒற்றுமையையும் பாரம்பரியத்தையும் கொண்டாடிய இனிய தருணமாக இந்நிகழ்வு அமைந்தது. அனைவருக்கும் எங்கள் மனமார்ந்த நன்றிகள்! 🌺

📚 ஜூலை மாத நூலக நடவடிக்கை

கருப்பொருள்: நெசவு – தமிழரின் பெருமை 🧵

தமிழரின் வளமான நெசவுக் கலையையும் வாசிப்புப் பண்பாட்டையும் இணைக்கும் வகையில் நடைபெற்ற இந்நூலக நடவடிக்கையில் மாணவர்கள் மிகுந்த உற்சாகத்துடன் பங்கேற்றனர். திரையரங்கில் ஒளிக்காட்சி, நெசவின் பாரம்பரிய அறிமுகம், செயற்கை நுண்ணறிவு (VR) அனுபவம், புதிர்ப் போட்டி ஆகிய நடவடிக்கைகள் மாணவர்களின் கற்றல் அனுபவத்தை மேலும் சுவாரசியமாக மாற்றியது. இத்தகைய புதுமையான முயற்சிகள், மாணவர்களிடையே தமிழ்மொழி, பண்பாடு, மரபு, வாசிப்பில் ஆர்வம் ஆகியவற்றை வளர்ப்பதோடு, வாசிப்பை நேசிக்கும் மனப்பான்மையையும் உருவாக்குகின்றன.

உயர்நிலை 1 உயர்தமிழ் முகாம் 2026
மாணவர்களின் தமிழ்ப்பற்று, ஒற்றுமையுணர்வு, பாரம்பரிய விழிப்புணர்வு ஆகியவற்றை வளர்க்கும் நோக்கில் நடைபெற்ற இம்முகாம், அனைவருக்கும் மறக்கமுடியாத அனுபவமாக அமைந்தது. பாரம்பரிய உணவுகள் தயாரித்தல், கபடி, சிக்காட்டம் போன்ற நம் பண்பாட்டு நடவடிக்கைகள் மூலம் மாணவர்கள் தமிழர் மரபின் செழுமையையும் குழு ஒருங்கிணைப்பின் மகத்துவத்தையும் மகிழ்ச்சியுடன் கற்றுணர்ந்தனர். கற்றலும் பண்பாடும் கலந்த இந்நிகழ்வு, மாணவர்களின் திறமையையும் உற்சாகத்தையையும் வெளிப்படுத்திய இனிய நினைவாக அமைந்தது. மாணவர்களை ஊக்கப்படுத்தி முகாமில் கலந்துகொள்ள அனுப்பிய ஆசிரியர்களுக்கு நன்றி.

உமறுப்புலவர் தமிழ்மொழி நிலைய இந்திய நிகழ்த்துகலையின் 'மேடையேறும் மொட்டுகள்' 🎭 என்னும் நிகழ்ச்சி, சனிக்கிழமையன்று நடைபெற்றது. தம் வகுப்புகளில் கற்றுக்கொண்ட கலைவித்தைகளை மொத்தமாக அரங்கில் இறக்கிப் பார்வையாளர்களைப் பரவசப்படுத்தியது 🌟 இந்திய நிகழ்த்துகலை மாணவர்குழு 👩‍🎓👨‍🎓.

கல்வியாளர்கள் 👩‍🏫👨‍🏫 மற்றும் பெற்றோர்கள்முன் 👨‍👩‍👧‍👦 மேடையில் தன்னம்பிக்கையோடு 💪 மொட்டுகள் படைத்த கலைப்படைப்புகள் 🎨 அரங்கத்தினர் பாராட்டுகளையும் 👏 கைதட்டல்களையும் 🥳 வாரிக்குவித்தன.

முத்தாய்ப்பாக 🎯, 'சிலம்பும் தமிழும்' ⚔️ என்னும் மேடை நாடக நிகழ்வில் தமிழர் வீரத்தின் 🛡️ அடையாளமாக, என்றும் மனதில் நிற்கும் ராணி வேலுநாச்சியாரையும் 👑 குயிலியையும் 🕊️ அவர்கள் போற்றிப் பாதுகாத்த தற்காப்புக்கலையான போர்த்திறமிக்க சிலம்பாட்டக் கலையையும் 🌀 மேடையில் உயிர்ப்பித்தது 🔥 பார்வையாளர்களை மெய்சிலிர்க்கவைத்தது ✨.

இந்திய நிகழ்த்து கலைகளின் சங்கமமாக எதிர்வரும் மே மாதம் 16 ஆம் தேதி ஒளிரவிருக்கும் 'மேடையேறும் மொட்டுகள்' நிகழ்ச்சிக்கான விறுவிறுப்பான ஒத்திகையில் ஈடுபடும் நிகழ்த்துகலை வகுப்பு மாணவர்கள்!