Histo-technologist

ماذا لو شميت xylene وانت بتنضف بيه الميكروسكوب!

لما بلاقي عدسه الميكروسكوب ملغوشه بمسحها بـ xylene ، رغم ريحته القويه بس ريحه حلوه بستمتع بيها !

: انت بتستمتع بريحه xylene وبتتعامل عادي كل يوم معاه ، وهو اصلا مصنف hazard chemical !

مش بيحصل لي اي حاجه ، المدير عندنا ف الشغل مقالش أنه خطر ، لكن هو ممتاز في تلميع العدسات ، ده احنا كمان بنستخدمه في معمل histopathology بشكل يومي ومحدش اتكلم معانا وقالنا اي كلمه عليه !

: لكن xylene ماده فعلا سامه وخطر لصحه الانسان وممكن تسبب وفاته فورا لو اتعرض لجرعه كبيره ، وده كمان بتقدر تدخل للإنسان عن طريق الشم ، والجلد ، والأكل ، انت متخيل أن مجرد ما تقف تشم وتستمتع بريحته انت كدا بتدخله جسمك لان سرعه امتصاصه عن طريق الشم اعلي واسرع من امتصاصه عن طريق الجلد !

لكن حتي لو ده حصل أنا بتعرض لكميه صغيره منه ف اليوم مش بشربه عشان تخوفني منه ، واكيد يعني ف ميكانيزم ف الجسم بيتعامل مع المواد السامه ويتخلص منها

: مظبوط فعلا ، انت لو اتعرضت لكميه xylene بشكل بسيط النهارده جسمك هيخلصك منه ويطلع من الجسم عن طريق البول بعد 18 ساعه من التعرض له ، لكن لو بتتعرض له كل يوم وكل شويه ع مدار وقت ، هيبدا يتخزن ف جسمك في الانسجه والعضلات !

لكن انا مش بحس بحاجه وقت التعرض له ، ممكن يحصل صداع أو دوخه او ساعات مش بكون مركز و شويه احساس بالغثيان بس اعتقد ملهوش دعوه

: ازاي بس xylene ملهوش دعوه ، ده اول تأثير بيعمله بيكون علي nervous system وبدليل الأعراض الي بتحصلك دي لانه بيدخل يعمل خلل ف اكشن البروتينات المهمه لـ Neuronal function ، فتبدأ تظهر عليك اعراض زي الصداع ، الغثيان ، الدوخه ، عدم التركيز ، أرق ، مشاكل ف الذاكره .

بس كدا يعني ده الي بيعمله !

: ما هو له تأثير تاني علي الرئتين تحديدا بقا لو كنت بتتعرض له عن طريق الشم والكمية تركيزها عالي ووقت التعرض طويل وقتها بياثر ع الرئتين يسبب لك اعراض زي ضيف تنفس ، الم ف الصدر ، مع زياده التعرض يوصل الأمر لـ pulmonary edema

: بس ده مش بيحصل ، مشفتش حد جاله ضيق تنفس ولا صداع قدامي

يمكن بيحصل لهم بس بيكونوا مش رابطين بين xylene وتأثيره وبين الأعراض ، دي كلها acute exposure الي هي بتحصلك ف كام يوم بعد التعرض له ، لكن في chronic exposure تأثير xylene علي المدي الطويل يبدأ تلاحظ تأثيره فعلا كمرض بعد سنين كتاثير علي الكلي والكبد وكمان دراسات اتعملت ع كتر التعرض له ع فترات بيزود فرصه حدوث leukemia !

لكن عموما تأثير xylene علي الصحه مرتبط بالكميه والتركيز الي اتعرضت له ؤ مده التعرض له ، استمرارية التعرض له !


منقول❤️

بعد ما اتكلمنا عن الخلايا هنتكلم االالياف .
الياف النسيج الضام :
وفي نوعين من الالياف الموجودة في النسيج الضام وهما :
أ‌. الالياف البيضاء ( الياف الكولاجين ) white or collagenous fibers .
ب‌. الياف الايلاستين ( الالياف المرنة ) elastin fibers .
أولا : الالياف البيضاء White fibers :
بيطلق عليها الياف الكولاجين عشان بتتركب من مادة الكولاجين البروتينية وبتتكون الياف الكولاجين او الالياف البيضاء دي من كام نوع هما :
1. النوع الأول من الياف الكولاجين Type I collagen :
ودا موجود في ادمة الجلد dermis of skin والاوتار tendons والاربطة ligaments .
2. النوع الثاني من الياف الكولاجين Type II collagen :
والنوع دا بيحتوي علي لييفات دقيقة fine fibrils وبيبقي موجود في نوع من الغضاريف اسمه الزجاجي hyaline cartilage .
3. النوع الثالث من الياف الكولاجين Type III collagen :
والنوع دا بيبقي معروف بالياف الريتكيولين او الالياف الشبكية reticulin ( or reticular ) fibers وكانت بتتصنف كنوع مستقل عن الياف الكولاجين عشان قابليتها للارتباط باملاح الفضة silver salts والنوع دا بيبقي موجود في صورة شبكة مدعمة للنسيج الموجودة فيه زي الكبد liver ونخاع العظم bine marrow .
4. النوع الرابع من الياف الكولاجين Type IV collagen :
والنوع د بيعتبر احد المكونات الأساسية للاغشية القاعدية basement membranes .
ثانيا : الياف الايلاستين Elastin fibers :
ودي الياف بتبقي شبة المطاط rubber عشان كدا بيتقال عليها الالياف المرنة ، ودي الياف بتبقي اقل في السمك من الالياف البيضاء وبتتفرع وبيوصل قرطها لـ 10 : 12 ميكرون في بعض أنواع الاربطة .
هنكمل أنواع الانسجة الضامة الاصيلة في البوست الجاي.

بعد ما عرفنا ان في نوعين من الانسجة الضامة ( الاصيلة والمتخصصة ) هناخد كل واحد منهم بالتفصيل :

والانسجة دي بتدخل في تركيب معظم أعضاء الجسم وبيبقي موجود فيها بوضوح الخلايا والمادة الخلالية والالياف المكونة للانسجة الضامة .
أنواع الخلايا المكونة للانسجة الضامة :
1. الخلايا الليفية Fibroblasts :
ودي اكتر الخلايا المنتشرة في الانسجة الضامة وهي عبارة عن خلايا حجمها كبير ومتفرعة ووظيفتها الأساسية هي تكوين الالياف اللي بيتميز النسيج الضام بوجودها بين الخلايا .
2. الخلايا الاكولة Macrophages :
ودي خلايا حجمها بيبقي كبير منها نوعين نوع ثابت مكانه مبيتحركش fixed or resting macrophages ونوع تاني بيتحرك اسمه متجول free wandering ، والخلايا دي بتحتوي علي ليسوسومات lysosomes بتقوم بهضم المواد اللي بتلتهمها الخلايا ومن هنا بتعتبر ضمن الجهاز المناعي عشان بتهاجم المواد الغريبة اللي في النسيج .
3. الخلايا الدهنية Fat cells :
ودي خلايا بتتميز بوجود النواه بتاعتها قريبة من السطح الخارجي للخلية ودا عشان الخليه بتحتوي علي كمية كبيرة من المواد الدهنية علي حساب السيتوبلازم .
4. الخلايا الصارية Mast cells :
ودي خلايا بتفرز مواد مانعة للتجلط anticoagulant شبة الهيبارين heparin عشان كدا بتبقي موجودة علي امتداد الاوعية الدموية .
5. كرات الدم البيضاء Blood leukocytes :
ودي كرات دم بيضاء عادية خالص لكن الأكثر انتشارا في الانسجة دي هي الكرات البضاء الليمفية lymphocytes وزي ما عارفين دور كرات الدم البيضاء في المناعة وحماية الجسم وتعتبر الخلايا الاكولة Macrophages ضمن الجهاز المناعي .
6. الخلايا البلازمية Plasma cells :
ودي بتبقي نادرة في الانسجة الضامة لكن موجودة في الاغشية المصلية serous memberanes وفي الانسجة الليمفية lymphoid tissues وفي الأماكن المصابة بالاتهابات .
7. الخلايا الصبغية Pigment cells :
وبتتسمي حاملات الألوان chromatphores وبتبقي موجودة في مناطق مختلفة من الجسم وفي العين وبتلون الجزء اللي موجودة فيه .
الياف النسيج الضام :
وفي نوعين من الالياف الموجودة في النسيج الضام وهما :
أ‌. الالياف البيضاء ( الياف الكولاجين ) white or collagenous fibers .
ب‌. الياف الايلاستين ( الالياف المرنة ) elastin fibers .
وهنتكلم عن أنواع الالياف الموجودة في النسيج الضام البوست الجاي ان شاء الله .

ثانيا : الانسجة الطلائية الغدية Glandular epithelial tissues :
والانسجة دي بتتخصص في وظيفة محددة وهي الافراز secretion وعشان كدا بتعرف التراكيب دي باسم الغدد glands ، وبتتقسم الغدد دي تبعا لعدد الخلايا المكونة للغددة كالتالي :
1 – غدد وحيدة الخلية Unicellular glands :
وبتتكون الغدة هنا من خلية واحدة زي الخلايا الكاسية goblet cell الموجودة بين خلايا النسيج الطلائي المبطن للقصبة الهوائية والقناة الهضمية والخلايا دي بتقوم بافراز المخاط .
2 – غدد عديدة الخلايا Multicellular glands :
ودي غدد بتتكون من عدد كبير من الخلايا وبتتقسم الغدد دي تبعا لوجود قناه للغدة الي نوعين غدد ذات افراز خارجي و غدد ذات افراز داخلي .
أ – غدد ذات افراز خارجي Exocrine glands :
وبتعرف برضو بالغدد القنوية duct glands ودي ليها قنوات تحمل الافراز لخارج جسم الغدة زي الغدد العرقيه اللي بتفرز العرق و الغدد الهضمية اللي بتفرز العصارة الهضمية المحتويه علي انزيمات ، وبتقسم الغدد ذات الافراز الخارجي الي نوعين هما :

ودي بتتميز ان قنواتها غير متفرعة وبتتقسم حسب الشكل لانواع منها :
1 ) الغدة الانبوبية البسيطة Simple tubular glands : ودي بتاخد شكل انبوبي وللغدة قناة واحدة زي الغدد المعدية في الثدييات mammalian gastric glands .
2 ) الغدد الانبوبية البسيطة الملتوية Simple coiled tubular glands : دي بتاخد شكل انبوبي ملتوي زي الغدد العرقية sweat glands في جلد الثدييات .
3 ) الغدد الانبوبية البسيطة المتفرعة Simple branched tubular glands : وهنا الغدة بتتكون من عدة أجزاء لكنها بتفتح كلها في قناة واحدة غير متفرعة زي الغدد المعدية في الضفدعة glands of the stomach of toad .
4 ) الغدد الحويصلية البسيطة Simple acinar glands : ودي بتاخد شكل حويصلات acini او جيوب دائرية pockets زي الغدد الموجودة في جلد الضفدعة .
5 ) الغدد الحويصلية البسيطة المتفرعة Simple branched acinar glands : والغدة هنا بتتكون من عددمن الحويصلات لكنها بتصب في قناة واحدة زي الغدد الدهنية في الجلد sebaceous glands .

ودي بتتميز علي عدة قنوات متفرعة وبتتقسم حسب الشكل بردو لانواع هي :
1 ) الغدد الانبوبية المركبة Compound tubular glands : والنوع دا بيتميز بان قناه الغدة متفرعة وجسم الغدة انبوبي والمثال علي دا الكلية kidney .
2 ) الغدد الحويصلية المركبة Compound acinar glangs : وهنا بيتكون جسم الغدة من أجزاء عديدة دائرية او حويصلية الشكل وبتصب افرازاتها في افرع عديدة من القنوات زي البنكرياس pancreas .
3 ) الغدد الحويصلية الانبوبية المركبة Compound tubule-acinar glands : وهنا بيتكون جسم الغدة من عدة أجزاء بعضها انبوبي الشكل وبعضها حويصلي الشكل وبتتجمع الافرازات في قنوات متفرعة ومن امثلتها الغدد اللعابية salivary glands .
ب – غدد ذات افراز داخلي Endocrine glands :
ودي بتصب افرازاتها في الدم مباشرا وملهاش قنوات وبيطلق عليها الغدد اللاقنوية ductless glands والافرازات بتاعتها بتسمي بالهرمونات hormonens اللي بيبقي ليها دورمهم في عديد من وظائف الجسم وبردوب تحافظ علي الاتزان الداخلي للجسم homeostasis .

الانسجة الطلائية المركبة Compound epithelia :
ودي بتكون اكتر من صف من الخلايا ووظيفتها الأساسية هي الحماية protective function وبتتقسم طبقا لشكل خلايا الطبقة العليا outermost layer الي :
أ – نسيج طلائي حرشفي مركب Stratified squamous epithelium : ودا بيتكون من عدة طبقات مرتبة فوق بعضها والطبقة السفلي بترتكز علي الغشاء القاعدي وبتعرف بطبقة ملبيجي Malpighian layer او بالطبقة المولدة germinative layer لسرعة انقسامها وموجود النوع دا في تجويف الفم والبلعوم والمرئ والمهبل .
ب – نسيج طلائي حرشفي مركب قرني Stratified squamous keratinising epithelium : ودا بيعتبر حالة خاصة من النوع اللي فات عشان بتموت خلايا السطح الخارجي للنسيج وبتتحول لطبقة قرنية وبتعرف العملية دي بعملية تكوين الكيراتين keratinisation ودي بتبقي طبقة سميكة غير خلوية تعرف باسم الطبقة القرنية h***y layer والنوع دا من الانسجة هو بشرة جلد الانسان .
ج – نسيج طلائي مركب مكعب Stratified cuboidal epithelium : ودا بيبقي موجود قنوات الغدد ذات الافراز الخارجي زي الغدد العرقية والغدد اللعابية .
د – نسيج طلائي مركب عمادي Stratified columnar epithelium : ودا خلايا الطبقة السطحية بتبقي مستطيلة وبيبقي موجود في الحنجرة وبعض القنوات الاخراجية .
ه – نسيج طلائي مركب عمادي مهدب Stratified columnar ciliated epithelium : ودا شبة النسيج الطلائي العمادي المركب الا ان اسطح الخلايا الخارجية مزود باهداب والنوع دا بيبطن الوعاء الناقل vas deferens في الجهاز التناسلي الذكري في الانسان .
و – نسيج طلائي انتقالي Transitional eqithelium : والنسيج دا بيتميز بالتمدد والانبساط فبيتميز بقدرته علي تغيير شكله طبقا للضغط الواقع عليه وبيبقي موجود في جدار المثانة البولية urinary bladder عشان يتمدد عند امتلاء المثانة وينبسط عند تفريغ المثانة.

الانسجة الطلائية دي عبارة عن انسجة بتنشأ اما من طبقة الاندودرم او الميزودرم او الاكتودرم ولها وظائف كتير زي الحماية Protection والامتصاص Absorption والافراز Secretion وبتتميز خلايا النسيج الطلائي بانها متراصة بحيث ان المادة الموجودة بين الخلايا Intercellular substance بتبقي قليله جدا وبيتميز كمان النسيج الطلائي بوجود غشاء بيرتكز عليه اسمه الغشاء القاعدي basement membrane والانسجة الطلائية مبتحتويش علي اوعية دموية non-vascularized ولكن بيوصلها الغذاء والاكسجين عن طريق الانتشار. diffusion
وبتنقسم الانسجة الطلائية اما طبقا لشكل وترتيب الخلايا morphological او طبقا للوظائف اللي بتؤديها functions وبذلك يمكن تقسيمها الي نوعين هما : الانسجة الطلائية السطحية Surface epithelial tissues والانسجة الطلائية الغدية Glandular epithelial tissues .
أولا الانسجة الطلائية السطحية Surface epithelial tissues :
بتتقسم الانسجة دي الي نوعين طبقا لشكل وعدد الطبقات المكومة للنسيج وهما :
1) الانسجة الطلائية البسيطة Simple epithelia .
2) الانسجة الطلائية المركبة Compound epithelia .
الانسجة الطلائية البسيطة Simple epithelia :
ودي بتتكون من صف واحد من الخلايا واهم وطائفها هي الامتصاص والافراز وملهاش دور مهم في الحماية وبتتقسم الي :
أ – النسيج الطلائي الحرشفي البسيط Simple squamous epithelium : ودا بيتميز بان خلاياه بتاخد شكل سداسي وبتحتوي علي نواه مركزية كبيرة وبيبقي موجود مبطن للاوعية الدموية والليمفية والحويصلات الهوائية للرئتين وبيعمل كغطاء لمعظم أجزاء القناة الهضمية .
ب – النسيج الطلائي المكعب البسيط Simple cuboidal epithelium : ودا بيكون خلاياه مكعبة والنواة مستديرة في منتصف الخلية وبيبقي موجود في غدد كتيرة وفي شبكية العين وفي الطبقة المنبتة germinal layer في المبيض .
ج – النسيج الطلائي العمادي البسيط Simple columnar epithelium : بتكون خلاياه مستطيلة و الانوية بتبقي قريبة من القاعدة والنوع داب يبقي مبطن لقنوات بعض الغدد وبعض أجزاء القناة الهضمية زي المعدة والامعاء .
د – النسيج الطلائي العمادي البسيط المهدب Simple columnar ciliated epithelium : والنسيج دا شبة النسيج الطلائي العمادي الا ان اسطح الخلايا الخارجية علية اهداب cilia والاهداب دي بتتحرك فبتسبب حدوث تيار للسوائل والجزيئات الدقيقة المجاورة لسطح النسيج والنوع داب يبقي موجود في تجويف الانف والشعب الهوائية وقناة البيض وفي الرحم .
ه – النسيج العمادي المصفف الكاذب Pseudostratified columnar epithelium : ودا بيبقي انويته مرتبة في اكتر من صف عشان كدا بيتسمي مصفف كاذب وبينتشر النوع دا في القنوات الاخراجية الكبيرة وفي أجزاء من مجري البول الذكري male urethra .
و – النسيج العمادي المصفف الكاذب المهدب Pseudostratified columnar ciliated epithelium : ودا شبه النسيج العمادي المصفف الكاذب الا ان السطح الخارجي للخلايا بيكون عليه اهداب والنوع داب يبقي موجود مبطنا للممرات التنفسية الكبيرة وفي أجزاء من الجهاز التناسلي الذكري .

طيب سلسلة علم الانسجة دي السلسلة التانيه اللي هنتكلم فيها بأسلوب بسيط زي ما عملنا في سلسله علم الخلية ..
طيب واحدة واحدة كدا نوسع النظرة بدل ما كنا بنبص علي الخليه ومكوناتها لا هنبص علي مجموعة الخلايا المتشابهة في الشكل والوظيفة واللي لما بتتحد مع بعضها وتكونلي حاجة اسمها النسيج Tissue والانسجة دي لما بتتحد مع بعضها بتكونلي عضو Organ والأعضاء اللي بتشترك في نفس الوظيفة بتكونلي جهاز زي أعضاء الجهاز الهضمي اللي كلها بتشترك في الهضم بتكونلي الجهاز الهضمي Digestive System .
والانسجة دي بتتقسم لاربع أنواع هما :
1. الانسجة الطلائية Epithelial Tissues وتنشأ من الطبقات الجرثومية الثلاثة ( الاندودرم و الميزودرم و الاكتودرم ) .
2. الانسجة الضامة Connective Tissues وتنشأ من طبقة الميذودرم .
3. الانسجة العضلية Muscular Tissues وتنشا من طبقة الميزودرم .
4. الانسجة العصبية Nervous Tissues وتنشا من طبقة الاكتودرم .
وهناخد كل نوع من الانسجة في سلسله من البوستات متقسمة الي أجزاء علي الصفحة باذن الله .
طيب الأول اية هي الطبقات الجرثومية دي ؟!
طبعا كلنا عارفين ان بعد تخصيب البويضة الناضجة ripe egg بالحيوان المنوي s***m بتتكون خلية مخصبة بيعترف باسم الزيجوت zygote بينقسم الزيجوت دا انقسامات عديدة لتكوين مجموعة من الخلايا اللي بتتميز الي ثلاث طبقات جرثومية Three germ layers وهي :
1- الاكتودرم ectoderm وهي الطبقة الخارجية للجنين .
2- الميزودرم mesoderm وهي الطبقة المتوسطة .
3- الاندودرم endoderm وهي الطبقة الداخلية للجنين .

-Liver⚡️
- Masson's Trichrome stain💜

-Re**um 👻
-Mayer's hematoxylin 💜

فولو👋

Cutting 😍😍