روضة ارتقاء القرآنية المطورة - أم درمان الواحة شرق

أطفال ارتقاء .. تصوير مع الكعبة المشرفة وبملابس الإحرام

بتربي أولادك ولا بترعاهم؟!
إعداد: الفريق التربوي بروضة ارتقاء القرآنية المطورة _ أم درمان الواحة شرق

حصل لاقاك زول قال ليك أنا ربيت أولادي أحسن تربية ووفرت ليهم أحسن حياة لكن ما نفع فيهم؟في خلط كبير بحصل عند كتير من الآباء والأمهات تلقاهو بيهتم برعاية أطفاله وقايل نفسه بيربي فيهم
الفرق كبير بين (رعاية) الطفل و(تربية) الطفل

الرعاية أنك تهتم بأسباب العيش الكريم، زي المأكل والمشرب، والمسكن، والملابس

أما التربية فهي بتركز على شخصية الطفل

التربية مبنية على خمس قواعد:
أولاً: بناء القناعات ، ودي بتشمل : العقيدة ، المبادئ والقيم، الأخلاق، الطموحات في الحياة ..
ثانياً: توجيه الاهتمامات ، ودي معناها أنك تعرف اهتمامات طفلك والحاجات اللي بتشغل وقته وتعيد تقييمها وتصحيحها وتوجيهها الوجهة السليمة

ثالثاً: تنمية المهارات ، ودي معناها تطوير الطفل وتدريبو على أنواع المهارات المختلفة بكل أنواعها ، مهارات عقلية ، اجتماعية ، بدنية ، مالية ، إدارية

رابعاً: فهم قواعد العلاقات ، توريهو يصاحب منو ويخلي منو ، متين العلاقة بزول بتكون مفيدة ومتين بتكون مضرة، متين يقرر يتخلى عن علاقة ، كيف أحمي نفسو من وسط مسموم أو مجتمع فيهو خطورة عليهو

خامساً : اختيار القدوات ، تفهم ولدك منو هم قدواته في الحياة؟ سواء قدوات تاريخية أو معاصرة، وليه يعتبرهم قدوات ويحاول يقتدي بيهم أساساً؟ والمعايير شنو اللي خلتهم قدوات؟ ومنو القدوات اللي بقتدي بيهم في كل صغيرة وكبيرة والقدوات اللي بقتدي بيهم في مجال معين بسدي قواعد التربية الخمسةوبعد تبذل كل جهدك وطاقتك في تربية طفلك ورعايتو ما تنسى تدعي ليهو دايما بالهداية والرشاد ..
إنت أبذل الأسباب والتوفيق من الله

ولدك عندو لوز ولا ملاريا؟
@أبرز المعجبين

نشاط تركيب الأحرف والمطابقة البصرية الحركية باستخدام قطع تركيب (Puzzle) - طلاب براعم
يُعتبر من أنشطة التعلم باللعب
● فوائد النشاط:
١. تنمية الوعي بالحروف
٢. تقوية التآزر البصري الحركي
٣. تنمية المهارات الدقيقة لليد
٤. التدرب على اللعب الجماعي