د.مَـاهِـلْ مُــحَـمَّـــدْ - Dr.mahel Mohammad

📌إعادة نشر
السلام عليكم ورحمة الله وبركاته
حديثنا اليوم بإذن الله عن التدخين ونبدا البوست ب:
🔷مكونات السيجاره:
المادة الأساسية هي التبغ (to***co) وتتكون من عدة مواد:
▪︎المعادن: مثل النيكل والرصاص والكروم وغيرها من المعادن
▪︎العناصر المشعة: اليورانيوم
▪︎ واهم مادة وهي ام المصائب كلها ( النيكوتين)

🔷 ثانيا التدخين:
▪︎ ليه بتدخن؟! عشان زهجان صح وعشان مكتئب وحزين وعايز تستكين وتظبط الكيف صح
بس على فكرة دي حقيقه لانو النيكوتين هو أفضل دواء لعلاج الاكتئاب
The best anti stress , it's short actin
عشان هي حاجة بتشتغل بسرعة وبتدي مفعول لحظي وبتخليك تشعر بالراحة
انت عارف لما الشخص المدخن ده يتعرض لى ضغط عصبي او اكتئاب نسبة النيكوتين عنده بتقل فلازم يعوض النقص ده فبشرب سيجارة فلما يصل النيكوتين لى نسبة معينة هو كده بحس بالراحة خلاص، فلذا المدخن يعامل معاملة المدمن ، وعلى فكرة المدمن دي مش شتيمة لا ، الإدمان مرض فلازم تمشي لى دكتور تتعالج والا هتروح في داهية

وقلت عليه مدمن عشان القاعدة في الطب انو اي مادة بتعمل مستوى في الدم يعد متعاطيها مدمنا ، والنيكوتين في الطبيعي عندنا زيرو بمجرد ما الشخص يبدأ يدخن تزيد نسبة النيكوتين عنده وكل ما تنقص يحس بالاكتئاب وعدم الراحة ويحتاج إلى رفع نسبته في الدم ، عشان كده بتلقى الواحد مع كل استريس بولع سيجارة ، وهو لا يعلم نهاية هذه القصة الوخيمة!

🔸 طيب مشكلة التدخين شنو!؟
▪︎ تغيرات في الشرايين

▪︎الدخان الخارج : ومعظم الأبحاث الجديدة تعتبر الدخان هو العنصر الأساسي في معظم المشاكل الناتجة عن التدخين ، ممكن يعمل مشاكل في الرئة ، يضيق الشعب الهوائية ويعمل انتفاخ في الرئة ، وكمان الدخان ده بيصل الدم وبيتنافس مع الأكسجين اللى في الدم وبيتغلب على الأكسجين وبيقعد مكانه وبكده نسبة الأكسجين هتقل ودي مشكلة كبيرة

▪︎التدخين السلبي:
إحصائيات منظمة الصحة العالمية بتقول انو 8 مليون شخص سنويا يتوفون بسبب التدخين منهم 1.3 مليون شخص غير مدخنين بل تحصل ليهم حالة الوفاة بسبب التدخين غير المباشر

▪︎كذلك من مشاكل التدخين هي النيكوتين كما قلنا قبل كده عن خطورته ، وهو السبب الرئيسي للسرطان بسبب التدخين

على فكرة كلنا عندنا مادة مسرطنة في دمنا بس غير نشطة فلما يدخل النيكوتين الدم بنشطها وبتسبب السرطان في معظم أجزاء الجسم

▪︎ التدخين يؤدي إلى مشاكل وأمراض كثيرة مثل:

_ فشل القلب وأمراض في الشرايين التاجية وكذلك ممكن يؤدي إلى موت القلب المفاجأة
( sudden cardiac arrest )

_مشاكل في الدماغ ( stroke) وكذلك ممكن يؤدي إلى ضعف الذاكره

_ تصلب الشرايين ( atherosclerosis )

_ وممكن التدخين يؤدي إلى مشاكل في الأخصاب وممكن يقلل جودة الأخصاب في كلا الجنسيين

_ وكذلك بيعمل مشاكل في العين مثل:
اعتلال الشبكية السكري
Diabetic retinopathy
الضمور البقعي
Macular degeneration

وكذلك التدخين عرضة للمياه البيضاء في العين
Cataracts

↩️هيجي واحد وهيقول : مافي ناس بتدخن عادي وما عندهم الكلام اللى انت بتقوله ده ؟!

هو ده المنطق؟ ولا نحنا لازم نرجع للأصل في العلم ؟
القاعدة : الأصل في العلم أقوى العلاقات العلمية هي العلاقة الاحصائيه

تجد كثير في البحوث والدراسات العلمية الحديث بالنسب ، ولمن تلقى حقيقة علمية طبية انو 85% من المدخنين بيحصل ليهم سرطان في الرئة، هتقول ما في 15% ما عندهم ؟ هو ده منطق!؟
يعني مثلا لو قلت ليك اقطع الظلط ده وانت مغمض عينيك بس انت قطعت عادي وما حصل ليك اي حاجة ولا في عربيه هبشتك ، بس هو ده كده الصح ولا الأصل انو الشي ده معرض للخطر!؟ وعلى ذلك فقس .

وفيما يلي صورة توضح الفرق بين الرئة السليمة ورئة لشخص مدخن:

المعروف ان البوتاسيوم ( K) لما يدخل الخلية بيعمل hyperpolarization، ما عدا حالة واحدة بس في الجسم كله، لما يحصل k influx بيحصل depolarization

متي يحصل ذلك؟ 🤔

منتظر اجاباتكم🌼 القاكم في خير 🌹


✨

🔗مواصلة لشرح الجنرال فارما
هنتكلم انهاردة عن مراحل ال metabolism
أهم واحدة في phase 1 هي ال oxidation في ال liver
موجود vesicles جواها حاجة مهمة cyto. p450 ودي عبارة عن إنزيمات كتييير تحول ال drug ل water soluble
ملحوظة ال liver مش هو المكان المكان الوحيد لل oxidation
أهم واحد في عيلة ال cyto. P450 هو ال cyp3A4 مسئول عن أكسدة ٥٠ % من الأدوية
ممكن نلاقي طفل عنده genetic disorder في الانزيمات دي بس مش هتكون مشكلة إلا لو cyp34A هو اللي مش موجود عشان دا أهم واحد
عندنا ادوية بتزود نشاط الإنزيمات دس عشان كدا هنسميها microsomal enzyme inducer
وأدوية تانية تعمل inhibition واسمها microsomal enzyme inhibitor
Phase 2
لو الدواء منفعش معاه المرحلة الاولى oxidation بيدخل المرحلة التانية ويحصله conjugation ويمسك مع حاجة تانية تكون water soluble زي glucioronic acid ويدخل على ال bile وبعد كدا ال intestine

فيه حاجة تانية اسمها first path metabolism ودي بنقولها لو الدواء حصله metabolism قبل ما يوصل لل systemic circulation
الجزء اللي بيوصل سليم لل circulation بيكون اسمه bioavailability

في البوست القادم بإذن الله تعالى نواصل في الشرح
دمت بخبر🌸




🌷

السلام عليكم ورحمة الله وبركاته
عساكم طيبين🌺

📎استفسار بسبط
بالنسبه لبوستات الشروحات، حابينها تنزل الساعة كم؟
📎ايام النشر:
الأحد فارما
الثلاثاء باثو
الخميس فسيو

السؤال التاني حابين نضيف ماده تانيه؟ ولو تمام عايزنها شنو؟

بالتوفيق لينا جميعا يارب العالمين ♥️🌺


🌸

مواصلة لشرح الفسيولوجي، و هنتكلم اليوم بمشيئة الله عن :

🔗TRANSPORT
هنعرف مع بعض كيفية انتقال المواد من خليه الي أخرى، وهل في عوامل بتأثر على انتقالها؟ وماهي طرق الانتقال؟ ده هنعرفه في الكلام الجاي ده بإذن الله.

🔹Types of transport

عشان المواد تعبر غشاء الخلية، ليها عده طرق بتعبر بيها الغشاء، وكل طريق ليه مواد معينه تعبر بيه.
1⃣Diffusion:
واللى هو الانتشار، وليه خصائص:
1. اول خاصية المادة اللى هتعبر غشاء الخلية، لازم تكون منتقلة من تركيز أعلى إلى تركيز اقل، ولذا نقول النوع ده من transport بيكون (with gradiant)
_ لو كانت المادة المتنقلة دي (أملاح) نقول:
concentration gradiant
_اما لو كان غاز منتقل من تركيز أعلى إلى تركيز اقل، نقول :
pressure gradiant
_وممكن تكون أيونات، من +ve إلى - ve، بنقول :
electrical gradiant
واحيانا يكون ايون منتقل من الموجب إلى السالب وفي نفس اللحظة جاي من تركيز أعلى إلى تركيز اقل، يعني اجتمع فيه اتنين فنقول :
Elctrochemical gradiant
2.تاني خاصية من خصائص diffusion، انه لا يتسهلك طاقة "Not ATP"
3. تالت خاصية لا يحتاج إلى carrier
4. ولذا يقال عليه (passive)

🔹Factors affecting:
العوامل التي تؤثر على diffusion كثيرة نذكر بعض منها، وهنقابلها كتير في البوستات القادمة ان شاءالله، و نقسم العوامل على نوعين، نوع بأثر تأثير طردي (direct proportional)، كل مازاد بيزيد الانتشار، ونوع بأثر تأثير عكسي (irreverselly) كلما زاد بيقل الانتشار
A. Direct proportional:
1. Tempreture
2. Concentration "تركيز"
3. Area of the cell membrane

B. Irreverselly:
1. The thikness of the cell membrane.
2. Melocular size

🔸Types of diffusion

1. Simple diffusion "SD":
يعني انتشار غير مُسَاعد، يعني لا يحتاج إلى "carrier"
المواد اللى هتعدي بالنوع ده ليها تلاتة طرق:
_ يا اما تعدي من خلال lipid substance نحنا لما اتكلمنا عن cell membrane قلنا من المكونات فيه لبيد، في مواد بتعدي عن طريق انها تذوب في الدهون، بس ما كل المواد، فقط المواد اللى هي "lipid soluble" المواد اللتي تذوب في الدهون فقط، زي (O2)
_الطريقه التانية انها تعدي عن طريق "protins channel" ولو نتذكر في بوست cell membrane برضو لما اتكلمنا عن المكونات ذكرنا منها ptns channel وقلنا من وظائفها انها بتساعد في transport ، وبرضو ما كل المواد التي تعدي من خلال هذا الباب، المواد التي تعدي وهي :
Lipid insoluble لا تذوب في الدهون
Water soluble تذوب في الماء
Small Melocular weight لازم تكون صغيرة الحجم عشان الممرات صغيرة
والمواد دي ذااتها بيحصل ليها فلترة، ما كلها هتعدي، بندخل على حاجة تسمى
"selective permeability" النفاذية الاختيارية
يعني القنوات دي هي تختار تعدي شنو وتخلي شنو؟ حتى المواد المتوفرة فيها كل الصفات
ناخد مثال (ions) الأيونات لا تذوب في اللبيد ولكنها تذوب في الماء وفي نفس الوقت صغيرة الحجم بس في النفاذية الاختيارية، "diameter" في ايونات بتكون محملة بالماء فبيصعب مرورها، وكذلك "shape" لازم الأيونات تكون بشكل معين عشان تعدي، واخر حاجة "charge" لو شحنة الايون موجب والممر سالب هيعدي ولو الايون سالب والممر سالب لا يعدي.
القنوات دي في منها ليها أبواب " gating channels" والبوابة دي نوعين:
١.voltage gated
يعني لما المادة تمسك في البروتين ده بيجيها إشارة كهربائية وتفتح وتقوم تعدي المادة
٢.ligand gated
بوابة بتفتح بالمفتاح، فاكرين peripheral ptns في بوست cell membrane، الماده بتمسك في البروتين ده فبيكون هو زي المفتاح بيفتح القناه عشان الماده تعدي.
ونوع تاني من القنوات ليس له بوابة "non gating"

وفي مواد بتعدي من خلال
ptns channels & lipid substance
زي H2O and H2O soluble، بس نحنا عارفين ان الماء والزيت لا يلتقيان بس كيييف دي!!؟
نضرب مثال بالرصاصة، الرصاصة لما تمسكها في يدك وتضرب بيها الحيطة هل هتقفذها؟ لا طبعا، لكن لمن تختها في مسدس هتقفذ صح؟ لما لقت قوة وطاقه ومرت بسرعه، بنفس الفكرة المواد هتعدي كده.

نقف عند هذا الحد ونواصل في البوست القادم ان شاء الله.



🌷

بسم الله نبدأ، اول بوستات الجنرال الباثولوجي

🔗Indroduction

🔹The father of modern pathology is Rudlph virchow
هذا الرجل الألماني (ينطق رودولف فيرشاو) هو أول من اكتشف علم الباثولوجي، اكتشف المرض بيعمل تغيرات في خلايا الجسم فبالتالي يمكن تشخصيه
(All disease are results of visible cell abnormalitis)
وتشخيص المرض يا اما بالعين المجرده (Grossly) او التشخيص تحت المايكروسكوب ( microscopically)

🔹وزي ما ذكرنا ان الباثولوجي هو من خلاله بيتم تشخيص الأمراض، وأنواع التشخيص زي ما ذكرنا :
1⃣Gross examination
بمعنى انت بتشوف العينه، وايه التغيير الحصل فيها وتقدر تحدد المرض ده شنو؟
كيف نعرف المرض من خلال :
-size العينة المعاك دي هل ده حجمها الطبيعي ولا مختلف
-shape هل حصل تغيير في الشكل ولا لا
-Color واللون برضو متغير ولا لا
-consistency
نشوف العينه دي (soft, Hard, firm)
-cut section لما نجي نقطع جزء من العينه كيف بيتقطع، طبيعي ولا هيكون في كلام؟
2⃣Microscopic examination
بعد ما حددنا نوع المرض شنو ومكانه وين بنشيل عينة (tissue) ونختها تحت المايكروسكوب، والعينات ما لازم تكون جزء من tissue فقط ممكن تكون عينات من الاتي، وعشان نشوف الخلايا النازلة في:
1. Blood
2. Urine
3. Stool
4. Slaiva (لُعاب)
5. Swab (مسح)
وفي انواع تانية هنمر عليها ان شاء الله

🔹 الباثولوجي بيهتم بدراسة:
1. تعريف المرض
2. Pathogenesis
بنعرف كيف المرض بدا وماهي التغيرات التي تحصل في الجسم والأعراض

مثلا
(جرثومة المعدة)
هنعرف كيف البكتريا دخلت جسم الإنسان وكيف قدرت تعمل لينا المرض ده.
3. Copmlications
يعني المضاعفات
4. Fate
المرض ده هينتهي بى شنو؟
هل بيحصل ليه Resolution بيختفي تماما ولا بيستمر، ولما يستمر هل هيؤدي للوفاة اما ينتهي بمرض اخر؟

دي كلها هنعرفها مع بعض بإذن الله تعالى في مقبل الايام.

🔹 نحنا في الجنرال المواضيع اللى هنتكلم عنها هي:
1.inflammation "الالتهاب"
ونعرف انو الالتهابات دي ذاتها انوع وما هي اسباب الالتهابات دي، وكمان هنعرف ان معظم الامراض في الجسم ليه علاقة بى inflammtion

2.cell injery "إصابة الخلية"
ونعرف مع بعض انواع "cell injery" ، وهنعرف يعني ايه necrosis موت الأنسجة او مجموعة من الخلايا، ويعني ايه apaptosis موت خلية بنظام معين.

4. Repair
هنعرف كيف الجروح بتلتئم، ولو العظم اتكسر كيف بيرجع تاني.
والالية بتاعته، وايه المضاعفات من repair

4. Circulatory disorders (Hemodynamics)
مجموعة أمراض بتحصل في الدورة الدموية

5. Infectious diseases
الأمراض المعدية زي السُل والبلهاريسيا ... الخ

6. Growth disturbance
هنا المدخل لكيف الأورام بتحصل

7. Neoplasia
هنعرف اول شي ايه الفرق بينها وبين التهابات، ومقدمة شوية عن Tumors وهنعرف الأورام منها حميده ومنها خبيثه (cancer)




🌷

مواصلة لشرح الجنرال فارماكولوحي موضوعنا اليوم عن :
🔹 metabolism of drugs
اللى معناه biotransformation (التحويل الجزيئ)
بالمعنى البسيط تكسير الدوا داخل الجسم عشان يخرج من الجسم بعد ما أدى وظيفته، يتحول من مادة إلى أخرى والمادة الأخرى دي ليها عدة احتمالات هنعرفها بعد شوية.

☑️عشان اي drug يدخل الجسم لازم يكون lipid soluble وعشان يخرج منه لازم يكون water soluble أو polar

▪️ the liver is the major site of metabolism
بس ممكن يحصل في ال lung او ال kidney عادي
وفي الأماكن دي الدوا بيخرج من الجسم عن طريق الاحتمالات الاتية ، زي ما ذكرنا فوق :
✔️يتكسر ويبقى inactive
✔️يفضل active زي ما هو
✔️يتحول من inactive ل active
✔️يتحول ل
toxic compound
✔️يخرج من غير تحويلات

▪️Metabolism
بيحصل على مرحلتين
🔸 phase1
بيحصل عن طريق واحد من تلاتة:
1.oxidation (the most importan)
2.reduction
3.hydrolysis

1-oxidation
عن طريق. واحدة من تلاتة:
✔️cyto.P450
ودي أهم واحدة
✔️ xanthinne oxidase
✔️MAO

🔸Phase 2 synthetic

في البوست القادم ان شاء الله هنتكلم اكتر عن المراحل دي وبتفصيل أوضح بإذن الله تعالى

📌مواصلة لشرح الفسيولوجي💙

ندخل اليوم على موضوع جديد الا وهو
🔹Cell membrane:"غشاء الخلية"
ما يهمنا منه في الفسيولوجي، نعرف عنه شوية characters كده، وهو يحتوي على ايه ، ونعرف كيف المواد بتعبر من خلاله ، من برا الخلية تدخل جوا او العكس وهي ما تسمى بى transport.

🔻Characters of cell membrane:
1. Very thin
2. Elastic
وطبعا لابد من ان يكون مطاط عشان الخلايا دائما في حالة تعرض للضغط.
3. Dynamic:
كل خلايا الجسم الغشاء بتاعها في حالة حركية عدا اثنين :
Nervous cell and muscles cell
4. Semi permeable:
بيسمح بمرور مواد ولا يسمح لبعض المواد بالمرور، فما ينفع نقول انه freely permeable كده في مواد ما ينفع تعدي وهتعمل لينا مشاكل، ولا ينفع نقول انه Not permeable عشان كده الخلية هتموت

🔻Composed:
(الرقم السري بتاعنا هو 2 اي حاجة هنتكلم فيها في نقطتين🫠)

1️⃣ Lipid(phosphorus 25%,cholesterol)

وزي ما قلنا الرقم السري بتاعنا هو 2 ف Lipid موجود على cell membrane على طبقتين " bilayer"
1. طبقة عبارة عن " phospholipid"
- نعرف عنها (معلومتين)😉 :
١. الطبقة دي " amphopathic" لأن لها طرف بحب الماء وطرف تاني كاره للماء.
٢. وكمان الطبقة دي وظيفتها انها مسؤولة عن " flexibility " هي اللى بتخلي cell membrane مرن.

- وهذه الطبقة تتكون من جزئين (الرقم السري ها🌚)
▪︎ الجزء الاول: "Head" والجزء الثاني: "Tail" في الحقيقة هما 2 tail و 1 Head ، لو عاوز اشبه ليك شكلها عامل كيف ، شايف دي (🎗️) انا جايب ليك رمز تقريبي عشان أوضح ليك الشكل ، الطبقة دي بتكون بنفس الشكل ده مترصصة جنب بعض، وكمان هنزل ليكم صور توضيحيه اكتر.
هتكلم عن Head & Tail في شكل مقارنة عشان ترسخ المعلومة اكتر ، تخيل معاي ان الخلية دي زي الكورة كده يعني ليها فراغ داخلي وفراغ خارجي وفاصل بيناتهم الغشاء، الفراغ الداخلي فيه ماء والخارجي كذلك( نرجع بالزمن كده لأول بوست لينا ونفتكر حاجة ، الموية الجو الخلية دي هي ICF واللى الخارج الخلية هي ECF بس عشان نكون رابطين الموضوع على بعضه كده) ، متفقين معاي ان Head & Tail زي الفيونكا دي (🎗️) بس هم مترصصين فيونكا فوق وفيونكا تحتها يعني التيل بتاع الفوق ملتصق مع التيل بتاع التحت، والهيد متجه على الناحية البرا (هيد متجه على الفراغ الداخلي (ICF) وهيد متجه على خارج الخلية (ECF) فهنقول على التيل داخلي (بالنسبة للغشاء ) والهيد خارجي (بالنسبة للغشاء) الاتنين هيد متجهين برا والتيل داخلين جو ، وضحت؟!

▪︎نجي للوصف بتاعهم:
- Head : " Exterior" , Tail: "interior"
- Head " hydrophilic " محب للماء , Tail " hydrophobic" كاره للماء
الهيد محب للماء عشان كده متجه على الاتجاه اللى فيه الماء جو الخلية وبرا الخلية، والتيل بيكره الماء فعشان كده متجه على داخل الغشاء، فعشان كده هذه الطبقة نقول عليها (amphopathic)، وقعت؟!🫡
- Head, in it "PO⁴-" so it " charged" يحمل شحنة
- Tail , in it "Free faty acid" so it "uncharged" لا يحمل شحنة
كده اتكلمنا عن الطبقة الأولى من Lipid، ندخل على الطبقة الثانية وهي
▪︎ Cholesterol
نعرف عنها حاجة واحدة بس وهي انها مسؤولة عن "Touphnes" ، غشاء الخلية ده ما هو مرن للنهاية ولا هو صلب للنهاية ، فهو فيه الصفتين ، المرونة مسؤولة عنها طبقة " phospholipid" والصلابة مسؤولة عنها " cholesterol".

2️⃣Proteins
وده الجزء active في غشاء الخلية ويمثل 55%
- فاكرين الرقم السري🌚، البروتين في غشاء الخلية (نوعين)
1. Integral
وسموه كده عشان ماخد الغشاء كله على بعضه (عرضي وليس على الطول)
النوع ده ليه (وظيفتين) :
- channel : قناة بتمرر المواد من برا الخلية إلى جو والعكس
- carrier: هنعرف تفاصيل اكتر قدام ان شاء الله
2. Peripheral
قد يكون ماسك على الغشاء من ناحية جو الخلية وده بيكون "Enzymes" او من ناحية برا الخلية وده "Receptors"

3️⃣carbohydrates (CHO)
عبارة عن (نوعين) وليها (وظيفتين)
- أما تكون متحدة مع البروتين فتسمى "Glycoprotin" او متحدة مع اللبيد وتسمى " Glycolipid"
- its functions:
1. Recognition :
هو ده الجزء المسؤول عن التمييز بين الخلايا وده اللى بخلى جهاز المناعة يعرف ان دي خلية ما جسم غريب
2. Adhesion:
طبعا دي بتكون ماسكة مع بعضها البعض ، والجزء اللى بيعمل التماسك ده هو الكربوهيدرات

📌N.B:
Cell membrane = fluid Lipid With floating proteins and CHO.
يعني غشاء الخلية المكونات بتاعته دي مش اي حاجة قاعدة براها كده، لا ده سائل من اللبيد (tail not head) + عايم فيه البروتين والكربوهيدريت ، وبسكده😉🌚

🌹ولغاية هنا نكون قد وصلنا إلى نهاية البوست ، ونواصل في قادم الأيام بإذن الله 🌹




🍂