Zafar Training Center

24/08/2026

وُلِدَ النُّورُ… فكانَ رحمةً للعالمين ﷺ

في ذكرى مولد النبي محمد ﷺ، نستحضر سيرةً لم تكن عظمتها في الكلمات وحدها، بل في أثرها؛ في الرحمة، وحسن الخُلق، والأمانة، والإحسان

نسأل الله أن يجعل لنا من هديه نصيبًا، ومن خُلقه قدوة، ومن أثره ما يجعلنا خيرًا لأنفسنا ولمن حولنا 💙

22/08/2026

📌 في مركز ظفر للتدريب، مستمرين بشغف في
تمكين الكوادر وإثراء المؤسسات

​بدأنا رسمياً المرحلة الثانية من البرنامج التدريبي

جلسة اليوم مع الخبيرة مروة Marwa Mohammed
وهي بتفكك لينا مفاهيم الـ Commercial Strategy & Market Intelligence

وتفاصيل المزيج التسويقي الحديث (7Ps & Marketing Mix) وكيف بنقدر ننقل العمليات من مجرد
بيع تقليدي لتواصل وتأثير استراتيجي في السوق الصيدلاني🎯

​في مركز ظفر، بنؤمن إنو الاستثمار في العنصر
البشري هو السر الحقيقي للتميز المؤسسي والنمو
المستدام🤝

​كل التحية لفريق داوينا على التفاعل والشغف العالي، ومكملين مع بعض نحو نجاحات أكبر 👌

​شاركونا في التعليقات:
شنو أكثر محور بتشوفوه بيصنع الفارق في
الاستراتيجيات التجارية للشركات؟ 👇

​

21/08/2026

خطوة جديدة ومميّزة بالتعاون مع مجتمع SAFE

​بنحَضّر لورشة عمل مختلفة وتجربة تفرق معاكم كتير في رحلة التعلم والتطور

​ تفتكروا موضوعنا المرة دي عن شنو؟

اكتبوا توقعاتكم في التعليقات وخليكم مستعدين للكشف عن التفاصيل قريباً 👀

🚨 حاجة كبيرة جاية! 👀✨

SAFE Community متحمسين نعلن ليكم عن تعاون جديد مع ZAFRR! 🤝

لكن المرة دي… في حاجة مميزة بنحضّر ليكم فيها 👀🔥

ورشة جديدة، موضوع جديد، وتجربة جديدة للتعلّم والتواصل والنمو.

لكن قبل ما نكشف ليكم التفاصيل…

🤔 تفتكروا الورشة الجاية حتكون عن شنو؟

Drop your guess in the comments! 💬👇
خلونا نشوف منو حيقدر يخمن صح قبل الـ reveal! 👀

Stay tuned… Something BIG is coming! 🚀



https://www.facebook.com/share/1EgBGnDmUw/

19/08/2026

في حاجة جديدة بتحصل في ظفر…

والمرة دي الموضوع ما كورس جديد 👀

في جهة مهنية بنحترم تجربتها، واشتغلنا معاها
على خطوة جديدة تخص المحاسبين والمهنيين
السودانيين في القاهرة 👌

اسمها؟
لسه ما حنقول 😏

ب نقول ليكم حاجة واحدة...

لما التدريب يلتقي مع ناس عايشة المهنة من جوّا…
الحكاية بتكون مختلفة

استنونا…
والناس الشاطرة حتعرف الجهة قبل ما نعلن عنها 👀

تفتكروا منو🤔

19/08/2026

لن نختار مصمماً عادياً... ✋
طالما يمكننا إيجاد مصمم مجنون يمتلك القدرة
على جعل الصور تتكلم🔥

​لو أفكارك برة الصندوق وتصميماتك ليها
صوت وروح.. مكانك جاهز في فريق
مركز ظفر للتدريب 👌

​📩 ورّينا جنونك الإبداعي وأرسل البورتفوليو فوراً:

📧 [email protected]

​

15/08/2026

الحاجة البتظهر ليك في النهاية…
وراها شغل كتير ما بتشوفو...✋

الصورة دي لاجتماعنا الصباحي في مركز ظفر
للتدريب، لكن الحكاية أكبر من مجرد اجتماع

كل قسم عندو شغلو، وكل زول عندو مسؤوليتو، لكن في النهاية كل الطرق بتتقاطع في حاجة واحدة:

📌تجربة المتدرب

شنو محتاجين نحسّن؟
شنو ممكن يتعمل بصورة أحسن؟
وين في تفصيلة محتاجة متابعة؟

لأننا ببساطة ما دايرين الشغل يمشي وبس…
دايرنو يمشي صاح 👌

وده جزء من الشغل اليومي لفريق كبير، يمكن ما بتشوف مجهودو كله، لكن بتشوف نتيجتو في التفاصيل🤍

في رأيك: شنو أكتر حاجة بتخليك تحس إن المكان
البتتعلم فيهو مهتم فعلًا بتجربتك؟

13/08/2026

المحاضرة لسه ما بدأت…
لكن الناس بدأت من بدري 😂

واحد فاتح اللابتوب،
واحد مرتب ملاحظاته،
واحد مجهّز قهوته،
وواحد واضح إنو داخل المحاضرة وكأنو
عنده ثأر قديم مع التسويق 😭😂

أجمل حاجة في البدايات؟
إنك ما بتعرف لسه الحكاية حتنتهي وين…
لكن بتعرف إنك قررت تبدأ

وده جزء من شكل الاستعداد اليومي
للطلاب للمحاضرات في

الدبلوم الاحترافي للتسويق عبر منصات
التواصل الاجتماعي 🔥

دفعة رهيبة شديد وناس مزاجيين خالص لازم
يظبطو الجو أولا 😂😂

ودي طبعاً امور ناس البزنس التقال ذااااتها🤣🤣

طيب إنت؟
لمن تكون داخل على محاضرة مهمة…
شنو طقس التجهيز البتعملو تلقائياً؟ 👀☕💻

12/08/2026

في كورسات بتخلصها…
وفي كورسات بتخليك تقول

ياخ أنا كان لازم أبدأ ده من زمان 🔥

ودبلوم التسويق الاحترافي عبر منصات التواصل
الاجتماعي دخل مرحلته الفعلية…

والناس البتشوفهم في الصور ديل هم المدربين
القاعدين يصنعوا التجربة من جوّا 👏🏽

وكمان نقول ليكم حاجة أهم من الأسماء:

التسويق ما بتتعلمو من شخص واحد ✋

لأنك محتاج تفهم كيف تفكر كمسوّق، كيف
تبني استراتيجية، كيف تقود، وكيف تحول المنصات
من مجرد وجود إلى نتائج 👌

وعشان كده، الدبلوم جمع خبرات مختلفة:😍

🔹 Marwa Mohammed
CEO / Founder

🔹 Montasir Dahab
Digital Marketing Consultant

🔹 Rashid Shaweesh

Leadership & CIM Instructor

كل واحد داخل التجربة من زاوية مختلفة…
لكن الحاجة المشتركة بينهم إنهم ما قاعدين يقدّموا
للطلاب معلومات محفوظة من كتاب

هم قاعدين يشاركوا معرفة وتجارب وأسئلة من الواقع

وده تحديداً الفرق بين إنك تتعلم:
كيف أنشر؟🤔

وبين إنك تتعلم:
ليه أنشر؟ لمين؟ بأي رسالة؟ وبأي هدف؟
وكيف أعرف إنو الشغل ده نجح؟

🔥 وهنا بتبدأ عقلية المسوّق الحقيقي
الدبلوم شغّال… والرحلة مستمرة
وبصراحة؟

أجمل حاجة في أي برنامج تدريبي ما هي القاعة ولا الشهادة…
إنك تطلع منو بعقلية مختلفة عن العقلية البديت بيها 👌

11/08/2026

الحماس، الشغف، وبداية رحلة الاحتراف

​لقطات من البداية القوية لـ الدبلوم الاحترافي
للتسويق عبر منصات التواصل الاجتماعي
في مركز ظفر

​الأجواء في المحاضرات الأولى كانت مليانة
طاقة وتفاعل استثنائي من الطلاب وهم بيبدو
أول خطوة في موديول أساسيات التسويق وربطها بالسوشيال ميديا

فخورين جداً بوعي وشغف الدفعة دي، وجاهزين
لدعمهم خطوة بخطوة عشان يغيروا تفكيرهم
التسويقي ويقودوا السوق بثقة

​بالتوفيق لكل أبطال دفعتنا الجديدة💥

​
#شغف

10/08/2026

📌 المتدرب ما بحتاج مركز يديهو كورس وبس…
بحتاج مكان يحس فيه إنو طريقه تعلّمو كمان مهمة

وده بالضبط الفرق البتحاول Zafar Training Center تصنعو في تجربة كل متدرب

في شهادتها عن تجربتها مع المركز، ما اتكلمت بس عن محتوى الكورس…

اتكلمت عن مدرب فاهم المادة وعارف يوصلها،
وعن أسئلة بتلقى مساحة للإجابة مهما كانت بسيطة،
وعن اهتمام إنو كل مشارك يفهم بالطريقة المناسبة ليهو

واتكلمت كمان عن حاجة مهمة جداً:

التجربة ما بتنتهي بانتهاء المحاضرة 🤍💙

طريقة التواصل، سرعة الاستجابة، المعلومات
البتوصلك في وقتها، والعلاقات البتتكوّن مع ناس
عندهم نفس الاهتمامات والطموح…

كلها تفاصيل صغيرة، لكن هي البتعمل الفرق في النهاية.
وعشان كده، لما المتدرب يقول:

شجعتني أواصل دراستي معاكم

دي بالنسبة لينا ما مجرد شهادة رضا 👌

دي علامة إنو التجربة كانت عند مستوى الثقة 💙

في ظفر، هدفنا ما إنك تحضر الكورس…
هدفنا تطلع منو وأنت حاسس إنك
اتقدمت خطوة حقيقية
لو جربت التدريب معانا قبل كده،

شنو أكتر حاجة فرقت معاك في تجربتك؟ 👇🏽