زنقة امتحــــــــان

رجعنا خليكم قراااب 💛💛🌻

💛🌻

السلام عليكم..
حمدلله على سلامة كل ممتحن وربنا يرزقكم النسب الفي بالكم ي رب💙☺ وتتفوقوا وتكونوا دايما وابدا في العُلا ي رب❤🌹
ما تنسونا من صالح الدعوات .
ان شاء الله ربنا يسهل ونجهز لي الدفعة الجاية برنامج ظريف شديد عن الاجازة والاستفاده منها..


❤🌹

⭕ نصايح لطلاب الشهادة الثانوية :

⭕ لا تتجاهل أي سؤال، وحاول الإجابة عن جميع الأسئلة طالما هناك وقت متبقٍ.
⭕لا تحاول الإجابة عن الأسئلة بطريقة غير منطقية أو أن تكون إجاباتك تنطوي على تناقضٍ علمي؛ لأنّها قد تفوّت عليك درجات الإجابات الصحيحة.
⭕إذا تعثرت في أحد الأسئلة، لا تتردد في الانتقال إلى سؤال آخر، ثم قم بالعودة إليه لاحقاً.
⭕الامتحانات ليست مصممة للإيقاع بك وخداعك، فلا داعي للذعر يوم الامتحان، فهذا الشعور سيكون منهكاً وسينعكس سلباً على إجاباتك.
⭕أقنع نفسك أنَّك تعرف كيفية الإجابة عن الأسئلة حتى تتمكن من ذلك بالفعل.
⭕اقرأ كل الأسئلة بعناية و تحقق من أجوبتك بشكل كامل..
و بالتوفيق للجميع ❤🌹

دوس لايك عشان نصل لاكبر عدد والناس تستفيد ❤🙏

صدقني ماافي زول ح تهموا صحتك النفسية اللي هي ممكن تأثر ع صحتك الجسدية غيرك انت
فأي حاجة بتضايقك وتخليك تفكر بي كأبة كتير وسلبيه وتكسر ثقتك بنفسك او بتحسسك احساس م حلو ابعد عنهاا
عليك الله استغني عن كل حاجة بتأذيك حتي لو كانت إنسان ماا تستحمل شئ مامنو رجااء او فاايدة
اشتري سلامةة نفسك🤚🏽💛

البوست دااا بقدر ما هو طويل بس مفيد ❤👌
عشان نحن نتخلص من الملل وكل الافكار السلبيه البنمر بيها الفترة دي تحديداً اول حاجه غير نظرتك للأمور وخليها نظرة ايجابيه بمعني شوف الجانب الأخر من الموضوع ما تركز علي جانب واحد وتعمم عليهو زي فترة الحجر المنزلي بدل ما تقول نحن نفسياتنا تعبت بسبب الحبسه او الاخبار البنسمعها عن الفايروس ليه ما بتشوف انو الموضوع ده حصل لخير وخلال الفترة دي ربك عايزك تتقرب ليهو وتقوي صلتك بيهو وليه ما بتاخد الفرصة وتبدأ في انك تطور من نفسك ولو عندك مواد عايز تجيب فيها معدل عالي اعتبر دي فرصة جات لحدي عندك 💛..
الحاجات البتخلي نفسيتك تكون ما تمام صغر المشكلة مهما كانت كبيرة عيش حياتك طبيعي واتبع القاعدة دي في كل أمور حياتك وحاول انك تزيد من ثقافتك العامة اقرو كتب في ناس ح تقول بنزهج سريع زي حالتي كده😹😹✋🏽 الحل انك تخصص وقت محدد انك تقرا فيهو ممكن كل يوم ربع ساعة مثلا ممكن تحضرو دورات تدريبية اون لاين المهم ما تخلو الاجازة دي تعدي ساي كدة من غير ما تستفيد منها 💛..
من الحاجات البعملها وبتخليني مبسوطة اني بعبر عن مشاعري ما بكتمها جواي خالص بعبر عنها سواء كانت سلبيه او ايجابية ف ما تكتم مشاعرك حررها دلعو نفسكم انتي او انت اتريضو في البيت وين المشكلة خصصو وقت للرياضة كل يوم وزبطو نفسكم 💛..
ابدأ في كتابة اهدافك لو ما عندك هدف معين اقعد كده بينك وبين نفسك بمزاج شوف انت عايز تعمل شنو في الاجازة دي عايز تستغلها كيف واكتب في ورقة و طوالي اشتغل علي الهدف ده اجتهد وحقق الحاجات النفسك فيها واهدافك المؤجلة ابدأ اشتغل عليها وخلي عندك يقين تام بأن الله كل حاجة بيعملها بتكون لخير خليك متفائل دايماً وخلي بالك على نفسك شدييييد 💛..

صلاب الشهادة جاهزين للامتحانات 😴📚

❤☂

مساء الخير ❤️
كلننا محتاجين تحفيز وكلنننا م قادرين نقرا.. بس اها؟
يعني انت الليله م قادر تقرا عشان مزاجك ولا عشان نفسياتك واطه.. حتخلي القراية خلاص؟ وخصوصا لو انت ع اعتاب امتحانات سواء الشهاده السودانيه ولا الجامعات..
نصيحتي الأولى والأخيرة دائماً وأبداً القرايه م تربطها بالنفسيات.. نحن بشر وبطبيعتنا مزاجاتنا متقلبه ونوعا ما في شي بيخص الدراسه دااايما نحن م حابين نذاكر حتى ولو كان مزاجنا رايق.. ليه؟!
فاا بليز اضغط نفسك ع القرايه حتى ولو كان مزاجك م ظابط ( إلا في حالات تستدعي انك م تعمل شي فعلياً)..
في النهايه اختم كلامي الما حلو 😂❤️
بانو انت المتحكم في نفسك وفي قرايتك وفي اي شي بيخصك.. عندك الحريه في انو تقول انا نفسياتي مش ظابطه فما ح اقرا وتستحمل الحيحصل بعدين ولا عندك الخيار التاني تضغط نفسك وتجتهد وتنججح ❤☂🍂

‏ونعوذ بك من طول التمني وحرمان الوصول ، يارب ♥️.

ما فضل كتير لامتحانات الشهاده الثانويه ❤️
بعض النصايح إن شاء الله جزء اليوم وجزء بكره..
١. أبعد من التوتر الفتره دي ركز ع قرايتك وبس
٢. حافظ على قراءه ورد يومي من القرآن صباحا ومساء ترتب بيهو نفسك.. وكذلك بعض الأذكار اكثروا منها ذي الصلاة على النبي صلى الله عليه وسلم 💓.
٣. رتب مصادر دراستك.. يعني م تشتت نفسك الفتره دي كتير خليك عارف حتقرا شنو ومن شنو
٤. النصيحة الذهبيه اللماعه❤️😂
حل امتحانات كتير حل امتحانات كتيررر

سلامات سلامات ❤️
نتابع نصايحنا عن ممتحن الشهاده السودانيه :
١. أبعد منك المشتتات.. طبعا انا وانت/ي عارفين انا قاصده شنو ماف داعي نعيد ونكرر.. أبعد التلفون منك عشره مرات..
٢. اتغذى كويس.. أكل فواكه واشرب عصاير.. وأبعد من المشروبات الغازيه لانها بتسبب الخمول الذهني.. خلي اكلك موزون وظابط.
٣. خليك إيجابي الفتره دي قدر الإمكان.. ابعد٤من حو السلبيه وإنو ما فضل لي زمن اقرا وكللام ذي دة.. هل تعرف/ي انو بمجرد ما انت قلت كدة بجد انت م ح تنجز؟ ف عشان كدة حاول خليك في بيئه إيجابيه قدر المستطاع الفتره دي.
٤. صفي ذهنك كل يوم الصباح.. أول ما تصحى من النوم قول انو انا حافعل كذا وكذا وكذا.. يعني تكون حتعرف يومك فيهو شنو بالثانيه والدقيقه.. الحاجة دي مهمه عشان تقدر زمنك وبكده حتكون عارف عليك كذا وكذا
٥. خامس نصيحة... أرجع واقرا النصيحة الأولى تاني لأنها مهمه..
معلش ع الاطاله بس الموضوع مهم