منتدي خبراء السودان

علي قناة الجزيرة : بكري الجاك كان حصيف و موفق جدا في افادة حول تصنيف ما حدث في شرق الجزيرة بأنه جريمة حرب، فاجاب ان هذا الأمر رغم وضوح الانتهاكات الا انه يعتمد على تحقيق موسع حول توصيف هذه الانتهاكات وتكييفها
وهو أمر محل جدل قانوني كبير
فضلوع المدنيين في القتال يسلبهم الحقوق المنصوص عليها في القانون الدولي الإنساني إذ يحولهم لمقاتلين وهنا يفقدون مبدأ الحماية بالقانون نظرا لتحولهم من صفة مدنيين لمقاتلين .

القانون الدولي الإنساني يحتوي على العديد من النصوص التي توضح متى يفقد المدنيون الحماية في حال مشاركتهم في النزاعات المسلحة. وإليكم بعض الأحكام القانونية التي تدعم ذلك

1. المادة 51(3) من البروتوكول الإضافي الأول لاتفاقيات جنيف لعام 1977:

تنص هذه المادة على أن "المدنيين يتمتعون بحماية من الهجمات، ما لم يشاركوا مباشرة في الأعمال العدائية". وهذا يعني أن المدنيين الذين يشاركون مباشرة في العمليات العسكرية يفقدون الحماية الممنوحة لهم بموجب القانون الدولي الإنساني. الحماية تسقط فقط أثناء مشاركتهم الفعلية في الأعمال العدائية، ولكن بمجرد توقفهم عن ذلك، تُعاد إليهم الحماية.

2. المادة 13(3) من البروتوكول الإضافي الثاني لاتفاقيات جنيف لعام 1977:

تنص هذه المادة على أن "يتمتع المدنيون بحماية عامة من الأخطار الناجمة عن العمليات العسكرية ما لم يشاركوا مباشرة في الأعمال العدائية". هذا المبدأ مشابه للمادة 51(3) من البروتوكول الإضافي الأول، وهو يؤكد أن المدنيين في النزاعات المسلحة غير الدولية أيضًا يفقدون الحماية عندما يشاركون بشكل مباشر في القتال.

3. تعريف المقاتلين وغير المقاتلين وفقًا لاتفاقيات جنيف:

وفق اتفاقيات جنيف، وخاصة الاتفاقية الثالثة لعام 1949 المتعلقة بمعاملة أسرى الحرب، يُعتبر المقاتلون جزءًا من القوات المسلحة التابعة لأطراف النزاع، وبالتالي يمكن استهدافهم. المدنيون لا يُعتبرون جزءًا من القوات المسلحة، لكن إذا حملوا السلاح أو شاركوا في النزاع بشكل مباشر، فإنهم يمكن أن يُعتبروا مقاتلين ويفقدون الحماية.

4. التعليق على اتفاقيات جنيف (تعليق اللجنة الدولية للصليب الأحمر):

في التعليق الرسمي للجنة الدولية للصليب الأحمر على المادة 51(3) من البروتوكول الإضافي الأول، أوضحت اللجنة أن "المشاركة المباشرة" تعني القيام بأعمال محددة تهدف إلى إلحاق الضرر بالقوات المعادية بشكل مباشر، مثل القتال أو التجسس أو توفير المعلومات الاستخباراتية. في هذه الحالات، يفقد المدنيون حماية القانون الدولي الإنساني، ولكن يجب أن تكون المشاركة مباشرة وليست غير مباشرة أو عرضية.

5. القانون العرفي الدولي:

القانون العرفي الإنساني يحتوي أيضًا على مبادئ مشابهة. القاعدة 6 من دراسة اللجنة الدولية للصليب الأحمر عن القانون الدولي الإنساني العرفي تنص على أن المدنيين محميون من الهجمات ما لم يشاركوا مباشرة في الأعمال العدائية. هذه القاعدة تعزز الفكرة بأن المدنيين الذين يشاركون بشكل مباشر في النزاع يفقدون الحماية.

خلاصة قانونية:

الدلائل القانونية من القانون الدولي الإنساني تشير بوضوح إلى أن حماية المدنيين تعتمد على عدم مشاركتهم في الأعمال العدائية. وبمجرد مشاركتهم بشكل مباشر في العمليات القتالية أو تقديم دعم ملموس للقوات المسلحة، فإنهم يفقدون الحماية التي يتمتعون بها كمدنيين، ويصبحون أهدافًا مشروعة للهجمات.

مجاهد بشري
أحدثكم عن أربع:

1- تحالف جديد، وتبديل صفوف يقصم ظهر الجيش، و يكشف عن وجوه جديدة كانت تعمل في الخفاء لاستمرار هذه الحرب.

2- يكتشف تحالف بورتسودان أن خططه منتهية الصلاحية ، و أن حرب الإستنزاف الحديثة التي دفعه إليها خصمه ستكون هي العامل الذي سيُنهي هذه الحرب.

3- ستعُج سماء السودان بطائرات أو مسيرات "طرف ثالث"، لصنع معادلة بين الطرفين بينما تتجه الحرب لمناطق جديدة.

4- واهمٌ من ظنّ بأن الاشياء هي الأشياء "ضع تحتها خطاً بالقلم الأحمر".. وتذكر.
ونسأل الله السلامة.
https://bit.ly/Sunanetwork

🔥لم نكن نرجم بالغيب عندما قلنا في بداية الحرب ان هذه الحرب يجب أن تتوقف حتى لاتتحول لحرب اهلية وقبلية.
هانحن الآن نسمع مناديا أن هذه حرب الوجود للعطاوة واولاد جنيد، وصوت يطلب فزع قبائل الشكرية وهكذا تكبر الكارثة .
ولسه في ناس شغالة بل بس .
كسرة :هل يحتاج الرجوع للسلطة لكل هذه الدماء وهذا التدمير..
الله غالب

23 أكتوبر 2024م

لو..
لو سمحت لي الحكومة أن أكون رئيسا لوفد التفاوض.. لن يبيت السودان ليلة إلا وقد وقعنا اتفاق السلام..
✅كامل الدعم لك استاذ عثمان

صدق من قال ان الجاهل عدو نفسوا
‏عشان الجاهل عدو نفسو لازم تعرف إنو مؤتمر باريس حضروهو ممثلين من فرنسا وألمانيا والاتحاد الأوروبي والولايات المتحدة والسعودية والإمارات.
ونجح في الحصول على تعهدات بقيمة 2 مليار يورو لدعم المتأثرين بالحرب في السودان.
لو ده الفشل ورونا النجاح كيف؟

‏ربما شاهدت الكثير من المقاطع المصورة او وثائقي يحكي عن قصة انقاذ حيوان في ورطة ،، طبيعي ان يقاوم الحيوان محاولة الانقاذ لانه لن يفهم ان كان المنقذ عدو او صديق ولا يفهم النوايا ويتعامل من منطلق الخوف ..
طبيعي ان نسعي لايقاف الحرب وطبيعي ان نحشد العالم وطبيعي ان نجمع الدعم والمساعدات الانسانية لبني شعبنا وطبيعي ان يفهمنا العالم الحر ويعرف نوايانا ويتعامل معنا لاننا جميعاً بشر تجمعنا الانسانية .
وطبيعي ايضاً ان لا تفهمك الحيوانات وان تقاومك ( او تشتمك وتسبك ) .
المهم ان نتعامل من واقع اننا بشر
والاهم ان لا تنزل بنفسك للمستوى الحيواني
دعوهم يصرخون
‎ #شكراً_فرنسا
‎ #شكراً_للعالم_الحر
‎ #شكراً_حمدوك
‎ #شكراً_تقدم
‎ #شكراً_قحت

هشام عباس

‏انعقاد مؤتمر باريس بشأن المساعدات الانسانية وبمشاركة اطراف مدنية من مختلف التيارات السياسية ومنظمات المجتمع المدني السوداني وايضا جهات دولية ومنظمات عالمية حدث في غاية الأهمية. ان إقامة فرنسا لهذا المؤتمر يضع ازمة الحرب في السودان في الواجهة في ظل حروب اخرى في مناطق مهمة لاوروبا والعالم مثل الحرب الإوكرانية الروسية ، والحرب الإيرانية الإسرائيلية.
انعقاد المؤتمر بشأن السودان امر مهم للشعب السوداني الذي يعاني ويلات الحرب وليس لطرف الحرب ، والموقف البائس ضده من ما يسمى بحكومة في بورتسودان لا يقدم حلول للشعب السوداني ولا مليشياتها الارهابية تستطيع كسب الحرب او تحقيق نصر.
ان اعلان الرئيس الفرنسي ماكرون عدم شرعية سلطة الانقلاب التي تريد تثبيت شرعيتها بإشعالها لحرب ١٥ أبريل، يتطابق وقرار الاتحاد الافريقي بتعليق سلطة انقلاب ٢٥ أكتوبر ٢٠٢١ وهو موقف يقدره الشعب السوداني وكل القوى التي ترى ان مستقبل السودان مرتبط بالديمقراطية الحقيقية التي تمكن السودانيين من اختيار من يحكمهم.
يوسف عزت
‎ #شكرا باريس #

‏الرئيس الفرنسي ماكرون: لم ندعو حكومة السودان لأنها فقدت شرعيتها بانقلابها على المدنيين وقطع الطريق على التحول المدني الديموقراطي في اكتوبر ٢٠٢١م.

كتب هادي ود البورت :ياسر عطا بنضم ساكت اكبر زول بصب الزيت على النار في الجيش كلما الامور تمشي في اتجاه تهدئة يطلع يلعلع بلا أي خطة.. وبشوف فيس بوك زينا وببنى كلامو .. محكمة شنو وجنائية التودي ليها الامارات انت صدقت ونسة الفيس دي ؟ الامارات وام جرس حلها قاعد في ايران وما بكلف عشرة الف دولار. لمجرد تهديد ساكت مافي طيارة بتنزل هناك
…
يوم الطلع من المهندسين قال خلاص تاني جقم ونحن جاهزين واستعدادتنا اكتملت .. اهسه بعد شهرين أكبر انجاز عملو لحدي اللحظة قدر يصل مستشفى النو
.
من خلال الاستفزاز الطفولي المتبادل ده .. شكلنا ما حتشوف عافية قريب

قصة الدعم السريع "متاهات التاريخ والسياسة" (1)

س: ناس كتار ياحبوبتي قاعدين يسألوني عن قوات الدعم السريع دي من وين جات؟ والعملها منو؟ وعشان شنو؟ وعلاقة قيادات الجبهة الاسلامية القومية بيهم شنو؟ وتحديدا الرئيس المخلوع عمر البشير علاقته بيهم شنو؟ وعلاقتهم هم بجهاز الأمن والمخابرات شنو؟ وبالجيش شنو؟ وهل عندهم قانون بنظم عملهم وله ماعندهم؟ ميزانيتهم وتسليحهم من وين؟ وأسئلة كتيرة ياريت ألقى ليها إجابات عندك يا حبوبتي
ج: قبل ما أجاوب ليك يانزار ياولدي، على أسئلتك الكتيرة دي، عارف أسوا حاجة في الدنيا دي شنو؟
س: شنو يا حبوبتي؟
ج: سواقة الناس بالخلاء ذي مابقولوا اليومين دي
س: كيف؟
ج: الكيزان وأشباه الكيزان مالين كل وسائل الإعلام المحلية والأجنبية ووسائط التواصل الإجتماعي بكلام فارغ كتير وكله ما صاح قاعدين يغشوا بيهو الشباب الزيكم ديل وأولادكم وبناتكم
س: كلام ذى شنو يا حبوبتي؟
ج: أول حاجة قاعدين يقولوا، الحرب البدت يوم 15 أبريل الفات ولعتها قوى إعلان الحرية والتغيير (قحت) ، وناس الحرية والتغيير هم الجابو قوات الدعم السريع للخرطوم وهم الجناح أوالغطاء أو الذراع السياسي لقوات الدعم السريع
س: والكلام ده مش صاح يا حبوبتي؟
ج: أبدا ماصاح، خليني أقول ليك كم حاجة عشان تفهم وتفهم الشباب المعاك
أولا قوات الدعم السريع دي موجودة من سنة 2003 يعني عمرها أكتر من 20 سنة، وقوى إعلان الحرية والتغيير دي، إتاسست في دار حزب الأمة القومي في أمدرمان يوم 3 يناير سنة 2019م، يعني عمرهم الليلة بالظبط خمسة سنين دى اول حاجة،
وتاني حاجة ودى مهمة شديد، قوات الدعم السريع والجيش الاتنين عملوا إنقلاب عسكري على حكومة الحرية والتغيير وإعتقلتهم، اذن كيف بعد العملوهو فيهم ده يكونوا هم الجناح السياسي للدعم السريع؟
ده كلام ما بدخل العقل يانزار ياولدى
س: طيب وناس تنسيقية القوى الديمقراطية المدنية “تقدم” القابلوا حميدتي قبل كم يوم ديل وعملوا معاه إتفاق في أديس أبابا برضو هم ما الجناح السياسي لحميدتي؟
ج: برضو لا، تقدم دي تنسيقية إتأسست ليها كم يوم مش كم سنة، وبالضبط كده اتاسست يوم 29 أكتوبر 2023، يعني عمرها لسه ما وصل ليهو شهرين ونص، كيف يكونوا هم الجناح السياسي لقوة عسكرية عمرها أكثر من عشرين سنة.
وكمان رئيس التنسيقية دى هو الدكتور عبدالله حمدوك رئيس وزراء ثورة ديسمبر المجيدة العملوا عليهو الانقلاب قوات الدعم السريع مع ناس الجيش وإعتقلوه وبعد كم يوم أطلقوا سراحه هو وعدد من الوزراء الموجودين معاهو الأن في التنسيقية. بعد ده كله تقدر تصدق إنو حمدوك يكون الغطاء السياسي للدعم السريع؟
مفروض الناس تشغل مخها شوية، وتعرف حقيقة الجيش السوداني وحقيقة قوات الدعم السريع
س: طيب، شنو حقيقة قوات الدعم السريع يا حبوبتي؟
ج: دي قصة طويلة عريضه يانزار ياولدي، بس ضرورى أنت تعرفها وأصحابك كمان يعرفوها عشان تشوفوا كيف الكيزان ديل سايقين الأيام دي الناس بالخلاء.
وللاسف الشديد ناس كتار متعلمين ومثقفين قاعدين يصدقوا في كلامهم ده، وناسين او متناسين تاريخهم الأسود من يوم انقلابهم على الحكومة الديمقراطية بقيادة الحبيب الإمام الصادق المهدى يوم 30 يونيو سنة 1989م
اسمع يانزار ياولدى ، حأحكى ليك بالتسلسل الزمني من 2003 لحدى يوم 15 أبريل 2023 تاريخ بداية الحرب بين الجنرالين البرهان وحميدتي.
س: لييه 2003 تحديدا؟
ج: في بدايات سنة 2003 في حركتين مسلحتين في دارفور عملوا ليهم تمرد على ناس الحكومة.
س: ياتو حركتين ديل؟
ج: حركة تحرير السودان (الرئيسها عبدالواحد محمد نور) وحركة العدل والمساواة (الكان رئيسها في البداية المرحوم خليل إبراهيم وبعده استلم الرئاسة أخوهو جبريل ابراهيم)
س: الحركتين ديل من ياتو قبائل في السودان؟
ج: من قبائل الزغاوة والمساليت والفور
س: والقبائل دي أصولها عربية وله أفريقية؟
ج: أفريقية يانزار ياولدي
س: أها وبعد داك الحصل شنو؟
ج: قيادات الحركتين المسلحتين ديل، قالوا لواحد اسمو موسى هلال، تعال يا موسى أنت وأهلك كلهم قاتلوا معانا الكيزان ديل عشان دارفور بتاعتنا دي تبقى ذي الخرطوم ويكون فيها جامعات ومستشفيات ومستوصفات ونوادي وشوارع زلط
س: موسى هلال ده منو يا حبوبتي؟
ج: موسى هلال ده من منطقة إسمها دامرة الشيخ، المنطقة دى قريبة من مدينة كتم في ولاية شمال دارفور ، من مواليد سنة 1961، استلم محل أبوهو في زعامة قبيلة المحاميد العربية المعروفة، وبعد شوية حتتعرف عليه أكتر يانزار ياولدى وأهم حاجة أقولها ليك الآن أنه هو القائد والمؤسس الرئيسي لمليشيا الجنجويد في السودان.
س: أها موسى هلال رد علي قيادات الحركات المسلحة بتاعت درافور قال ليهم شنو؟
بكرة نواصل
12 يناير 2024م