19/01/2024
نصائح عامه فى تعلم اللغة الانجليزية:
1- اقرا واسمع كتير جدا على قد ما تقدر. كل ما تتعرض للغة بيكون سهل عليك بعد كده تفهمها. (مصادر كتير جدا على قناة التليجرام https://t.me/blcegypt)
2- متسمعش او تقرا لمصدر او فى موضوع واحد. اسمع: محاضرات ومناقشات او حتى راديو .. ونفس الكلام فى القراءه: مقالات فى مجلات لمواضيع مختلفه، قصص وروايات، كتب فى العلوم، علم النفس، اللغة الخ
3- الاغانى والافلام رغم انهم مصدر ثانوى الا انه مهم انك تعرف اكتر عن ثقافه اللغه وده هيساعدك جدا فى دراستك. غير انك بتتعرض لاستخدام طبيعى للغه. اعرف اكتر هنا https://bit.ly/48pUoGr وهنا https://bit.ly/3tLuPQV
4- ركز على كل جوانب الـ lexis (اقصد vocabulary, phrasal verbs, idioms , collocations etc) .. لكن مينفعش تذاكر كلمات منفصله بس.
5- لازم يكون معاك notebook او تستخدم برنامج/موقع زى Quizzlet عشان ترتب الlexis الى بتتعلمه.. قسم الnotebook لمواضيع وكل ما تقابلك كلمه فى نفس الموضوع سجلها. او طريقه تانيه قسم مذكرتك لphrasal verbs او idioms الخ.
اعرف استخدام موقع Quizzlet من هنا https://bit.ly/2I2k4S6
6- فى كل كلمه او تعبير تسجله ضيف معلومات زى: النطق، part of speech، مثال، الكلمات الى ممكن تستخدمها مع الكلمه او التعبير، معانى مرادفه او مضاده الخ
7- حاول تتجنب الترجمة واعتمد عليها لو الكلمه فهمها صعب اوى يعنى جربت كذا طريقه عشان تفهم المعنى ومش واضح ليك. الترجمه الحل الاخير.
8- متعتمدش على كورس او مصدر كله عربى، هيجبرك انك تفكر بالعربى طول الوقت. يعنى لو كورس مدرس فيه بيتكلم عربى هيضرك اكتر ما يفيدك، هتفرح انك فاهم جرامر مثلا لكن عمرك ما هتعرف تطبقه فى كتابه او تحدث.
9- فى التحدث اتدرب مع نفسك. استخدم كتاب زى Collins Speaking for IELTS .. ذاكر الوحده واعمل التدريبات وارجع اسمع كلامك وصحح نفسك.
10- اتفق مع اصدقاء انكم تتقابلوا من وقت للتانى ... ذاكروا وحده من كتاب زى Collins ولما تتقابلوا راجعوا الى اتعلمتوه واتكلموا فى المواضيع الى بتناقشها الوحده.
11- ادرس كورس بيعتمد على التفاعل وبيديك فرصه تتدرب على التحدث. لكن كورسات الشات والفيديو مش هتعلمك حاجه
تفاصيل كورسات اللغه الانجليزيه اونلاين https://bit.ly/3UFp14q
12- فى الكتابه اعتمد على كتاب زى Collins Writing for IELTS لو مستواك متوسط. وممكن تتعاون مع صديق انكم تصححوا لبعض.
لو مستواك او اقل او اعلى ارجع للخطة دى اشترك هنا https://t.me/blcegypt موجودة فى البوست المثبت.
13- الكتابه الحرة مفيدة جدا. ممكن يكون معاك notebook زى diary تكتب فيها افكارك او اهم الحاجات الى بتحصل معاك فى يومك.
14- الكورسات برده مهمة لانك بتتعلم من مدرس متخصص طريقة الكتابة وبتدرب وبتاخد تقييم وده الى بيرفع المستوى فعلا. https://bit.ly/3giAJzJ
15- فى النطق. لما تذاكر كلمة اتعلم النطق الصحيح من قاموس زى مثلا Cambridge Dictionary ومتركزش بس على نطق الاصوات لكن الstress مهم https://dictionary.cambridge.org/ اعرف ازاى تطور نطقك من هنا https://bit.ly/3TNcNIN
16- اهتم بجوانب تانية فى النطق زى features of connected speech و sentence stress و intonation و rhythm وغيرها .. وده برده تتعلمه بطريقتين من كتب زى English Pronunciation in Use ومن الكورسات.
17- فى الجرامر الكتب مفيده. زى English Grammar in Use وكتاب Collins فى الجرامر. وسجل برده الى اتعلمته فى notebook وحاول تدرب عليه وتستخدم القواعد الى اتعلمتها فى كلامك وكتابتك. (متاحين على التليجرام)
18- استعين دايما بمصادر صممها متخصصين زى BBC Learning English
هتلاقى مصادر اكتر هنا https://bit.ly/2JEJndP
19- متنساش طبعا تتابع British Language Centre - BLC وتشترك فى قناة التليجرام bit.ly/2Zswz00 ❤️❤️
20- اجتهد واعمل الى عليك. الموضوع بياخد وقت. ومفيش حد بيتعلم لغه وبيوصل لمستوى C1 بعد مذاكره شهر او اتنين. تقدر تعرف الوقت الى تحتاجه عشان توصل لمستوى عالى من هنا https://bit.ly/2GvRxnv
21- المذاكرة والدراسة لازم يكونوا جزء من يومك. حاول دايما تخصص وقت للدراسة لان ده الى هيفرق فعلا فى مستواك. لكن فكرة انك تدرس ساعة او اتنين فى الاسبوع، مش هتحس بفرق كبير فى مستواك.
22- لو بتدرس كورس حاول تلتزم على قد ما تقدر وكمل المطلوب منك وخصص وقت للمذاكرة عشان تحصل على اكبر استفادة من الكورس. لانك لو اعتمدت بس على حضور الحصص مش هتستفيد.
23- اهتم بالنطق اكتر من الاكسنت. وزى ما قلت ده على كل جوانب النطق مش بس الكلمات. ولو نطقك دقيق هياثر بالايجاب على طريقه كلامك عموما وهتكون مفهوم، ولو بتقدم على اى وظيفه هتتقبل. http://bit.ly/2HVRiwD
24- افتكر ان مفيش حاجه اسمها شهادات معتمدة فى الكورسات. ممكن تحصل على تقرير مثلا بمستوى من مكان، لكن الشهاده دى مش هيكون ليها اى اعتبار لو حتى عليها 1000 ختم. الشهادات الوحيده المعتمده هى الايلتس والتوفل.
25- لو انت مدرس لغة انجليزية اهتم ترفع مستواك لمتقدم C1 بالدراسة الذاتية والكورسات + ارفع مستواك فى طرق التدريس بالقراءة وكورس TKT ✅ تفاصيل كورس الTKT/CELTA Preparation اونلاين https://bit.ly/41wdpD5
26- الكورسات الاساسية هى الـ TKT للتحضير للسيلتا. بعدها السيلتا نفسها. وفى الاخر الدلتا. https://bit.ly/3UFp14q
27- مش هتحتاج تدرس تيسول او تيفل. ومينفعش تدفع 15 الف فى كورس 8 حصص. لو محتاج الشهادة ادرسها مجانا مع اريزونا.
28- لو انت مدرس ومحتاج تعرف تدرس ايه والمصادر الى تعتمد عليها اقرا البوست ده https://bit.ly/3uaeZzj
=========================
