Mil7a مِلحة

Missed us? We’re BACK 🔥

⛔️تنويه مهم Notice
نظراً للعمل على بعض الترتيبات الفنية والتقنية الخاصة بالمنصة نعلن عن أن التقديم للمنح عن طريق المنصة متوقف حالياً حتى إشعار آخر.
#ملحة

منحة الحكومة الإندونيسية KNB🇮🇩
من المنح المميزة جداً بتيح ليك الدراسة في أفضل الجامعات الإندونيسية، بالإضافة لراتب المنحة ممتاز ويعادل حوالي 350 دولار شهريا، إندونيسيا بلد جميلة جدا وشعبها مسالم وتجربة الدراسة فيها ايجابية حسب أراء معظم الطلاب، الحاجة الجميل المنحة ما محتاجة شهادة لغة وما مشترطة معدل معين، فما تضيعو الفرصة دي منكم🔥، يلا تفاصيل المنحة🔥

🔴معلومات عن المنحة
🔶الدولة: إندونيسيا 🇮🇩 (شرق آسيا)
🔶الجهة الممولة: الحكومة الإندونيسية
🔶نوع المنحة: ممولة بالكامل
🔶عدد المنح:
▪️30 مقعد بكالوريوس
▪️162 مقعد للماجستير
▪️30 مقعد دكتوراة
🔶آخر موعد للتقديم:
18 فبراير 2024

🔴مميزات المنحة
1/تقدم المنحة مبلغ مالي عند الوصول الي الجامعة في اندونيسيا
2/سنة تحضيرية مجانية لتعلم اللغة الانونيسية
3/راتب شهري 350 دولار لتغطية تكاليف المعيشة
4/تقدم راتب لتغطية تكاليف الكتب والأبحاث
5/التأمين الصحي
6/تذاكر السفر ذهابا وايابا

🔴شروط التقديم في المنحة:
1/شروط العمر
- الحد الأقصى للعمر هو 21 عامًا للبكالوريوس،
- 35 عاما للماجستير.
- 40 عاما للدكتوراة.
🔴الأوراق المطلوبة للتقديم للمنحة
1/ صورة من جواز السفر
2/ نسخ من سجل الدرجات الأكاديمية
3/ بيان الغرض
4/ خطاب الحافز
5/ خطاب توصية من السفاره الاندنوسيه (عن طريق التواصل مع السفارة عن طريق البريد أو زيارة السفارة مباشرة بالنسبة للسودانين يمكن الحصول على الخطاب من السفاره الاندنوسية في الخرطوم /القاهرة/الرياض/أبوظبي أو بلد الإقامة).
6/ الشهادة الثانوية أو شهادة التفاصيل بالنسبة للمقدمين للماجستير
7/ اي شهادات إضافية إن وجدت.

🔴خطوات التسجيل في المنحة:
1️⃣ قم بتنزيل خطاب الدعوة من رابط التقديم
2️⃣ أرسل خطاب الدعوة والمستندات المطلوبة إلى السفارة الإندونيسية أو القنصلية الإندونيسية للحصول على خطاب التوصية
3️⃣ أكمل عملية التقديم عبر الموقع الرسمي على الرابط الخاص بالمنحه.
4️⃣ قم بتسجيل حساب جديد وتأكيد تفعيل الحساب من خلال البريد الإلكتروني
5️⃣ قم بتعبئة البيانات المناسبة وتقديم الطلب

رابط التقديم للمنحة والتواصل مع السفارات في أول تعليق 🔥

📌فرص الحصول على المنح

عاوزين نتكلم عن حاجة مهمة جدا بخصوص التقديم فب المنح، وهي فرص الفوز بالمنح، في مفهوم خاطئ عند كتير من الناس انو الجهات المقدم للمنح بكونو عاوزين يقدمو عدد من المنح للناس بغض النظر عن خليفات الناس دي ومؤهلاتهم شنو، والحاجة دي خطأ. معظم الجهات أو المؤسسات دي بتفتش على ناس متميزة سواء كان أكاديمياً أو مجتمعيا أو شخص عنده صفات قيادية وممكن يعمل أثر.
في منشور تمت مداولته قبل فترة بصف الحالة دي تماما، شخص كاتب انو:(يا ناس مافي دولة بتفتش على زول أخو أخوان بدون شهادات او انجازات…الخ تسفرو لله ساي كدا…)
نحن كتبنا الحاجة دي ما عشان نهبط الناس انو ما تقدم، بالتأكيد تقدم وتقدم 10 مرات كمان لكن دايما خلي سقف توقعاتك في المستوى العادي وما تبني كل حياتك على أبلكيشن بتاع منحة قدمتو.
يعني مثلا واحد يقدم على منحة وخلاص يكون خت في عقلو انو اتقبل وبخطط لمستقبله بناءا على الحاجة دي.
حنديكم إحصائية ممكن تكون صادمة شوية لكن حقيقية سنة 2023 عدد المتقدمين السودانين للمنحة التركية كان حوالي 30 الف من كل المراحل، مافي إحصاءات رسمية عن عدد الطلاب البتم قبولهم في كل سنة، لكن هي بمتوسط 100، لو حسبنا نسبة ال100 ديل من ال 30 الف الناتج 0.33%. ايو النسبة دي حقيقية 0.3.
عشان كدا دوما بنقول للناس تخلي سقف آمال وتوقعاتها في الحد العادي.
زي ما قال ويليام شكسبير:
‏(Expectation is the root of all heartache)

مشوار المنح طويل جدا ما ببدا أو بقيف على منحة واحدة، حاول تقدم على أكبر عدد من المنح، أقرا عن المنح وركز على الابلكيشنات واجتهد فيها، فتش على المعلومات عن طريق أكتر من مصدر، ما تعتمد على المعلومات الموجودة في ملحة، فتش وأبحث براك وأقرا.

نحنا عارفين انو ظروف الحرب ختت على الناس ضغط نفسي كبير والناس عاوزة اي فرصة تطلعها من البلد، ف وقع الصدمة في الحالات الزي دي بكون كبير شديد، عشان كدا الناس تكون رايقة… قدم واجتهد في الابلكيشنات وخلي الباقي على ربنا، ان شاءالله لو اتقبلت الحمد والشكر لك يارب، لو ما اتقبلت الحاجة دي ما تخليك تيأس وتهبط معنوياتك، في الالاف الفرص الممكن تقدم عليها، وزي ما قلنا الحياة دايما ما واقفة على حاجة ابدا.

Scholarship season !📚🙇🏾‍♂️
موسم المنح 🔥
هل أنتم مستعدون ؟
#ملحة

طيب يا شباب بما إنو الإقتراح نال إعجابكم ح نبدأ بأول بوست اللي هو أنواع المنح

أغلب متقدمين المنح أو طلاب المنح و بالأخص الفئة اللي ما عندها معلومات كافية عن المنح ما عندهم خلفية عن أنواع المنح فخليكم مركزين على تفاصيل البوست ده

المنح نوعين( منح كاملة و منح جزئية )

ناخدهم وحده وحده

أولاً المنح الكاملة:

نوع المنحة دي بتتكفل بكل تكاليف المنحة من إعاشة لإقامة و تأشيرة و تذاكر سفر و الرسوم الدراسة يعني يا سيدي لمن تتقبل فيها ما عليك إلا تستف شنطتك و إلى المطار و كمان المنحة الكاملة بتقدم رواتب شهرية الراتب الشهري ده زي الكفالة اللي كان بصرفوها طلاب الجامعات السودانية الحكومية الفرق إنو في المنحة بتصرفها بقيمة مناسبة معاك و ممكن تغطي ليك مصاريف حاجات كتيرة

ثانياً المنح الجزئية:

طيب النوع ده من المنح فهمها شنو؟!!
المنحة دي بتقسم معاك التكاليف لنص التكلفة أو ربعها أو تلتها يعني مثلاً المنحة تتكفل برسوم الدراسة و إعاشة و سكن و إنت يكون عليك التأشيرة و تذاكر السفر
أو توفر ليك التأشيرة و يكون عليك التذاكر أو تتكفل ب90% من رسوم الدراسة و إنت تكمل الباقي و إلى ما شابه ذلك

و طبعاً الأغلب بميل للمنح الكاملة فإذا ما لقى فرصة قبول فيها بكسروا حنك المنح للآخر

لكن بقول ليك إذا وضعك المادي بسمح إنك تقدم في المنح الجزئية قدم إنت ما تخت في بالك كمية القروش البتصرفها بالمناسبة البتكسبوا في فترة دراستك هناك أكتر من الحسابات الخاتيها في بالك و كمان وجهة نظرك للحياة بتتوسع بطريقة إنت ممكن ما تتخيلها ابداً
كل ما كانت البيئة الدارسية مختلفة كل ما كانت المعرفة أوسع و أدق ..

بكده بوست أنواع المنح دن ما نوصيكم بالشير الشير الشير و خلي غير يستفيد

نتلاقى في بوست مطلبات المنح و إتفاعل عشان البوستات تظهر ليك

#ملحة

شباب رأيكم شنو نتكلم عن المنح و انواعها و المستندات اللي بتكون مطلوبة في أغلب المنح ؟!!

و ربنا ينعم على بلادنا بالأمن و الاستقرار

#ملحة

مؤسسة Walls Mountain Initiative 🌿
هي مؤسسة خيرية في الولايات المتحدة الأمريكية تقدم منح مالية للطلاب من الدول النامية مثل السودان والدول الأفريقية لمساعدتهم في الحصول على درجة بكلوريوس في إحدى الدول النامية. تمويل المؤسسة يتراوح بين 1500 دولار حتى 3000 دولار أمريكي سنوياً وكل سنة يتم قبول حوالي 80 طالب في المنحة. المنحة المالية بهدف مساعدة الطلاب على تغطية جزء من الرسوم الدراسية ونفقات السكن والإعاشة وليس الهدف منها تغطية كل النفقات من رسوم إضافة لباقي النفقات.

🔴معلومات المنحة
عدد المنح : ٨٠ منحة دراسية.
بلد الدراسة: إحدى الدول النامية.
التمويل: من 1500 دولار حتى 3.000 دولار سنوياً.
مدة التمويل: جميع سنوات الدراسة(مثلا اذا كانت سنوات الدراسة ٤ سنوات ستستمر المنحة لمدة ٤ سنوات، ٦ سنوات إلخ)
مجالات الدراسة: كل المجالات حسب رغبة المتقدم(طب، أسنان، صيدلة، هندسة…إلخ)

🔴شروط التقديم
1. إكمال المرحلة المرحلة الثانوية بتقدير من جيد إلى ممتاز.
2. أن لا يتعدى عمر المتقدم 35 عامًا في 1 مارس 2024.
3. الدراسة في البلد الأم أو أحد البلدان النامية.
4. الرغبة في الحصول على درجة البكالوريوس أو الدبلوم العالي.
5. الرغبة في دراسة تخصص مفيد للمجتمع و/أو يساهم في النمو المستمر والتقدم في بلد الأم.
6. أن تكون تخطط للعيش والعمل في بلدك الأم بعد التخرج.
7. أن يكون المتقدم قد عمل متطوع من قبل.
8. أن يكون لديه بعض الأموال المتاحة لتعليمه، لكنه لن يتمكن من متابعة دراسته دون مساعدة أو دعم مالي.
🔴منحة مؤسسة WMI لا تمول :
1. الدراسة في جامعة في الولايات المتحدة الأمريكية أو المملكة المتحدة أو أستراليا أو أوروبا.
2. دراسة الماجستير أو الدكتوراه.
3. المؤتمرات أو الرحلات
4. الديون أو فواتير الدراسة المتأخرة

🔴الأوراق المطلوبة
- ملئ استمارة التقديم
- صورة شخصية واضحة
- مقال في موضوع معين
- خطاب الدافع
- رسالتين توصية
- الشهادة الثانوية

🔴تنبيه
- يجب ترجمة جميع المستندات إلى اللغة الإنجليزية.

🔴أسئلة وأجوبة عن المنحة
س ١: ما هي مجالات الدراسة التي تقدمها المنح الدراسية؟
ج: جميع المجالات، من الطب، التمريض، الهندسة، علوم الحاسوب، الآقتصاد، الزراعة الخ.

س٢: هل يجب أن يتم قبولي في إحدى المدارس قبل التقدم بطلب للحصول على المنحة؟
ج: لا، يمكنك التقديم قبل أن يكون لديك خطاب قبول، ولكن عليك أت تتحصل على قبول جامعي في حالة فوزك بالمنحة.

🔴مواعيد التقديم ونتائج القبول
مواعيد التقديم
بداية التقديم: 1 ديسمبر 2023.
الموعد النهائي للتقديم : 1 مارس 2024
مراجعة الطلبات: أبريل يوليو 2024
إعلان المقبولين: 1 أغسطس 2024

🔴رابط التقديم في المنحة
https://www.wellsmountaininitiative.org/prospective-scholars/

منحة جامعة المحمدية سوراكارتا في اندونيسيا🇮🇩
المنحة متاحة لطلاب البكلاريوس و الماجستير، المنحة ممولة بالكامل وفيها راتب شهري، وفيها تخصصات مختلفة ما عدا الطب والأسنان، جامعة المحمدية جامعة ممتازة جداً في إندونيسيا.

🔴مميزات المنحة
- راتب شهري 1,750,000 روبية إندونيسية ويعادل حوالي 112 دولار أمريكي.
- بدل كتب شهري 50,000 روبية إندونيسية=3.20 دولار.
- تأمين صحي
- رسوم التأشيرة
- تذكرة طيران (عودة)
- الخدمات الصحية في الحرم الجامعي
- دورات لغة البهاسا الإندونيسية (BIPA).

🔴التخصصات المتوفرة في المنحة
الصيدلة Pharmacy
التمريض Nursing
الصحة العامة Public Health
العلاج الطبيعي Physiotherapy
علم النفس Psychology
التغذية Nutrition Science
الهندسة الكهربائية Electrical Engineering
هندسة المعلوماتية Informatics Engineering
الهندسة الميكانيكية Mechanical Engineering
الهندسة المدنية Civil Engineering
الهندسة الكيميائية Chemical Engineering
الهندسة الصناعية Industrial Engineering
العمارة Architecture
القانون Law
الإدارة Management
المحاسبة Accounting
التطوير الإقتصادي Development Economics
الجغرافيا Geography
العلوم الإسلامية Islamic Education
الإقتصاد الإسلامي Islamic Economic Laws
علوم القرآن والتفسير Al-Quran and Tafsir

🔴الأوراق المطلوبة للتقديم للمنحة

1.صورة شخصية
2.صورة من جواز السفر
3. خطاب الدافع (خطاب النية)
4.صورة من شهادة ثالث ثانوي
5.خطاب التوصية الأكاديمية
6.شهادة لغة (يمكن ارفاق أي شهادة وليس بالضرورة شهادة توفل أو أيلتس)

رابط التقديم للمنحة:
https://www.ums.ac.id/en/scholarship/international-priority-scholarships

⚠️تحديث جديد في إجراءات التقديم لمنحة SBW Berlin
عشان تقدر تقدم لازم ترسل خطاب توصية recommendation letter من المنظمة التطوعية أو الخيرية اللي شغال فيها لناس sbw berlin

والحاجة بتم يا عن طريق الموقع أو الإيميل حقهم [email protected]
بعدها هم حيراجعو الخطاب ويدوك وصول access للأبلكيشن، اذا شافو انك انسان ممتاز.

✅️يعني الإجراءات كالتالي :
1/ترسل ليهم خطاب التوصية عشان يعملوا ليهو review .
2/بعدها اذا لقو انك ممتاز وممكن تكون مرشح محتمل حيدوك وصول لفورم الابلكيشن عشان تملاها.

منحة SBW Berlin للدراسة في برلين-ألمانيا🇩🇪

⚫️مؤسسة SBW هي مؤسسة خيرية ألمانيا بتدعم الشباب الموهوبين العندهم اسهامات اجتماعية في العمل الطوعي من الدول النامية عن طريق تقديم منح للدراسة في العاصمة الألمانية برلين.
المنح مخصصة للطلاب العاوزين يدرسو مرحلة للبكلاريوس.
⚫️المنحة ممولة بالكامل وبتشمل الرسوم الدراسية والسكن في الشقق الطلابية الخاصة بالمؤسسة بالإضافة لراتب شهري للنفقات المعيشية.
⚫️بتقدر تقدم لكل تخصص انت عاوز تقراهو وزي ما وضحنا المنحة حتتكفل بالرسوم.

🔴خطوات التقديم
- ملئ إستمارة التقديم.
- خطاب الدافع Motivation Letter
- الشهادات الدراسية
- خطاب توصية من منظمة غير ربحية أو مؤسسة إجتماعية.
- مشروع إجتماعي.
🔴معايير الاختيار
- الحوجة إلى المساعدة المادية.
- الأفكار الأولية للمشروع الإجتماعي.
- الموهبة الفكرية
- العمل الطوعي
🔴ملاحظة مهمة
لازم تكن شغال في منطمة خيرية أو مؤسسة إجتماعية عشان تقدر تقدم للمنحة حسب التحديث الأخير للشروط، المنظمة تقوم تكتب ليك خطاب توصية وترسلو لناس SBW Berlin.

🔴رابط موقع المنحة في أول تعليق