09/09/2025
💢جاني واحد قال عايز حبوب تجفيف الحليب ال هي ال Cabergoline
قلت ليه تمام ، قلت ليه عايزين شفاط معاها ؟
قال لي لا ، نحنا بنستخدمها عشان الحمل ، قال لي كان قبل فتره مافي حمل ، ولمن مشينا فحصنا للمرأه الدكتور قال هرمون اللبن زايد عندها واداني الحبوب ديل قال حبه كل اسبوع وبعدها فعلاً الحمل حصل، لكن انا مستغرب هرمون اللبن علاقته بالحمل شنو 😅
قلت ليه انا طبعا بحب المريض ال بسأل وبكون عايز يعرف الجانب العلمي 😁انت زولي
ببساطه كدا الطبيعي كدا الحليب دا الجسم بصنعو لشنو عشان الطفل صح؟ يعني لمن الحمل يحصل الجسم طوالي ببدأ يصنع الحليب ويجهزو عشان الطفل،
طيب لو الجسم بقى هرمون الحليب فيه مرتفع معناها الجسم بيفهم انو في حمل حصل والا أصلا ليه هرمون الحليب يرتفع وعشان في حمل تاني خلاص الهرمونات المفترض تخصب لينا المبايض وتطلع لينا البويضه ناس ال FSH و ال LH تاني الدماغ بوقف افرازهم وبالتالي ما هيحصل حمل مهما عملت الا تحل مشكلة ارتفاع هرمون الحليب دي وتدي مثلآ الحبوب دي حقت ال Cabergoline ما في هرمون حليب مرتفع الجسم بيرجع يفرز هرمونات الخصوبه بصوره طبيعيه ويحصل الحمل 🌹
