Geo, Work Shadowing & online Training

https://www.facebook.com/%D8%B5%D9%81%D8%AD%D8%A9-%D8%AA%D8%AF%D8%B1%D9%8A%D8%A8-%D8%A7%D9%84%D8%AC%D9%8A%D9%88%D9%84%D9%88%D8%AC%D9%8A%D9%8A%D9%86-%D8%A7%D9%84%D8%B3%D9%88%D8%AF%D8%A7%D9%86%D9%8A%D9%8A%D9%86-101161128277355/

سلام من الله عليكم اجمعين.
بعتذر انا فقدت حسابي حق الفيس القديم وبالتالي بقي م عندي access للصفحة القديمة فعملت الصفحة دي مع بعض التغيرات كالتالي:
١. غيرت اسم الصفحة للعربي شان تصل لاكبر عدد ممكن من المستفيدين.
٢. نقلت كل المواد الاتقدمت ف الصفحة الام للصفحة دي.
٣. فتحت المشاركة للجميع بمعني اي زول حاسي انو ممكن يقدم خدمة تدريبية للمجتمع الجيلوجي السوداني ممكن يطرحا هنا في شكل بوست او فديو او ملف صوتي.

الممكن اتكلم بي اسمم بي كل ثقة انهم ح يشاركوكم بكل ما يملكو من معلومة :
١. زرياب الترابي في مجال التعدين.
٢. يوسف حمدت الله في مجال المياه الجوفية.
٣. وائل عبد الرحمن وشخصي الضعيف في مجال الجيوتكنك.

وبما انو الصفحة مفتوحة للجميع عليه اود ان انوه انو ما حا اراسل اي زميل بي صورة شخصية لي انو يقدم مادة في الصفحة فالعمل تطوعي في المقام الأول وايضا للاسباب ذكرها بعض الزملاء تلخيصها فيما يلي :

١. معظم الزملاء لا يملك وقتاً لتجهيز ماده وتقديمها في الصفحة نسبة للمشغوليات او لعدم توفر شبكة انترنت في مكان العمل.

٢. بعضهم لا يملك الشجاعة او الدافع لتقديم مادة مسجلة.

٣. بعضهم يري أن سوق العمل صغير جدا والمنافسة فيه عالية ويفضل ان يحتفظ بخبراته لنفسه حتي يتميز بها في السوق.
ورغم انني اختلف مع معظم الاسباب المذكورة اعلاه الا انني احترم قناعات واسباب وطريقة اي شخص في العيش والمساهمة بشئ في هذا العالم وكما اسلفت فالعمل تطوعي في المقام الاول وكلٌ ميسرٌ لما خُلق له.
عن الصفحة:
تهتم بتدريب طلبة وخريجي مجال الجيولوجيا والجيوتقنية في السودان.

.

صفحة تدريب الجيولوجيين السودانيين Community group

السلام عليكم السادة الجيولوجيين
بإذن الله ستكون هناك دورة تدريبية في برنامج ماكروماين كراك ١١ سلسلة من ثلاث حلقات ستبتدئ يوم ٧ /٣ وتنتهي ٢١/٣
أما بالنسبة لشهر ٤ ستكون هناك دورة في برنامج السيرفر سلسله من ٤ حلقات تبتدي يوم ٧/٤ وتنتهي يوم ٢٨/٤
#شهر ٥ راحة ومن شهر ٦ إلى شهر ٨ فيديوهات عن كيفية تنفيذ الأعمال الجيولوجية وأخذ العينات في البرامج الاستكشافية المعدنية
ونتأسف على تأخير البوست
ونسأل الله لكم التوفيق

شباب سلامات ..
في فكرة فديو عن مهارات المعاينات ونوع الوظايف الممكن تقدم ليها اول ما تتخرج وشنو بيقدر يساعدك علي الحصول علي وظيفة.
السؤال :
شايفين انو احسن يكون بوست مكتوب ولا فديو صغير ؟
تحياتي
احمد حسام
#تعديل:
حسب الاغلبية فديو بس عشان الفايدة تعم يا ريت واحد يتكرم ويتطوع يلخص الفديو في التعليقات.

#توظيف:
خدمة جديدة للصفحة ..

وظيفة جيلوجي بالامارات:

Wellsite Geologist job with MPH Consulting Services | 1462772 Be responsible for ensuring adequate quality control for all geology related data of which collected, evaluated and recorded by contractor.Interpret a

طيب دا سؤال اتناقشنا فيو قبيل كإدارة قروب وحبيت انقلو ليكم هنا عسي نلقي اجابة:
ليه نسبة مشاهدة البوستات عالية والناس البتعلق او بتتفاعل عموما ٣ بالعدد مع انو قروب تعليمي واول شي بيساعد علي تبادل المعرفة التفاعل؟
هل السودانيين عموما بيخجلوا من التفاعل في قروبات تعليمية ؟ ولا الواحد بيحس انو مراقب؟ ولا بيخاف من الحسد مثلا ولا المشكلة في المادة المقدمة؟
وتاني السبب الاساسي للصفحة تدريب الطلبه والخريجين الجدد اللسه م اشتغلو طيب ماف شي بيدل علي انو في طالب متابع وماف تدريب بدون اسئلة واجوبة ولا شنو؟
الناس تمرق من القالب دا ي اخوانا لانو جد لو الناس عرفت الشباب ديل بجتهدو كيف شان يقدمو شي ممكن الناس تخسر فيو قروش بره ما بستكترو كلمة شكرا عليهم .. قبيل اسامة عبد القادر سجل لينا حلقة وهو في صف بانزبن!!!
ما اظن في زول ح يتشجع ينشر لي ناس بدون م يحس انو في فايده للبعمل فيو ودا كان رايي انا ونمارق (امكن لانو لينا فتره من السودان وبنحكم بي تعامل الناس العايشين معاهم) .. راي الادمنز التلاته البقية انو كفاية انو في مشاهدة للمادة المنشورة.
علي اي حال لسه الشباب بيشاركو تجاربم وخبراتم و اذا حصل خمول او توقف عن النشر في الصفحة فجميعنا يعرف السبب.

احمد حسام

بناء علي رغبة العضو النشط احمد في البوست السابق الذي كان بعنوان : مستني تعرف شنو عبر الصفحة؟ .. ابتداءً من غدا سنبتدئ حلقات Geology Work Shadowing ..
حلقة البداية ستكون مع الجيولوجي بوزارة النفط اسامة عبد القادر ليعطينا فكرة عامة عن طبيعة عمل الجيلوجي في وزارة النفط.

مستني تعرف شنو عبر الصفحة؟