ملتقي ابناء الغابة

16/01/2023

ما شاء الله .. تبارك الله ..
بجهد وعون ذاتي من شيب وشباب منطقة القوز يتم تركيب نظام طاقة شمسية للصهريج ..

29/11/2022

27/09/2021

مرحبا بكم جميعاً في ملتقى أبناء الغابة ..
فضلاً وليس أمراً ساعد معنا بنشر الملتقي بالضغط على الرابط أدناه 👇:
http://bitly.com/Tt3SCJ
يمكنك كتابه دعوة وبعدهاا سوف يتم إرفاق رابط الملتقى تلقائياً ..
دمتم سالمين 🌹

21/09/2021

في هذه الأيام تتزين قرى الولاية الشمالية بكرنفال كبير يجتمع عليه ابناء الولاية من كل مدن السودان المختلفة لحضور هذا الاحتفال البهيج .. وهو موسم حصاد البلح (حش التمر) بلهجة اهل البلد .. تكون هنالك حركة دؤوبة من الصباح بكاسي وتكاتك وجمال وحمير وعربات كارو .. عرب رحل يفترشون رمال الخيران .. سحنات مختلفة يجتمعون في بقعة تمتد من المناصير وحتى الحدود الشمالية للولاية في ارض كتب الله لها ولأهلها السلام والتعايش الحميمي بين القبائل المختلفة ..
كان في السابق شوال بلح يعادل اثنين شوال قمح أنتاج أى فرد يغطى له مصروفات السنة برفاهية أما الآن لايغطى تكاليف الدين والجرورة
وصف هذه الحالة شاعر الغلابة حميد في قصيدة السرة بت عوض الكريم قال

وقالت : تصدقو آ ولادي بقيت
ابيت الليل افكر في التميرات
القدر فوق راس ما خمت سبيط
غلبا الجرورة الفوق ضهرنا تنزلا

24/02/2021

*الاستاذ بشير حسن :-*
كم انت سعيد .. ان تترعرع ما بين الجدوال وحيضان البرسيم واللوبا .. وحقول القمح والذرة والفول والبصل ... وجناين وحواشات النخيل والمانجو والبرتقال والقريب فوت والليمون .. واعتقد ان جيلنا حظي بالرعي مما اكمل اللوحة الجمالية .. وانسجام الخضرة وعذوبة مياه الجداول من الحفيرين الفوق والتحت .. وحقا الغابة جنة الله في الارض ..
اشخاص ما ، اغراب او اقراب يكون لهم تأثير في حياة اي فرد .. كقدوة او مثال .. وهناك رابط وجدني قوي يظل عالق بمخيلة الانسان مدي العمر ..
فالطفل منذ المهد ينحصر تلقيده لوالديه مما خلق المثل القائل كل فتاة بأبيها معجبة .. وتتوسع دائرة الاعجاب بالاخوة ببعضهم وحتي المعلمين والاستاذة يصبحون قدوة لطلابهم ...
الغابة كانت منارة تعليم .. واغلب معلمي الشمالية رفدت بهم الغابة معظم الولاية ولامجال للحصر ..
لا اخفي سرا ان قالت *الاستاذ بشيرحسن* .. من اكثر المعلمين الذين اُعُجبت بهم خلال مسيرتي التعليمي .. هيبة ومهابة .. وقار واحترام .. حضور وانتباه واثناء الحصة ..
الاستاذ بشير حسن .. معلم قد يكون له التأثير وتشيكل شخصيتي واحسب معظم ابناءه الطلبة تأثر بشخصيتة المهذبة .. وطريقة توصيل المعلومة بكل يُسر ... فهو مميز في ملبسه .. واذكر حتي دحشه الحمامي مميز من دون الحمير ، وسرعته التي توازي موتر السوزكي .. فما ان نراه من ببعد .. نولي هاربين الي داخل المدرسة ودحيشه يطلق نهيقه عندما يقترب الي المدرسة معلنا الوصول ... وعندما يهنق الحمار اثناء الجري فذلك يعني انه من سلالة اصيله من الحمير ... وبشير حسن مميزا حتي في عقابه لتلاميذه فلديه سوط بالاستيك للعقاب ..
وكم تشعر بالهدوء اثناء الحصة ولا تسمع سوي فرقعة يديه مع قلم التصحيح ...
لك الرحمة استاذنا فكم تعلمنا معنك اصعب مادة والتي يُطلق عليها فراقة الحبائب .. وفضلك اصبح لدينا محمبوب ..
ساقتني خطاي في احدي اجازتي للغابة وحلة ود ستنا ... وكم منيت نفسي بمقابلته ولكن عملت حينها ان يد المنون قد طالته ...
اللهم اغفر له وارحمه رحمة واسعا .. وارحم كل من علمنا حرفا حيا اوميت ...
*ولسه راجيك يازمان بحتة الذكري المعاي*
*عايشة في وجداني جوة ولسع بتدغدغ حشاي*
*امكن الحبيته مرة يلقي في كلمات غناي*
*فاصلة بتصحي المشاعر وامكن الفرح الزمان لسه اصداه بترن*
*والله ايام يازمان*
✍🏻 *_معتصم حسن عوض_*

26/10/2020

حبيبي يا رسول الله ❤

11/10/2020

ربنا يلطف ويرفع البلاء والوباء إن شاء الله ♥️

14/09/2020

عمك تنقو والفيضان
فكرة، : يوسف النو
تاريخ : 14 / 9 / 2020
# # # # #
عمك تنقو حار بيهو دليل
فكر يغير مجرى النيل
خالف رجله في ضل النيمه
جنب طوريه وخرطه قديمه
جايب خططو وفيها بعالج
بحر افكارو الاصبح هائج
قال للعازه الجبنه سريع
قبل الشي ألفي راسي يضيع
فكرتي زابطه ميه الميه
وممكن تنقذ للبشريه
اول امس نص الليل
حلمت بغير مجري النيل
شفت الخرطوم ناشفه عديل
وكانت ضلمه وانا قنديل
تقول ما جاها وشالها السيل
وقفت هناك وما هظار
بي طوريتي بقيس تيار
كل الناس ح تحس بالراحه
تصبر بس تديني مساحه
في الجغرافيا اكون زول مبهج
يالقراي دخلني المنهج
فكيت مويه في كم مشروع
وكسرت النيل في الصحراء اسبوع
قال يا جماعه انا مارق عوك
خلو يلحقني ناس حمدوك
قاعد يحفر في مجري النيل
عرقو ينقط ومره يسيل
قلم في اضان و في جيبو حبوب
شايل خرطتو بالمقلوب
فكر يدخل نص النيل
ممكن فكرتو تمشي عديل
جاتو الشجره ام شوكا صاح
عمك قايل جاني التمساح
خريطتو اتبلت وفاتت دييك
وعمك يكوكع زي الديك
ضربت فيه موجه قويه
عمك شتت بره المويه
رجع المغرب الراس مبلول
ما بتكلم تب مع زول
أغبش وحافي وبطنو تنادي
قال مركوبي سافر غادي
يا الاطلنطي يا في الهادي
قال يا اخوانا لو درتو الجد
زي إثيوبيا نعمل سد

11/09/2020

‏كان بابو فاتح للكـرَم ..
شال البحر كُل الأساس ..
م باقي غيرو الـ ماااا إنهدم .. 💔
‎

08/09/2020

شنو الخلاك تثور يانيل
تهاجم فجأه جيرانك
شنو الخلاك تهيج تغضب
تفجر فينا بركانك
نحن المن زمان اصحاب
كمان فى الحسبه خلانك
اتغنينا بمحياك
غرقانين فى احسانك
ايه الجد ليك يانيل
جيت كشرت اسنانك
كتير هدمت لينا بيوت
كمان اطلقت لعنانك
ما كفاك مجراك
ليه اقلعت قفطانك
وليه بدلت خيرنا عذاب
معترفين بتيجانك
بافضال لينا دافقه دوام
كم اطعمنا بستانك
كتير الهمت للشعراء
قوافى عليها الوانك
نسيت عشرة قرون وزمن
غدرت الليله جيرانك
دى ما المحريه فيك يانيل
دا ما العارفنه عنوانك
هجمت علينا دون اسباب
وكان دوزنا اللحانك
لو اخطينا نحن عليك
عزرا برضو جيرانك
وحق الجار اكيد معروف
ولا حد يوم اكان هانك
كتير ناجينا امواجك
بتقسم شاهده شطاانك
ارجع وتانى اوع تثور
نادى الكانوا جيرانك
واهديهم من الخيرات
زود انت تحنانك

08/09/2020

مالو بحرنا إتغابى القديم بيناتنا
ومالو بقالنا هو السبب البجيب وجعاتنا
بعد كان سر سعادتنا ومكان نماتنا
أصبح هو المجهجهنا وبزيد ويلاتنا
…
كُنا عليهو نجري نجيهو فرحانين
وكُنا علي ضفافو نغني طربانين
كُنا وكان بلمنا بيهو شوق وحنين
مالو نساها عشرتنا وملانا انين
…
مرق من طورو زعلان البحر ياسادة
غضبان مننا وحالف يخالف العادة
يرميها البيوت ويعدما الوقادة
يمسح للوطن ويسيبو ناعم سادة
…
سألناهو السبب قال بعدكم من الله
وتابعين الضلال وناسين كمان شرع الله
لودايرني أرجع وفيكم أتقي الله
ارجعوا انتو أول وامسكوا زيين درب الله