08/12/2023
لما تشوف مصايب الناس
مصيبتك زاتا بتهون ليك
حقيقة الدنيا بتوريك
منو الدايرك منو المابيك
ولو الوجعة مرت ساي
اجهز ليها يوم بتجيك
يزورك موكب الاحذان
وبيهو الدنيا تمسخ ليك
ولما الحظ يقيف ضدك
حتي الفرحة بتجافيك
اطراهو الأمل في الوجعة
بكرة الدنيا بتراضيك
اضحك وابتسم للوجعة
واعمل فيها ما هاميك
اوعك تبرا درب الشينة
سامح وواصل المابجيك
بكره الناس بتتطراك بيها
لما الدنيا تمشي عليك
زكراك تبقى سمحة وطيبة
لما الناس تجي تواسيك
احمد الله لو اداك
واحمد الله لو ابا ليك😌😌