18/03/2017
#كيفكمتمام...
نحنا في مركز The PRO للتدريب , حنواصل معاكم باذن الله سلسله من المقالات هدفها:
1- انو تاخدوا صوره مسبقه انكم حتتستفيدوا شنو من الدوره التدريبيه او الورشه او الامسيه يعني بتضيف ليكم شنو.
2- انو تساعدكم في اختيار الدورات التدريبيه البتتناسب مع احتياجاتكم الوظيفيه
3- انو تكسبوا زمنكم في الاشياء البتفيدكم وبتقدمكم لي قدام...واي شيء ماضروري بالنسبه ليكم تكونوا اخدتوا عنو فكره او معلومه لكن ماضيعتوا زمنكم فيه.....
الليله مقالنا عن الدوره التدريبيه في The PRO Training Center
.
مدتها 3 يوم مكثفه بدل 4 يوم .....
1/ شنو هي السكرتاريه التنفيذية...ووظيفة السكرتير التنفيذي...؟
- السكرتير التنفيذي هو الموظف الي بيدعم السلطه التنفيذيه, من رئيس او مدير, واحيانا بيتخذ القرارات البتأثر على الشركه, او المؤسسه في الوقت المناسب, واحيانا بيكون نائب عن رئيسه في الاجتماعات او المؤتمرات حتى اتخاذ القرارات.
2/ فرقوا شنو من السكرتير العادي؟
- الفرق في نقطة احيانا بيكون نائب عن رئيسه في الاجتماعات او المؤتمرات او حتى اتخاذ القرارات.
• هل هي وظيفه مرغوبه في سوق العمل السوداني؟
- وظيفه مرغوبه شديد جدا, في المؤسسات الخاصه والمنظمات والخدمه المدنيه. بالرغم انو مابتم الاعلان عنها غالبا بمسمى سكرتير تنفيذي او سكرتاريه في الخدمه المدنيه الا انو 70% من الوظائف الحكوميه بتكون سكرتاريه او سكرتاريه تنفيذيه في طبيعة العمل. الا وظائف متخصصه زي مهندسين..اطباء ..الخ..
3/ متين يفضل الرجل ومتين تفضل المراه في الوظيفه دي؟
- يمكن تستغربوا لو قلت ليكم القطاع الخاص سيدات والعام رجال...يعني في المحصله بتساووا.
4/ مهام السكرتير التنفيذي شنو؟
- النقطه دي باستفاضه حنتكلم عنها في الدوره التدريبه.
5/ اي تخصص بخليني اكون سكرتير تنفيذي؟
- كل التخصصات الاداريه, والمكتبات, والحاسوب, وتقريبا كل التخصصات حتى لو كنت مهندس ..بالذات في القطاع الخاص بيفضلوا لو عندك تخصص قريب لي مجال عمل الشركه او المؤسسه عشان تقدر تتعامل مع المواضيع غير الاداريه كمان بسلاسه.
6/المهارات الشخص البحتاجها عشان يكون سكرتير تنفيذي ناجح؟
- برضوا في الدوره التدريبيه.
7/هل ممكن السكرتير التنفيذي يتدرج وظيفيا؟
- همم .... طيب اكيد ممكن وبالعكس فرصتوا كبيره انو يكون مدير اداره او مدير تنفيذي او حتى مدير شركه.لانوا من جاور السعيد يسعد...ههه.
8/متوسط الرواتب للسكرتير التنفيذي في سوق العمل؟
- شوفوا الارزاق دي بتاعة ربنا ...في عوامل كتيره ممكن تزيد اوتنقص مرتب السكرتير التنفيذي..
!حجم الشركه
!طبيعة العمل
! عدد الموظفين عموما – والسكرتاريه خصوصا
!من اهم العوامل البتحدد مرتبك انت ذات نفسك بمعني...تاهيلك....يعني شخص مدعم بدراسه غير شخص من غيرها بالذات لو ماعندك خبره بتديك دفعه قويه .....مهارتك...وامانتك...ودي تحتها متين خط ...وقابلية الاستغناء عنك...وانو الشغل يمشي من غيرك...العامل الاخير ده ممكن يقلب الموازين في صالحك تماما.
- بتتراوح من 1000 لي 10000 , واذا جهه اجنبيه او سفاره او كده..ابسط ياعم.
9/ كيف تكتب سي في بتظهر انك سكرتير تنفيذي مميز؟
- دي كلها اسئله حنجاوب عليها ...في الدوره التدريبيه السكرتاريه التنفيذيه وادارة المكاتب الحديثه>
طيب الدوره التدريبه بتفيدني بي شنو؟
- فائدة الدوره التدريبيه في السكرتاريه التنفيذيه وادارة المكاتب الحديثه, بتربط تخصصك الجامعي مع وظيفتك من خلال انها...بتديك المهارات الي انت محتاجها...بتخليك لمن تخش المعاينات على وعي بكل مهام السكرتير التنفيذي...وتقدر تجاوب عن اي سؤال...بثقه.
- اما اذا كنت موظف ليك سنين كسكرتير تنفيذي وعايز تترقى اكتر او تنفذ شغلك بضغط اقل..وسرعه وفعاليه... بتحتاج الدوره التدريبيه دي جدا.
- غير المهارات الفعليه التطبيقيه..الي حتكتسبها...الشهاده في حد ذاتها بتميزك عن الاخرين في الاختيار..وبتديك ثقه في التعامل مع الرئيس والمدراء الاخرين ومع الزوار...على اساس انك شخص قاري الموضوع قرايه مش ساي.
لوحابين تسجلوا معانا لدورة السكرتاريه التنفيذيه وادارة المكاتب الحديثه في الرابط التالي.
**************************************************************************
لمتابعة مقالاتنا على صفحتنا في الFacebook
https://www.facebook.com/ThePROTrainingCenter/
المدونه بتلقوا فيها كل مقالاتنا:
http://thepro-trc.blogspot.com/
ونلاقكم على خير في المقاله القادمه عن:
ادارة المشاريع على الطريقه الامريكيه PMP
The_PRO_Excel #
The_PRO_PMP #
.
