UniPath

عيد أضحى مبارك 🩵
نتمنى ليكم عيد مليان فرحة، راحة، وضحكات حلوة وسط الأهل والأصحاب 🫂

وشكراً لي كل زول كان جزء من رحلتنا الفترة الفاتت.. دعمكم وثقتكم الكبيرة فينا بتخلينا دائماً نحاول نقدم الأفضل 🔥

📌 ونحب ننوّه إنو الشغل والتقديمات حتكون متوقفة مؤقتاً خلال أيام العيد،
وحنرجع ليكم بإذن الله في خامس أيام العيد ونواصل معاكم بكل قوة وجايبين ليكم مفاجآت حلوة معانا 🔥

كل سنة وانتو طيبين 🩵

#عيدالاضحي

🚨 ورشة أساسيات الحاسوب حتبدأ بعد نص ساعة فقط 💻🔥

لو إنت داخل جامعة… أو حاس إنك ضعيف في التعامل مع الكمبيوتر، دي فرصة ما تفوتها 👀

الورشة مجانية بالكامل
وفيها شهادة حضور إلكترونية + شرح بسيط ومناسب لأي شخص حتى لو مستواك صفر 🙌

📌 حنتعلم فيها:
• اساسيات الـ Microsoft Office
• أساسيات التعامل مع الكمبيوتر
• تنظيم الملفات
• ومهارات مهمة جدًا لأي طالب أو موظف

لو مهتم بالحضور علق بـ: “ورشة الحاسوب”
وحنرسل ليك رابط الواتساب مباشرة 🫡

أو حتلقى الرابط في أول تعليق 👇

وتاقي أصحابك البحتاجو الورشة دي 😅🔥
لأن في ناس حتدخل الجامعة وهي لسه ما عارفة تعمل ملف PDF 😂💔

مشكلة شائعة جداً في منصة ادرس في السعودية ⚠️

في طلاب كتار زر إرسال الطلب عندهم بيكون مقفول أو مضلل وما قادرين يرسلو الطلب..

والسبب غالباً بسيط جداً 👇

✅ لازم تدخل على حسابك و تتأكد انك :
– كاتب المجموع الكلي..
– ورافع الشهادة بصيغة PDF

لأنو لو في بيانات ناقصة أو ملف ما مرفوع بشكل صحيح، زر الإرسال ما حيشتغل معاك ❌

بعد تكمل البيانات دي كلها، غالباً زر إرسال الطلب حيظهر مباشرة 👍

📌 نصيحة: راجع كل الرغبات وحدة وحدة وما تعتمد إنك رفعت البيانات مرة واحدة بس.

ونسأل الله التوفيق للجميع 🩵

#السعودية

في طلاب بدخلو الجامعة وهم شاطرين جدًا في الدراسة..
لكن أول أسبوع بس بخليهم يحسو إنهم متأخرين عن كل الناس 😅

واحد ما عارف يستخدم الـ Word او ما عارف ال Word دا شنو أصلاً..
واحد بتوتر من السمنار و الـ Presentation
واحد ما بعرف يرتب ملفاته
وواحد لسه كل مرة يسأل: “PDF دا بعملو كيف؟” 👀

والحقيقة المؤلمة؟
مهارات التعامل مع الحاسوب بقت من أهم المهارات لأي طالب أو حتى أي شخص عايز يطور نفسه.

لأن تقريبًا كل حاجة هسه بقت مرتبطة بالكمبيوتر:
– التكليفات
– البرزنتيشنات
– الإيميلات
– التعامل مع Google Drive
– التسجيلات والمنصات
– وحتى التقديم للشغل بعد التخرج

يعني الموضوع ما رفاهية..
دي مهارة أساسية، والبتأخر فيها بتعب شديد بعدين.

عشان كدا قررنا في UTC (UniPath Training Center) نقدم ليكم:
🔥 ورشة أساسيات الحاسوب (ICDL) 🔥

ورشة أونلاين مجانية لمدة يومين عبر الواتساب، مناسبة خصوصاً:
– للطلاب الداخلين الجامعة
– طلاب السنة الأولى
– أي شخص حاس إنو ضعيف في التعامل مع الكمبيوتر
– وحتى الخريجين العايزين يطوروا نفسهم

📚 خلال الورشة حنتعلم:
• أساسيات التعامل مع الكمبيوتر
• الـ Word
• الـ PowerPoint
• تنظيم الملفات
• استخدام الإنترنت وأدوات Google
• وأهم المهارات الأساسية المطلوبة في الدراسة والشغل

الورشة عملية وبسيطة جداً، وحتى لو مستواك صفر أو ما عندك جهاز حتستفيد شديد بإذن الله 🙌

مميزات الورشة:
✔️ مجانية بالكامل
✔️ تطبيقات ومهام بسيطة..
✔️ شهادة حضور..
✔️ تمهيد قوي لأي شخص عايز يدخل مجال التقنية أو يطور نفسه

📅 بداية الورشة:
غدًا الإثنين 25/5
الساعة 8:00 مساءً بتوقيت السودان

⚠️ المقاعد محدودة..

لو حابب تحضر علق بـ“ورشة الحاسوب” في التعليقات وحنرسل ليك رابط القروب والتفاصيل مباشرةً 🫡🔥

وتاقي صاحبك العايزو يستفيد معاك 🫡🩵

🚨 تحديث مهم جداً بخصوص منحة ادرس في السعودية 🇸🇦

واضح إنو التقديم لسا شغال في المنصة لحد نهاية الشهر 👀🔥

وعشان كدا قررنا نفتح استقبال الطلبات مرة أخيرة لمدة 24 ساعة فقط ⏳
لانه في ناس كتار كانو عايزين يقدمو وما لقو فرصة..

لكن بعد الـ 24 ساعة دي:
🚫 ما ح نستلم أي طلبات جديدة..

ليه؟ لأنو بصراحة.. المرحلة الحالية محتاجة مراجعة دقيقة وترتيب للملفات، وكذلك التيم اغلبو في إجازة

الأولوية هسي للطلاب الجاهزين و المرتبين أوراقهم والجادين فعلاً في التقديم

🎓 المنحة تعتبر من أقوى الفرص العربية:
– تمويل كامل
– راتب شهري
– سكن
– تأمين صحي
– دراسة مجانية بالكامل
– جامعات حكومية قوية ومعترف بيها

و ناس كتار بيضيعوا الفرصة بسبب التأخير و التردد 😅

لو ناوي تقدم دي غالباً آخر فرصة حقيقية 🔥

📩 علق بـ"منحة السعودية" و حنتواصل معاك مباشرة

الطالب البيدفع 650 دولار في السنة...
والطالب البيدفع 6000 دولار في السنة...

في النهاية ممكن يتخرجوا بشهادتين من جامعتين معترفة بيها.

لكن الفرق شنو؟

الفرق إن في واحد منهم عرف وين يفتش على الفرصة المناسبة.

في UniPath جبنا ليكم دراسة على النفقة الخاصة
📌 تخصصات تبدأ من 650 دولار سنوياً.
📌 هندسة تبدأ من 1000 دولار سنوياً.
📌 علوم حاسوب، ذكاء اصطناعي، أمن سيبراني، صيدلة، إدارة أعمال وغيرها برسوم مغرية ومناسبة.

الدراسة بالخارج ما دائماً محتاجة ميزانية ضخمة، وأحياناً أفضل الفرص بتكون أقرب مما تتوقع.

والهند واحدة من الخيارات البتستحق تفكر فيها👌.

لو مهتم خليك قريب عشان تشوف أفضل الفرص بأقل التكاليف🩵.

مهتم بورشة اساسيات الحاسوب المجاني ولسا ما دخلت قروب الورشة ؟

ح تلقى الرابط في اول تعليق 👇
او علق بـ"ورشة الحاسوب" و ح نرسل ليك الرابط مع التفاصيل مباشرةً 🫡

⭕ آخر يوم لاستلام طلبات التقديم على منحة حكومة سلوفاكيا 🇸🇰

إذا كنت ناوي تدرس في أوروبا، فدي فرصتك للتقديم على واحدة من المنح الحكومية المميزة.

📌 من النقاط المهمة في المنحة:
يمكن التقديم حتى لو الشهادة ما صدرت لسه، بشرط رفع الشهادة النهائية قبل 31 أغسطس.

المنحة تشمل تخصصات متنوعة، بما فيها التخصصات الطبية والهندسية.

⏳ اليوم هو آخر يوم لاستقبال الطلبات في UniPath، فما تأجل التقديم للّحظات الأخيرة.
المنحة بتقفل 25 مايو

علق بـ سلوفاكيا وح نرسل لك التفاصيل ونبدأ معاك التقديم فوراً 🩵.

في طلاب بدخلو الجامعة وهم جاهزين يدرسو.. لكن أول تكليف فيه Word أو Presentation بخليهم يحسو إنهم تايهين 😅💻

والحقيقة مهارات التعامل مع الحاسوب بقت من أهم المهارات في أي جامعة أو شغل حالياً..
لأنو تقريباً كل حاجة بقت تعتمد على الكمبيوتر:
تساليم، برزنتيشنات، إيميلات، تسجيل مواد، وحتى التقديم للشغل.

يعني الموضوع ما مهارة إضافية.. دا أساس أي طالب أو موظف مفروض يكون عارفو 👍

عشان كدا قررنا نعمل ورشة مجانية عن أساسيات التعامل مع الحاسوب 🔥
ورشة عملية ومبسطة جداً، ممكن تختصر عليك شهور من اللخبطة والتوتر.

خصوصاً لو داخل على المرحلة الجامعية او برلوم 😅
أو حتى خريج ولسه بتتلخبط في الحاجات التقنية

حتتعلم فيها أساسيات مهمة جداً زي:
- الـ Word
- والـ PowerPoint
- تنظيم الملفات
- التعامل مع الكمبيوتر بصورة صحيحة
- ومعلومات كتيرة حتوفر عليك وقت ومجهود كبير

وصدقني.. بعد الورشة دي الناس ح تبدأ تقول ليك: “تعال ظبّط لينا الملف دا كدا 😂🔥”

📌 الورشة مدتها يومين
وفيها تطبيقات بسيطة وتاسكات عملية

وحتى لو ما عندك جهاز، بنصحك تحضر برضو لأنك ح تستفيد شديد 🙌

لو مهتم اكتب “ورشة الحاسوب” في التعليقات وحنرسل ليك التفاصيل ورابط القروب مباشرةً 🫡

وتاقي صاحبك البحب الميريا والعايز يبدأ يفهم التعامل مع الكمبيوتر أخيرا 😂

في الجزء الأول اتكلمنا برسمية عن الشهادات و الفرق بين البكلاريوس و الدبلوم وهكذا..

بس الليلة حننزلك الميدان ونكشف ليك المستور 😅.. جهز نفسك عشان داخل على عالم غريب، ومصطلحات حتسمعها كل يوم في الحرم الجامعي، وعشان ما تقعد "منطط عيونك" وما فاهم اي شي، هاك القاموس البرلومي دا:

🔸 البرلوم (أنت قريباً):
دا الكائن اللطيف، الشايل شنطة ظهر تقيلة كأنه مسافر من الخرطوم لـ بورتسودان، ولابس جزمة بتلمع، وبيحضر المحاضرات من الساعة 8 صباحاً حتى لو الدكتور اعتذر..

نصيحة: لو سألوك من مبنى، ما تقيف تفتش مع الـسناير، لأنهم ح يبرلموك و تاني ما بتنساها طول عمرك 😂
الحركات دي لسة قاعدة فـ خليك شِفِت.

🔸السنير:
دا الطالب القديم (من سنة تانية وأنت طالع)، زول عايش بنظرية "النوم سلطان".
بتلقاهو جاي الجامعة بـ سفنجة أو شبشب، وما شايل معاهو حتى قلم.
علاقته بالدكاترة سمن على عسل، وبيعرف يلم المادة في آخر ربع ساعة قبل الامتحان.. زول خبرة من الآخر.

🔸 التوب سنير:
دا الكائن الشاحب، الماشي وبيتكلم مع نفسه.
باله كله مشغول بـ مشروع التخرج، ودايما بتلقاهو بردد: "أنا بس عايز الشهادة دي وأطلع من البلد دي" 💔😂 واصل لمرحلة من الزهد الأكاديمي تخوف.

🔸 الليدر (ضحية الدفعة):
البطل الخفي اللي الدفعة كلها بتدعي عليه في سرها 😅

دا الزول المسؤول ينسق بينكم وبين الدكاترة. تلفونه ما بيقيف من رسائل الواتساب: "أجل المحاضرة"، "الامتحان حيكون لغاية وين؟"، "الدكتور دا مالو صارّي وشو كدا؟"
😅 لو بقيت ليدر، اعتبر راحتك النفسية انتهت. بس برضو عندو فوائد كتيرة

🔸 بروف الدفعة :
دا الملاذ الآمن والمنقذ ليلة الامتحان.
الزول الفاهم الطايرة، البيقعد يشرح للدفعة كلها الحاجات الصعبة قبل الامتحان بساعة،
حافظوا عليه وعاملوه كويس لأنو مستقبلكم بيده 😂

🔸 البروفيسور أو الدكتور:
هنا مافي حاجة اسمها "يا أستاذ" أو "يا أستاذة" زي المدرسة، الكلمة دي بتمسح بكرامتك الأرض 😂

في الجامعة في "دكتور" أو "بروفيسور"، وهو الآمر والناهي، وكلمته سيف على رقبة المقررات والدرجات. عشان كدا ما تعمل معاهم مشاكل لانك انت الحتضيع 😅

🔸 القاعات :
هنا مافي حاجة اسمها فصول، هنا بقولو عليها قاعات وبتكون كبيرة، وما تفتكر انك ممكن تحتكر مقعد لنفسك زي بتاع الثانوي 😂
هنا بتجي تقعد في اي محل..
والمقاعد اسمها بينشات عشان الناس ما تسوقك بالخلا..

🔸 اللابات (المعامل):
المكان المفضل والشغل الجد..
بتدخل المعمل و بتحس نفسك في وكالة ناسا 😂، وتكتشف في النهاية إنك بتخلط موية بملح أو بتوصل أسلاك.. او تقعد على كمبيوتر وتلعب شوية 😅

بس الميزة إنو درجاتها هي اللي بترحّمك من قسوة الامتحانات النظرية.

🔸 الشيت (الملزمة):
في الجامعة مافي كتاب مدرسي موحد بتستلمه بداية السنة، الشغل كله شيتات بتنزل في مكتبة الكلية، وبتلقى الدفعة كلها متجمعة هناك ليلة الامتحان كأنهم بيوزعوا في مواد تموينية 😂

📌 بيئة الجامعة مختلفة تماماً، فيها حرية أكتر بس فيها مسؤولية أكبر، وعشان تنجو، لازم تفهم اللعبة من بدري وتكون زول مسؤول من نفسك ومن تصرفاتك..

شايفك ياا السنير بتضحك ساي ، ورينا اها برلموك كيف ولا كنت شفت 😂 ؟ يلا اعترفوا.. 😅👇

#البرلوم #الجامعة

🚨 سلسلة : كيف تقوي ملفك | البوست الأول

التطوع حاجة بستهين بيها أغلب الطلاب العايزين يقدمو في المنح.. بس ممكن يغيّر ملفك بالكامل 👀🔥

في طلاب فاكرين إنو التطوع مجرد:
شهادة زيادة وخلاص 😅

لكن الجامعات والمنح العالمية بتشوف الموضوع بطريقة مختلفة تماماً.

هم لما يلقوك متطوع.. بيعرفوا إنك:
✔️ بتعرف تشتغل مع ناس
✔️ عندك مسؤولية
✔️ بتقدر تلتزم
✔️ وعندك شخصية خارج إطار الدراسة

ودي نقطة قوية شديد في أي ملف..

المشكلة انه في ناس كتار بفتكروا التطوع لازم يكون:
❌ في منظمة عالمية..
❌ شهادة فخمة..
❌ أو نشاط ضخم شديد..

بينما الحقيقة حتى المبادرات الصغيرة ممكن تكون مؤثرة جداً 🔥

مثلاً:
– تنظيم فعالية
– مساعدة في مبادرة شبابية
– تدريس أطفال
– نشاط صحي
– عمل مجتمعي
– فريق إعلامي أو تقني

كل دي حاجات بتدل على انه الزول دا نشيط وعندو قابلية يكون شخص مؤثر.

لكن أهم نقطة 👇
🚫 ما تدخل تطوع عشان الشهادة بس.

ادخل عشان:
تتعلم.
تجرب.
تعرف كيف تحل مشاكل.
تكتشف نفسك.

لأنو غالباً النشاطات دي هي البتديك القصص والخبرات البتكتبها بعدين في الـ CV و خطاب النية وحتى المقابلات 🔥

📌 لو انت حاليا متطوع في منظمة، قول لينا متطوع وين و احكي لينا تجربتك بصراحة 🔥
في ناس كتيرة ح تستفيد..

#التطوع #المنح