Madrasty

انضم معنا في نادي المدارس السعودية

https://fb.com/groups/728511190623784/?fth=1

fb.com

رازكيدز هو تطبيق يساعد طفلك على التحدث اللغة الإنجليزية بطلاقه في اطار من المرح واللعب من خلال المساعدة على تنمية مهارة القرأة ومعرفة مفردات الكلمات واتقان اللهجة وذلك عن طريق سماع القصص وإعادة قرأتها مرة أخرى والكثير من المهارات الأخرى التي سوف تكتشفها مع هذا التطبيق

http://unique.services/

Home - UNIQUE SERVICES

Home Page

مافيش حد فينا و عنده أولاد في المدرسة إلا و أكيد بيسألهم السؤال التقليدي أول ما يرجعوا من المدرسة : "إيه أخبار المدرسة النهاردة" ؟؟ و غالبا الإجابة هتكون من عينة : "الحمد لله" .. "كويس" .. حاجة كدة , و طبعا الإجابات المختصرة دي مش بتدي أي إنطباع مفيد عن اللي حصل لأولادنا بالفعل و علشان كدة فيه أب إقترح مجموعة من الأسئلة الغير تقليدية (25 سؤال) اللي ممكن نسألهم لأولادنا (مش كلهم مرة واحدة طبعا) لما يرجعوا من المدرسة (فحبيت أترجم اللي كتبه حتي تعم الفائدة .. مع بعض التغييرات / الإضافات البسيطة من عندي) علشان نعرف إيه اللي حصل في يومهم و نطمئن علي أخبارهم و كمان ممكن نعرف من خلال هذه اﻷسئلة ميولهم و إهتماماتهم و الحاجات اللي بيحبوها و الحاجات اللي مش بيحبوها :
1- إيه أحسن (أسوأ) حاجة حصلت لك النهارده ؟
2- إحكيلي علي حاجة ضحكتك النهارده
3- لو عندك الإختيار , مين أكتر حد تحب (ما تحبش) تقعد جنبه في الفصل ؟
4- إيه أكتر مكان بتحبه في المدرسة ؟
5- قولي أكتر كلمه غريبه سمعتها النهاردة
6- لو أنا كلمت المدرس / المدرسة بتاعتك النهارده و سألتهم عنك , تتوقع هيقولوا إيه ؟
7- هل ساعدت أي حد من أصدقائك النهارده ؟ إزاي ؟
8- هل أي حد ساعدك النهارده ؟ إزاي ؟
9- إحكيلي علي حاجة واحدة إتعلمتها النهارده
10 - إيه أكتر وقت كنت مبسوط و سعيد فيه النهارده و إنت في المدرسة ؟
11- إيه أكتر وقت حسيت فيه بالملل النهارده و إنت في المدرسة ؟
12- لو سفينه فضاء من كوكب تاني نزلت علي الفصل عندكم , تحب المخلوقات الفضائية دي تأخد مين من زملائك معاهم ؟
13- مين من أصدقائك اللي عمرك ما لعبت معاهم قبل كدة تحب تلعب معاه في الأجازة أو في أوقات الراحة ؟
14- إيه أكتر كلمه المدرس / المدرسة بتاع الفصل قالها (قالتها) النهاردة ؟
15- إيه أكتر (أقل) حاجة شايف إنك المفروض تتعلمها في المدرسة ؟
16- إيه أكتر مادة (أقل) مادة بتحبها من المواد اللي بتأخدها ؟
17- مين من زملائك في الفصل شايف إنك المفروض تعامله معامله أحسن ؟
18- إيه أكتر مكان في المدرسة بتحب تلعب فيه خلال أوقات الراحة ؟
19- مين أكتر ولد / بنت معاك في الفصل بتحس إنه لذيذ و دمه خفيف ؟ و ليه ؟
20- إيه أكتر حاجة بتحبها في الأكل اللي بتأكله في المدرسة ؟
21- إيه أكتر حاجة مش بتحبها في الأكل اللي بتأكله في المدرسة ؟
22- لو بقيت إنت مدرس الفصل بكرة , إيه اللي هتعمله في الفصل و مع الطلبة ؟
23- شايف حد من زملائك في الفصل يستحق العقاب ؟ و ليه ؟
24- لو تحب تبدل مكانك في الفصل مع حد تاني , تحب تبدل مع مين ؟
25- إيه أكتر نشاط غير دراسي (موسيقي , رسم , رياضة) بتحبه ؟
طبعا ممكن يكون فيه أسئله تانية و لكن المهم إننا و إحنا بنسأل أولادنا نسألهم أسئلة من نوعية Open End Questions و هي الأسئلة التي تخليهم يحكوا و يتكلموا مش من نوعية الأسئلة Closed End Questions اللي إجابتها غالبا هتكون من كلمه واحدة أو كلمتين بكتير