مهارات منتسوري Montessori Skills

YaaY Wedding Activity Booklets
Yaay بتقدم بوكليتس للاطفال في الافراح
عشان تشغل الاطفال وتسليهم وتسعد العرايس وتشيل من عليهم عبء فوضى الاطفال
البوكليتس بتكون مخصوصة لكل عريس وعروسة فيه مش اقل من ١٢ نشاط مختلف
كل نشاط مربوط بالعريس والعروسة وجو الفرح اساميهم اشكالهم لبسهم وحتى اهتماماتهم ووظيفتهم
YaaY بتقدم البوكليتس ده لاول مرة في مصر
تابعوها ورشحوها لكل عريس وعروسة مش بس في مصر لا ده لكل حتة في العالم كمان

https://www.instagram.com/yaay_wedds/

فرح انا موبايلي هيفصل شحن محتاجه الشاحن جدا

لاااااا لا 😡😡 عشان انتوا ضيعتولي الشاحن بتاعي 😪وانا مليش دعوه بقي

ايوه انت حاسه انك عايزه تشحني لانك ملكيش ذنب صح ؟

ايوه بالظبط وده كمان تاني شاحن تضيعوه

فهماكي بس مين اللي ضيع الشاحن بالظبط ؟

انت

ايه اللي خلاكي شايفه كده ؟

انك اخر واحده شحنتي بيه وبعد كده اختفي

متاكده ان اللي بيشحن اخر واحد يبقي هو اللي ضيعه ؟

........)نظرت كسوف وضحكه 😂

طيب خلينا دلوقتي نفكر دلوقتي احنا عندنا شاحن واحد و٢ موبايل مش مشحونين صح ؟

صح

وانت شايفه ان انت الاول صح ؟

صح

في رايك موبايلك ممكن لما يوصل شحنه لحد فين اقدر اشحن موبايلي ؟

٢٠ في الميه 😁( اي فيل لايك انا مش هاخد اقل من عشيين جنيه 😂😂😂)

اتفقنا 😍😍

واتفقنا 🥰🥰🥰

انا احتويت المشاعر وعملت انصات تفاعلي وسئلتها علي الwin win situation اللي متخليش حد فينا خسران بس عشان لقطه

اتفقنا 🥰🥰

لما طوله بالنا واخدنا وعطانا يبقي في مقابل اننا نتفق مع اقرب الناس لينا يبقي ده الوقت والمجهود اللي يستاهل

اختارو اللي يستاهل 🥰

فرح تستاهل طوله البال والاخد والعطا وانا استاهل الاتفاق 😍😍

احنا مش مجبرين ولا بنسايس عشان متأزمين احنا مختارين
ويبقي الاثر

جدول لمتابعة منهج الحياة الحسية جاهز للطباعة

ماما انا عايزه ابات عند صحبتي

انا مش موافقه هاخد راي بابا ونشوف
شويه وطلبت من محمد نقعد انا وهو عشان عايزاه في موضوع

محمد فرح عايزه تبات عند صحبتها

لا طبعا

انا موافقاك بس ليه ؟

مينفعش تبات بره البيت

معاك حق بس ليه ؟

ليه ايه ؟

ليه ؟ هقولها ايه السبب ؟

قوليلها بابا مش موافق 😂😂

ايوه ليه بقي 😂

محمد بدأ يحس اني غبيه تقريبا 😂( مينفعش وبعدين هي طلبت الطلب ده قبل كده وانا اتكلمت معاها وفهمتها اني خايف عليها ومينفعش )

طيب هو واضح ان المره دي سكتتها وقتها بس هي لسه عندها رغبه فاحنا محتاجين يكون عندنا strong why

عشان عيلتنا مش بتوافق علي كده 😎

-مبدع والله يا ابني 😂 بذمتك دي واحده هيحوق فيها الجو ده انا بصراحه ومش عاوزه احور عليك حاسه بتناقض بين اللي بنقوله وبين اللي بنعمله في الحته دي

-ازاي ؟

-يعني احنا السبب بالنسبالنا واللي بلغناها بيه تحت عنصر الضغط والمفجأه هي اننا جاوبنا الاجابه التقليديه اللي حفظينها بس في نفس الوقت لما انا رحت المستشفي وانت جيت بيت معايا وداناها تبات عن احمد ودينا !!

-ايوه بس دول ناس عشره واحنا عارفينهم كويس وانا عارف احمد وواثق فيه جدا جدا وانت كمان نفس الموضوع مع دينا

-تمام يبقي المبدأ ان ممنوع البيات ولا البيات له شروط ؟

-يبقي نقولها ان البيات يكون بس لو الناس دول ثقه جدا جدا جدا

-ايوه وشايفه كمان اننا يبقي في بينا علاقه اسريه مش مجرد صحبتها يعني احنا متعرفين علي العيله كلها وعارفينهم كويس كلهم
وان القواعد دي لما تكبر لازم ترجع فيها للمرجعيه الدينيه وتسأل حد عن شروط بيات الست بره بيتها

وبعدين ندهت فرح وقعدنا وحكت لها اننا كان عندنا راي الاول ان لا تحت اي ظرف بس بعدين فكرنا ووصلنا للقاعده دي وسئلتها عن رايها فيها
وهي شيفاها قاعده عادله ومريحه ليها ولا لا

قالت لي بس كده انا هفضل بس مسموحلي ابات عند اولاد صحابكم بس لو انا عندي ذوق مختلف وصاحبت ناس انتوا مش صحابهم يبقي اتفلق (واغروقت عيناها بالدموع وكان يراودني اني اشتمها واشكرني علي سعه صدرى 😂بس الحقيقه تمالكت نفسي😂)
وقلت لها يبقي ممكن نعمل step للتعارف قبلها او نتاكد من قوانين عيلتهم جايز هما ok مع ان صحبتك هي اللي تيجي تبات

-سكتت الحمد لله واطمنت ان معندهاش اي اعتراضات تانيه

وتمت المهمه بحمد الله 😂

------------------------------------------------------------------------

في بدايه المراهقه هنتفاجئ بالبدع 😂
نصيحه متخليش عنصر المفجأه يوقعك في الغلط وسيب لنفسك كمربي مساحه للتفكير واتخاذ القرار مع شريكك

لان كله بيبقي قلقان جدا علي ولاده اللي قلقان يوافق ليضيعوا واللي قلقان يرفض يتمردوا 😎😎😎

ومن هنا وجب الحوار ووضع ضوابط

طيب وضعنا الضوابط

هنعرض الموضوع علي الطفل ونسمع رايه ونطور القاعده لحد ما ترضي جميع الاطراف بنسبه مش مسببه للارف والضغط لان مفيش مثاليه ممكن عادي تفضل كده حتي جوانا مش راضيه رغم الاجتهاد فعادي

عرفوا الطفل المجهود اللي بذلتوه في انكم تحطوا القاعده دي
ولو كان عندكم راي وراجعتوه عرفوه

عشان يحس ويقدر ويفهم عيلته ازاي بتتعاون وتتفاهم بدل ما يكبر بمعتقدات سلبيه عنكم انكم متمسكين برايكم اللي ممكن تكونوا بذلتوا مجهود عشان تغيروه بس هو مطلعش عليه

حتي لو كانت عادات اسرتكم في اتخاذ القرار مختلفه جربوا ده ولو حتي في قرارات بسيطه علي الاقل يبقي شاف ده ولو بعض الوقت ❤

مش لازم نبقي بنتبع معايير عاليه جدا في حل المشاكل والخلاف طول الوقت بس ممكن نستمتع بيها ونعلمها لولادنا بعض الوقت ❤

جربوا
جربوا تقربوا

ويبقي الاثر

امبارح وانا في عز نومي حسيت بفرح داخله في حضني وانا نايمه وبتلزق فيا يا قلبي زي ما تكون بتستخبي في حضني من حاجه خوفتها ❤❤❤

بالرغم من انها بقالها سنين بتنام في اوضتها بس المره دي حستها حقيقي محتاجه ملجئ ❤

لما درست عن تعلق الطفل بأمه كان من ضمن الاسباب اللي بتعلقه بيها كده انه محتاج في حياته لملجئ

يطمنه
يريحه
يحس بيه ❤

ويجري عليه لما يخاف
يضايق
يتغاظ
يحتار

اوقات كتير الموضوع ده مش بيكون سهل علينا لما نحس ان في عز خوفهم احنا كمان خايفيين ومضغوطين احسن ميتعودوش علي بعض القواعد او يفهموا بعض المفاهيم المهمه

وبيكون رد فعلنا علي خوفهم صادم ليهم وضاغط ومخذل جدا رغم حسن نيتنا 😥 واننا عايزيين مصلحتهم

اوقات كمان بتكون الام مجهده او مضغوطه واتفاجئت بالتواصل ده وممكن ده يخلي رد فعلها مبالغ جدا وموجع جدا جدا ليهم

من اكتر الحاجات اللي هتفرق معاكم عشان تعرفوا توزنوا الامور

خطوه بسيطه اسمها الاعداد المسبق لحل المشكلات

يعني ان الام تتعلم استجابه متزنه للموقف ده تجمع بين اولويه اطمئنان الطفل وشعوره بالراحه في حضنها
وبين تعويده علي القواعد

في اداه لطيفه جدا اسمها connection before correction

واخد بالك من before دي 😂😂

Connection
زي حضن حتي الاشباع
زي اسمعه واظهر الاهتمام للاخر لحد ما يخلص من غير توجيهات ولا وعظ ولا نصايح
زي اني اعمله اقرار للمشاعر واحسسه انه طبيعي بجمل زي

ايوه الخيال علي الحيطه ده بيخوف اوي فعلا
الصوت اللي بيعلي فجئه ده بيخض اوي ويخلي قلبك يدق جامد

Correction

زي

اني اقوله خليك في حضني لحد ما تطمن
او انا هروح اقعد جمبك لحد ما تنام

او انا هسيبلك نور الاباجوره وهرجع ابص عليك بعد شويه

او اني اسئله تحب نعمل ايه واتفق معاه علي حل وسط

غالبا الcorrection ده مش هيشتغل لو الام استعجلت وقدمته قبل الconnection

زي بالظبط لما تروحي تشتكي لجوزك ويديكي حل بسرعه قبل ما يديكي جرعه حنان 😂 بتلاقي نفسك اتكبستي كبسه سودا وقعدتي تطولي في الكلام واحتمال تمسكي في خناقه وانت شيفاه جبله ومعندوش احساس بأوجاع الناس 😂😂

مع ان طقم الحنيه ده هيطمن قلبك كده وينقلك لمود فراشه طايره عايزه ياخدك من ايدك يحطك مكان ما يحطك ان شالله في جهنم هتبقي في عينك جنه ❤

ربنا يجعلنا واياكم جنه ولادنا في الارض وملجأهم والحضن اللي بيقويهم علي الحياه ❤❤

الحكايه مش حكايه مجهود الحكايه حكايه احساس
#حسها

مذكرة الطفل المبدع 💛.pdf

أفكار مختلفة لاستخدام كروت "حاسس بإيه":

للأطفال من سن 3 إلى 5 سنوات ممكن الام او الاب يعرض الكروت على الطفل ويتكلم معاه عن المشاعر اللي في الكارت، زي مثلا انه يحكي الموقف المرسوم في الكارت ويسمي الشعور، ويتكلم معاه شوية عن ايه اللي ممكن نعمله لما نحس بالشعور ده (اللي مكتوب في ظهر الكارت)

في السن الصغير ده تعلُّم المشاعر بيساعد جدا في النمو العاطفي للطفل.

الأطفال من سن 5 سنوات لحد 15 سنة او اكتر ممكن يلعبوا بالكروت بكذا طريقة:
اول طريقه طبعا ان الطفل لما يحس بشعور معين يطلع الكارت بتاع الشعور ده ويقرا او يشوف صور الاقتراحات (لو لسه مابيعرفش يقرا) اللي في ظهر الكارت اللي بتساعده انه يتصرف بطريقه إيجابية في كل شعور

لو اكتر من طفل ممكن يلعبوا مع بعض كده:

- كل لاعب في دوره ياخد كارت من غير ما اللاعبين التانيين يشوفوه ويمثل الشعور اللي في الكارت، واللاعبين المفروض يخمنوا الشعور ده
- كل لاعب في دوره ياخد كارت من غير ما اللاعبين التانيين يشوفوه، وبعدين يحكي حكاية حصلتله حس فيها بالشعور اللي في الكارت، واللاعبين يخمنوا الشعور ده برضه
- كل لاعب في دوره ياخد كارت ويقول الاقتراحات اللي موجوده في ظهر الكارت، واللاعبين المفروض يخمنوا الشعور

وممكن ولي الأمر أو المدرس أو المعالج استخدام الكروت بالطرق دي:

- يختار الطفل كارت ويناقش مع ولي الأمر الموقف الموجود بالكارت ويسأله ماذا سيكون شعوره إذا حصل له نفس الموقف
- يحكي ولي الأمر للطفل قصة فيها مشاعر مختلفة وبعدين يديه فرصة يختار المشاعر التي كانت في القصة من الكروت
- يختار الطفل شعور قوي زي غضبان، خائف، متغاظ، ونخليه يفكر في طرق مختلفة يساعد بيها شخص حاسس بالمشاعر دي
- يساعد ولي الأمر الطفل في انه يفكر بنفسه في اقتراحات للتعامل بطريقة إيجابية في حالة كل شعور

كل دي اقتراحات، وانا متأكده انكوا تقدروا مع ولادكوا تفكروا في أفكار تانية كتير تخليكوا تستمتعوا مع بعض ان شاء الله

لتفاصيل اكتر عن الكروت شوفوا البوست ده:
https://m.facebook.com/story.php?story_fbid=2260603147503504&id=1640016666228825

لعمل اوردر من موقع سوق

https://souq.link/2yre8Ky

تدريبات لتحسين التركيز والانتباه
المصدر:
مدونة صعوبات التعلم

تدريبات الانتباه.pdf-1695534093.pdf https://drive.google.com/open?id=0B-1SKqDWPlPITXBkLXltT29HSU0