Tarig Omer Educational

Tarig Omer Educational Education

لو داير ارجع اعمل كورسات اونلاين شنو هي الحاجات المحتاجنها مني انو اعمل فيها كورس وما تنجر من طرف ركز في نوع الكورسات ال...
26/02/2026

لو داير ارجع اعمل كورسات اونلاين
شنو هي الحاجات المحتاجنها مني انو اعمل فيها كورس
وما تنجر من طرف ركز في نوع الكورسات الانا بقدمها
Biochemistry Physiology Pharmacology
حاجات زي دا
فحدد الدروس او ال chapter اللي حاسي انها صعبة و عكليته و محتاجه ليها كورس كداااا من النوع ون-تو و يشبه حليب بدره سريع الذوبان
اكتب في التعليقات تخصصك و محتاج كورس شنو
ما تقعد تراقب في الصفحة و انت ساكت كدا

مريضة مصابة بسرطان الدم leukemia جو يعالجوها من السرطان اتعالجت من الايدز !.........اللوكيميا من انواع السرطان اللي الاب...
19/02/2026

مريضة مصابة بسرطان الدم leukemia جو يعالجوها من السرطان اتعالجت من الايدز !.........
اللوكيميا من انواع السرطان اللي الابحاث مشت كتير جدا فيها، وهي سرطان بصيب مختلف خلايا كريات الدم (1)
والرابط المشترك بين كل كريات الدم هو المنشأ حقها !
# the bone marrow 🦴 #
# نخاع العظم #
فلو عملنا للزول دا تجديد لخلايا النخاع حنكون عالجنا المشكلة من جزورها
لانك حتبدل الخلايا بتاعوو اللي اصلا اتحولت ل cancerous cells
وتبدلها ب new cells
واحدة من الخلايا البتمثل بديل ناجح هي خلايا الstem cell (الخلايا الجذعية)
لأنها خلايا غير متمايزة وممكن تديك كل الخلايا العايزها انت حسب البيئة الزرعتها فيها !

فجابو stem cells من طفل سليم و شالوها من مكان اسهل شديد
وهو ال umbilical cord blood
الدم الطالع من الحبل السري !
مش بعد الولادة طوالي بقطعو الحبل السري والحاجات المعاه وبتخلصو منها ؟
اها ديل ما بجدعوه وبطلعو منها خلايا stem cells خلايا جذعية ممكن تديك كل خلايا الدم وزرعوها في نخاع المريضة والمريضة اتعافت من اللوكيميا! (2)

بس المريضة دي ما كانت عندها leukemia وبس!
برضو كان عندها AIDS مرض نقص المناعة المكتسب وجسمها كان فيهو الفيروس HIV
لكن لما عملو ليها الفحوصات بعد العملية طلع ما عندها !
الله !
كيف الكلام دا ؟

عشان تعرف الحصل شنو لازم تعرف شنو البربط ال leukemia بالAIDS
الجامع المشترك بين الاتنين ديل هو انهم الاتنين بصيبو كريات الدم البيضاء
HIV attacks and uses T helper cells
يعني لو غيرنا وجبنا stem cells ممكن نتعافى من الAIDS ؟
الاجابة لا!
لانو الفيروس قاعد و ح يهاجم الخلايا الجديدة برضو!

الحصل انو الطفل القبيل الشلنا منو الخلايا كان عندو طفرة جينية خلتو مقاوم للAIDS (الفيروس يخش الجسم ويحوم ساي من غير يأذي خلايا T helper)
والقدرة دي انتقلت للمريضة بعد نقلو ليها الخلايا من الطفل !

ودي تعتبر الحالة الثالثة في تاريخ البشرية تتعالج نهائيا من الايدز والحالتين التانيات برضو غيرو ليهم الbone marrow cells
بس ما من ال umbilical cord blood
(3)


الطفرات الوراثية ممكن تديك مقاومة من مرض ماعندو علاج
والحاجة الكنا بنجدعا بعد عمليات الولادة فيها مصدر علاج لناس تانين !
📌لو داير تعرف اكتر عن الخلايا الجذعية او عن الحالة دي
شوفو الروابط تحت👌

2019 المنحة التركية مرفوض❌ 2020منحة جامعة خليفة بالامارات مرفوض ❌ 2023 منحة imperial college partnership with U of K اج...
06/02/2026

2019 المنحة التركية
مرفوض❌
2020منحة جامعة خليفة بالامارات
مرفوض ❌
2023 منحة imperial college partnership with U of K
اجتياز المرحلة الاولى ✍️
المرحلة النهائية مرفوض❌
2023 بداية التسجيل للدكتوراه في الخرطوم
الحرب قامت ... الدكتوراه: ماف طريقة الان ❌
2023 منحة ال DAAD ...مرفوض ❌
2023 بداية التقديم للمنحة المجرية ✍️
تم القبول النهائي🎉
ما قدرت اسافر لظروف الحرب و لتقديرات شخصية❌
2024 تم التقديم في منحة جامعة الملك عبد العزيز بجدة
تم القبول النهائي 🎉
تم الغاء كل التقديمات ❌لتوحيد القبول عبر منصة ادرس في السعودية
منحة جامعة قطر ..تم التقديم...تم دفع رسوم التقديم ✍️
مرفوض ❌
منحة جامعة الملك عبد الله للعلوم ..مرفوض ❌
منحة جامعة الملك سعود للباحثين ..توقعي للقبول بالمنحة 90%
مرفوض ❌
منحة جامعة الملك سعود لطلاب الدكتوراه، توقعي لقبولي بالمنحة لايتجاوز 5%
تم القبول النهائي🎉
تم الالتحاق بالجامعة و لله الحمد 🇸🇦🇸🇩
اللهم بارك لنا في مجهودنا و زلل الصعاب..
زي ماشايفين كمية الريجكشنات و الشلاليت، و يمكن في كمية من العراقيل الظهرت و كان فيها قلق وترقب و انتظار طويل و دعاء و استشارات و استخارات
بس ربنا يسرها ودبرها من عنده وحده
سبحانك لا علم لنا إلا ما علمتنا إنك انت العليم الحكيم
اللهم لك الحمد كما ينبغي لجلال وجهك و عظيم سلطانك
مع كثرة الضغط و انو الواحد يقعد تاني يحضر محاضرات و يمتحن و ينضغط الا انو الواحد متفائل بأنو يقدر ينجز و ربنا يطرح البركة في المجهود و الوقت 💚
ما حصل نزلتا نصائح بخصوص منح بشكل صريح لانو ما كنت داير انزل الا لما ربنا ينعم علي بتجاوز كل عقبات المنحة، و ان شاء الله الواحد اي معلومة عرفها و استفاد منها في التقديم ينقلها للناس البعدو بإذن الله 🙏🌹

كلمة Diabetes ما بتعني مرض السكري، بتعني مرض التبول الكتير............................زي ما قريت فوق، الDiabetes بتعني ا...
23/12/2025

كلمة Diabetes ما بتعني مرض السكري، بتعني مرض التبول الكتير............................
زي ما قريت فوق، الDiabetes بتعني انو المريض يعاني من الPolyuria و اللي هي التبول الكتير.
في سببين اساسيين للحاجة دي:
1- يكون المريض عندو نقص في الانسولين Insulin deficiency
و اذا نقص او اختفى الانسولين من الجسم، الجلكوز في الدم ما حيلقى البدخلو لداخل الخلايا و حيظل موجود ومتراكم في الدم يعني Hyperglycaemia السكر الكتير دا لمن يمشي مع الدم و يصل الكلى.
الكلى بتجي مهجومة و بتمسك المكرفون و بتقول:

تست تست
يا جحافل السكر الكتيرة، الليلة جيتو و بقيتو كتار كترة شديدة و انا ك كلى حكون واضحه معاكم، صاااح انو نحن في الكلى بنفلتر السكر لكن نحن عندنا نواقل بترجعكم للدم تاني ونعيد امتصاصكم لأنكم غالي علينا يا الجلكوز و ما بهون علينا تطلع في البول.
لكن اسي بقيتو كتااااااار اكتر من قدرتنا، فنحن بنرجع البنرجعو و الباقي للاسف حيطلع في البوووول.


وفعلا.....
الGlucose حيطلع في البول بكمية كبيرة و حيسحب معاهو الماء بالاسموزية...و لمن يطلع الماء بكمية كتيرة في البول دا حيسبب كثرة التبول، و خروج السكر في البول بنسميه glucosuria
و دا مرض السكري Diabetes mellitus
Diabetes كثرة التبول
Mellitus وجود سكر في هذا البول

2-الحالة التانية البحصل فيها polyuria لكن من غير وجود سكر جلكوز في الدم هي حالة نقصان هرمون الADH
دا منو؟ Anti-diuretic hormone يعني الهرمون اللي ضد التبول او بنقص التبول. .. طيب التبول دا ما حاجة كويسة وبتتخلص من السموم ليه يكون في هرمون طبيعي يوقفو؟
هرمون ADH بيتم افرازه لو حصل جفاف في الجسم او نقصت كمية الماء في الجسم لحد معين(مثلا لو زول ما بشرب موية كتيرة او صائم) بتجي اشارة لل Hypothalamus فبصنع الهرمون دا و برسلو للغدة اللي تحته وهي ال posterior pituitary gland و دي بدورها حتفرز ADH للدم و يجري الهرمون دا مع الدم و يمشي للكلية و يقول ليها عليك الله قللي فقدان الماء البطلع مع البول دا لانو اصلا الجسم ناقص مويه، فيطلع بول مركز concentrated urine
اذا حصل اي خلل في افراز الهرمون دا، واللي هو ضد التبول، حنفقد كمية كبيرة من البول polyuria=diabetes
بس عشان مافيهو سكر (لانو المشكلة هنا في هرمون ADH و ليس الانسولين) حنسميهو Inspidus يعني بول خالي سكر 🏃
Diabetes Inspidus


في كم حاجة بديتها وما كملتها؟كم كورس ؟كم صورة او اسكرين شوت قلت ح ارجع ليها وما رجعت؟في اعتقادي في الفترة الحالية و الجا...
07/10/2025

في كم حاجة بديتها وما كملتها؟
كم كورس ؟
كم صورة او اسكرين شوت قلت ح ارجع ليها وما رجعت؟
في اعتقادي في الفترة الحالية و الجاية عموما
حتكون اهم مهارة تميزك اثناء الدراسة و تميزك برضو في سوق العمل هي مهارة واحدة و اساسية وضرورية لباقي المهارات
هي المفتاح اللي لو ضيعتو ضيعت معاهو عدد كبير من حياتك و دنيتك و آخرتك

المفتاح والمهارة هي باختصار كيف تحافظ على تركيزك و ما تتشتت برغم انو كل ما حولك بساعد على التشتت

كيف بتساعد نفسك على زيادة الصفاء الذهني
كيف تقدر تركز ولو ساعة من الزمن في فعل شي واحد دون التشتت بأشياء اخرى

وروني بتعملوا الحاجة دي كيف ؟
كيف ساعدتوا نفسكم تصلوا المرحلة المعينة من الصفاء و التركيز ؟
التركيز في الصلاة
في المذاكرة
في اكتساب مهارة محددة

اي شاب او شابة شايل هم نفسه و اسرته بكون عليه ضغط انو يخلص الجامعة سريع ويشتغل سريع. ودا تفكير طبيعي.بس الواقع ماكدا. بت...
27/07/2025

اي شاب او شابة شايل هم نفسه و اسرته بكون عليه ضغط انو يخلص الجامعة سريع ويشتغل سريع.
ودا تفكير طبيعي.
بس الواقع ماكدا.
بتذكر لما اتخرجنا انتظرنا الامتياز سنة او سنتين على بال ما استلمت التسجيل الدائم.
طوال الفترة دي كنت مصر اني ما اشتغل الا اذا طلع لي التسجيل الدائم.
كذلك الماستر و اللي هو إذن بإنك تتحول من مساعد تدريس الى محاضر مع اختلاف في المرتب. مع انه طبعا لا الماستر هو كافي للمحاضر و لا الفرق في المرتب كبير زي الدكتوراة.
ف الماستر بدل ما ياخد مني سنة او سنتين كحد اقصى. اخد قرابة الاربع سنوات ...اول يوم سجلت فيه كان 2016 و استلمت الشهادة 2021.
دي ما حاجة كويسة. لكن اعمل شنو؟
ما بقول ليك صبرتا و كنت زول رهيب ووو، كنت متجرس جدا وداقي جرس و بحسبها باليوم.
لكن الخفف عني و بحس اني اتوفقت فيه، كنت بشوف شي اسوية في وقت الفراغ، و ما بحب أقعد ساي نهائي.
و هسي بقول لاخوانا و اخواتنا الصغار اللي ضاق بيهم الحال.
في كورسات في الحياة قبل ما تكون في كورسات اونلاين.
ودي ما بتجي الا بالتجربة والقومة من السرير. اشتغل شنو؟ اي شي حلال لا يؤثر على اخلاقك سلبا ولا على مبادئك.
جربت وما نجح...جرب تاني وتالت و رابع.
اشتغل و لا اتدرب ؟.. البتلقاه قدامك قشو قش نضيف.
ماف قروش كتيرة...اتقن ما تعمل حتى لو كان رمي طعمية ..ثم تفائل بفتوحات من الله من حيث لاتحتسب.
و كلو بمضي و بعدي ... المهم ما اكتسبناه اثناء سنين الانتظار.
القروش رزق
العلاقات رزق
اتقان العمل رزق
المعرفة و العلم رزق
الحرفة رزق
البركة في الوقت رزق
استغلال الوقت رزق
فانهل من رزق الله حيثما ذهبت. و التجربة و الفشل فيها افضل الف مرة من عدم المحاولة اطلاقا.

27/07/2025

تكسير الدواء اثناء الامتصاص

12/05/2025

في الحصة لما يقبضك الاستاذ بتتكلم لكن صاحبك لسه ما انتبه🤣🤣🤣🤣

08/05/2025

زملائنا الباحثين والأطباء في السودان،

اليوم سيكون اللقاء المباشر المجاني للتعريف بـ In-silico Drug Discovery Bootcamp.

في هذا اللقاء سنتناول:
* تفاصيل شاملة حول الـ Bootcamp ومحتواه العلمي والتطبيقي.
* المتطلبات الأساسية للانضمام (Prerequisites).
* جلسة Q&A مفتوحة للإجابة على جميع استفساراتكم.

🗓 الموعد: الخميس 8 مايو
🕗 الزمن: 8 مساءً بتوقيت الخرطوم

🔗 رابط اللقاء المباشر (Google Meet):
meet.google.com/uah-adah-qey

نرحب بأسئلتكم واستفساراتكم. لا تفوتوا هذه الفرصة الهامة.

تابعوا قنواتنا للمزيد:
Telegram:
WhatsApp Channel: https://chat.whatsapp.com/CA5JTTQrPkl4D7qHeHG69J
Facebook: https://www.facebook.com/biomedical.md.sudan

12 k 🤩
28/04/2025

12 k 🤩

Address

Riyadh
14514

Telephone

+249922200736

Website

Alerts

Be the first to know and let us send you an email when Tarig Omer Educational posts news and promotions. Your email address will not be used for any other purpose, and you can unsubscribe at any time.

Contact The School

Send a message to Tarig Omer Educational:

Shortcuts

Share

Category