نتعلم بــ بساطة

)) أخطر جملة تقولها لطفلك ((
هناك جملة قصيرة يقولها بعض الآباء , والأمهات دون قصد.
لكنها قد تبقى في عقل الطفل سنوات طويلة.
الجملة هي:
"أخوك أشطر منك"
أو
"زميلك فلان أشطر منك"
قد تبدو مقارنة بسيطة…
لكن بالنسبة لطفل يعاني من صعوبات تعلم .. هذه الجملة تشبه السكين.
لماذا؟
لأن هذا الطفل غالبًا:
بيحاول… وبيتعب…ويبذل جهد كبير
لكن النتائج لا تظهر بسرعة، أو لا يراها من حوله .
ثم يسمع المقارنة فيبدأ يصدق شيئًا خطيرًا:
“أنا أقل منهم.”
وهنا تبدأ المشكلة الحقيقية.
ليس في الدراسة… بل في الصورة التي يرى بها نفسه.
عاوز أقولك : إني بعد سنوات طويلة من العمل مع الأطفال ،اكتشفت أن أكبر مشكلة بتقابل طالب صعوبات التعلم :
مش القراءة ولا الكتابة و لا الإملاء ولا الحساب
لكن هي ((فقدان ثقته بنفسه))
كتير منهم لما بقترب منهم وأعمل معاهم حوار خارج نطاق الدراسه بيسألني سؤال :
" هو أنا ليه مش زي زملائي "
يمكن السؤال في ظاهره عادي أو بسيط لكن لو حللناه ، فهو يعني انه بيعقد مقارنه بين نفسه وبين الآخرين .
ودا يعني انه شايف نفسه أقل من الآخرين
طيب مين وصل له الإحساس ده ؟
وهنا المشكلة الكبيرة ..
لأن الطفل اللي بيفقد ثقته بنفسه بيتوقف عن المحاولة واستكمال طريقة ، لأنه تم إقناعه بطريقة غير مباشرة انه فاشل والآخرين أفضل منه .
و الطفل اللي بيشعر أن المعلمين وأسرته مؤمنين بيه ، وقابلينه زي ما هو، بيقاتل لحد ما ينجح.
وكمان شفت في رحلتي مع طلاب صعوبات التعلم أطفال كانوا بيكرهوا التعليم والمدرسة …ولما وجدوا معلم فهمهم وأهلهم فهموهم .. بدأوا يحبوا التعلم.
مش عشان عقلهم تغير… لكن عشان نظرة الناس لهم تغيرت.
وصيتي لكل أم وأب عندهم صفل صعوبات تعلم :
"طفلك ليس متخلف .. هو فقط مختلف "
احفظوا الجملة دي كويس ودايما رددوها .
طفل اليوم الذي يعاني في القراءة قد يكون قائد الغد.
لكن بشرط واحد فقط: ألا نحطم ثقته بنفسه اليوم.
وأخيرا سؤال:
حد بيقرأ البوست دلوقت وفاكر جمله سلبية سمعها وهو طفل لسه مأثرة فيه؟
أو جملة تشجيع لسه عايشه معاه ؟
اكتبها في التعليقات.
وخلينا نشوف مع بعض تأثير الكلمة فينا
#أحمدعبد الجليل

⑦علامات قد تخبرك أن طفلك ليس ضعيف دراسيا… ويمكن أن يكون من الأذكياء المبدعين

معظم الآباء والأمهات بيعتقدوا أن الطفل الذكي هو اللي:
يحفظ بسرعة
يكتب بدون أخطاء
ويحصل على أعلى الدرجات.

لكن بعد سنوات من التعامل مع طلاب صعوبات التعلم أقدر أقولك شيء يمكن يكون صادم للبعض:
(بعض الأطفال اللي بيظهروا ضعفاء في المدرسة، بيكون لديهم عقل استثنائي.)
لو كان طفلك بيعمل الحاجات اللي هقولك عليها دي فانتبهي له كويس:
1- يكره القراءة بصوت عالٍ
2- بينسى الإملاء بسرعة .. رغم أنه بيفهم الدرس كويس لما تشرحيه له.
3- بيسأل أسئلة كثيرة وغريبة تفوق عمره.
4- متفوق جدا في الألعاب والابتكار.
5- يتعلم بسرعة عندما يرى أو يجرب لكن يتعب مع الحفظ.
6- بيمل بسرعة من الواجبات المدرسية.
7- يسمع كثيرًا كلمة "ركز" رغم أنه بيحاول فعلًا.

العلامات دي مش دايما علامات كسل.
انما في كثير من الحالات بتكون علامات صعوبات تعلم.
و المفاجأة اللي عاوز أقولها لك ان "صعوبات التعلم لا تعني قلة الذكاء"
بل العكس... أحيانًا طلاب صعوبات التعلم فيه منهم أذكياء جدا بل فيه منهم عباقرة( زي توماس اديسون – مخترع المصباح الكهربي)
مشكلة الأطفال دول ان دماغهم بيعمل بطريقة مختلفة.

 والحل ؟
طفل صعوبات التعلم بيحتاج طريقة تعليم مختلفة ، تناسب طريقة عمل دماغه.
لأنه بيتلقى المعلومة بطريقة مختلفه وبيخرجها بطريقة مختلفة .. وبيكون محتاج حد يصبر عليه ويفهمه.

ولما يفهم الأهل والمعلمين ده بيتحول الطفل فجأة من:
طالب ضعيف
إلى
طفل مبدع.
عشان كده دايما أقول للأهل: قبل أن تقول لابنك “أنت مهمل” " انت كسول" "انت فاشل"
اسأل نفسك سؤالًا مهم:
هل المشكلة في الطفل؟ أم في طريقة تعليمه؟ أم في المعلم ؟

الآن سؤال مهم جدًا لحضراتكم :
كم مرة سمعت عن طفل قيل عنه “ضعيف دراسيًا”
ثم أصبح ناجحًا جدًا في حياته؟
اكتب في التعليقات
هل قابلت شخص بنفس المواصفات ؟
#أحمدعبد الجليل

زعقي في طفلك كل شوية..
وهتلاقي النتيجة حاجه من اثنين:
إما طفل هش ضعيف الشخصية
أو طفل عنيد جدا هيقلدك ويطلع كل الضغط اللي جواه في اخواته واللي حواليه.