10/10/2026
ချစ်ခင်ရသူတွေကို ဆုံးရှုံးရခြင်းဆိုတာ တကယ့်ကို ထူးဆန်းပြီး ရင်နာစရာ ကင်းကွာခြင်းတစ်ခုပါပဲ!
သဖ်စီရ်ကျမ်းမြတ်ကုရ်အာန်ဖွင့်ဆိုချက်တွေထဲက
တွေထဲက ကျွန်တော် သဘောကျဆုံး၊ နှလုံးသားကို ထိရှဆုံး အချက်တစ်ချက်ကတော့—
တမန်တော် ဆိုလိုင်မာန် (အလိုင်ဟိစ္စလာမ်) က ဟုဒ်ဟုဒ် ငှက်နဲ့ပတ်သက်ပြီး မိန့်ဆိုခဲ့တဲ့ အမိန့်တော်နဲ့ပတ်သက်လို့ အီမာမ် အလ်-ကိုရှိုင်ရီ ရဲ့ မိန့်ဆိုချက်ပါပဲ။
တမန်တော် ဆိုလိုင်မာန်က {ငါ တကယ်ပဲ သူ့ကို ပြင်းပြင်းထန်ထန် အပြစ်ပေးမယ်} လို့ မိန့်ဆိုခဲ့တာလေ။
အီမာမ်ကြီးက ရှင်းပြတယ်— အဲဒီလို ပြင်းထန်တဲ့ အပြစ်ပေးခြင်းဆိုတာ ချစ်ခင်မြတ်နိုးရသူတစ်ဦးနဲ့ တစ်ဦးကြားမှာ ခွဲထုတ်ကွာဝေးစေခြင်း ထက် ပိုဆိုးတာ ဘာမှမရှိဘူးတဲ့။
ဒါကြောင့် ချစ်သူနဲ့ ကင်းကွာကွဲကွာနေရခြင်းဟာ လူတစ်ယောက်ကို ဘယ်လောက်အထိ စိတ်ဆင်းရဲစေသလဲဆိုရင်…
အပ်ငယ်ပေါက်ကြားလေးကနေ လေကို ရှူသွင်းနေရသလိုမျိုး ရင်ကျပ်ပြီး အသက်ရှူရ ခက်ခဲပင်ပန်းသွားစေပါတယ်!
အို မိတ်ဆွေ…
အာရပ်လူမျိုးတွေ ပြောလေ့ရှိတဲ့ အလှပဆုံး စကားပုံတွေထဲမှာ ဒါလည်း တစ်ခု အပါအဝင်ပေါ့ — "ချစ်ခင်ရသူတွေကို ဆုံးရှုံးရတယ်ဆိုတာ ကမ္ဘာပေါ်မှာ အထီးကျန်ဆန်ပြီး ရင်နာစရာ အကောင်းဆုံးပါပဲ"။
မိခင်မွန် ခတီဂျာ ဆုံးပါးသွားပြီးနောက်ပိုင်းမှာ တမန်တော်မြတ် (ဆွလ္လလ္လာဟ်ဟူ အလိုင်ဟီ ဝစလ္လမ်) ရဲ့ မီအ်ရာဂျ် ခရီးစဉ် (ကောင်းကင်ခရီးကြွမြန်းခြင်း) ကို တစ်ချက် လှမ်းပြီး မြင်ယောင်ကြည့်လိုက်စမ်းပါ။
ကမ္ဘာမြေပြင်ကြီး တစ်ခုလုံးက (ကိုယ်တော့်အတွက်တော့) ဝမ်းနည်းပူဆွေးမှုကိုတောင်မှ အကြွင်းမဲ့ နှစ်သိမ့်ပေးနိုင်စွမ်း မရှိလောက်အောင် သေးငယ်လွန်းနေပြီဆိုတာ အလ္လာဟ်အရှင်မြတ် အသိဆုံးပါပဲ။
(အကြင်နာရှင်) ချစ်မြတ်နိုးရသူကို ဆုံးရှုံးလိုက်ရချိန်ပေါ့။
ဒါကြောင့် အရှင်မြတ်ဟာ ကိုယ်တော့်ကို ကောင်းကင်ဘုံဆီ ခေါ်ဆောင်သွားပြီး ကိုယ်တိုင်
ကိုယ်ကျ နှစ်သိမ့်ပေးတော်မူခဲ့ပါတယ်!
နောက်ပိုင်းမှာ တမန်တော်မြတ်صلى الله عليه وسلم ဟာ ကြင်ယာတော်များနဲ့ လက်ဆက်ခဲ့တယ်ဆိုပေမဲ့၊ အသက်ထက်ဆုံး ကုန်ဆုံးသွားတဲ့အထိ တောက်လျှောက် ဒီလိုပဲ မိန့်ဆိုနေခဲ့ပါတယ်—
"အလ္လာဟ်အရှင်မြတ်ကို တိုင်တည်ပါတယ်။ ခဒီဂျာထက် သာလွန်ကောင်းမွန်တဲ့သူနဲ့ အလ္လာဟ်က ကျွန်တော့်ကို ဘယ်တော့မှ အစားထိုးမပေးခဲ့ပါဘူး"။
ဒါကြောင့် တစ်ယောက်ရဲ့နေရာကို တစ်ပါးသူတွေထဲမှာ သွားပြီး လိုက်မရှာနေပါနဲ့တော့… ဘာဖြစ်လို့လဲဆိုတော့ ဘယ်သူကမှ ဘယ်သူ့ရဲ့ နေရာကိုမှ အစားထိုး ဝင်ရောက်မဖြည့်ဆည်းပေးနိုင်ကြပါဘူးလေ!
د أدهم الشرقاوي
၏ رسائل من التابعين ကျမ်းပါ ရေးသားချက်များကို
မုဟမ္မဒ် အာစွင်းမ် နဒ်ဝီ ဆီလျော်စွာပြန်ဆိုသည်။
✍️NA
