Teachers 'needs

Some tips about how to maximise students’talk and minimise teachers talking

Methods to Cut Teacher Talking Time Mohamed Rezk

إليكم طريقة إنشاء أوراق عمل تفاعلية لا تأخذ وقت في عملها و تناسب أساليب التعلم عن بعد والتعلم الإلكترونيhttps://youtu.be/dOP6qPs65eA

كيف أحول ورقة العمل أو مذكرتي إلى ورقة تفاعلية باستخدام موقع live worksheets استطيع عمل اوراق عمل ززززوتحويل ملف pdf الى اوراق تفاعلية تجذب الطلاب للحل رابط الموقع :https://www.liveworksheets.com/ عينة :h...

مقدمة عن كيف تنشأ ورق عمل وتدريبات تفاعلية رائعة يحبها طلابك اثناء التدريس online

live worksheeets مقدمة عن مقدمة عن طريقة انشاء ورق عمل تفاعلى على موقع liveworksheets

ألف باء e-Learning !
فجأة وبدون أى مقدمات بقى مطلوب من استاذ حبيب مدرس العربي فى المدرسة انه يكمل المنهج للأولاد وهم قاعدين فى بيوتهم اونلاين..
طيب ايه معلومات مستر حبيب عن ال e-Learning ؟
مستر حبيب حضر دورة فى المدرسة مدتها أربع ساعات اداها له مشرف قسم ال English فى المدرسة ما طبقش منها حاجات غير انه حس ان الموضوع مكلكع جدا ومش هيعرف يعمله !
طيب علشان مستر حبيب واللى زيه خلينا نحاول نبسط الموضوع ونتكلم ييساطة ايه موضوع ال e-learning ده وازاى نشتغله واحنا فاهمين من غير الدخول فى تفاصيل معقدة..
الاول: يعنى ايه أصلا e-Learning ؟
ال e-learning أو عملية التعلم الإلكترونى هى عملية تعلم شبه اللى بيحصل بالضبط داخل الفصل يعنى عملية لها أهداف ومخرجات تعلم ولها منهجية تعلم لكن الفرق انها بتحصل باستخدام وسائل الكترونية من غير ما يتواجد المعلم والمتعلم فى نفس المكان
طيب هل فيه أنواع لل e-Learning ولا هو حاجة واحدة؟
ممكن نقول انه فيه نوعين من ال e-Learning
الأول هو التعلم الإلكتروني المتزامن Synchronous e-Learning
والثاني هو التعلم الإلكتروني غير المتزامن Asynchronous e-Learning
فى النوع الأول (المتزامن) بيكون المعلم موجود مع المتعلمين في نفس الوقت في بث مباشر بيقدر يناقشهم ويرد على أسئلتهم فى نفس الوقت
فى النوع الثانى (غير المتزامن) بيكون المعلم مجهز محتوى علمى مصور أو مكتوب وبيبعته للمتعلمين علشان يتفرجوا عليه أو يذاكروه من غير ما المعلم نفسه يكون متواجد فى نفس اللحظة
طيب ازاى أستخدم النوع الأول (التعلم الإلكتونى المتزامن) لشرح المنهج بتاعى؟
المطلوب ببساطة هو انك تحضر الدرس كأنك هتشرحه داخل الفصل بس بدل ما تلبس وتروح المدرسة بتفتح اللاب توب بتاعك وتفتح برنامج مخصص للغرض ده (زى برنامج زووم zoom مثلا) وتتأكد انه كاميرا اللاب توب شغاله والصوت واضح وتبدأ الدرس
طيب هو برنامج زووم zoom ده عبارة عن ايه؟
برنامج زووم zoom أو أى برنامج تانى مخصص للغرض ده هو تطبيق عامل مثل الواتس اب كده بس بدل ما يبعت رسائل هو بيعمل بث فيديو مباشر ليك علشان الطلبة بتوعك يقدروا يشوفوك كأنك فى الفصل قدامهم وتقدر من خلال البرنامج انك تفتح مناقشات مع الطلبة وهم يردوا باستخدام المايك بتاعهم وهم يقدروا يكتبوا أسئلة على الشات وانت تجاوب عليها

طيب ازاى بقى أستخدم النوع الثانى (التعلم الإلكترونى غير المتزامن) مع الطلبة بتوعى؟
استخدام النوع ده عامل زى عملية تجهيز كوباية الشاى .. علشان تشرب شاى انت محتاج حاجتين .. الكوباية نفسها اللى هتصب فيها الشاى ومكونات الشاى (مياه سخنة .. شاى .. سكر) .. نفس الكلام فى النوع ده من التعلم .. انت محتاج وعاء اللى هو شبه الكوباية فى المثال بتاعنا الوعاء ده بنسميه ال Learning Management System أو اختصارا ال LMS .. ومحتاج المحتوى اللى هتحطه جوه الوعاء ده وده ممكن يكون فيديوهات انت مسجلها بالموبايل أو ملفات pdf أو word هتطلب من الطلبة يتفرجوا عليها أو يقروها أو يطبعوها ويحلوها
وجود الوعاء LMS بيسمح للمعلم انه يتابع الطبلة بتوعه مين دخل حمل الملفات أو اتفرج على الفيديوهات ومين لأ .. بيسمح كمان بعمل امتحانات على السيستم نفسه يدخل الطالب بال user بتاعه يحلها ده غير انه بيكون فيه مساحات للنقاش discussion forums ممكن المعلم يفتح موضوع للمناقشة والطلبة يدخلوا يكتبوا ردودهم وكمان ممكن المعلم يطلب مشروع من الطلبة بتوعه وهم يدخلوا يرفعوه فى مكان معين على السيستم
واحد من أشهر أمثلة ال LMS المستخدمة فى التعليم هو Google Classroom أو edmodo واللى بيدى كثير من المميزات اللى قلناها دى
فيه شكل ثانى من التعليم غير المتزامن وده بيستخدم أكثر فى التعليم الجامعى من خلال مواقع زى Coursera و LinkedIn Learning واللى بيكون فيها كورسات كاملة عبارة عن سلسلة من الفيديوهات وسطها امتحانات قصيرة وواجبات بيعملها المتعلم Assignments وامتحان نهائى أو مشروع .. حاليا فى وطننا العربى فيه مواقع عربية زى إدراك والمنتور وليرنخانه بتقدم النوع ده من التعلم ..
دى كده كانت بعض المفاهيم الأساسية عن ال e-Learning وأنواعه حاولت انها تكون بشكل بسيط قدر الإمكان علشان الكل يستفيد
منقول عن أحمد محمد غطية بتصرف : محمد رزق

Join our new, free course TAKE YOUR TEACHING ONLINE!

https://www.nile-elt.com/courses/course/790/

We hope to show you that by using and adapting your current skills, you will be able to provide not only a continuation of the curriculum, but also the communication and structure that your students will need in these challenging times.

Continuous enrolment start and work in your own time!

اللهم إنك عفو تحب العفو فاعف عني

20 Collaborative Learning Tips And Strategies For Teachers 20 Collaborative Learning Tips And Strategies For Teachers